[لامارا]

\\


البـــــــــــــــــــ(31)ـ ــــــــــــــــارت



برودة اطرافي تشعرني بالامان!!




يوم جديد حل على الكل بالهدوء

منهم من اصبح طريح الفراش مع مرافق هزيل حزين
ومنهم من لم يكف عن فعل الشقاوه التي تتصف بالنزاهه



لبست نقابها وارسلت قبلتها لخالتها
طلعت بسرعه وهي تشوف لمى اللي متمدده بكسل في المرتبه الخلفيه
ركبت قدام وقفلت الباب بهدوء
: حسام
ناظر لها وابعد نظره بسرعه لطريق: همممم
عذاري: وش رايك تجي اليوم تستأذن لنا انا ولمى
حسام: من عيوني
صرخت بفرحه: حبيبي والله
ما عطاها أي رد غير ملامحه اللي تجمدت

وصلوا للمدرسه التفتت على لمى: لمووووي يلا وصلنا
فتحت عيونها: ياربي متى اخلص من هالبلا وافتك
حسام: استغفري ربك
لمى: افف استغفر الله
عذاري: اذا وصلتي للصف نامي لان حسووم بيجي يستأذن لنا
لمى: حلفي
عذاري: والله
نطت لمى وهي تبوس راس حسام اللي يتقهقه عليهم: انزلوووا يلا اخرتوني ترا
نزلوا بسرعه تاركينه وراهم يفكر بالايام اللي مرت وحطته بهالموقف كمل طريقه بهدوء لعل هاليوم ينتهي بسلام



دخلت على الفصل شافت هنادي قدامها ركضت لها وحضنتها
هنادي: اشتقت لك يامال العافيه تعالي احكيلي عن ملكتكم امس
عذاري: خليني اخذ نفس على الاقل
هنادي: هههههه خذي هوا الدنيا كله وهيئ نفسك للجلسه لين اجيب عصير واجي
ضحكت عذاري على فصلات هنادي وتحمد ربها على هالصديقه






تلمست ذقنه المرتب : بابا
فتح عيونه وهو يسحبها لحضنه: عيون بابا
ريتاج: تقول لك ماما .. قصدها ام طلال.. يلا قوم دوام
فكها وجلس يتمغط بكسل : الفطور جاهز
حركت راسها بنعم
باس راسها وضربها بخفه على ظهرها لما ركضت من عنده
اخذ طلال جواله لعل وعسى حن قلبها واتصلت جلس يتذكر هذاك اليوم اللي دخلت عليه المجلس وهي مستحيه
ابتسم بفرح حط يده على وجهه يمنع نفسه من الابتسامه اللي وضح فيها بالبلاهه: من يشوفني يقول اجنيت اخخخ ياعبير وش سويتي في قلبي الله يجيبك لي عن قريب
قام للحمام.. اكرمكم الله.. وتفكيره بالموضوع اللي بيكلم فيه عمه يحيى






فتح عيونه شاف يوسف قدامه رفع يده لراسه : انا وين
يوسف: انت بالمستشفى وش تحس فيه
نايف وهو يحاول يقوم بمساعده من يوسف: وش صار لي
يوسف : قلت لي معاك صداع وبعدها نمت وانا طلعت اجيب اكل ولما رجعت شفت الناس متجمعه عند الاصنصير وانت طايح عنده وكان فيه ..
نايف: فيه ايش كمل
يوسف : كان فيه ثلاث بنات من ضمنهم وحده تنادي باسمك وتبكي
عقد جبينه: بنات
يوسف: ايه اسعفتك للمستشفى وهم كانوا معايا بعدها اختفوا
نايف: الا الا لما طحت سمعت اسمي
قطعت عليهم دقت الباب
يوسف: نعم ادخل
انفتح الباب وطلت منه بنت متحجبه..يعني بس مغطيه شعرها وجهها برا.. قالت بحيا: السلام عليكم
نايف ويوسف ازاحوا نظرهم: وعليكم السلام
اشر يوسف لنايف بعينه على البنت لكن نايف مافهم
تقربت منهم ونزلت الصينيه اللي بيدها والورد على الطاوله الموجوده بمنتصف الغرفه قالت بتلعثم: كيف يانايف
فتح نايف على وسعها لما نطقت اسمه: الحمدلله المعذره منك بس مين انتي
شبكت يديها ببعضها وقالت بحيا: انا بشاير بنت نسرين
عقد جبينه يحاول يتذكر وبعدها قال من غير مايرفع عينه: اها هلا والله المعذره منك ماعرفت كيفك وكيف الخاله نسرين
حز في نفسها انه ما ناظر لها : الحمدلله كويسين .. كانت نطقها للكلمه مثل اللبنانيين
ابتسم نايف من نطقها للكلمه : الحمدلله
بلعت ريقها بشاير وقلبها دق من ابتسامته ابتسمت معاه : هذي شربه عملتها ماما لك خصوصي
نايف: الله يجزاها الجنه مشكورين ماقصرتوا
بشاير: ولو حنا جيران
نايف بابتسامه: ماهقيت انكم باقي ساكنين في نفس العماره
بشاير وهي تناظر لملامحه ولا جاوبت ... تغير كثير صار احلا واوسم من قبل جسمه وعضلاته وفكه البارز شعره الناعم .. قطع تفكيرها كلمته لها
نايف: مشكوره يا اختي ماقصرتي قلي يوسف عن كل شي معليش بس تذكريني باسمك لاني مشوش الان
ناظرت له حست بغصه الشخص اللي احبه ناسي اسمي حتى الشخص اللي افكر فيه بشكل يومي ناسي من اكون انا يعني لهالدرجه ماني مهمه في حياته: اسمي بشاير انا استأذن
طلعت بسرعه من غير ماتقول شيء
استغربوا من طلوعها المفاجئ بس ما اهتموا







الحصه الرابعه

عذاري : ههههههه الله لا يوريك وش سوا فينا خالي يحيى سهرنا الليل كله انا وسهاد
هنادي: ههههههههههه تستاهلون اجل هو جايب هديه لزوجته تقومون تاخذونها
عذاري: البلا كله من عقل سهاد المقفل
هنادي: مو قلتي ان اخوك بيستأذن لك
عذاري وهي تبوز: شكله سحب علينا
هنادي: هههههههههههه احسن


بعد ساعتين انتهى الدوام على خير

دورت ورا لمى مالقتها ولما سألت صديقاتها قالوا بانها طلعت من بدري
عذاري بشهقه: نذله والله طلعت ولا قالت لي
هنادي: يلا تعالي معي اوصلك
عذاري بوناسه: يلا









لبست جلالها ونادت على امها: يمه تبين شي ترا انا طالعه
حنان: لا بس قولي لعمتك هدى لا تسوي جريش لاني سويته
حركت راسها بالموافقه وطلعت وهي مستأمنه ان ماحد حولها لان اكيد الكل بدوامه فتحت باب الفيلا حقت عمتها: بنااااااات
نزلت هديل تركض : هلا بالطش والرش والبيض المفقش
هدى: هههههههههه هلا فيك وراك ماداومتي اليوم
هديل: عندي اوف
هدى: الا وينهم الباقي
هديل : امي بالمطبخ وساره تكلم الحب هههههه اخ فاتك شكلها تقولين احد اكل اكلها
هدى: ههههههههههههههه قطع في هالوجه
جلست هديل وشغلت التلفزيون : تعالي شوفي المقابله معي
جلست : مقابلة ايش
هديل وهي تقلب بالمحطات: اخو ندى
ايه في هذي المحطه بس شكله باقي مابدا
هدى: ايه كاني سمعت شهد امس تقول
دام الصمت لدقايق وبعدها سألت
هدى: ساره تاخرت
هديل: هههههه اكيد هذا الحب
هدى: ههههههههه قطع عليهم رنة جوال هدى .. تأفافأت وحطته صامت
هديل وهي تناظر بملامح هدى اللي تغيرت: تراك بتعيشين معاه العمر كله
هدى:........
هديل لما ماشافت رد استرسلت بالكلام: ماتقدرين تغيرين الواقع انتي الان على ذمته واللي سمعته من خالي انه طيب وخلوق وفوق ذا كله يحبك ياهدى
ناظرت هدى لهديل وهي تفكر بكلامها
هديل: بدأ البرنامج
هدى: يعني مو مباشر
هديل: لا مسجل
انفتح الباب ودخلت عذاري بعد ماودعت هنادي: السلام عليكم رمت شنطتها على هديل وجلست وهي تتنهد براحه
هديل: وجع اللي يوجع العدو
عذاري: ههههههههههه اشوا الدعوه ماهي لي الا تعالي وين لمى رجعت ولا باقي
هديل: الا رجعت وشكلها زعلانه
عقدت جبينها عذاري ووقفت: اجل انا باطلع اخذ لي شور وارتاح شوي ..شافتهم منسجمين في التلفزيون التفتت له وش تتابعون انتم
هديل بحماس: مقابله لاخو ندى
ناظرت لوهله بملامحه وهيبته حست ملامحه ماهي غريبه
: مايشبها ابد
هديل وهي تغمز عينها لعذاري: عجبك
رمت عذاري الخداديه عليها اللي ضربت بوجهها واخذت شنتطتها وانحاشت وضحك هدى واصل لمسامعها واسم الضيف اللي ردده المذيع اكثر من مره ... الاستاذ نـــــايف...
هذا هو اللي كانت تتهاوش معه ندى على الجوال
شردت بفكرها لذيك اللحظه .. يوم ملكة هدى .. غمضت عيونها: ياليت مارديت على جوال شهد
فتحت باب الغرفه شافت لمى مكومه على نفسها تقربت منها وتمددت معاها بنفس السرير






امريكا....

طلعت من المستشفى وهي بصدمه
قابلتها انوار : بشااااير
التفت لانوار وركضت لحضنها وبكت حزنها
تخرعت انوار من بكا بشاير الغريب اللي جاهله لسببه
ناظرت في الناس اللي يطالعون لبشاير مسكتها من كتفها وطلعت معاها لحديقه المستشفى
جلست على واحد من الكراسي ناولتها بمنديل
اخذت منها المنديل وهي تشهق من البكي مسحت فيه وجهها وخشمها
انوار بتردد: بشاير وش فيه نايف وش قلك
غمضت عينها من لما سمعت اسمه وقالت بابتسامه استهزاء على حالها: تصدقين ناسي اسمي او بالاحرا ماهو متذكر من اكون بالاساس
انوار: قلعه تقلعه
قاطعتها بشاير وهي تحرك راسها بلا: اهو ماله ذنب .. ناظرت لناس المرضى اللي يمشون ... الذنب ذنبي انا علقت نفسي بوهم وعشته بكل تفاصيله





طلع وخل نايف يرتاح شوي بعد ماخبره ان مقابلته بتعرض اليوم مشى بالممرات ونزل على كفتيريا المستشفى وطلب قهوه ناظر لبرا من النافذه الزجاج المطله على حديقة المستشفى : شكلها بتمطر
شده نظر البنتين المحجبات دقق بملامحهم: هذول اللي كانوا عند المصعد
شكلها تبكي هذي البنت وراها سالفه بس انا اللي فهمته من نايف انه كان ساكن ايام دراسته بنفس العماره معهم معقوله فيه شي اكثر من كذا بينهم
تذكر شكلها عند المصعد
كانت تصرخ باسمه وتبكي
قطع تفكيره النادل اللي قدم له طلبه شكره يوسف بلطف وارتشف من قهوته وعينه على البنتين








فتحت عيونهم شافت عيون مشاعل الباكيه اشاحت بعينها عنها
مشاعل: حياة تحسي بشيء
حياة: لا بس ابغ امويا
ركضت مشاعل وجابت لها مويا ساعدتها حتى شربت
ناظرت من حولها: من متى وانا في المستشفى
مشاعل: من امس في الليل
فكت المغذي من يدها ومشاعل تحاول تمنعها
عدلت طرحتها ووقفت : فيه احد يوصلنا
حركت راسها بالموافقه: سعد برا
طلعت من غير كلمه ومشاعل ركضت وراها
شافت سعد جالس بالممر اللي سمعه من امه شاب راسه
حياة: سعد
رفع راسه ووقف : وش اللي طلعك
حياة: انا بخير يلا مشينا
سعد: وش تقولين انتي باقي تعبـ
قاطعته: خلنا نمشي مشت قدامه وهو لحقها بسرعه مع مشاعل


طلعت لسياره ورجعت راسها للخلف وكل شي رجع قدام عينها حست بسياره تحركت
سعد: وش رايكم نروح نتمشى شوي وبعدين نرجع البيت
حياة: ابوي في الشركه
سعد وهو يطالع لها من المرايا : ايه
حياة: وصلني الشركه







انتهى...........