[لامارا]

لندن، السابعه صباحاً


مصيبه ياسند مصيبه.

قفل اللابتوب ورفع رأسه لريان اللي دخل فجأه وبإستغراب/خير إن شاء الله!

طالع في ريان اللي إستند عالمكتب بوجه شاحب وأنفاس مقطوعه بدون مايرد عليه، مسكه من ذراعه وساعده علشان يجلس وناوله كاسة ماء شربها بسرعه، جلس جنبه وبقلق/ ريان شصاير.. أبوي ولا أحد من أهلي صار لهم شي!

هز ريان رأسه بنفي ووقف وصار يدور في الغرفه وهو يتكلم بسرعه وإنفعال/ الحقير أتحرك ياسند وبدأ ينفذ كل اللي قاله وحنا ياغافل--

ثبته سند مكانه وقاطعه بأمر/ ريان خذ نفس وأذكر الله وفهمني السالفه بهدوء ومهما كان اللي صار فكل شي له حل مدام الكل بخير.

سمى بالله وصار يتنفس بعمق لفتره قبل مايتكلم بتوتر/نفذها ياسند نفذها..رسايل التهديد حقيقيه مو بتهويش وكلام فاضي مثل ماكنت تقول.

عقد حواجبه بإستغراب/نفذها! شقصدك؟

طالعه ريان بعصبيه/الحادث اللي صار لك كان مدبر ياسند ومو بمثل ماظنينا.

نفض الذكرى من رأسه وطالع ريان بتساؤل/وأنت شلون عرفت.. منو قالك!

رجع ريان يدور بعصبيه/لما أخذوا عالسياره الورشه وغيروا الكفر لقوا فيه رصاصه.. رصاصة بندقيه ياسند.. فاهم وش يعني هالشي.

أخذت نفس وبتفكير/يعني فيه قناص عارف خط سيري ومحدد نقطة الهجوم والتوقيت بعد.. إنتظرنا آخر الليل في طريق ريفي نادر تمر فيه سيارات في هالوقت.. يعني كان في غيره متابعني خطوه بخطوه وبلغه بوقت خروجي من الفندق و--

قاطعه ريان بتوتر/السالفه أكبر من كذا ياسند لإن ذا موبكل شي.

طالعه سند بجديه/أنت شفيك تكلمني بالقطاره خلصني وعطني السالفه من الآخر.

ريان بنفس التوتر/تذكر تسرب الغاز اللي صار في فيلا باريس قبل سبع شهور تقريباً
رجع بذاكرته لذيك الفتره واتذكر اللي حصل..

وصل المصنع في وقت مبكر واتفاجأ بإتصال سكرتيره دانيال من مكتب باريس وبلغه إن فيه بنت أسمها كريستين مصره تكلمه، كانت كرستين بنت الطباخ اللي يشتغل عنده في باريس وساكنه مع أبوها في الملحق، ولما كلمها قالت إنها وصلت من السفر ولما مالقت ابوها في الملحق دخلت تدوره في الفيلا وهناك لقيته وباقي اللي يشتغلوا في الفيلا مغمى عليهم بسبب تسرب الغاز ولولا إنها إتصرفت بسرعه وقفلت الغاز وفتحت كل الأبواب والشبابيك وطلبت لهم الإسعاف اللي نقلهم عالمستشفى وقدروا ينقذوهم في أخر لحظه كان ممكن لاقدر الله يموتوا أو يعانوا من إعاقات لبقية حياتهم.

طلع من أفكاره وسأل ريان بشك/ لاتقول إن ذي بعد مدبره!

هز رأسه بموافقه/أنت وقتها كان لك يومين تنام في الفيلا بس في اليوم الثالث أنت سافرت روان فجأه.

إبتسم سند بسخريه/وقتها جاني إتصال الساعه آخر الليل بخصوص الإضراب اللي نظموه عمال مصنع النسيج وأضطريت أسافر وقتها علشان ألحق أسيطر عالوضع قبل لايتأزم.

ريان بعصبيه/وقتها ظنينا إن جاك (الطباخ)نسي الغاز مفتوح وأنت ماحبيت تسأله وش صار علشان لاتحرجه لإنه كبر وبدأ ينسى ووظفت واحد يساعده وقفلنا السالفه، لكن بعد ماعرفت بسالفة الرصاصه أتصلت بالمسؤل عن أمن الفيلا وطلبت منه يراجع أشرطة المراقبه في ذاك اليوم وهنا كانت المفاجأة..

الكاميرات كانت عطلانه يومها!

عطلانه!!

تدري وش معناته هالكلام؟

رد بهدوء/معناه إنه إنتقل من مرحلة التهديد للتنفيذ .من فتره وبدون ماننتبه لهالشي

جلس ريان في مواجهته وبتفكير/ سند السالفه ماعاد ينمزح فيها هالحيوان دخل بيتك وكان بيقتلك وإن كان أول مره خابت فالثانيه كانت هتصيب لولا لطف الله فيك ولازم نكثف الحراسه وبعد نبلغ الشرطه و--

سند بأمر/شرطه لا ياريان وإياني وياك تتصرف من وراي..فريق الأمن اللي عندنا على نفس مستوى الشرطه وكفؤ ومؤهل لمتابعة موضوع مثل هذا بهدوء وتكتم أحسن من تدخل الشرطه وسين وجيم وشوشره لها أول مالها تالي.

رد بحده/بس هم فشلوا وماعرفوا من العقل المدبر لكل هالخطط اللي بتتنفذ ضدك، تبينا نتم قاعدين لين ينفذوا اللي في بالهم !

رد بتفكير/فشلهم موبتقصير منهم ياريان لكن خصمنا ذكي وخطواته محسوبه وبينفذها بدقه وبدون مايترك أي دليل أو خيط يوصلنا له ومواره بعد موبهينه مدام متابع تحركاتي في باريس ولندن.

ريان بإستنكار/ أنت صاحي! أقلك بيقتلك وأنت قمت تعدد مزاياه كإنك معجب فيه!

رد بهدوء/السالفه مالها علاقة بالإعجاب لكن كلمة الحق لازم تنقال وهو مخطط عدل ولاعبها صح.. عموماً خفف توترك اللي فاضحك للكل وأنا بجتمع بسامر وفريق الأمن وبشوف لوين وصلوا.

ريان بعصبيه/للأسف مو كلنا بنملك برودة أعصابك ياملك الجليد و

حط ذراعه على كتف ريان وقاطعه بإبتسامه/موبأنت اللي قلت أسناني وش حلاتها أي برود وأي جليد بعد! خلص أهدى شوي وتعال نشرب قهوه علشان نفكر زين .

زفر ريان بضيق وهو يحاول يفك نفسه من ذراع سند اللي سحبه معاه غصب وهو يتكلم ببرود ولامبالاة كعادته.


،

،

،

،


صنعاء، الثالثة عصراً


فلت (أتركها) أختك، كم مره قلت لك تخلي لها حالها

حط كأسة الشاي وإلتفت لصدام اللي بيخاصم ولده صهيب وسحب بنته وجلسها جنبه وبهدوء/مالك ولأختك ليش بتأذيها!

صهيب بغيض/يبه مافعلت بها حاجه، بس أمس شلت حقي المسدس تلعب به وكسرته وذحين جات تشتي تشل السياره ولما ماخليتها جات تشتكي لعمي صدام.

طالع علي في بنته اللي جالسه تطالع صهيب بإبتسامه مستفزه وصدام بيراضيها كعادته وبأمر/جوري جي هانا(تعالي هنا).

مالت على أذن صدام وهمست بشيئ خلاه ويبتسم وقامت ووقفت قدام أبوها بإندفاع/أول شي أسمعني لاتكون تصدق لصهيب الكذاب.

صهيب بحده/ذحين أسير أدي(أجيب) المسدس وأوري أبي ونشوف من الكذاب و--

سكت وماكمل كلامه لما طالع أبوه فيه ورجع إلتفت لجوري وبهدوء/ ليش كسرتي مسدس أخوش !

ردت بسرعه/أصبر وأنا أقلك الحقيقه كلها.

غمض عيونه بيأس لإنه متأكد إنه بعد كلمة الحقيقه في حكايه مأساويه وطويله، فتح عيونه على صوتها وهي تسلك حلقها وتأخذ نفس وتبدأ/قبل أمس قلي بيشلني معه نلعب كره ورجع قال بطلوا المباراه وقلت سهل وأمس خرج يلعب وقلتله يشلني مع قال مافيش خرجه مع العيال أنتي بنت وفلتني وسار وزد (وكمان) الباب من خارج علشا--

إتنهد وهو يسمع كيف بتتكلم بإنفعال وقهر وكإنه فيه مصيبه حاصله و

يبااااااااه

ركز معاها من جديد لما صرخت بعصبيه/أنا بحاكيك وين سرت!

شدها من أذنها وبتهديد/أتادبي يابنت وأتحاكي سوا.

إلتفتت لصدام بزعل/قل لصاحبك يفلت أذني بيوجعني.

صدام بعتاب/بطلي قلة أدب وهو يفلتش، في بنت مؤدبه تحاكي أبوها هكذا ياجوري.

زفرت بضيق/وهو يكون يجمع حسه ويسمعني سوا جالسه أهدر أهدر وهو مافهم حاجه.. أبنه يضحك عليا وزد هو يضربني.

علي ببرود/كان ماتشتيني أفعل ياأم لسان طويل وأنتي اللي كسرتي حاجاته!

عقدت إيديها على صدرها وبغيض/يستاهل وعادني أكسر الباقيات لما يبطل يضحك عليا، ليش بيكذب وهو داري إن الكذب حرام.

ترك أذنها وبأمر/اتأسفي لأخوش وحاجاته لاتقربيها وكل يوم تشلي من مصروفش وتجمعي قيمة مسدس جديد بدل اللي كسرتيه.

طالعته بعدم تصديق/يضحك عليا وعادني أشتريله من مصروفي! مش أنت قلت الرجال مايرجعش في كلامه! ليش ماتعلمه ولا هو مش رج --

قاطعها بحزم/اتأسفي لأخوش وعلى غرفتش ولا توريني صورتش إلا لما تتأدبي.

إنكمشت مكانها بخوف من صوت أبوها وطالعت في أخوها بقهر/أسفه لكن مش أسفه.

وخرجت بزعل بدون ماتطالعهم، إلتفت علي لصهيب بتأنيب/وأنت مش عيب عليك تضحك عليها؟

صهيب بتبرير/ يبه مابترضاش تفهم كل يوم تجلس محارسه عند الباب علشان تخرج معي وبعدين بتتضارب مع الجهال في الحاره وبدل ماألعب بجلس أفرع بينهم(أفكهم) ضبحت بي(طفشتني).

صدام بهدوء/ولو أختك جاهله هتساوي عقلك بعقلها ياصهيب مش أنت صغير قدك رجال.

علي ببرود/لاتدور لك عذر ومدام وعدتها بشي توفي بوعدك ولاعد أسمع إنك كذبت عليها مره ثانيه، وبعدين تسير تتأسف لها فهمت.

هز رأسه بموافقه وأعتذر لأبوه وخرج، صدام بهدوء/خف عليهم شويه مش أنت في المعسكر ياعلي.

علي ببرود/ماشاء الله عليك بتخف عني وعنك لما قدي بتزيد فيها.

صدام بضيق/جوري عادها في صف أول ليش بتدقق لها في كل شي.. بعدين هذي وحيدتك يعني لازم تدلعها.

رد بهدوء/ندلعها مش نخربها، هذي ذحين وبتجاوب هكذا لاقد كبرت كيف تفعل بنا..

صدام بإقناع/بتتعلم معاها معاها (بالتدريج)والله يهديها، لكن لاتكون تقهرها وتخليها تبكي.

طالعه علي بنظره/هذي مش هي جوري الكبيره ياصدام علشان تداريها وتشيل همها.. جوري صدق كانت تخرج وتلعب معانا وماتخلي لنا حالنا لكن ماكانت قليلة أدب وبتتشاكل مع الرايح والجاي مثل جوري بنتي.

رد بتنهيده/جوري مافيش وحده مثلها لكن يكفي إنها سميتها ولاشفتها زعلانه ومقهوره قلبي بيوجعني عليها ياعلي.

علي بهدوء/أرضى بنصيبك وأنساها ياصدام علشان تعيش حياتك مرتاح.

ضحك بمراره/أنساها! أنسى حلم السنين ياعلي! وحتى لو أشتي أنساها مقدر لإن قلبي مش بيدي ولا بيسمعني!

سكت للحظات وتابع بقهر /أنت داري إني وقفت منتظر عند بابكم ساعه علشان بس أشوفها وهي راجعه مع عبدالله وأحلام وفي الأخير مارضيت تنزل ..ماخلتني ألمحها أو أسمع صوتها..حتى لما سرت بيتهم قبل ماتسافر لاجات ولا سلمت عليا مثل كل مره مدري هي بتعاقبني لأني خطبتها ولا كرهتني وخافت مني!

أخذ نفس وبهدوء/صدام قدر وضعها أكيد إنها مستحيه منك ومش قادره تواجهك فلا تجلس توسوس وتكبر الأمور.

ضرب الجدار بقبضته بقهر/أنا أستاهل.. أنا غلطان لإني خطبتها.. كنت ساكت وراضي بالكلمتين اللي بتقولها لي كل ماجات.. عالأقل كانت تكلمني براحه وأشوفها وأطمن عليها وأسمع ضحكتها لكن طمعت في شي أكثر وهذي آخرة الطمع ياعلي لاعاد سلام ولاكلام وفوق هذا كله كرهتني.. كل شي ضاع بسبب غبائي و--

حس علي بغصه وقهر على صدام اللي لأول مره يفقد السيطره على نفسه وصارالكلام يطلع منه بحرقه وبدون تركيز.