[لامارا]

\\

البارت التاسع


قعدت ديما تمشي بين الشوارع بخوف شافت الطريق كأنه طريق بيت ام حسن كملت على حسب ما تتذكر ووصلت لبيت ام حسن كانت الساعه3 ونص الظهر طقت الباب وطلع لها حسن, حسن ماعرفها لأنها متغطيه,
ديما بصياح: ر. .رغد مو. .موجوده؟.
حسن نزل راسه: ايوه فيه؟.
ديما: ممك. .ممكن تناد. .تناديها لي.
حسن لف بيروح لرغد وهو مستغرب فجأه وقف بفجعه لف ع ورا بشويش وشاف ديما واقفه جنب الباب تصيح,
حسن بنفسه(معقوله؟ معقوله ذي ديما؟ نفس صوتها ماأنساه صوتها نفسه؟)
نفض راسه بسرعه وراح لرغد,
حسن: رغد في بنت برا تبكي تقول تبك مدري شو...
وقبل يكمل كلامه رغد وقفت بصراخ: دييمماا.
ركضت بسرعه ع برا وماشافت ديما سمعت صوت صراخ بالشارع طلت براسها وشافت ابومرام يجر ديما بالشارع,
ابومرام: الله يسود وجهك يـ الكلبه امش...
وقبل يكمل كلامه حس بيد تسحب ديما منه لف ع ورا وشاف حسن,
ابومرام: ياحسن ابعد عني واترك ديما قبل اسوي شي مايعجبك.
حسن بهدوء: البنت استنجدت فينا ومحنا تاركينها لذئاب بشريه.
ديما تبكي بقوه وهي خايفه قلبها بيطلع من مكانه,
ابومرام عصب زود: حسسنن انت مالك دخل باللي يصير لاتدخل بشي مايعنيك فاهم؟.
حسن لف ظهره وعطا وجهه لديما مسك ذراعها ومشا لجوا البيت وقبل يدخل حس بديما تبعد عنه لف وشاف ابومرام ماسك ديما بوحشيه,
ابومرام: قلت لك من البدايه مالك دخل باللي مايخصك وماتوقعتك كذا يا (قال بسخريه) ولد ابراهيم.
حسن عصب: احترم نفسك يابومرام لولا هالشيبات اللي بوجهك كان علمتك قدرك.
وسحب حسن ديما من يد ابومرام ودخل لداخل وهو يمسع هواش ابومرام قفل البوابه ودخل, ديما اول مادخلت شافت رغد قدامها ضمتها بقووه وهي تصيح,
رغد: اهدي اهدي عيوني خلاص عمك راح اهدي.
حسن لف عليهم ع طول اول ماسمع كلام رغد,
حسن بنفسه(عمها؟ وش السالفه؟ وش اللي صاير؟ نفسي اعرف وش السالفه).
تنهد حسن وراح لداخل, بعد ماهدت ديما دخلتها رغد لغرفتها جابت لها مويا وجلست قبالها,
رغد بحزن: وش فيك عيوني وش سوا فيك عمك؟.
ديما دمعت عيونها: تخيلي تخيلي يارغد يبي يزوجني يزوجني غصب عني رجال ماأعرفه يبي يزوجني.
رغد قامت حضنتها: لالالا الا دموعك عيوني لاتبكين لاتبكين.
ديما: انا ماخطر ببالي غيرك قلت تساعديني.
رغد بعدت عنها: افديك بعيوني حبيبتي انتي اهدي الحين.
برا الغرفه كان واقف ع الباب يسمع الكلام تنهد وراح لغرفته,
بنفسه(سبحان الله كيف جتني لحد بيتي؟ وش اسوي انا الحين؟ ماأقدر اناظر بوجهها؟ خايف! ايه خايف, خايف عليها موعلى نفسي ااخخ يافيصل ااخ انت اللي حديتي اسوي كل اللي فات ااخ بس)عض شفايفه بقهر وتنهد,
عند رغد وديما,
رغد: انا الحين بروح لأمي واجي بس اقولها تمام.
هزت راسها ديما وطلعت رغد قلبت نظرها ديما بالغرفه وشافت صورة جنب سرير رغد وقفت وقربت لها شدتها الصوره وشالتها تشوفها وفجأه تحس بقشعريره بجسمها جسمها صار ثللج,
ديما بنفسها(هذا حسن, الحين تأكدت انه اخو ساره أي والله هذا حسن),
الصوره كانت بشاليه رغد كانت واقفه وجنبها حسن يضحكون ووراهم البحر كانت الصوره بقمة الجمال ابتسمت بشويش ديما ولمست الصوره ممرت اصابع يجها على حسن وهي مبتسمه قطع عليها سراحنها دخول رغد,
رغد ابتسمت: هذا اخوي حسن.
ديما بلاوعي وبإبتسامه: ايه ادري.
رغد عقدت حواجبها: شلون دريتي؟.
ديما بنفسها(الله يقلع لساني انا الخبله),
ديما بتلعثم: اا. .توقعت من الصوره يعني.
رغد: اها, ,المهم قلت لأمي وشوي بتجي.
ابتسمت ديما وحطت الصوره بمكاها وكلها دقايق وتدخل ام حسن,
ام حسن تحضن ديما: نور بيتي ياحبيبتي نور بيتي.
ديما ابتسمت وبادلتها الحضن شوي شوي دمعت عيون ديما حست بالحنان والدفا بحضن ام حسن من زمان ماحست بـ هالحنان والدفا هذا كانت فاقدته لاحظت عليها رغد انها تبكي,
رغد: ديوم ليش تبكين؟.
ديما بصوت مبحوح: خالتي عادي تحضنيني شوي.
ام حسن تشد عليها: عادي ياعيوني انتي بحسبة بنتي رغد.
انهالت دموع ديما من كلام ام حسن ورغد حزنت عليها طلعت من الغرفه وراحت للصاله,
عند حسن مل من القعده وقام للصاله شاف رغد جالسه ومسرحه راح وجلس جنبها,
حسن: رغد وش سالفة البنت ذي؟.
رغد تنهدت بحزن: اهووه سالفتها سالفه ياحسن لو تدري بس.
حسن انشد للموضوع وعدل ججلسته: وش قوليلي؟.
رغد: هذي ديما عرفتها من بيت ابومرام اللي يصير عمها.
حسن: ايوه سمعت كلامك بالحديقه برا.
رغد: من اول ماشفتها دخلت قلبي سولفنا كثير مع بعض صارلنا سنه وعليها اهلها توفوا من سنه واكثر من النص واخذها عمها تعيش معه بالبيت بس فجأة انقطعت عني وزرتها بالبيت وقالت لي ان عمها شافها تكلم وكسر الجوال وضربها هي دايم بعذاب مع عيلة عمها حاقدين عليها بشكل تخيل تو تقولي هاربه من بيت عمها عشانه يبي يزوجها رجال ماتعرفه انا اخاف انه ياخذها من البيت غصب ويزوجها.
تنهد حسن وهو يفكر فيها وقام يطلع برا البيت,
عند ميار وماجد ميار كانت تجهز شنطة البحر وتجهز العزبه (المؤونه, الأكل) وماجد كان يجهز شنطته,
ماجد: مياار.
ميار جته: هلا.
ماجد: بروح الحين الدوام اخذ اجازه تبين شي من برا ناقص شي للعزبه؟.
ميار: ايوه جيب معلبات وشاهي لأن الشاهي بيخلص.
ماجد: طيب.
طلع ماجد لدوامه وميار كملت شغلها شوي دق جوال ميار شافته منار وردت,
ميار: هلا منور؟.
منار: جهزتي؟.
ميار ابتسمت: اللي يسمعك يقول بنمشي بعد شوي.
منار تنطنط: يوووه ماتتخيلين قد ايش متحمسه.
ميار: هههههه انا شوي اخلص بس استنى ماجد يجيب شوية اغراض احطها بالعزبه واقفلها وانتم؟.
منار: كلش تمام تونا قفلنا الشناط.
ميار: اقول طرت فبالي فكره.
منار: قولي؟.
ميار: اول مانجي مولازم نروح لشاليه نقعد ع الشاطئ ونمشي بالليل عشان ناصل ع شروق الشمس الللهه تحمسست.
منار: وااه حتنا تحمست بس مااتوقع انهم بيمشون بالليل.
ميار: انا بقول لماجد وانتي شوفي خالتي.
منار: طيب يلا سلام.
قفلت ميار من منار ودقت على ماجد وقالتله انهم يمشون بدري ووافق بحكم ماعنده شغل, عند منار,
منار مبوزه: يعني مافي امل؟.
ريان: انا عندي شغل وماراح اخلص غير ع الفجر واذا مشينا يكون النور طالع مايمديني.
منار مبوزه: اففف ياربي قهر.
راحت للغرفه واتصلت ع ميار,
منار: حظي عجاجه والحبايب قراطيس):
ميار تضحك: ههههههههههه شفيك؟.
منار: اافف ريان عنده شغل مايمدينا نمشي بالليل.
ميار ابتسمت: يمكن خيره لاتتأففين.
منار: انتي كلمتي ماجد؟.
ميار: ايوه من شوي مقفله وقال ماعنده مانع بنمشي بالليل.
منار: الله يابختك.
ميار: ترا بنقعد ثلاث ايام عادي مرا ثانيه.
منار: بس حلاتها اول ماتجين.
ميار: خيره يلا.
ميار تسمع صوت الباب ينفتح,
ميار: يلا سلام هذا ماجد جا.
منار: باي باي.
ميار قفلت: ماجد.
ماجد: بالمطبخ.
راحت لمه ميار: الحين بقفل العزبه واطلعها.
ماجد: ترا اخذت سيارة خويي لأن الكامري ماتدخل عند الشاطئ تغرز.
ميار تهز راسها وهي تحط الأغراض بالعزبه خلصت وراحت ترتاح بالغرفه, عند ديما وام حسن بعد ماهدت ديما جلست تسولف مع رغد وبعدها أكلوا وبعدها جلسوا يسولفون,
رغد: ااسمعي ترا امي خلت الخدم يسوون لك الغرفه اللي جنبي ويجهزونها لك.
ديما ابتسمت: مدري شلون اوفيكم حقكم.
رغد ابتسمت: الحين صارت لي اخت بالبيت يالله اني اطق من الطفش لحالي بالبيت.
ديما: عيوني انتي.
قعدوا يسولفون ولاشيء جديد, بالليل س2,30 ميار بالشقه تشيل شنطتها,
ماجد: يلا ميار لانتأخر.
ميار: يلا طلعت. .ايه ماجد قفل الشقه ترا ماقفلتها.
ماجد: طيب اطلعي انا اقفلها.
طلعت ميار لمواقف السيارات تنتظر ماجد ودقايق وهو نازل,
ماجد: يلا.
مشت ميار مع ماجد وصلوا لعند السياره ماجد فتح الباب وناظر وراه شاف ميار واقفه تناظر السياره وعيونها بتنط من ورا النقاب,
ماجد يضحك: شفيك؟.
ميار فكها طاح: واقلبي هذي سيارة احلامي تدري واه حبيبتي.
جات ميار للصدام(مقدمة السياره)وحضنته,
ماجد يضحك: امشي لاتفشلينا.
ميار ركبت السياره وهي مومصدقه اخيرا ركبت هـ السياره كانت تحب السيارات كثييير,
صورة السياره
vv




المهم شغل السياره ماجد وانطلقوا ع البحر وبعد ماطلعوا ع طريق السفر طلع ماجد وصلة وشبكها بالسياره وشبك جواله فيها وشغل هالشيله
vv



(تخخق هالشيله): (
المهم نروح لم ديما منسدحه بالغرفه اللي جهزتها لها ام حسن تناظر السقف وتفكر تعبت من كل شي تعبت كثير ماتدري وش تسوي ماتبي تثقل على ام حسن تقلبت بالسرير عجزت تنام تنهدت وقامت اخذت جلال اسود وتغطت وطلعت للحديقه جلست تتمشى وهي مبتسمه,
ديما بنفسها(الله يازين شكل الحديقه تفتح النفس).
كانت الحديقه مليانه بالزرع والورود وفيه نافورة بوسطها معطيتها منظر حلو, شافت مشتل ورود بآخر الحديقه مشت وجلست قدام الورود ناظرتها بإبتسامه وهي تتلمسها وحده وحده وقفت وخطرت ببالها فكره لفت حولها وتأكدت ان ماحولها احد بعدت الجلال عنها وقفت بوسط الزرع فتحت يدينها اخذت نفس عمييق وارخت نفسها وطاحت على العشب وهي تضحك بشويش قعدت تحرك يدينها ع الزرع بحركه دائريه مع رجلها اخذت نفس ووقفت اخذت الجلال وجلست ع الكرسي تناظر النافوره قدامها وسرحت بعيد,
جوا البيت كلن فاتح البلكونه والستاير يحركهم الهوا وهوا منسدح ع السرير جلس وهو يتنهد وقف على البلكونه وهو جالس على جواله شوي يشوف احد يتحرك بالحديقه اول ماشافه حسب انه حرامي لكن وقف لما شافه يدنق(ينزل)ع الورود ويمرر يده عليه,
حسن بصوت واطي: يد بنت ذي.
تذكر ديما اللي عندهم وتوقع انها هي قفل جواله وحط ايدنه ع حافة البلكونه وهو متكتف ويناظر تصرفات ديما ابتسم وهو يشوفها تطيَّح حالها ع العشب وتضحك ح بحاجه تحركت بقلبه قرصه قلبه بقوه مايدري وش جاه قعد يطالع لديما وقلبه يقرصه حركاتها بريئه زي ماهي اول ماتغيرت.
بنفسه(كيف؟ كيف سمحت لك نفسك انك تسوي فيها اللي سويته! ااه بس ليتني اقدر اعوض عن كل اللي فات بس كيف وفيصل مات خلاص ماات راح هو وعيلته انا شسوي ااخ),
سمع صوت فتح الباب لف وراه وشاف ام حسن قفل البلكونه بسرعه وهو يتنهد,
حسن: هلا يمه.
عند ديما كانت تتأمل النافوره سمعت صوت فوقها ناظرت وراها شافت البلكونه عقدت حواجبها وتذكرت حسن فتحت عيونها بصدمه,
ديما بصوت واطي: لايكون شافني؟ افف انا الغبيه.
قامت ديما لغرفتها وهي ماشيه عدت من غرفة حسن وقفت وهي تسمع النقاش,
حسن بعصبيه: يمه وش تقولين انتي؟.
ام حسن: مافي حل غير هذا ياوليدي احنا مجبورين تبينا نشوفف البنت تموت وهي بين ايدنا؟.
حسن: يمه شلون شلون تبيني اتزوجها شلو....

فجأه!
_______
خلونا نروح لم ميار وماجد الساعه كانت 4,30الفجر وصلوا لبحر قيال(شاطئها يخخقق كله رمليي) ,
المهم وصلوا وفرشوا الفرشه وطلعوا القهوه والجلكسيات وقعدوا يتقهوون ع ريحة البحر, (يالبييه ياريحة البحر)
المهمين طلعت ميار من السياره سماعه مو كبيره ولاصغيره,
ماجد ع الشاطئ واقف: ميار ميار تعالي شوفي.
راحت ميار لمه وبيدها كشاف,
ميار: وش؟.
ماجد: شوفي الإخطبوط.
ميار: يامامي ليش لونه اسود كذا يخوف.
ماجد: ركزي النور عليه لونه بنفسجي غامق مواسود.
ركزت ميار الكشاف عليه وشافت لونه بنفسجي,
ميار: يمه شكله يخوف.
شوي ميار تحس بحاجه ع رجلها,
ميار نطت ع ماجد: ااااااااااااااااااااااااا اااااه.
ماجد من الفجعه طاح ع ورا وطاحت فوقه ميار,
ماجد: ااخخ راسي قومي عني يابنت.
ميار قامت: اهئ اهئ يمه يعع يع.
ماجد يقوم ويطق ملابسه عن التراب ومسك راسه,
ماجد: شفيك انتي خرشتيني؟.
ميار: جا ع رجلي ابوجلمبوا يممه يعع اهئ اهئ.
ماجد يحك راسه: ابوجلمبوا؟ قلت قرش عضها ولا قرصك شي بالأخير ابوجلمبوا؟.
ميار تضرب كتفه: ترا يخوف لاتتريق.
ماجد يضحك: هههههههه تمام سكت تعالي نجلس.
جلست ميار مع ماجد ع البحر ماجد كان ع الجوال منسدح ومتكي يده يعني نص انبطاحه(يارب فهمتوا)المهم ومييار ضامه رجلها لصدرها وهي تناظر الموج,
ميار بسرحان: اشتقت لأمي.
ماجد رفع راسه لها وقفل جواله,
ميار دمعت عيونها: تتذكر لما غرقتوني بالبحر انت وفهد وامي كانت تصايح تقول عيالي يبون يذبحون اختهم هههههه واتذكر رنيم لما صرخت زهي بالبحر ولما رحتوا لها قالت ان فيه حاجه مسكت رجلها بالأخير طلع كيس ههههه.
كانت ميار تتكلم وهي مبتسمه ودموعها تنزل وصوتها مخنوق قعدت تبكي بقوه جلس ماجد وضمها له وهي ع حالها,
ماجد تنهد: الله يرحمهم.
بكت ميار شوي وبعدها هدت بعدت عن ماجد وجلست تتأمل البحر وماجد قام يوضي عشان يصلي,
بعد ماصلى ماجد مع ميار جلسوا ع الشاطئ وشوي شوي بدا النور يطلع بدون الشمس,
ميار: اللله شوف شكل البحر كيف مع السما.
ماجد: خذي الكاميرا صوريه.
ميار: اكييد عيوني.
اخذت ميار الكاميرا وقعدت تصور البحر مع السما وشوي شوي بدت الشمس تطلع وشكل الشروق يفتح النفس وقفت ميار وصورت الشمس مع البحر وجلست بعدها تتأمل المنظر,
ميار: ماجد بخاطري شي بسويه.
ماجد: وشو؟.
ميار وقفت بإبتسامه: بسويه مالي دخل.
وقفت ميار ع الشاطئ وفتحت يدها وصرخ بأعلى ماعندها ماجد قفل اذانه بيده واللي حولهم كلهم ناظروا لم جهة ميار منفجعين,(ميار لبست عبايتها لما طلع النور لأن حولها كان في ناس),

ماجد: فضحتينا وفجرتي طبلت اذني.
ميار ابتسمت وهي تجلس: والله عاد كان نفسي فيها من زمان وسويتها.
ماجد يناظر حوله ويضحك: شوفي الناس كيف تناظرنا.
ميار: وش علينا منهم.
ماجد: هذا ريان يدق. .هلا ريان. .ايه وصلنا من زمان. .توكم ماشين. .زين لاوصلتوا ردمية(طريق بدون رصيف)ثيال دق علي. .يلا مع السلامه وتاصلون بالسلامه.
ميار: توهم يمشون؟.
ماجد وهو يقوم: ايوه.
ميار تتأمل الشاطئ وماجد راح يشغل السياره,
ميار: ماجد على وين؟.
ماجد: يلا نروح نشوف شاليه لمي الأغراض.
ميار: لاا مابي اروح انت روح وانا بقعد.
ماجد قطب حواجبه: تقعدين لحالك؟.
ميار: ايوه عادي بعدين احنا الصبح وشوف الناس ياكثرهم حولي لو صارلي شي استندت فيهم.
ماجد يناظرها بنص عين: لابغيتي لك مخرج تعرفين تجين من وين.
ابتسمت ميار: يلا روح لحق ع الشاليهات ادق عليك لابغيت حاجه.
ماجد يركب السياره: انتبهي ع حالك.
قفل الباب ماجد ومشى,
ماجد بضحكه: مهبوله.
ابعد ماجد عن ميار وميار حطت السماعات وشغلت شيلات وانسدحت تتسمع,
نرجع لحسن وام حسن, قبل ساعه,
حسن: يمه شلون شلون تبيني اتزوجها شلو....

فجأه!
سمعوا صوت برا الغرفه وقفوا الإثنين,
ام حسن: بسم الله.
راح حسن للباب ووراه امه فتحه ونطت عيونه من مكانه وهو يناظره ممده ع الأرض ولاحركه تصدر منها,
ام حسن شهقت: ديمما.
حسن يناظر امه منفجع وام حسن انحنت لديما ورغ طلعت من غرفتها ع صرخة امها وركضت لمهم اول ماشافت ديما طايحه ع الأرض,
رغد: شفييهاا؟.
ام حسن: مدري يارغد مدري.
رغد تناظر حسن: حسسن دق ع الدكتوور شفيك واقفف كذاا؟.
حسن فاق من حالة الصدمه وطلع جواله واتصل على الدكتور وبعد ربع ساعه جا الدكتور بعد ماشالها حسن ع غرفتها وكشف عليها وطلع,
الدكتور:الأخت ديما بخير ولله الحمد بس الإرهاق والتعب بأ بيأثر فيها فيها بأ تحتاق لراحه ودي مسكنات.
طلع الدكتور ووراه حسن جلست ام حسن عند راس ديما,
ام حسن بنفسها(ان شاءالله ماسمعت الكلام ان شاءالله),
قامت ام حسن من عند ديما وهي تتنهد وراحت لغرفتها ونامت,
نروح لم ميار وهي منسدحه تحس في احد عند راسها فتحت عيونها وشافت رجال واقف معطيها ظهره وينادي شالت السماعه بسرعه وغطت وجهها,
الرجال: اسف اختي ازعجتك بس شفتك منسدحه بدون حركه ولاحولك سياره قلت اشوفك اذا فيك شي.
ميار بشوية رعب: لا لا بخير انا ومشكور.
راح لرجال وميار تندت بقوه,
ميار: اووه ياقلبي جا يطلع من مكانه.
شافت جوالها يدق وردت,
ميار: هلا منار.
منار: هلا وينكم انتم؟.
ميار: انا ع الشاطئ وماجد راح يدور شاليه.
سمعت ميار صوت سياره وراها لفت وهذا ماجد,
ميار: هذا هو جا.
منار توسعت عيونها: قعدتي لحالك ع الشاطئ؟.
ميار ضحكت: هههههه ايوه لحالي.
منار: ي المهبوله.
ميار ابتسمت: عادي. .المهم انتوا اللي وين؟.
منار: احنا عند الردميه ريان يدق ع ماجد مقفل.
ميار: اها يمكن طفي شحن بعطي ماجد الجوال اعطيه ريان انتي.
منار: طيب.
منار اعطت ريان الجوال وميار اعطت ماجد الجوال,
ميار: ريان يكلمك.
ماجد: هلا ريان.
ريان: هلا فيك ادق عليك مغلق؟.
ماجد: أي والله طفى الجوال شحن.
ريان: المهم الحين انت وينك اوصفلي انا عند الردميه؟.
ماجد: بنرجع الشاليه حجزت شاليه قريب من عندك خلاص الشمس صارت حاره.
ريان: طيب انتظرك عند طرف الردميه.
ماجد: يلا سلام.
ماجد اعطى ميار الجوال: يلا نشي الأغراض بنروح الشاليه الشمس احترت.
ميار وقفت: يلا.
شالوا الأغراض وراحوا ع الردميه وقف ماجد لما شاف ريان واقف بالسياره جنب الردميه ونزل يسلم,
ماجد: هلا والله.
ريان يبتسم: هلا فيك شلونك شعلومك؟.
ماجد: والله بخير الحمدلله كيفك انت؟.
عند ميار طلت براسها مع الشباك وطبعا السيارتين كانوا جنب بعض طقت قزاز سيارة ريان وفتحت القزاز منار,
ميار ابتسمت: الحمدلله ع السلامه.
منار وام ريان: الله يسلمك.
ميار: وين ابوك منار؟.
منار: يقول عنده شغل ماجا.
ميار: اها.
منار فكها طاح: واااو وش هالسياره الخقه توي انتبه.
ميار تضحك: هههههههه ي الحولا ماشفتينا واحنا جايين؟.
منار: ماحسبت ان اللي بالسياره انتم من وين جابها ماجد؟.
ميار: سيارة خويه عشان الكامري مادخل جوا عند الشاطئ.
منار: اها.
شافت ميار ريان يدخل السياره وكذلك ماجد قفلت القزاز ومشوا ع الشاليه وبعد ربع ساعه وصلوا كان الشاليه مرا حلوا فيلا مو شاليه دورين الدور الأول مطبخ ومجلس وغرف جلوس والدور الثاني اربع غرف نوم وحده سرير مزودج وثلاث غرف سريرين فردي وفيه بلكونه مطله ع البحر والمسبح وبرا الفيلا مشب مستقل وجلسه حديقه ومكان للسياره دخلوا البنات وركضوا ع البحر,
منار: الله يازين ريحة البحر.
ميار: أي والله.
طلعوا البنات للدور الثاني وكل وحده اختارت غرفه وغرفة السرير الزوجي خذتها خالتهم والغرفه الرابعه حطوا فيها عفشهم وبعدها ناموا البنات بالدور الثاني والعيال ناموا بالمشب,,


خلص البارت التاسع( :
توقعاتكم؟
ديما بتوافق ع كلام ام حسن؟
ودمتم بود( :