[لامارا]

السلام عليكم جميعا ....ان شاء الله الجميع يكون بصحة وعافيه ^_^
اشكركم على الردود الحلوه وتواجدكم بعد كل بارت
وتعليقاتكم تسعدني وأتمنى أشوفها على طول ^_^




البارت 18.2



فارس بهدوء : الله يسلمك
والتفت على خلود وسلم عليها وبارك لها
وبعدها ناظرهم : وش فيه صوتكم طالع ؟؟
حرك فارس فتح فمه فارس يتكلم
بس سبق عليه ياسر وتكلم : ابد يا غالي
بس كنا جالسين هنا انا وامي وشوق
ما شفناه الا وهو داخل لا احم ولا دستور
قلت له المفروض انك تستأذن قبل ما تدخل
وعصب الاستاذ فارس ليه نقول له كذا !!
ناصر اخذ نفس وتكلم وهو يناظر فارس
للي باين عليه الانزعاج : ما غلط ياسر يوم قال كذا
المفروض ما دخلت كذا
لانه شوق ما تحل لك يا فارس
فارس : يعني كل ما ابغى ادخل لازم استأذن يعني مو
حياه هذي ؟!
ناصر هز راسه : تعود باكر يتزوج ياسر ووليد ولازم الكل يستأذن لانه حريمكم موجوده
واليوم عليك الغلط المفروض ما دخلت كذا لانه ما حد
يدري برجوعك
عالاقل لو اعطيتهم خبر كانوا استعدوا لاستقبالك
فارس تكلم وهو ماسك نفسه وهو يشوف ياسر واقف بثقه : ان شاء الله يبه
ناصر : والحين تفضلوا اجلسوا
نسمع علومكم

xxxx
xxxx
xxxx
xxxx
xxxx
xxxx
قفلت الجوال من نايف وهي تحس بسعاده
تمنت تشوف شكل فارس لما كان تحت
كان يوصلها صوته بس بدون ما تشوف ملامحه
قررت ما تنزل تحت ما تبغى تشوف خلود
ما تطيقها لا من باب ولا من طاق وخاصه
بحضور دانا وفوزيه «ام فهد »
تجلس مقابل الجدران ولا عينها تشوفهم
قاطع سرحانه دخول ابوها وهو يرد السلام
ناظرته وردت بتوتر
مو ذاكره انها عملت غلط ؟!!
تكلم ناصر بعجله وهو واقف : كيفك ؟/
شروق بلعثمه : الحمد لله بخير
ناصر : حبيت انبهك بنفسي
الحين الوضع تغير فارس موجود هنا
مو محرم لك فلا تنزلي تحت الا متستره
وبالنسبة للاكل نفس ما كان انا طلبت من فارس يتناول وجبات الاكل بجناحه مع زوجته
ومشاكل والقال والقيل ما ابغى اسمعها فاهمه
هزت راسها مو عاجبها اخر شيء قاله
كمل محاضرته وطلع بهدوء مثل ما دخل ...
xxxx
xxxx
xxxx
xxxx
xxxx
في اليوم الثاني
مجتمعات بالصاله الداخليه ودانا وخلود حاطات
رؤوسهن ببعض ويتهامسن
الجده تقاطع خلود ودانا : وين فارس يا خلود ؟؟
خلود ناظرت الجده وهي ترجع خصل من شعرها للخلف بدلع طق كبد شوق منه : عنده مشوار ضروري
وبعده يرجع
الجده ؛ بعده عريس المفروض ما يطلع
شوق بنغزه : اكيد زهق منها
وابتسمت ببراءه
خلود رفعت حاجب وبإسلوب يبغى مشاكل : عيدي ما سمعت
ولوت بوزها بقرف
واعطتها نظره وزني كلامك قبل ما تتكلمين يا
ما كملت واعطتها نظره تقييميه
ناظرتها شوق وانفجرت بالضحك
انقهرت خلود من رد فعلها : صج انك قليله ادب
ما عبرتها شوق وهي مستمره بالضحك
دانا بإحتقار : على وش تضحكين يالطرمه ؟؟!!
زادت شوق من ضحكها
الجده وهي تناظر شوق : تعوذي من الشيطان يا شوق وش هالضحك ؟
خلود بعصبية : هي الشيطان بذاته
دخلت فاطمه على كلام خلود : اذا سمحت تحترمين
نفسك والبيت للي انت فيه
خلود تنرفزت من كلام فاطمه : والله انا محترمه بس شوفي ابنتك
قاطعتها فاطمه : والله شوق حره تضحك متى ما بغت وما لك دخل فيها
شوق وهي مستمره بالضحك تكلمت وهي تناظر
امها : ي ههه يم هههههههه
ابتسمت فاطمه وهي تناظر شوق شاده على بطنها من كثر الضحك
الجده مو عاجبها الوضع : اعوذ بالله من الشيطان
دانا بقهر وهي تحس شوق تضحك عليهن : الضحك بدون سبب يسمونه قلة ادب
شوق وهي تكتم ضحكاتها تكلمت ؛ شوفو هههههه
يمه شوفي اسنان خلود ههههههه
الظاهر ماكله اصبع احمر الشفاه ههههه
الكل التفت على خلود ويناظر فيها
خلود وجهها صار احمر من العصبيه
كملت شوق وهي تضحك : حسستني وكأنه كلب داق بفطيسه ههههههههه
وقفت خلود وهي ما تشوف قدامها وطلعت من الصاله معصبه
دانا لحقتها بعد ما اعطت شوق نظره وعيد
اخذت شوق نفس عميييييييق وختمتها بابتسامة
ظهرت فيه الغماز
فاطمه باستغراب : ما شفت شيء على اسنانها
شوق بابتسامة : اصلا ما في شيء على اسنانها
ورجعت تضحك من جديد
الجده وهي تناظرها باستغراب : يخلف عليك يا ناصر
الظاهر انه البنت انجنت
تعوذي من الشيطان وفكينا من هالضحك
وناظرت فاطمه : شوفيها خلها تسكت
فاطمه بلامبالاه : بكيفها
الجده وقفت : اقوم احسن ما تعديني هالمخبوله
وطلعت من الصاله
فاطمه ناظرت شوق بعد ما طلعت الجده: وش فيك تضحكين ؟؟
شوق جلست جنب امها وهي تتحسس فمها صار يوجعها من الضحك : من اول ما دخلت وهن يتهامسن
حبيت اقهرهن وبس
فاطمه : سلمتي على خلود ؟؟
شوق عفست ملامحها بقرف : لا اصلا انا للي كنت قاعده بالاول ودخلت وما سلمت
بالطقاق للي يطقها هي وامها وخالتها وبنات خالتها وزوجها واخوانه
قاطعتها فاطمه : خلاص اسكتي حشى ما خليتي حد
يسلم من لسانك
المهم وش اخبار نايف ؟؟
شوق وهي ترسم الابتسامه العريضه : الحمد لله بخير
فاطمه بهدوء : الله يوفقكم
مو ناوي يزورك ؟؟
شوق مطت شفايفها : كان بس ألغاها علشان ابوي
يمكن يزعل
فاطمه عقدت حواجبها : وليه يزعل ناصر ؟
مثلك مثل اخواتك
شوق لوت بوزها : انداري عنه راسه يابس ورفض ييجي
يبغى يخليها لبعدين
والحين اصلا مو فاضي ييجيهم ضيوف يعزونهم
فاطمه : مو ناويه تروحين تعزيين ؟
شوق بلامبالاه : انسي خلاص باخت وبعدين مين اعزي ؟؟
انا ما اطيق احد من اهله فكيني منهم
زفرت بضيق فاطمه من تصرفات شوق
بش ما علقت لانها تعرفها الحكي معها ضايع
xxxx
xxxx
xxxx
xxxx
xxxx
xxxx
xxxx
مر اسبوع بهدوء نفس الروتين
ناصر بعصبية وهو جالس بمكتبه : اقولك انقلع عالبيت انت واخوانك الثلاثه .....يا صبر ايوب .......وبعدين معك ....اسمع يا وليد وقسم بالله ربع ساعه اذا ما كنت مزروع بالمجلس انت واخوانك الداشرين
ما يحصل خير .....انا قلت الاربعه ويا ويل واحد فيكم يترك المجلس .....خلاص قفل
قفل ناصر الجوال حطه على الطاوله بعصبية
ورجع يكمل شغل وهو يتحلف فيهم الاربعه
*
*
*
*
*
*
نزل من السياره بابتسامة وتقدم كم خطوه بس سرعان ما عفس
ملامحه لما شاف اكره مخلوق على وجه الارض بالنسبة له
تقدم وهو لابس قناع الهدوء وسلم على فارس بهدوء
رد فارس السلام وهو رافع خشومه للسماء
ما توقع انه نايف خطيب شوق تكلم بهدوء،: تفضل
للمجلس حياك الله
هز نايف راسه ولو يطلع بيده ما شاف فارس بعينه
بس مشى الموضوع ولا كأنه في شيء
دخلوا المجلس بعد ما سلم نايف على عبود ووليد وخالد وسامي للي علامات الضيق واضحه على وجوههم عندهم طلعه وانلغت بسبب نايف
كان المجلس يعمه الصمت والهدوء
والنظرات المتبادله بين خالد ووليد وكأنهم يقولون لبعض متى ينقلع وينفكون
اما عبود حاط يده تحت خده بملل وماد البوز شبرين
ينحرم من الطلعه علشان الانسه شوق تقعد مع خطيبها
اما سامي مكشر وجالس وساكت
اما نايف مو عاجبه الوضع وهو يشوف نظراتهم انقهر
من هالعايله يحسسونه وكأنه جاي يشحد
منهم
هذا للي ناقصه بزران
تكلم فارس بخبث :حيالله النسيب
رد نايف بدون نفس : الله يحييك
فارس يكمل كلامه بخبث : ما توقعت انك تخطب ابنة عمي
نايف بمجامله : النصيب
وبنفسه يا اخي انقلع دامك ابن عمها ابغى اجلس مع خطيبتي
يا ثقل دمك وش هالانسان هالغثيث ؟!!
اخذ نفس يمسك اعصابه لما شاف فارس يوجه له
كلام عن الشغل وهذي الامور
فارس يكلم نايف عن الشغل بخبث لانه يعرف دامه موجود ما رح تدخل شوق
وحلف الا يقهرهم الاثنين وهو مستغرب سبحان الله
اكثر اثنين ما يطيقهم
بدأ يسولف مع نايف عن الشغل وهو ماسك ضحكته وهو يشوف ملامح نايف للي ماسك نفسه

*
*
*
*
*
*
*
شوق بعصبية : وش له دخل حتى يدخل المجلس ؟؟
اتوقع نايف جاي يجلس معي مو مع وجهه المصدي
فاطمه وهي جالسه على السرير : اعصابك
الحين يروح فارس وتنزلين
شوق قاطعتها وهي تضرب رجلينها بالارض : نشوف
اخرتها مع هالزفته
مر الوقت وفارس بعده بالمجلس
خلاص شوق ولعت معها : انا بنفسي رح انزل واطرده
هالغثيث
نايف صار له قريب الساعتين والله ما صارت
فاطمه بقهر من تصرف فارس وهي متأكده انه متعمد هالتصرف وقفت لما شافت جوالها يرن وتوجهت لجهة الشباك تتكلم بعد ما قفلت الجوال التفتت على شوق بتردد : ابوك بعد نص ساعه راجع
شوق فتحت عيونها بقهر : الله يأخذك يا فارس
وش يقصد بالتصرف هذا ؟؟
راح الوقت وما جلست معه
فاطمه بقهر توجهت لجهة الباب :، انا اتصرف الحين


xxxx
xxxx
__
xxxx
وليد جالس والضغط ارتفع عنده الف من فارس للي تسبب
بتأخرهم لو طلع من زمان كان الحين نايف يبغى يرجع لبيتهم
التفت على خالد وهو عافس ملامحه ويتأفف بدون ما احد يحس فيه
مسك الجوال خالد وكتب فيه وناوله لوليد وكان مكتوب فيه «احقر من اخوك فارس ما فيه يحس على دمه وينقلع اخرنا »
رجع وليد وكتب له «دقيقتين اذا ما طلع الا اقولها له بالمفتوح انتم الاثنين من غير مطرود »
وقبل ما يرد خالد قاطعهم دخول فاطمه للي ردت السلام بهدوء
وتقدمت من نايف وسلمت عليه بابتسامة وسألته عن حاله واحواله
رد نايف والضيق باين عليه بسبب فارس
فاطمه مقهوره من تصرف فارس بس حلفت الا تقهره : تفضل يا نايف لفوق لجناح شوق تنتظرك فوق
فارس باعتراض وعصبيه : وين يطلع لعندها بالغرفه
حنا وين ؟؟
فاطمه بنغزه : يعني وين يجلس مع خطيبته ؟؟
انت جالس هنا من ساعتين ما في مكان الا فوق
وناظرت نايف : تفضل فوق
وقف فارس بعصبيه : هذا انا طالع خذوا راحتكم
وطلع من البيت بكبره
زفر نايف براحه بعد ما طلع فارس ابتسمت فاطمه
وهي تناظر نايف
واتصلت على شوق تنزل
وليد : وقسم بالله ما صارت انت وفارس تعرفون بعض
يعني فارس جالس ولا عنده ومندمج معك
ناظره نايف بدون نفس رد : معرفه شغل بس
عبود بصراحه : تراكم طفشتونا حسستوني انه فارس
خطيبك وجايين نحرسكم
بالله لا تتأخر مع شوق مو ناقصنا تأخير زياده
عن موعدنا
اعطت فاطمه نظره انتقاد لعبود
نايف وهو يعدل جلسته: والله انا جاي اشوف خطيبتي
وانتم اخرتوني
تحملوا النتيجة
طلعت فاطمه من المجلس وبعد دقائق رجعت
وشوق معها منزله راسها مستحيه
سامي بابتسامة : ذبحتينا وانت تقولين ابغى اجلس مع نايف
والحين يقال مستحيه
طالعته وهي فاتحه عيونها على وقاحة سامي
اعطته نظرة وعيد
وتقدمت من نايف وسلمت عليه بهدوء
هيأت نفسها تجلس قريب منه بس سرعان ما سحبها
وليد بطريقه فنيه واخذها للجهة المقابله وجلست
جنب خالد
مسكت نفسها لا تضرب وليد بوكس بوجهه
بس سكتت لانه نايف موجود ومو حلو تتصرف كذا قدامه
خالد بابتسامة : وهذي شوق وجلست معكم ربع ساعه فقط
طالعه نايف وهو وصل حده منهم يخلص من فارس
ييجي له الاربعه ذول ويقعدون على قلبه تكلم وهو ماسك نفسه : اوكي موافق بس بشرط
انا وشوق لوحدنا بالمجلس
وبعد ربع ساعه نطلع
قاطعه وليد وهو يضحك بسخريه : ههه باحلامك يا حلو
حنا الاربعه قاعدين على قلوبكم
انتفخ وجه نايف بقهر : يا اخي اطلعوا وخلوا الباب مفتوح
خالد : والله اقتراح حلوووووووو بس مرفوض ههههههه
عبود : يالله عجل كلمها ما بقى الا عشر دقائق

اعطاه نايف نظره خلته يبلع لسانه
ولف وجهه وهو صاك على اسنانه
كيف يكلمها بوجودهم ؟؟
لو واحد كان اهون وقدر يصرفه اما اربعه كيف يصرفهم ؟
حتى لو يبغى يطنش وجودهم هي بوادي وهو بوادي
زفر بضيق وهو يتحسب على ناصر لانه متأكد انه كلها قوانين ناصر
خالد يستظرف : علامك ساكت يا النسيب هذي شوق
كلمها لا تستحي عادي
طالعه نايف ويبغى يكفخه بس مسك اعصابه : يمكن ممنوع عندكم الكلام
خالد ضحك : ههههه لا عادي مسموح فيه بس حدود
نايف بغضب مكبوت : قول امين جعلكم الاربعه ما تشوفون زوجتكم الا يوم الدخله
وليد فتح عيونه باستنكار : حرام عليك
ووقع نظره على شوق تناظره بحقد
ابتسم على نظراتها وطنشها
xxxx
xxxx
xxxx
xxxx
فاطمه بانتقاد : والله يا خالتي تصرفه سيء
يعني الرجال جاي يجلس مع خطيبته مو معه
الجده بترقيع : يمكن جلس معه وما قدر يتركه
قاطعتها فاطمه : كثير واضح
خليني ساكته واشوف وش اخر هذي السالفه
الجده بنبره تشكيك : احسك يا فاطمه متغيره شوي
فاطمه بقلب ميت هزت كتوفها : يمكن
دخلت شريفه وغيروا الموضوع
*
*
*
*

انفجر من هالجلسه اسم انه قاعد مع خطيبته
وقف ووجهه منتفخ
وليد بابتسامة واخيرا قرر يروح : وين يالنسيب
خلك قاعد
نايف بدون نفس : مره ثانيه
وناظر شوق روحي إلبسي العبايه وتعالي
وبدون معارضة طلعت من المجلس ولما وصلت عند الباب قبل ما تطلع
قاطعه خالد باعتراض: وين ؟؟
نايف اشر بعيونه لشوق تروح تلبس
هزت راسها وطلعت
إلتفت على خالد
بجعرفه : لا تخاف ما رح اخطفها
وبنفسه اذا ما قهرتكم مثل ما قهرتوني ما اكون نايف
رسم ابتسامه لما شاف شوق دخلت المجلس
ولابسه العبايه والشيله والنقاب بيدها
تعجبه بقوه
تقدم وسط نظرات اخوانها ومسك يدها برفق وتوجه
خارج المجلس
وليد حس انه توهق معه : وين رايح فيها ؟
نايف بدون ما يلتفت عليه : لا تخاف ما رح اخطفها
بس توصلني السياره
خالد طالع وليد : مسكين ما يعرف مكان سيارته
والمرشد تبع البيت حضرت شوق
امشي قدامي بلاه نوقع بورطه
عبود وهو جالس : تراني انا قرفت الخطبات كلها
كل ما وحده خطبت نقعد لها حارس شخصي اففففف
وليد تكتف : طيب قوم خلينا نشوف وين ذلف هالمحترم
خالد بملل : يعني وين رح يكون تلاقيهم قاعدين
برا
حرام خلهم يجلسون شوي
وش رح يعمل فيها ؟؟
ترى ابوي معقدها شوي
وليد بتردد وهو يتذكر مكالمة ابوها وتشديده : طيب خلينا نشوف وين جلسوا
طلع وليد وخالد لبرا
شافوا نايف وشوق جالسين بالحديقه
ناظرهم نايف واشر لهم بيده بس خمس دقائق
ناظروا بعض
وهزوا راسهم بالموافقة ودخلوا المجلس
xxxx
xxxx
xxxx
xxxx
xxxx
نايف وهو يتأفف : قسم بالله اهلك يطلعون الروح
هزت راسها وردت بهدوء : ابوي كذا نظامه
نايف ؛ اعوذ بالله اربع حراس ؟!!!!
وللي قهرني فارس بغيت اقول له انقلع لبيتك
بس سكتت احترام لاهل البيت
ابتسمت شوق بهدوء : اصلا هذا بيته وهو عايش عندنا
نايف عقد حواجبه : كيف عايش عندكم. ؟؟
ترى هذا فارس اعرفه بمجال الشغل بس ما اعرف شيء عن حياته الشخصية
شوق : امه زوجة ابوي
هز راسه وسأل : طيب كيف ابوك موافق تعيشين معه بنفس البيت وهو مو محرم لك ؟؟
وانا زوجك وعامل حراسه مشدده غريب ابوك صراحة !!!
شوق تتكلم بكل اريحيه : بالاصل كان عايش مع امه في بيت لحالهم
وحنا في بيت لوحدنا بس لما خطبني
وقتها انتقلنا هنا
قاطعها وكأنه يكذب سمعه : نعم وش قلت؟؟
طالعته ببراءه : وش فيك ؟؟
نايف عاقد حواجبه دليل على العصبيه : فارس كان خطيبك /؟؟
هزت راسها شوق بحركه غبية
نايف والغضب يشتعل بداخله ؛ ما شاء الله والحين طليقك وعايشه معه في بيت واحد ؟!
كيف ابوك قابل هذا الكلام ؟؟؟
شوق بترقيع : طيب هو متزوج وش فيها ؟؟
طالعها والشرر يطلع من عيونه: انا هذا الانسان ما اطيقه لا من باب ولا من طاق
وصار يهز رجلينه بعصبية
وبعدها ناظرها : اسمعي لو اسمع انك محتكه او متكلم معه ما يصير خير
حتى السلام ما ابغى تردينه عليه فاهمه
والجلسه للي يكون فيها لا تكوني فيها
قاطعته وهي معقده حواجبها ؛ طيب ليه
قاطعها : بدون اعتراض يكفي اهلك ضيقوا خلقي والحين
زدتيني ضيقه بكلامك
وزفر بضيق وهو يمسح على وجهه
وطالعها خلينا نغير الموضوع الحين لاني اذا تكلمت
ما اضمن لساني
هزت راسها وما تكلمت
طالعها وهو يمسك يدها : زعلت؟؟؟
ناظرته وهي ماده البوز : لا
زفر بضيق : ادري انك زعلانه
ووقف وتوجه كان فيه ورد قدامه قطف ورده حمراء
ورجع لها ومدها لها
ناظرته وابتسمت شبح ابتسامه
ويا فرحه ما اكتملت
قاطعهم صوت ناصر وهو يرد السلام
طالعوه بفجعه ما يدرون متى وصل ما انتبهوا عليه
بلعت شوق ريقها وهي تشوف نظرات ابوها
ونزلت نظرها والورد بيدها ما تدري وين تخفيها
ناصر وهو رافع حاجب : ردينا السلام علامكم ما تردون
نايف : وعليكم السلام اخبارك يا عمي
ناصر وهو يناظر شوق من فوق لتحت وبعدها ناظر نايف : الحمد لله بخير
وش اخبار اهلك ؟/
شوق وقلبها طبول خوف من ابوها
نايف وحس انها فرصه يقهر ناصر مثل ما قهره بالحراس الاربعه مسك يد شوق وقبل ما يرد طالع شوق وتكلم بابتسامة : الحمد لله بخير
ناصر بنغزه : الظاهر قطعنا عليكم الجو
شوق وجهها صار بالالوان
رد نايف بجراءه ؛ تقدر تقول كذا
والحين استأذن
ناصر : خليك للعشاء
قاطعه نايف : خيرك واصل عندي كم شغله
واستأذن وغادر المكان
كانت واقفه ومغمضه عيونها تنتظر موجه غضب ابوها
فتحت عيونها وشافت ابوها دخل المجلس
ابتسمت بشماته على اخوانها
اكيد ابوها اليوم رح يمسح فيهم الارض وبسرعه توجهت من الباب الثاني باتجاه غرفتها
xxxx
xxxx
xxxx
xxxx
xxxx
xxxx

في اليوم الثاني
قاعده تكلم نايف وبعناد : صعب
_ لا مو صعب ما له داعي تتزلين تحت وتغدي بغرفتك
_ ابوي ما يقبل احد يتناول الاكل بغرفته
_تأفف بصوت عالي انا ما ادري ابوك من وين يجيب هالقوانين ؟!!
شوق لا تعاندين ونزول تحت لا تنزلين
_ وش رايك تقفل بالمفتاح علي ؟؟!!
_ لا تقعدي تتمسخرين يا شوق ترى انا اتكلم جد
شوق بروقان : فكرتك تتكلم عن خال
قاطعها بصرخة : شوق
اذا نزلت انا اتصرف معك
وقفل الخط بوجهها
ناظرت الجوال بصدمه كيف يقفل الجوال بوجهها
وسرعان ما ابتسمت لما تذكرت غيرته
ما يبغى انها تجلس مع فارس
تشعر بالسعاده من زمان نفسها تتزوج بشخص يحبها
ويغار عليها
مو مثل الحيطه فارس لما كانت مخطوبه له
ومع ذلك عاندت ولبست ونزلت تحت

xxxx
xxxx
xxxx
xxxx
xxxx
وقف باب بيتهم نزل من السياره واتصل عليها
وخلال كم رنه ردت عليه بنبره زعل : الو
نايف بجديه : وينك ؟
شوق ابتسمت : تحت ننتظر ابوي على الغداء ع
قبل ما تكمل قفل الخط بوجهها وحط الجوال بجيب
البنطال
ودخل وهو ما يشوف من العصبيه
ام صقر ناظرته وهو داخل تكلمت بعتب : وينك تأخرت
يالله نبغى نتغدى
قاطعها بصراخ : ما ابغى سم الهاري
وطلع وتوجه لغرفته
ياسمين واقفه قريب من عند امها اشرت بهمس : علامه ؟؟
ام صقر : اعوذ بالله لما يعصب ما ينقرب
دخل غرفته معصب حاس بنار بقلبه كيف تقعد مع طليقها
ما قدر يصبر اكثر ورجع يتصل فيها وهو يهز رجوله بعصبية بس ما ردت
ولعت معه وكتب لها رساله « اذا ما رديت .......»





انتهى البارت ...انتظروني يوم الخميس بإذن الله ...دمتم بخير