[لامارا]

جده، التاسعة والنصف مساءً


هزت رأسها بعدم تصديق من اللي سمعته!
معقوله أبوها هو السبب في اللي صار بين أمها و أخوها!

طيب ليه!

أيش هيستفيد لما يقلب رأس قصي ويحرضه على أمها بذا الشكل!

ليه موراضي يتقبل فكرة إنه ماعاد في شيئ يربطها بيه!

ليه مايستوعب ويفهم إنه خلاص طلقها وإنها صارت بالنسبه ليه مجرد ذكرى من ماضي عاشه!

هوا مو حب ندى من وراها وأتزوجها وعاش حياته بالطريقه اللي تريحه وصار عنده بدل الزوجه أثنين وبدل الولد أربعه!

ليه مستكثر عليها إنها تعيش حياتها زيه!

ليه مستكثر عليها إنها تحب وتنحب وتجيب عيال من واحد غيره!

ندم لإنه طلقها!!

ولا إكتشف إنه يحبها ومايعرف يعيش من دونها!!
أخذت نفس عميق وألتفتت لأخوها بجديه/شوف ياقصي إذا بتستمر عالحال دا وتصدق بابا في كلامه ترى بتخسر ماما وبتخسرني كمان..
كرر بعدم إستيعاب/أخسركم!

ردت بتنهيده/أجل أيش مفكر! على بالك ماما لو عرفت إن بابا هو اللي قاعد يبلفك عليها وأنتا مصدقه زي الأهبل هتفرح!

رد بتبرير/هوا مابلفني أنا اللي مابغاها تتزوج و--

قاطعته بإستنكار/ ليه ياقصي! مابابا كان متزوج ماما ندى وماما كانت موافقه وأحنا عمرنا مانطقنا وأتدخلنا، دحين لما جاء الدور عليها صرت أنتا وهوا ماتبغوها تتزوج!

رد بغيره/أنتي عادي عندك تتزوج واحد غير أبويا وتجلس معاه وتضحك وتخرج وتنام! بس أنا مو عادي مو عادي.

هزت رأسها بأسف/خساره ياقصي كنت أفكرك تحب ماما بس طلعت أناني زي بابا وكلكم بتدوروا مصلحتكم وراحتكم وبس.

رد بسخريه /وماشاء الله هيا مصلحتها في الزواج! ماهترتاح غير لما تتزوج واحد غير أبويا.

ردت بحده/أيوه مصلحتها إنها تتزوج وتنسى بابا واللي شافته معاه .. أنتا كنت صغير ومو هم شي ياقصي بس بابا زعل ماما وجرحها كتير وهيا كانت ساكته وكاتمه في نفسها علشانا ودحين بدل مانوقف معاها ونرد لها الجميل ونساعدها تعيش حياه أحلى من حياتها مع بابا حضرتك جاي تتحكم وتتأمر وعامل فيها رجال غيور وأنتا بتكسر قلبها ببزرنتك وعقوقك لها وبتخليها تغضب عليك.

رد بعدم تصديق/أنا عاق وبتغضب عليا! بس هيا مو زعلانه مني وبنتكلم وعادي.

ردت بتنهيده/شفت إنك طلعت بزر ومو قد المسئوليه اللي بتعطيك ياه ؟ إذا كلمتك وذاكرت لك مو معناها إنها موزعلانه.. تقدر تقولي متى أخر مره ضحكت معاك أو أتمرنتوا ولعبتوا سوا ؟

حاولي يفتكر شيئ من اللي قالته أخته واتفاجأ بإن كلامها صح!

من وقت مارجعوا من اليمن ماعاد سوا معاها أي شيئ من اللي أتعودوا عليه!

ماقد إنتبه لذا الشيئ لإنهم مشغولين بالإمتحانات والمذاكره غير كلام أبوه اللي بيعيد ويزيد فيه كل ماشافه..

جلس عالأرض وهو يفكر بصدمه" أمه عن جد زعلانه منه وهو فعلاً ولد عاق"

،

،

،

،

،



الرياض، الثامنه صباحاً



بتول أنتي مقتنعه باللي تقوليه؟

ردت بإبتسامه/عمتو ثريا والله مقتنعه ومصممه بعد، وأنا وجدو صقر والبقيه متأكدين إن بابا مارح يلاقي زوجه أحسن من خالتي جوري.. طيبه وحنونه ومجنونه وأكيد رح يحبها ويتعلق فيها مثلنا.

ثريا بإستغراب/والبقيه!! منو قصدك بالبقيه!

الجد بهدوء/منيره ومساعد وبدر.

طالعتهم بعدم تصديق وهي تحاول تستوعب وتفهم متى وشلون الكل أتفق وقرر موضوع زواج سند وجوري، وبتوتر/كنت أظن إنك وأمي وديما بس اللي مخططين بس الظاهر كل العيله مشاركه ومتحمسه بعد.. إنزين وشتبي مني يبه أنا مابيدي شي؟

رد بتساؤل/ شلون مابيدك وأنتي أقرب وحده لها وماتخشون عن بعض شي وأسرارها كلها عندك.

عقدت حواجبها بتركيز/أسمح لي يبه أنا مقدر أخون ثقتها وأحكي لك اللي بينا مهما كان القصد من وراه شريف.

طالعها بعتاب/أفاا يابنت مساعد وأنتي تخبريني خوان وأفشي أسرار الناس لغرض في نفسي!

بإحراج/حاشاك يبه والسموحه منك مو بقصدي.

أخذت نفس وتابعت بهدوء/يبه مثل ماقلت حنا قراب من بعض ويمكن نسولف لبعض عن أشياء مانقدر نقولها لأحد ثاني وعلشان كذا قلت لك ياقلبي هالزواج مارح يتم وحتى على فرض إن ضغطكم المستمر على سند بيأثر فيه وبيخليه يفكر فيها، بيظل عندنا جوري واللي أنا متأكده إنها مستحيل توافق مستحيل.

رد بإقناع/إنزين أنتي وشو له حكمتي وخلصتي، الناس يبوك يسعون والتوفيق والتدبير من رب العالمين ومحد يدري الله عزوجل وش كاتب لعباده ومثل مايقولون ما بين غمضة عين وإنتباهتها يغير الله من حالاً إلى حالِ.

كلامه كان فيه نوع من المنطق اللي ماقدرت تنكره وخلاه تستسلم لرغبته بشبه إقتناع وبتنهيده/ونعم بالله يبه، إنزين وش المطلوب مني ويارب مايكون شي يخليها تذبحني.

إتبادل مع بتول إبتسامة رضى وإنتصار وبدأ يفهمها دورها وكله أمل وتفاؤل.
،

،

،