[Topaz.]

مسائكم جنة عرضها السماوات والارض
لكم ولمن تحبون 💖

بالبداية الف مبروك تميز الرواية الي تستاهله

الرواية تجنن ،، رغم اني چنت مقررة ما اتابع رواية جديدة هالفترة لان دوام بس ما گدرت .. اسلوبچ كلش حلو

هشام وراندا : هشام يا مجنون اكو واحد من اول لقاء يخطب البنت 😮😮 بس يلا راندا تستاهل ،، اني هسة احب راندا وعاجبتني شخصيتها بس متأكدة ان رأيي بيها راح يتغير بعد ما تتزوج هشام واصير اضوج منها ،، راندا مقتنعة انها تحب سامر بس بالحقيقة ما اتوقع انه حب يمكن تكون معجبة بيه بس حب ابد ما اتوقع 😑😑 ،، بس سؤال منو هو سامر وشنو علاقته بسيلين ؟؟ اساسا هو اشجابه لسيلين 😞😞 .. معقولة يطلع صديق ادم وهو وياه بباريس ويجوز هناك التقى بسيلين

زياد و وتين : زياد حبيته حبيته حبيته ، ووتين ابد ما حبيتها حسيتها وحدة نكدية وتجيب الهَم وللامانة هي غبية يعني ما دامها تعرف انه يحبها المفروض ابد ما تستسلم لتهديدات امه الي اتوقع انها تريده لبنت السفير ،، ووتين المفروض انها تفخَر بجدتها الي الناس تحترمها مو تخجل منها بس شگول غباء الله يبعدكم عنه

سالم " خطيب وتين " : ما ادري ليش بس حبيته احس ورا بروده كتلة مشاعر .. يمكن يكون يحب وحده بس منوووو ؟ شكيت انها راندا بس بعدين اتوقعت انها سؤدد ويجوز هو السبب بقلقها .. ويمكن تكون وحدة من عائلة سمارا

عاصي و رهف : عاصي اكثر واحد حبيييته ، ورهف لا حبيتها ولا كرهتها ،، شنو الحادث الي صار لرهف وغيرها .. خلينا نبدي بقبل الحادث وتغير علاقة رهف وعاصي اتوقع ان رهف اعترفتله بحبها وهو رفض هالحب بكل قسوة بس شنو سبب رفضه ؟؟ ،،، ونجي للحادث يعني هم اختطفو رهف .. ما ادري بس ابد ما اتوقع انهم اغتصبوها يمكن حاولو بس صار شي ومنعهم ومثل ما ذكرتي ان رهف عندها فقدان ذاكرة جزئي فاتوقع انها تتذكر محاولتهم اغتصابها بس ما تتذكر الي صار بعدها ... نجي للي اختطفها و هم هو كان السبب بخسارة الشركة . . ابد ابد ابد ما اتوقع انه عماد اليزيدي " اتوقع هيچ اسمه " . . لان مثل ما ذكرتي ان السكرتير اعترف باسمه وبعدها اختفى فاتوقع ان المتسبب الحقيقي هو الي خلا السكرتير يعترف على عماد علمود يتهمونه ويوگفون بحثهم عن المتسبب وبعدها ساعد السكرتير على الاختفاء او يمكن قتله .. " اگلچ شي بيني وبينچ ... اتوقعت ان سالم إله دخل بالسالفة ويمكن الحالة الي هو بيها بسبب تأنيب الضمير الي صحى متأخر ،، حبابة لا تخلين سالم شرير لاني حبيته " .. يمكن اني مكبرة الموضوع ويطلع عماد هو السبب

سيف و ميسا : حبيتهم وعجبتني علاقتهم بس خايفة عليهم من رجاء الي يمكن تريد بنتها لواحد من اولاد صديقاتها او من اولاد السفير " اذا عنده "

ادم : اگلچ حبيبتي هذا خوما تبقينه بباريس .. حبابة رجعيه للبلد ولاولاده ،،، وشوفيله وحدة يحبها . . لو سؤدد لو وحدة من عائلة سامارا

كون ما نسيت احد

وبالاخير كل الشكر الچ حبيبتي