هفجرهم كلهم السلام عليكم ورحمة الله وبركاته
في الفيلم الاسباني العظيم wild tales ..
راجل وست في الطيارة مايعرفوش بعض بيتكلموا
-انتي بتشتغلي ايه
-عارضة أزياء .. وانت
-أنا ناقد موسيقي كلاسيكي
-معقولة .. أنا حبيبي السابق كان بيدرس نفس نوع الموسيقى ده
-واسمه ايه؟
-لأ هو مش معروف
-طب قوليلي اسمه
-جابريال باسترناك
-مش ممكن ده أنا عارفه .. كنت في لجنة التحكيم الخاصة بيه وطردته بسبب مستواه وتصرفاته .. لأنه كان أسوأ شخص شوفناه
*بتقوم ست خمسينية بشكل مفاجئ وتقاطعهم*
-مش معقولة الصدفة دي الشخص اللى بتتكلموا عنه ده كان طالب عندى وكنت دايما بعاقبه لأن تصرفاته كانت غريبة جدا
*بيقوم شاب عشريني ويقاطعهم*
-مش ممكن .. جابريال باسترناك كان زميلي في الدراسة وكنا دايما بنضايقه ونضحك عليه
*بيقوم راجل خمسيني*
-إيه الصدفة دي .. جابريال باسترناك كان شغال في الفندق اللى انا بديره .. وطردته منه لأنه كان سئ جدا
*بيقوم الناقد الموسيقي بعد ما استغرب من الصدف دي كلها وبيقول بصوت عالي*
-مش ممكن الصدف دي .. في حد غيرنا على الرحلة يعرف جابريال باسترناك؟
*فجأة كل اللى على الطيارة بيرفعوا إيدهم بإنهم يعرفوه*
-الناقد بيسأل الناس: انتوا اشتريتوا تذاكر الرحلة بنفسكوا؟
*بيرد كل واحد إن تذكرته مش هو اللى جابها وإنها جاتلهم عن طريق إما شغلهم أو ناس معرفة أو من ناس وهمية وطرق تانية مختلفة*
-طبيب نفساني: جابريال كان بيتعالج عندي ولما زودت فلوس الجلسة اتضايق ومابقاش بيجيلي
-حبيبته: أنا خنته مع صاحبه
-شاب: أنا صاحبه اللى خنته مع حبيبته
*بتدخل مضيفة الطيارة منهارة وبتقولهم*
-جابريال باسترناك هو قائد الطيارة وهو اللى جمع كل اللى أذوه في حياته علشان ينتقم منهم*
*جابريال باسترناك بيوقع بالطيارة وبيفجرها بكل الناس اللى فيها*
:D :D
يوما ما هعمل زي جابريال باسترناك وهجمع كل المعفنين اللي في حياتي في مكان واحد وهفجرهم كلهم ..
|