[لامارا]

الحلقة الثانية عشر
{ترويض الشرس}.....
لن اندم على الفراق


امسك جاسر بيدها :فرح انا غلطان حقك عليا اعملى فيا اى حاجة بس بلاش كلمة الطلاق
فرح بصرامة"وانا مش عاوزة منك غير الطلاق طلقنى ياجاسر ابعد عنى
جاسر:مش هقدر اطلبى منى اى حاجة بس بلاش الكلمة دى ابوس ايدك
فرح :خلاص ياجاسر كل حاجة راحت وانتهت
تركته وخرجت الى غرفة اخرى ظل خلفها اغلقت الباب وظل هويحاول مرارا ان تتفاهم معه ولكن دون جدوى تركها عسى ان تتراجع عن فكرة الطلاق
ظلت فى غرفتها تبكى وتندم على حبها له الذى اهدره بشكه وعصبيته
كانت تجلس معهم على المائدة شاردة ساكنة وجاسر ينظر اليها بين الحين و الاخر وهى لاترفع عينها اليه ابدا كان اكلها ضعيف لايكفى لسد الجوع مرت عدة ايام وهى على نفس الوضع تذهب لعملها وتعود تجلس على البحر لاتتكلم الا قليلا كان يلاحظها ريم ورامى ويشعرون بالحزن عليها وهم لا يعلمون سبب الحزن
فى يوم ظلت ساهرة ليلها لم تستطيع النوم نظرت من شرفتها الى البحر لم تجد احد ارتدت ملابسها ونزلت اليه كان الفجر يطل بنوره على الدنيا وقفت امامه تراه غاضبا امواجه تتلاطم بعضها بشدة كانها تشعر بغضب قلبها
اتمدت قدمها الى البحر كانت تستمر فى المشى داخل البحر لاتشعر بشئ كان عقلها وقلبها غاضبا من حبيبها الذى لم يثق فيها بعد كل الحب الذى تكنه له فى قلبها
خرج رامى الى الشرفة كعادته ينزل البحر صباحا نظر من شرفته راى فرح فى البحر وفجاة سقطت فى الماء وكانت تحاول ان تخرج ولكن قوة الماء كانت تجذبها للداخل وهى لاتعرف العوم جرى سريعا على جاسر الذى ايضا لم يذق طعم النوم افاق على دقات الباب السريعة
جاسر:ايه يارامى فى ايه
رامى :الحق فرح بتغرق
جرى سريعا الى البحر والقا بجسده فى الماء حتى وصل اليها وبدات الناس تتجمع وهم يروا جاسر يصارع حتى وصل لفرح
وصل اليها اخيرا حملها وخرج بها من الماء وريم تبكى بشدة
وضعها على الرمال وظل يضغط على قلبها حتى تفيق
جاسر:فرح فرح قومى فرح قومى حبيبتى فوقى
ظل يضغط ويضغط حتى سعلت بشدة رفع راسها
فرح حبيبتى
نظرت اليه والى الناس المتجمعة حولهم حملها الى الداخل ثم الى غرفتها وضعها على السرير وصرخ بريم
ريم هاتى هدوم لفرح
حاول ان يبدل ملابسها امسكت يده:لا شكرا انا ..... هعرف اغير لوحدى
جاسر:مينفعش مش هتقدرى
فرح بضعف:لا هقدرسيبنى لوحدى
دخلت ريم فخرج جاسر بغضب حتى انه اصطدم بها ولم ينظر اليها
ريم:ايه يافرح كويسة دلوقتى
فرح:الحمد لله ياريم
ريم:طيب قومى بقى عشان تغيرى
ظل تحت الماء يفكر ويفكر كيف تعود اليه مرة اخرى كيف يكفر عن ذنبه
اما عند فرح فكانت ريم تتحدث معها:فرح هو انا ممكن اسالك سوال
فرح:قولى ياريم
ريم:هو انتى وجاسر زعلانين مع بعض
تنهدت فرح وارجعت راسها للخلف:فى حاجات صعب اوى تتقال ياريم صعب اوى لما تحسى انك ديما متهمة ومهما تدافعى عن نفسك محدش يصدقك ساعتها الدنيا هتقفل فى وشك هتكرهى كل حاجة حلوة حستيها
ريم:عشان كده رميتى نفسك فى الميه انتى اصلا مش بتعرفى تعومى
فرح:لالا ياريم انا مش كافرة عشان اعمل كده كل الحكاية انى دوخت ووقعت فى المية حاولت اطلع معرفتش
ريم:المهم حمد لله على سلامتك
دق جاسر الباب فتحت ريم نظر الى فرح:انتى كويسة
فرح:الحمد لله
جاسر :محتاجة دكتور ولا حاجة
فرح:لا شكرا
تركها بنفاذ صبر وغادر
ظلت ليلها تفكر فى كل ماحدث امن الممكن ان تتركه وهو كل شئ لها نعم مازالت تحبه برغم كل شئ بل تعشقه ولكن لابد له ان يعرف قيمتها
اصبح الصباح ارتدت ملابسها واكملت زينتها نظرت الى نفسها فى المرآة بثقة خرجت اليهم بمرح :صباح الخير
الجميع:صباح النور
جاسر:على فين
فرح:عندى مشوار خير فى حاجة
جاسر:مشوار ايه
فرح:مشوار يخصنى سلام وتركتهم وغادرت وريم ورامى ينظران الى بعضهم والى جاسر الذى ترك الطعام وذهب لغرفته يفكر ويفكر اين ذهبت ظل هكذا حتى خرج هو الاخر لايعلم الى اين ولكنه توقف عندما سمع صوت شريف خلفه
جاسر التف اليه :شريف انت جيت امتى
شريف:لسه حالا وعرفت انكم هنا جيت
جاسر:اه هلا وسهلا اتفضل
شريف:اص انا كنت جاى مع اصحابى بس حصلت عندهم مشكلة ومحدش جه
جاسر:اه وقاعد فين
شريف يشير الى حقيبته:يعنى لسه هشوف اوضة كده اليومين دول
دخل رامى وريم وجدوا شريف مع جاسر سلموا عليه وبعد مدة عادت فرح نظر اليها جاسر بغضب وجدت شريف القت عليه السلام وجلست معهم
صعدت تبدل ملابسها صعد جاسر خلفها فتح باب غرفتها فجاة وجدها تبدل ملابسها صرخت به:ايه ده جاى هنا ليه
تجاهل حديثها ووقف امامها:كنتى فين
فرح بعند:بتسال ليه
جاسر:يعنى ايه بسال ليه انتى ناسيةانك مراتى ولازم اعرف روحتى فين وجيتى منين
فرح:توتو ملكش عندى حقوق كان زمان وخلص احنا خلاص هنتطلق يبقى كل واحد حر فى نفسه
جاسر بغضب شديد:طول ماانتى على ذمتى يبقى لازم اعرف كل حاجة
فرح :خلاص يبقى نتطلق ودلوقتى وساعتها كل واحد حرفى حياته
جاسر:ده بعينك مش هطلقك هسيبك كده اهو متعلقة
فرح:ههههه ليه نسيت فى حاجة اسمها خلع مجرد مانرجع مصر يانتطلق بالذوق يااما الخلع
جاسر بغيظ:برضه مش هطلقك هعمل اى حاجة ومش هخليكى تتطلقى برضه
فرح:براحتك عن اذنك عايزة اغير هدومى
جاسر:وايه المشكلة ماانتى مراتى
فرح بصرامة:لالالا مش مراتك انسى بقى وابعد عنى
خرج جاسر بعصبية شديدة وتركهم وغادر وهم ينظرون لبعضهم
اليوم التالى كان ريم ورامى فى البحر وفرح جالسة امامهم حضر شريف وجلس بجوارها:صباح الخير
فرح:صباح النور نمت كويس
شريف:كويس اوى اومال جاسر فين
فرح:فى الشغل زمانه جاى
ظلوا يتحدثون مدة وجاء جاسر وجدهم يضحكون جميعا وفرح مستمتعة بالحديث مع شريف مما اثار غيرته بشكل كبير ولكنه حاول السيطرة على نفسه اكثر
جاسر:السلام عليكم ورحمة الله وبركاته
الجميع:وعليكم السلام ورحمة الله
شريف:ايه ياجاسر اتاخرت ليه
جاسر:شغل بقى اعمل لازم اخلص القرية واسلمها اليومين الجايين
قامت فرح سريعا:اناهعمل كابتشينو اعمل لحد معايا
شريف:اه ممكن يافرح
فرح:سكرك ايه
شريف:زى ماتحبى
ضحكت فرح:اوكيه ماشى
كل هذا وجاسر يشتعل بنار الغيرة ولكنه لن يتدخل
احضرت الكابتشينو وجلست معهم كان شريف مستمع بالحديث معها واعتقد انه يوجد امل ان تشعر به وخصوصا عندما تاكد انها وجاسر كل منهم فى غرفة منفصلة تاكد له الان حديث ندا انها مجرد زواج على ورق


تابعونا فى الحلقتين 13 و14 غدا الساعه 5 مساءا ان شاءالله
رأيكم لايك وكومنت وماتتعودوش على كده 4 حقات في يوم واحد دى حاجه كده مش دايمه