\\
\\
مدخل
على قدر حب يكون انتقامها ..
وعلى قدر غباء يكون سقوطها !!
شكسبير
البارت العاشر
الخميس
الساعه: 4,15.
العصر بالشاليه صحت ميار واخذت جلالها وطلعت ع الشاطئ شافته جالس يناظر للبحر بسرحان جلست بعيد عنه بشوي,
ميار: سلام.
ناظرها بإبتسامه: هلا وعليكم السلام.
ميار: ماجد نايم؟.
ريان: لا راح يجيب لساتك نسينا نجيبهم قبل نجي.
ميار هزت راسها ووهي تتمتم وقعدت تتأمل البحر اما ريان فقلبه يدق بقوه يبي يقولها يبي يعترف لها موقادر خايف خايف من ردة فعلها تنهد بقوه وقام,
ريان: لاصحت امي قوليلها اني ابيها.
ميار هزت راسها بإيه وقعدت تتأمل البحر وهي تستنشق ريحة البحر وبعد ساعه صحت ام ريان ومنار,, وميار كانت مجهزه الفطور بالشرفه اللي قدام البحر والمنظر طالع يجنن جلسوا كلهم يفطرون كان ع رأس الطاوله ام ريان ومن يمينها منار وجنبها ريان ويسارها ميار وجنبها ماجد,, خلونا نروح لم ديما كانت تحس بصداااع قامت وهي ماسكه راسها لفت راسها وهي تتنهد انفتح الباب ودخلت ام حسن,
ام حسن بفرحه: اخيرا صحيتي يابنتي.
ديما بألم: شصار؟.
ام حسن بحزن: امس اغمى عليك وخفنا عليك وبعد ماكشف الدكتور يقول انه ارهاق وتعب لازم تريحين نفسك.
رمت ديما حالها ع السرير وهي تتنهد طلعت ام حسن بهدوء ودخلت ع حسن اللي كان يفكر بغرفته,
ام حسن: فكرت باللي قلته لك ياحسن؟.
حسن تنهد: يمه انتي وش تقولين انا مستحيل اتزوجها قلبي مايميل لها ماأحبها؟.
بقلبه(الا اعشقها بس ماأقدر ماأقدر اناظر بوجهها),
ام حسن: طيب تبي البنت تنهار قدام عيوننا واحنا ساكتين؟.
حسن تنهد: موافق لكن بشرط.
ام حسن: قول وشو؟.
حسن: زواجنا على ورق ولا أشوفها ولاتشوفني لين تنتهي مشكلتها وبعدها اطلقها ولاأحد يدري بزواجنا.
ام حسن تنهدت: ان شاءالله انا بكلمها وبنشوف.
طلعت ام حسن وحسن قعد يفكر مسك قلبه وهو يحسه بيطلع من مكانه من كثر مايدق,,
نرجع للشاليه خلصوا فطور والشباب راحوا يسبحون بالبحر وقدامهم ميار ومنار وام ريان يناظرونهم وهم يضحكون,
ريان يصارخ: ماااجدد ياا اههببلل.
ماجد يضحك: لا ي الخواف تراه مزح؟.
ريان وهو معصب: احد يمزح كذا يـ العنيف؟.
منار تضحك: مااجد حرام عليك عذبتته.
ماجد: خليه يتعلم شوي.
ام ريان: انتبهوا تنصفقون ياعيال.
ريان يبتسم: احنا مو بزران يم..
وفجأه ولا ماجد فوقه وهو يغرقه بالبحر وريان يحاول يطلع(مزحهم دفش~_~),
ميار: مااجد خلاص عاد بتذبحه اليوم.
قام ماجد عن ريان وريان طلع بسرعه وهو يتنفس بقوه ووجهه احححمممممممرر,
ماجد يبتسم: شرايك بالتغطيس؟.
ريان ناظره بحقد: تعال اوريك.
مسك ريان رقبته وحط راسه داخل المويا وبعده لمعت براسه فكره وترك ماجد وماجد قام بسرعه ووجهه احمر,
منار: كما تدين تدان هههههههههههه.
الكل: ههههههههههههههههههههههههه هههه.
ماجد: لاتضحكون وجع.
ماجد مسك ريان ورجع غطسه ريان حاول انه يطلع نفسه وماقدر,
فجأةة!!,
خلونا نروح لم ديما كانت ام حسن عندها,
ديما: ياخاله انا فاهمه ومقدره وقفتكم معي لكن اني اتزوج حسن لا.
ام حسن: يابنتي يابنتي انتي لازم تتخلصين من عمك وتفتكين منه.
ديما: بزواجي من حسن بتخلص منه؟.
ام حسن: انتي لاتزوجتيه بنواجه عمك بورقه زواجكم وطبعا زواجكم ع ورق ومتى ما إنتهت مشكلتك تطلقون ولاراح يدري احد.
ديما حست بشوية غضب: ماني موافقه ابدد لو تنطبق السما ع الأرض ماني موافقه خلاص انا برجع لعمي...
ام حسن قاطعتها بسرعه: لالا لا يابنتي خلاص لاتتزوجين حسن لكن لاتروحين لعمك.
تنهدت ديما وطلعت ام حسن من عندها,
ديما بنفسها(لا وبعد يبي يتزوجني! ااخخ للآن ماني ناسيه الماضي لكن! لكن الغريب اني ماأكرهه رغم اللي سواه فيني ماكرهته معقوله للآن احبه؟لا مستحيل احبه هذا اناني اناني),,
طردت هالأفكار من راسها وتنهدت,,
عند حسن,
حسن بحزن يخفيه: رفضت يعني؟.
ام حسن: أي والله رفضت راسها يابس هالبنت.
حسن بهمس: بعذرها يالغاليه ماتبيني.
ام حسن: هاه؟ وش قلت انت؟.
حسن انتبه لنفسه: ولاشي يـ الغاليه.
طلعت ام حسن وحسن سند راسه ع الكنب,,
حسن بقلبه(ااخخ للآن تكرهك ياحسن للآن! طيب انا احبها والله احبها وش اسوي؟).
تنهد حسن وقام وطلع برا البيت,,
نرجع للشاليه بعد ماغطس ماجد ريان,,
فجأةة!,
ارتخى جسم ريان كله وكنه اغمى عليه ماجد حس بإرتخاء جسم ريان بعد عنه وشافه يطفوا ع البحر وانخرع ميار كانت تناظرهم ولما شافت اللي صار وقفت وصرخت,
ميار: رياااان؟.
ام ريان ومنار خافوا ووقفوا بسرعه,
ماجد: يمه هذا شفيه لايكون مات؟.
سحبه ماجد للشاطئ وركضوا كلهم لمه وجه ريان كان احممرر ولايتنفس وماجد واقف وهو يرتعب,
منار بدموع: ريااان ريااانن؟.
ريان كان مايتنفس وكلهم قاموا يصيحون حتى ماجد ميار قربت لم ريان وحطت ايدها ع صدره تهزه,
ميار بدموع: ريان تكفى قوم قول انه مقلب قووم.
بعدت ميار يدها وهي تصيح,
منار: ريان قوم مين بتضارب معه انا لو رحت مين بتهاوش معه قووووم.
ريان فقع ضحك ماقدر يكمل جلس وهو يضحك ويضحك وكلهم يناظرونه منفجعين,
ماجد: الا ي الكلب مخليني اصيح عليك وبالأخير تمقلبنا؟.
ام ريان تمسح دموعها: الله يهديك ياوليدي طيرت قلبي.
ماجد شات ريان مع ظهره اما ريان من كثرة الضحك ماحس بالضربه وقفت منار وضربته,
منار: وجع قلبي طاح.
اما ميار وقفت وضربت راسه بخفه,
ميار بحقد: طيرت قلبي ي حمار.
ريان ابتسم: اسم الله على قلبك.
ميار قلبها دق بقوه وانحرجت وراحت جوا,,
مافي شي جديد عدا اليوم بهدوء باليل الساعه12,,
ميار كانت بالمطبخ تسوي لها كوفي دخل المطبخ وهو يتنحنح رفعت ميار الطرحه ع راسها وماناظرته,
ناظرها بزعل: افا زعلانه مني؟.
ماردت عليه وقعدت تكمل الكوفي,
ابتسم: خلاص اسف ماأعودها.
ميار ناظرته: لا ي شيخ طيرت قلوبنا حسبناك مت؟.
ريان قرب لمها ومسك يدها: لـ هالدرجه خفتي علي؟.
ميار قلبها قرصها من قربه وعيونها تعلقت بعيونه,,
ريان كان يناظر عيونها الرماديه وهو مغرم فيها,
ريان بهمس: بقولك شي.
ميار تناظره بخوف وبنفس الوقت تحس شعور غريب ماتدري ايش هو,,
ريان قرب لأذنها وهمس: احبكك.
ميار انصعقت من كلمته بعد عنها وشاف الصدمه بعيونها,
ريان بهيام: انا من زمان ودي اقولك وماقدرت لكن الحين انتي ذبحتيني انا احبك واموت فيك.
ميار بعدت يدها عن يده بسرعه وطلعت برا المطبخ سريع اما ريان وقف وهو يناظر مكانها لمس صدره وهو يتذكر حركتها لما مقلبهم ابتسم لاشعوريا وطلع للمجلس,,
عند ميار دخلت الغرفه ووجهها احمر تحاول تهدي من نفسها شوي دخلت منار وعليها ابتسامه خبيثه,
منار بخبث: شفيه وجهك؟.
ميار تمسك خدودها: هاه شفيه وجهي؟.
منار: اشوفه يطبخ طماطم؟.
ميار: ولاشي بس حرانه شوي.
منار صرخت بضحكه: يي اللوووصصخخهه.
ميار فزت: بسم الله وش تقولين انتي؟.
منار تغمزلها بخبث: احبك ومادري وش ي الوصخه هاه؟.
ميار استحت: وجعع اسكتي للآن منحرجه.
منار تربعت: تعالي تعالي اجلسي هنا وقوليلي كلشي.
ميار: وش اقولك؟.
منار: قوليلي كيف حبيتيه؟.
ميار ناظرتها بنص عين: ومين قال اني احبه؟؟.
منار: عليينا؟.
ميار جلست وهي تتند: أي والله هو اللي قال يحبني انا بصراحه اشوفه زي ماجد.
منار بصدمه: وش لا اكيد تمزحين انتي؟.
ميار تناظرها بجديه: لا ماأمزح ريان بالنسبه لي زي ماجد ولاأفكر بيوم اني اكون زوجته.
منار وقفت: ياحسرتي على اخوي.
ميار مسكت قلبها: هذا هو اللي يلعب فيني ماقدرت اقول لا لريان بـ هالوقت وماراح اقدر اقوله تكفين منار انتي قوليله لارجعنا من البحر.
منار: شلون اقوله انا بالله؟ لا ماني قايله له.
ميار: اجل تبينه يعيش هالحب بوهم تكفين قوليله ماأبيه يتعشم فيني انا اعتبره ك أخ.
منار: بحاول اقوله بعد مانرجع.
ميار: لازم تقولين له.
تنهدت منار وجلست ع السرير,,
مافي أي احداث جديده,,
بعد اسبوع ببيت ابوريان بغرفة ريان,
ريان يمسك شعره بقوه وعيونه حمر: شتقولين شتقولين انتي منار يعـ.. يعني ميار تعتبرني ك أخ لها؟.
منار تمسك يده: ريان هد ياحبيبي هي قالتلي اقولك عشان ماتتعشم فيها.
ريان بقهر: انا تعشمت فيها وخلاص قلت بكلم ابوي اخطبها شلـ.. شلون تسوي فيني كذا؟.
منار: ريان اصحى وش شلون تسوي فيك كذا اللي يسمعك يقول هذول حبيبين وبيتزوجون عن حب هي ماتحبك هي تعتبرك ك أخ افهم.
ريان قام بسرعه وطلع برا البيت ركب سيارته ومشى مايدري وين يروح,,
عند ميار كانت تكلم منار,
ميار بحزن: صدق؟.
منار تنهدت: ايوه قال كذا حزنت عليه.
ميار: خلاص اسكتي لاتحسسيني بالذنب.
منار: مدري شسوي انا.
ميار: انا بكلمه.
منار: لا لاتكلمينه لايثور علينا.
ميار: الا بكمله حتى انا ماأتحمل اشوفه يتألم عشاني.
منار تنهدت: مدري شقول والله.
ميار: المهم يلا مع السلامه بشوف ماجد بنطلع السوق شوي باقي ثلاث ايام ع رمضان والمطبخ فاضي.
منار: يلا مع السلامه.
قفلت ميار وهي تتنهد وقامت لماجد بالغرفه,
ميار: ماجد فاضي؟.
ماجد: ايوه امري؟.
ابتسمت ميار: ابي اروح السوق رمضان قرب والمطبخ فاضي.
ماجد: طيب اجهزي على ماتحمى السياره.
ميار وهي طالعه: اوك.
لبست عباتها ونزلت لقت ماجد ع الباب راحت معه وراحوا ع السوق وقعدوا يقضون لرمضان,,
ماجد: ميار.
ميار وهي تتسوق: همم.
ماجد: انتي السنه الجايه اخر سنة لك بالثانوي صح؟.
ميار ابتسمت وهي تناظر للجبن بيدها: ان شاءالله.
ماجد: وش تفكرين تدخلين قسم بالجامعه؟.
ميار وقفت وهي تتنهد: الصراحه ودي ادرس بالخارج بأمريكا ازياء وموضه كذا.
ماجد عقد حواجبه: كيف ومن وين لك فلوس اصلا؟ احنا يادوب نجمع للشقه والمقاضي الثانيه.
ميار وهي تمشي: انا مجمعه فلوس من شغلي تقريبا 23الف تقريبا بالدولار كلها6,120.
ماجد: بس ستة الاف ماتكفي؟.
ميار: بجمع فلوس زياده لين عاد يكفيني واذا سافرت بشتغل هناك شغلة تناسبني وبس.
ماجد: ولحالك تروحين؟.
ميار: طبعا لا انت معي.
ماجد: اروح معك وش اسوي انا عندي شغل؟.
ميار: يعني اول اسبوع وكذا تقدر تاخذ اجازه وعاد الباقي لحالي.
ماجد كنه اقتنع: اوك وقتها وخير ان شاءالله.
كملوا مقاضي وطلعوا ع الشقه,,
عند ريان كان وقاف بسيارته وحاط راسه ع الطاره(المقود, اليد)ودموعه تنزل لاشعوريا,
بنفسه(تعتبرني كأخ تعتبرني اخوها؟ ااخخ ياقلبي كيف بتحمل انا كيف),,
رفع راسه وهو يتنهد اخذ نفس قوي وناظر جواله اللي يدق شاف اسمها ينور شاشة جواله ابتسم لاشعوريا ورد,
ميار: ريان؟.
ريان ساكت ماتكلم,,
ميار تنهدت: ريان انا داريه انك تسمعني انا اسفه ياريان لكن ماكنت ابيك تتعشم فيني كنت ابيك تنساني بس ماكنت ادري ريان انا اشوفك مثل ماجد ماأبيك تضايق نفسك تكفى ريان لاتعذب نفسك وتأنبني معاك.
ريان ابتسم من بين دموعه وبصوت مبحوح,
ريان: خلصتي؟.
ميار: ريان انت تبكي؟.
ريان يمسح دموعه وهو يضحك: ابكي؟ ابكي عشان ايش؟ عادي اصلا لك واحد نصيب وانا راضي بنصيبي.
ميار تنهدت براحه: تكفى ريان لاتعذب نفسك.
ريان ضحك: شوضعك انتي مافيني شي انا ويلا انا مشغول مع السلامه.
ميار: مع السلامه.
اول ماقفلت ميار مسك الجوال بقوه لدرجه انه شوي وينكسر عض ع شفته مايبي يقهر نفسه اكثر تنهد واخذ نفس شغل السياره وراح للبيت وحط راسه ونام,,
ولاشي مهم عدا يومين وباقي يوم ع رمضان ببيت ام حسن كانت ام حسن بالصاله على التلفزيون وحسن برا البيت ورغد بغرفة ديما تسولف معها,
ديما: يعني قسمك يودونكم رحلات ع المشفى؟.
رغد: يب يب مع ان الطب صععب ومتعب الا اني احبه.
ديما ابتسمت: يلا ان شاءالله تجيبين احسن الدرجات.
رغد: اميين.
عند ام حسن قاعده ع الأخبار,
المذيع: اعلنت المحكمه العليا ان غدا الثلاثاء اول ايام شهر رمضان المبارك جعله شفيعا علينا وعليكم.
ام حسن: يارغغغدد ييابناات.
البنات نزلوا بسرعه,
رغد: وشو؟ وش فيه؟ من مات؟ مين صارله حادث؟ حسن صارله شي؟.
ديما تناظر لرغد بفجعه وهي تضحك,
ام حسن: جعله بعدوينك يـ الخبله.
رغد تمسك قلبها براحه: اشوا خرعتيني.
ديما: امري خالتي؟.
ام حسن: اعلنوا الحمدلله بكره رمضان.
رغد: طيرتي قلبي يمه احسب انه شي مهم.
ام حسن تضربها بالخداديه: ي قليلة الأدب ورمضان مومهم؟.
رغد: ااي يمه؟.
ديما رمت عليها خداديه ثانيه: تستاهلين.
رغد اخذت مخده وركبت فوق ديما وهي تهددها,
رغد: قولي اسفه.
ديما تضحك: بنت انقلعي عني خنقتيني.
رغد ترص عليها: اعتذري والله ماأفكك.
ديما وجهها حمر من الضحك ومن خنقة رغد,
ديما: وجـ ههههههههههه وجع رغد كتـ ههههههههه كتمتيني.
رغد جات بتتكلم ولاحست بنفسها الا وهي طايره بالهوا,
رغد بخوف: يماااهه حسسن نزلنني.
حسن يتمنذل عليها: مافيه.
رغد: حسن تكفى نزلني يمممه شوفييه؟.
ام حسن تضحك: احسن تستاهلين ماجاك خنقتي البنت.
رغد ناظرت لديما بفيس عبوس,
رغد: ديووم قوليلهم اني كنت امزح تكفين خليه ينزلني.
ديما كانت منحرجه لأنها قاعده بدون جلال,
حسن: اذا قالت انزلك بنزلك اما اذا ماقالت شي ماراح انزلك.
رغد: دييمماا تككفيين.
ديما ضحكت بشويش: خلاص نزلها سامحتها.
حسن نزل رغد واول مانزلها رغد قرصت يده وماشافوا الا غبارها,
حسن يحك يده: اححح يـ الدفشه.
ديما قامت بسرعه ووججها احمر وشردت من الصاله وصلت لغرفتها وهي تمسك خدودها,
ديما: اافف شذا قلبي قلبي ماني قادره اخذ نفس شهيق زفير شهيق زفير ايوه اهدي.
هدت ديما وبعدها جلست ع السرير وهي تفكر باللي صار وهي تبتسم تنهدت وراحت ع جوالها,
عند ميار كانت بالمطبخ تسوي السحور,,
دخل ماجد: سلام.
ميار مشغوله: هلا.
ماجد: تو كلمني ابوريان بكره بنفطر عندهم.
ابتسمت ميار: ان شاءالله.
فجأه تذكرت ميار ريان عبست بوجهها وتنهدت وبعد ساعه خلص السحور حطته وقعدوا ياكلون خلصوا وكل واحد راح يسوي شغله,,
ببيت ابوريان,
ام ريان تنادي: يامنااار تعالي ساعديني بحط السحور.
منار جت ركض: هلا يمه جيت.
حطوا السحور وقعدوا يتسحرون,
ام ريان: ابوريان قلت لماجد بكره يفطرون عندنا؟.
ابوريان: ايوه من نص ساعه مقفل منه.
ريان تضايق شوي من جابوا طاري ماجد تذكر ميار لكن قرر خلاص بينساها,,
الكل نام في كل بيت بعد صلاة الفجر,,
_____________
رمضان,,
اليوم الأول,,
الساعه: 6,34.
عند ميار وماجد,
ماجد: يلا ياميار لانتأخر.
ميار: يل ايلا طلعت.
طلعت ميار وهي شايلة صينية بشاميل وماجد معاه صينية حلا طلعوا ع السياره وراحوا ع بيت خالتهم وصلوا ونزلوا ميار دخلت ع المطبخ بعجله وهي تسلم ع منار,
ميار: هلا عيوني. .بسرعه خلينا نحط المكرونه والحلا الأذان باقي عليه دقايق.
منار: شوي شوي باقي عشر دقايق.
ميار: طيب يلا طلعيلي صحون حلا ومكرونه.
طلعوا البنات الصحون ووزعوا قسم عندهم وقسم عند الرجال وبعدها جلسوا,,
ببيت ام حسن بالمطبخ,
رغد: ديما استعجلي بيأذن.
ديما: طيب دقايق بحط المكسرات ع الكوب كيك.
خلصت ديما وغطت نفسها بالجلال وطلعت معها صحون الحلا حطتها ع السفره وكانت ام حسن جالسه وحسن معها جلست رغد وديما جات تروح المطبخ مسكت يدها رغد: على وين بيأذن.
ديما بحيا: بروح المطبخ افطر.
ام حسن: وش هالكلام يابنتي انتي صرتي منا وفينا.
ديما: ماعليه خالتي لكن بروح المطبخ لاأضيق عليكم.
قالت كلامها ديما وطارت ع المطبخ قبل تسمع كلماهم عشان مايخلونها تجلس تفطر معهم, جلست ع الطاوله بالمطبخ سمعت الأذان سمت بالله وافطرت,,
بعد ساعه من الأذان ببيت ابوريان ميار ومنار بالغرفه يسولفون,
منار: ايوه كبيره بالمرا.
ميار: اووف بيتكم عاد من كبره عشان يسوي عزومه كبيره؟.
منار: مدري عنه عاد يمكن يسويها بإستراحه.
ميار: بفف طفش.
منار: أي والله طفش. .الا بسألك انتي لارحتي الجامعه بأي تخصص راح تدخلين؟.
ميار: امس سألني ماجد نفس السؤال اممم بدرس بأمريكا ان شاءالله.
منار: وشو؟ امريكا؟ وش يوديك هناك؟.
ميار: ............قالت كلشي لمنار.
منار: صراحه اول كنت ابي ادرس برا بس مع احباطات ابوي تدرين قلت خليني ادرس هنا احسن.
ميار بتفكير: شرايك تروحين معي ندرس انا وياك برا؟.
منار: والله فكره حلوه بحاول اقنع اهلي.
ميار: خلي خالتي علي انتي عليك ريان وابوريان.
منار: طيب.
ببيت ام حسن ديما كانت منسدحه ع بطنها ومركيه وجهها بيدها ويدها الثانيه فيها جوالها تلقب دخلت رغد,,
رغد: ديوم وش تسوين؟.
ديما تجلس: ولاشي بطق من الطفش.
رغد: ترا بعد ثلاث ايام معزومين وحده من معارف امي عزمتنا ع الفطور.
ديما: بالله حلوا تطلعون وتونسون شوي.
رغد عقدت حواجبها: نطلع وانتي؟.
ديما: ماراح اروح.
رغد: وش ماراح تروحين تقعدين بالبيت لحالك؟.
ديما تنهدت ماتبي تتكلم: ايوه عادي.
رغد جات بتهزأها بس سكتت عرفت ديما ليش ماتبي تروح مسكت يدها تقومها,
رغد: قومي قومي.
ديما تعقد حواجبها: على وين؟.
رغد: قومي البسي عبايتك نروح السوق.
ديما استحت: لا وش مابي السوق.
رغد: اص ولاحرف درجك مافيه غير ثلاث بجايم وكم لبسه قومي معي وغصب عنك تشترين فلوسنا واجده الحمدلله.
ديما بحيا: رغد لا تكفين والله احراج فوق ماني نايمه عندكم ومثقله بعد تشترون لي لا.
رغد: غصب عنك موبكيفك قومي.
ديما: رغد والله احراج.
رغد: يابنت افهمي انتي الحين اختي اختي يعني عادي.
ديما حضنتها: مشكوره يارغد مهمن اسوي ماأوفيك حقك.
رغد ابتسمت: مووقت مشاعرك يلا البسي وانا بروح اقول لحسن.
طلعت رغد وديما تنهدت لبست عبايتها وقعدت تنتظر رغد ودقايق دخلت رغد,
رغد: يلا حسن ينتظرنا.
ديما: رغد والله مولازم.
رغد: لاتخليني اطعنك الحين قومي.
قامت ديما مع رغد ونزلهم حسن عند المول ونزل معهم دخلوا اول محل فساتين ورغد ماخلت ديما بحالها طلعت كل فساتين المحل وقيستهم ع ديما وطلعوا من المحل بكيسين كل واحد فيه فستانين وديما بتنجلط من رغد اما حسن يضحك بخفيف ع شكل ديما المصدوم خلصوا لفلفه بعد ماشروا كل المول وجلسوا بكوفي,
ديما جلست بتعب: حرام عليك يارغد ماخلينا محل مادخلناه وشش ذي الأكياس حشا تكفيني مليون سنه قدام.
حسن يضحك: رغد لادخلت السوق نست نفسها.
رغد: عادي مافيها شي.
ديما: راسي صدع وانا افرفر ماتعبتي انتي؟.
رغد: متعوده عيوني. .المهم حسن بتطلب؟.
حسن وقف: ايوه وش تبون؟.
رغد: ابي شوكولا ساخنه لكن خليه يخففها دايم يثقلونها احس اني اشرب رز ودجاج موشوكولا.
ضحك حسن ع تعبير رغد ولف ع ديما,
حسن: وانتي؟.
ديما: مشكور بس مابي شي.
رغد تأشر بيدها: جبلها كابتشينو هي تحبه.
ديما: لا ماب يشي شبعانه.
حسن: خلاص بجيب لك كابتشينو.
راح حسن للكشك وطلب ووقف ينتظر الطلب شوي حس بأحد يضربه من كتفه بقوه لف وو عاقد حواجبه ولما شاف الواقف ابتسم وحضنه,
انتهى البارت العاشر ( :
توقعاتكم؟
وش بيصير بحياة ريان وميار ؟
وهل ميار بتسافر للخارج فعلا وتكمل دراستها ؟
ومنار بتروح معها اولا؟
دمتم بود وانتظروني بالبارت الجاي( :