[اسطورة !]

البـــ[36]ـــارت
&&& فلة بو هاني &&&
غانم ينزل ورا سارة و برجاء: سارة عيب اللي تسوينه
سارة باستهزاء بدون ما تلف عليه: ليه اللي تسويه مو عيب؟؟
غانم بعصبية: بسببك كل اللي سويته بسببك لنا سنين دحين ما كأننا ازواج
سارة لفت عليه: لاني اكـــرهـــك ــ شددت ع كلمة اكرهك ــ و مو طايقه قربك مني .. مو راضي تطلقني انا اللي برفع قضية الطلاق بنفسي
غانم بصراخ: سااااااارة بلا جنااااااان
سارة عطته ظهرها و كملت: الجنان اني بيوم من الايام تزوجتك
غلا كانت تصيح ع صدر هاني
سارة ناظرت غلا وراحت لها
غلا ضمت امها
ام هاني: هاني حتوصلني ولا السواق حيوصلني؟
هاني برجاء: امي وين بتروحين الله يخليك؟
ام هاني بشدة: حتوصلني ولا اخلي السوااق ؟؟
هاني برضوخ: بوصلك
بو هاني: هاني لو وصلتها يا ويلك
ام هاني للخدامه: جيبي عباية غلا
الخدامة ركضت تجيب العباية
هاني: امي..
ام هاني قاطعته بنظره حاده
بو هاني: سارة لو مشيتي ورب البيت ما حيحصل خير
ام هاني بعدم اهتمام: كمل تهديدك لبكرا
بو هاني: سارة عيالك ما حتشوفينهم
ام هاني ناظرته و ابتسمت ببرود: كل واحد اطول من التاني و اللي يبا يشوفني حيشوفني غصب عنك
جت الخدامة وعطت غلا عبايتها
غلا لبست عبايتها
ام هاني: هيا هاني
مشت وهي ماسكه غلا و ورها هاني
بو هاني: هاني لو وصلتها لا انت ولدي ولا انا ابوك
هاني وقف
ام هاني ضحكت بقهر من تهديد غانم و بدون ما تلف عليه: هدا انت ما تتغير ما عندك الا لوي الدراع
هاني راح ورا امه
ام هاني لفت ع هاني: ماما خليك هنا
هاني: ما حخليك
ام هاني: ادا تحُبني خليك
هاني ناظرها بحيره
ام هاني باست خد هاني و مسكت يد غلا بتطلع
بو هاني ركض و مسك يد غلا الثانية وشدها له: غلا ما حتطلع من البيت وريني ايش بتسوي
ام هاني تحاول تاخذ غلا من غانم: هااات بنتي
بو هاني: زي ما هيا بنتك هيا بنتي
غلا تصيح
ام هاني: مو دي اللي ما كنت تباها مو كنت تبا بس بنتك حبيبتك تاج
بو هاني عوره قلبه ع ذكر تاج بس طنش: و انا حلوي ذراعك و ما حخليك تشوفي بنتك
ام هاني بعصبية: مو بكيفك
بو هاني: اطلعي من المجمع ودا وجهي ادا قدرتي تشوفي بنتك
ام هاني بدت دموعها تنزل
غلا: ابعد ابا امي
بو هاني: اسكتي لا دحين كف ع وجهك
هاني سحب غلا من ابوه و بصراخ: بــــــــــــــــــــــــ ــس حرام عليك من ماتت تاج عمرك ما حسستنا انك أب لنا !! مو كافي اللي سويته بغرام !!!؟؟؟ كمان تبا تعذب غلا
غلا صارت تصيح بشكل اقوى
ام هاني مسحت دموعها بقهر
هاني: مو كافي قهرت اكتر انسانه تحُبها بسبب حبك لبنتك ؟؟ ايش استفدت دحين ؟؟ الله يرحم بناتك كمان تبا تقتل اخر بنت عندك ؟
بو هاني رفع يده و عطا هاني كــــــــــــــــــــــــ ـــــــــــــف قوي
غلا+ ام هاني صرخوا بصدمه
الكف ظل يرن بأذن هاني من قوته
ام هاني دفت بو هاني بكل قوتها اللي ما تساوي عند غانم حاجه،، و بصراخ: الللله يااااخددددك
بو هاني بعد عن ام هاني و بهدوء: اياني و اياك تتكلم عن تاج مره تانيه ــ لف ع غلا ومسك يدها وجرها وراه ــ
غلا بصراخ: ابـــــــــعُـــــــد
بو هاني كان ماسك غلا بأقوى ما عنده و طلع فيها للأصنصير: ادا فكرتي تطلعي او تطلبي الطلاق مره تانيه تنسي بنتك دي كمان
تسكر باب الاصنصير
ام هاني نزلت دموعها بسرعه و خبت وجها بيدها
هاني سحب امه لحضنه وباس راسها
&&& ردسي مول &&&
داخل احدى الكافيات
فاطمة: انا لله
رهف: عجبك ولا ما عجبك لازم عقلك يستوعب دا الشي
فاطمة طنشتهم وقامت وراحت لبندر
بندر: تبون حاجه كمان..
فاطمة قاطعته: لا
بندر عقد حواجبه باستغراب: فيك حاجه ؟
فاطمة: تضايقة شوي من كلام البنات
بندر: ليه ؟
فاطمة: يتكلمون عن غرام
بندر: و ايش اللي يضايق بالموضوع ؟
فاطمة: كل شوي رهف تقول الله يرحمها كل ما تقول هالكلمه احس بيأس
بندر: طيب صادقه الله يرحمها سواء كانت حيه او ميته ما تبغي ربي يرحمها
فاطمة: بس يعني اكتر شي يقولونها ادا كان شخص ميت و انا ما ابا احط براسي ان غرام ماتت
بندر سكت شوي بحزن: كلنا مو راضيين نتقبل
فاطمة بإصرار: لانها عايشه و بترجع لنا
بندر: دا الكلام سمعناه من كم سنه
فاطمة: و حترجع
بندر بقهر: ليت عندي نفس اصرارك
فاطمة: اوووف في كل مكان تحطيم
بندر: ما نحطمك بس حنا واقعيين
فاطمة خبت وجها بيدها: تكفى بندر
بندر سكت
فاطمة نزلت يدها بهدوء: كيف الشغل ؟
بندر: شغل الكافي ولا الشركة ؟
فاطمة: الاثنين؟
بندر: الكافي زي ما تشوفين عال العال
فاطمة وهي تتلفت تناظر الناس: اللهم زد و بارك
بندر: امين
فاطمة ناظرت بندر: والشركة ؟
بندر: الحمد لله ماشي شغلها
فاطمة: الحمد لله
&&& في قصر الوليد &&&
الوليد حط راسه ع فخذ امه: أبا غزل يا امي
ام الوليد طنشته
الوليد سحب يدها وباس راحتها: ابوس رجولك رجعيها ليا
ام الوليد: ما حتعقل وربك
الوليد دمعت عيونه: وربي توبه ورب البيت توبه
ام الوليد: والله انك ما تستحقها
الوليد: حلفت لك انها اخر مره وربك بس لا تعرف الله يخليك
ام الوليد قامت بتمشي
الوليد وقف قبالها برجاء: امي الله يخليك
ام الوليد بصوت مرتفع: اوووه ابعُد عني
الوليد بإصرار: امي ابا زوجتي يا امي
ام الوليد: و انا قلت لك طلقها
الوليد بانفعال: ما اقدر احُبها
ام الوليد رفعت حاجبها الأيسر: تباني اعيد الأسطوانة ؟؟
الوليد سكت
ام الوليد: هيا ابعد عن وجهي
الوليد بعد عنها
ام الوليد كملت مشي
الوليد اخذ نفس عميق و بهدوء: امي
ام الوليد ناظرته من عند الدرج
الوليد: لمتى بتقعدي تحرميني من زوجتي ؟
ام الوليد طنشته و طلعت
الوليد مسك راسه بألم و عصبية ومسك الخداديات و صار يرميهم بالأرض و يصرخ

&&& فلة بو ماجد &&&
ماجد: كلمتها بدال المره الف
الجوهرة: وزي كل مره تبا تكمل دراستها
ماجد: ايه خلي ذا كله اقولها طيب كلمتيها ع الأقل تقول لا بس هي ذي فكرتها
الجوهرة: ممكن اذا كلمتها تقعد تفكر البنيه و ينشغل تفكيرها
ماجد بغرور: اكيد بينشغل بالها انا ماجد
الجوهرة بملل: انا لله
ماجد بجديه: المهم انا خايف
الجوهرة: من ايش؟
ماجد: ان الكذوب تحب ــ ولوا بوزه بانزعاج ــ
الجوهرة بيأس: مريييم مريييم اذا بتظل تناديها كذا عز الله ما وافقت عليك حتى لو هي تبيك
ماجد: طيب طيب مريم
الجوهرة: اسأل فطوم اكيد تعرف
ماجد سكت شوي: اخاف اسألها و انجرح
الجوهرة ضحكت: مو من جدك خواف بشكل
ماجد: اوهووو ناقص انا طنازتك
الجوهرة ناظرت فاطمة تدخل: فطوووم
فاطمة راحت لهم: سلااام
الجوهرة وهي ماسكه بطنها: اجلسي
فاطمة: هاه؟
الجوهرة: يقولون نعم مو هاه زي البقر
فاطمة: طيب نعم
الجوهرة: مريم تحب ؟
ماجد ناظر الجوهرة بدهشه
الجوهرة ما عطته أي اهتمام
فاطمة ناظرت ماجد و حاولت تكتم ضحكتها: ليش؟
الجوهرة: جاوبي؟
فاطمة حبت تلعب بأعصاب ماجد: ممكن تصرفاتها هالفتره مو عاجبتني
ماجد ناظر فاطمة ووجه اختفى منه اللون
فاطمة: لا يطق عرقك امزح
ماجد زفر براحه
فاطمة: لا ما تحب
ماجد ابتسم بفرح
الجوهرة: ذي اخر سنه لها ولا نفسكم؟
فاطمة: لا نفسنا
الجوهرة ليش مو هي خلصت ثانويه قبلكم؟
فاطمة: ايوه بس وقفت سنه عشانا
الجوهرة: طيب انا ابي اخطبها لماجد
فاطمة: انا ما كلمتها حتى!!
الجوهرة: طيب كلميها
فاطمة: قلت لكم خل تخلص دراسه و اقولها
الجوهرة: ماجد يبيها
فاطمة: انتظر كتير وقفت ع سنه و شوي ؟
ماجد: و الله كثير
فاطمة: خلاص تخلص دي السنه و اقولها
ماجد: انا للله
فاطمة: شوفوا انا مو فاضية لكم بروح ابدل سونيا قدها وصلت دحين
ماجد قام بيطلع
فاطمة: ماجد
ماجد ناظرها: هلا
فاطمة: ما بتوصلني ؟
ماجد: لا خلي السواق
فاطمة: ترا مريم بتكون هناك
ماجد: وهو يكمل طريقه للباب: خلي السواق
الجوهرة ناظرت فاطمة بعتب
فاطمة: شسوي يعني دا اخويه و دي صاحبتي وهيا ما تبا أي حاجه تخرب عليها و تشتت تفكيرها
الجوهرة طلعت جوالها و طنشتها
فاطمة طلعت غرفتها و بدلت ملابسها
&&& مزرعة جد احمد &&& س 6م
فاطمة: من اول ادق عليه ما يرد
ليان: دقي ع غلا
فاطمة: دقيت محد يرد
مريم: ان شاء الله ما فيهم الا العافية
** اسطبل الخيول **
دخلت سونيا وشافته يغسل الخيل
سونيا: صار يلمع
بندر لف عليها و ابتسم
سونيا تقدمت له: قالو لي البنات عن اللي صار اليوم
بندر يستغبي: ايش صار؟
سونيا: كلامهم عن غرام
بندر: اها
سونيا: فطوم راسها حجر و انت احجر
بندر عقد حواجبه: ايش دخلني؟
سونيا: تبا تقنعني انك ما عاد تلوم نفسك
بندر وهو يمسح ع ظهر الخيل: ع أساس اني مو السبب
سونيا: يوووه يا بندر
بندر: ما نسيت ولا دقيقه من ذاك اليوم
سونيا: محد نسا وكلنا متذكرين تفاصيل ذيك الأيام
بندر سكت
سونيا: بس كنا من عصبيتنا نبا نرمي السبب ع احد و ما كان قدامنا غيرك
بندر: صادقين لو اني ما طلقتها و استعجلت ما كان صار اللي صار انا بنفسي دورت ع واسطات تطلقنا بأسرع شكل
سونيا: بس هيا اللي طلبت منك دا الشي
بندر شات الارضيه برجوله بقهر: و انا غـــبـــي طاوعتها
سونيا: مو غبي هيا اللي طلبت خلصنااا بندر لمتى بتقعد تلوم نفسك !!
بندر سكت
سونيا: لو غرام موجودة وشافت كيف تلوم نفسك من جد حتزعل منك
بندر عض ع شفته السفلية بقهر
سونيا: يكفي الله يخليك اقنعك انت ولا اقنع فطيم
بندر طلع من عند الحصان و قف الباب الخشبي ولف ع سونيا: لا تشيلين همي ما عليك
سونيا: لا بالله مو انت اللي كنت شايل همنا كلنا كل دي السنين
بندر: ليش حنا اخوان ؟
سونيا: عشان نشيل هم بعض
بندر ابتسم و طلع و طلعت وراه سونيا
سونيا: ممكن ما عاد تلوم نفسك
بندر سكت
سونيا: اديني وعد انك ما عاد تلوم نفسك
بندر وهو يغسل يده: مو بيدي
سونيا: الا بيدك دا قضاء و قدر وربي كاتب دا الشي يصير قبل ما تنولد
بندر سكت
سونيا: هيا هيا سريع اديني وعد
بندر يغير الموضوع: تعرفي انك ما ارتحتي من يوم جيتي
سونيا: محسسني اني اسوق الطيارة
بندر ضحك
فاطمة وهي تركض لهم: بندر
بندر: هلا
فاطمة: دق ع هاني
بندر: زوجك؟
فاطمة: ايوه ما يرد علي
بندر: يعني برد علي؟ ممكن مشغول
فاطمة: لسا ساعتين مدري اكتر و انا ادق كل دا مشغول ؟
سونيا: دقي ع غلا
فاطمة بخوف: دقيت محد يرد بديت أخاف
سونيا: ما فيهم الا العافية ايشبك ؟
فاطمة: أبا اروح لهم دحين
سونيا: وين تروحين ممكن في حاجه شاغلتهم
فاطمة: ما يقدر يرد ع الواتس كمان ؟
سونيا: كلمتيه ع الواتس؟
فاطمة: الواتس و التويتر و الانستجرام و السناب و...
سونيا: وللل ريحي الولد شويه !!
فاطمة: مو راضي يرد مع انه وصله صحيين
سونيا: استني لما يدق عليك
بندر وهو محطي جواله ع اذنه: اوصص يدق
فاطمة + سونيا سكتوا
بندر: ما يرد
سونيا بتفكير: ثامر دقو ع ثامر
بندر دق ع ثامر: مع اني عارف انو برد علي بأخلاق ××
ثامر بدون نفس: نعم ؟
بندر: هلا ثامر كيفك ؟
ثامر: عايش الحمد لله
بندر: الحمد لله
فاطمة بهمس: اسألوا
بندر يأشر لها بصبر: كيف الأهل..
ثامر بانزعاج: اخلص
بندر انحرج: ليا ساعه و اكتر وانا ادق ع هاني ما يرد قلت أحاول اوصله من عندك
ثامر: مين قالك اني سكرتيره الخاص
بندر تفشل: أتوقع انك ولد عمه
ثامر: ولد عمه مو سكرتيره، غير كدا ايش تبغى بهاني؟
بندر: مو تقول انك ولد عمه مو سكرتيره ليش اقولك
ثامر انقهر: اوك سلام
بندر ناظر فاطمة: استنا
ثامر: خيير؟؟
بندر يحاول يكتم غيضه: زوجته قلقانه عليه
ثامر عقد حواجبه: ليش ان شاء الله
بندر: لانها و قادره توصل له
فاطمة اعصابها انحرقت وهي تنتظر بندر سحب الجوال منه: ثامر بلا سخافه ممكن تشوف لي هاني وين
ثامر: طيب شوي و اكلمك
فاطمة: هيا اخلص علينا
ثامر: سلام
سكرت منه
بندر: انتي كمان لا تكبري الموضوع ولا تخافين
فاطمة سكتت
&&& سيارة ثامر &&&
ثامر: ايشبو دا كمان ما يرد
وقف سيارته قدام فلة عمه و نزل و دق الجرس شوي وفتحت له الخدامه
ثامر: هاني موجود؟
الخدامة: ايوه
ثامر: نايم ؟
الخدامة: لا فوق
ثامر دخل و طلع الدرج وبصوت مرتفع عشان ينتبهون له: السلاااام عليكممم
طلع لصالة و ما لقى احد نادا الخدامة و ركضت له
ثامر: وين هاني؟
هاني طلع من جناح اخته: هلا ثامر
ثامر: ايشبك ادق عليك ما ترد ؟
هاني: جوالي تحت
ثامر: زوجتك حرقت جوالك
هاني هز راسه بطيب
ثامر باستغراب: فيكم حاجه ؟
هاني: امشي ننزل المجلس
ثامر: ما ودك تطلع؟؟
هاني: لالا ما ابا اخلي غلا لحالها
ثامر: وين عمتي و عمي
هاني: امي بيتكم
ثامر نزل من الدرج
هاني لحقه
ثامر: طيب طمن زوجتك
هاني: ان شاء الله ــ اخذ جواله و اتجهوا للمجلس ــ
هاني دق ع فاطمة
فاطمة بسرعه: هاني
هاني بتعب: هلا حبيبي
فاطمة بقلق: كيفك ؟
هاني: كويس..
فاطمة قاطعته بهجوم: ايشبك ادق عليك ما ترد اكلمك واتس ما ترد ؟؟؟
هاني: جوالي كان تحت و انا فوق
فاطمة استغربت نبرة هاني التعبانه: فيك حاجه؟
هاني: شويت تعب
فاطمة: من ايش؟
هاني: بعدين ادا شفتك قلت لك
فاطمة ما حبت تضغط عليه: طيب انا بالمزرعة
هاني: طيب حبيبي انتبهي لنفسك
فاطمة: وانت كمان
سكر منها و صار يناظر الإشعارات بكل برنامج كلمته ضحك بخفه: مافي برنامج ما حكتني فيه
ثامر: ايش الهرجه ؟
هاني ناظره و زفر بتعب
&&& فلة بو ياسر &&&
خوله بقهر: حسبي الله عليه من رجال
سارة وهي مغطيه وجها بيدها: مو قادره اتحمل اكتر من كدا من جد ابا افتك منو
خوله: والله دا حلال فيه القتل
سارة سكتت
خوله: بس اياني و اياك تتطلقي منو
سارة نزلت يدها وناظرتها بعيون مليانه دموع: بس ما اباه من جد ابا اطلق منو
خوله: لاااا و غلا
سارة: مو هدا اللي لاوي ذراعي
خوله: حرام تنحرم منك هيا محتاجتك
سارة: حتى انا ما ابا انحرم منها بس بنفس الوقت ابا راحتي
خوله: راحتك بتحرمك من بنتك
سارة: و انا ما ابا انحرم من وحيدتي
خوله: ما بيدك شي
سارة غطت وجها مره ثانيه ورجعت تصيح
خوله: اسمعي
سارة نزلت يدها و ناظرتها
خوله: ايش رايك نكلم عمي و نقوله كل حاجه عمي اكيد ما حيرضى و بطلقكم
سارة ضحكت بسخريه: هههههههههههههههههههههه ادا عمي بنفسه عارف عن زواجات ابنه المسيار تبغيني اقوله عشان يقولي انتي السبب و يعيد لي شريط غانم ؟؟
خوله: من جد عمي نسخة غانم
سارة: لا غانم نسخة عمي
خوله: حسبي الله عليهم
سارة بقهر: ما يكفي انحرق قلبي ع ثنتين كمان يبا يحرق قلبي بالتالته
خوله: الله يحرق قلبه
سارة: اميين
&&& المزرعة &&&
فاطمة: واضح انو في حاجه
سونيا: مو هوا طمنك انو بخير؟
فاطمة: ايوه بس قالي انو فيه شويت تعب
ليان: شويه مو كتير
فاطمة: باللهي لو شهاب فيه شويت تعب كان دحين نشوف غبارك
ليان: زوجي ابو بنتي طبيعي اخاف عليه
فاطمة: و دا زوجي طبيعي بخاف عليه من نسمة..
سونيا قاطعتهم بانزعاج: اوهووووو خلصنا انتي وياها زوجي و زوجي كأن محد متزوج غيركم
ليان بمزح: غرتيي تبغي تتزوجي انتي كمان ــ و غمزت لها ــ
سونيا: اسم الله علي انا بكامل قواي العقلية مو زيكم شويت رجال يضحكون ع عقلكم
فاطمة تكمل ع ليان: باللهي منتي حاطه عينك ع واحد من هنا ولا من هنا بالجامعة ؟
سونيا: لا يا حبيبتي انا من الجامعة للبيت و من البيت للجامعة حتى صديقات مو كتير اطلع معاهم بالكتير اطلع معاهم عشان البروجكت
فاطمة: نشووف
سونيا: انقلعوا ورب البيت ما يمديني افضى لنفسي عشان افضى لغيري
&&& فلة بو هاني &&&
** المجلس **
ثامر بعصبية: يحبها و يخونها !!!
هاني بقهر: و يلوي ذراعها كمان بغلا
ثامر: ايش دا !!
هاني: تعبت لين انوم غلا
ثامر: اسمع جدي لو عرف انو مد يده عليك بعصب و يزعل عليه
هاني: عارف بس ما ابا ادخل جدي
ثامر: لييه ؟
هاني: ادا عرف عن امي بيزعل منها و بحرمها من غلا كمان
ثامر سكت
هاني: مافي الا اننا نسكت و نمشي الموضوع زي ما يبغاه
ثامر: ما عمري شفت مثل حب ابوك
هاني: ابوي يعشق امي و انا ما اشك بدا الشي بس يعشقها لدرجة انو يلوي ذراعها عشان ما تطلق منه
ثامر: كيف يقدر يعيش مع وحدة ما تحبه و تكرهه
هاني ناظر ثامر بطرف عينه: والله ذكرني بواحد
ثامر: هييه انا غير
هاني: لو انك تزوجت غرام ما كنت راح تتركها حتى لو تكرهك
ثامر: بحاول اخليها تحبني بس ما ااذيها و الوي ذراعها
هاني: ادا ما بادلك الطرف الثاني بالمشاعر ما يصير تغصبه
ثامر سرح بغرام
هاني يغير الموضوع
( اليوم الثاني )
&&& فلة بو ماجد &&&
ماجد: ما اعرف والله بس شكله ما عجبني
فاطمة خافت و اتجهت للباب: طيب بروح له
ماجد مسك يدها وناظرها من فوق لتحت: كذا ؟؟
فاطمة ناظرت بجامتها و ركضت لدولاب
ماجد طلع عشان تلبس
فاطمة طلعت لها بلوزة بدون اكمام من توري بورش ازرق و بنطلون جينز رمادي من مانجو
رفعت شعرها ذيل حصان بشكل مهمل و نزلت بسرعه
بو ماجد: شوي شوي يا بنت
فاطمة طنشت ابوها و دخلت المجلس بسرعه
هاني اول ما انفتح الباب بقوه رفع راسه و استغرب ركض فاطمة ودخولها بدون استئذان
ماجد عقد حواجبه من سرعتها: يلا اخليكم
و طلع
فاطمة راحت لهاني بخطوات سريعة
هاني مد يده يسلم عليها
فاطمة سحبت ع يده و ضمته
هاني عقد حواجبه باستغراب وبادلها الضمه
فاطمة بعدت عنه و ناظرت عيونه بقلق: ايشبك؟
هاني ابتسم: ابا اقعد معاكِ
فاطمة جلّست هاني و جلست جنبه: فيك حاجه
هاني هز راسه بالنفي: لا
فاطمة: بلا كدب هاني
هاني سكت شوي و ضحك: احبك
فاطمة: اعرف غيره ؟
هاني سكت لفتره مو طويله وهو يناظر الفراغ
فاطمة بهدوء: هانـ..
هاني قاطعها و هو يناظر حضنها: عادي احط راسي هنا ــ و اشر ع حضنها ــ
فاطمة سكتت وعدلت جلستها
هاني اخذ الموافقه من سكوتها و انحنى و حط راسه ع فخذها
فاطمة حطت يدها ع زنده: هاني ريحني الله يخليك
هاني رجع سكت
فاطمة سكتت تعطيه راحته
هاني: امي و ابويه تهاوشوا
فاطمة سكتت عشان يكمل
&&& بيت شهاب &&&
لمار بعصبية: باابااا
شهاب حاول يكتم ضحكته من عصبيتها
لمار لفت ع امها: ماما شوفي بابا
ليان وهي ترتب المطبخ: شهااب فكني منها
شهاب: ما سويت شي
ليان ناظرته بطرف عينها: واااضح
لمار: ماما بابا يقلدني
ليان طنشتها
لمار لفت ع ابوها برجاء: ابا اروح لالاهي
شهاب يقلدها: ابا اروح لالاهي
لمار بدت الدموع تتجمع بعيونها
ليان: اوووه شهااااب
شهاب: الحين بنتج تعرف تنطق كل شي و ملاهي عجزت تقولها ؟
ليان ضحكت: اسم الله عليها
شهاب لف ع لمار: لما تعرفي تنطقي اسمها بوديك
ليان: لا تعاندها شهاب
شهاب طنش ليان
لمار حاولت تمسح دموعها: لالاهي
شهاب: تو
ليان من ورا شهاب تحاول تغشش لمار
لمار ناظرت امها
شهاب انتبه لنظرات لمار لف ع ليان
ليان ع طول سوت نفسها مشغوله
شهاب سحبها من يدها
ليان ناظرته ببراءة مصطنعة: ايشبك؟
شهاب: ايشبي هاه
ليان ابتسمت
شهاب قام وقرب منها: انا اعلمك ايشبي
ليان بإحراج: شهاااب البنت
شهاب عدل وقفته: احم
لمار ابتسمت: بابا بوسها
شهاب+ ليان ناظروا لمار وفقعوا ضحك
ليان بإحراج: ماما عيب
لمار لوت بوزها مو عاجبها رد امها
شهاب: والله مو منها من القهوة اللي تشربها من هي صغيره
ليان بعدت عن شهاب: باللهي ــ عطته ظهرها ــ
شهاب اشر للمار بعيونه تطلع برا
لمار بخبث رفعت اصبعها السبابة و حركت شفايفها بمعنى بشرط
شهاب هز راسه بالموافقة
لمار طلعت وهي تضحك
ليان لفت: لمـار
شهاب حاوطها من خصرها: خلينا من لمار الحين
ليان بخجل: دحين تدخل ما اباها تتعلم حاجات غلط
شهاب وهو يقرب منها اكثر: وين الغلط ؟
ليان حمرت خدودها: احم شهاب
شهاب ضحك ولف وجهه ع خجلها
ليان نزلت راسها بحياء
شهاب باس خدها بهدوء
ليان تخدرت
شهاب بعد عنها: ارجع المواعين ؟
ليان رمشت بسرعه: هاه ايوه
شهاب ضحك بدون صوت ع خجلها
ليان زفرت براحه ان بنتها مو موجودة
بس ع مييين ع هامان يا فرعون
لمار كانت تراقبهم من ورا الباب بدون ما ينتبهون لها
&&& فلة بو ماجد &&&
** المجلس **
فاطمة: حسبي الله عليه !!
هاني كان حاط راسه ع صدرها: مو عارف شسوي
فاطمة: حرام يسوي كدا بأمك
هاني بقهر: ليتها وقفت ع امي حتى غلا متأذيه منو
فاطمة: وين امك دحين ؟
هاني: ببيت عمي مساعد
فاطمة: يا عمري
هاني: اللي مخوفني غلا
فاطمة: مستحيل يأدي بنتو الوحيدة كمان!!
هاني ضحك باستهزاء: ليه هو فكر بغرام ؟؟ كان الشي الوحيد اللي ماخده عقلوا تاج و بعد ما ماتت مات كل شي فيه .. ولا كأنو أب لنا .. اصلا ولا كأن غلا بنتو من يوم ماتت تاج ما سأل عنها .. دي اخر سنه لها وهو لو تسألينه غلا كم عمرها بقولك ما يعرف.. بس لو تسألينه تاج لو عايشه كم عمرها بقولك 25
فاطمة بحقد: معليش ما يستاهل لقب أب
هاني: تعرفي انو كل ما يطالع غلا و يتأمل فيها يقعد يسب و يلعن فيها
فاطمة بانفعال: ليييييه؟؟
هاني: لانو تذكره بغرام خاصة بعد ما قصة شعرها
فاطمة: خييييييييييير ايش دا الأنسان المتخلف!!
هاني بقهر: دا ابويه !
فاطمة: ايش دنب غلا المسكينه تلاقيها من فراق توأمها ولا من أب ما يرحمها ولا من حياة عايشتها ولا كأنها فيها ؟؟
هاني: تعبت والله ــ شدد ع الله ــ العظيم تعبت
فاطمة باست راسه بقوه: اسم الله عليك
هاني سكتتت شوي: اخاف
فاطمة: من ايش؟
هاني: اخاف ادا كبرت اصير نفسه
فاطمة بعدته عنها: بسم الله عليك انت وييييين و دا وييين ، دا ما بقلبه ذرة رحمه
هاني سكت
فاطمة مسكت يدها: هاني حبيبي انا حبيت قلبك ، لانو مرره طيييب و ابيض.. مهما كبرت ما راح تصير مثل دا
هاني رفع يدها و باسها
فاطمة ابتسمت له بحب: تبا نطلع نغير جو ؟
هاني: ايوه الله يعافيك
فاطمة: دقايق البس عبايتي و نطلع
هاني هز راسه بالموافقه

فاطمة قامت ولفت عليه: ما حتأخر ما عليك وربي دي المره من جد 5 دق واكون عندك
هاني: ههههههههههههههههههههههههه ه
فاطمة طلعت بسرعه و اخذت عبايتها و لبستها سريع و راحت لهاني: هيا
هاني وهو يناظر حجابها المهمل: تحجبي كويس
فاطمة بعدم اهتمام: طيب طيب
هاني: دحين
فاطمة: بركب السيارة و اعدله
هاني بإصرار: دحييينه
فاطمة: انا لله حاضر ــ عدلت حجابها ــ هيا
&&& قصر الوليد &&&
دخل وواضح بوجه التعب
ام الوليد بعدم اهتمام: تبا تاكل و لا اخلي الخدامة توديها جناحك ؟
الوليد بدون ما يناظر امه: لا دا ولا دا
ام الوليد طنشته
الوليد طلع جناحه و سكر الباب و استند ع الباب و زفر بضيق نزل شماغه ع كتفه و دخل رما شماغه و عقاله ع الكنب و لف لسرير و تجمد وهو يناظرها جالسه ع طرف السرير و ترضع رسيل
غزل كانت مطنشه دخوله و مكمله ترضيع لبنتها
الوليد ابتسم بعدم تصديق و قرب منها بحذر
غزل ولا معطيته أي اهتمام
الوليد جثا ع ركبته قدامها<< كيفني بالفصحى ؟!
غزل ناظرته بطرف عيونها
الوليد بفرح: غـزل
غزل ناظرت رسيل
الوليد ما قدر يسيطر ع نفسه و ضمها بدون ما يحس
غزل تجمدت مكانها و بانفعال: الوليييد ،، رسييل
الوليد طنش مقاومتها و ظل ضامها يستنشق ريحتها
غزل: البنت بتختنننقق
الوليد انتبه ع نفسه و بعد عنها
غزل ناظرت رسيل
الوليد مو قادر يخفي ابتسامته من الفرح
غزل بعدت عن الوليد و تتوجهت للباب
الوليد ركض ووقف قبالها و بخوف: وين؟
غزل وهي تناظر رسيل: بودي رسيل غرفتها
الوليد سكت وبعد عن الباب
طلعت غزل و اتجهت لغرفة رسيل و سراج و حطت رسيل ع سريرها و غطتها كويس وسوت نفس الشي مع سراج و باسته جت تطلع شافت الوليد متسند ع الباب و يناظرها بابتسامة
غزل طنشته و راحت لجناحها
الوليد لحقها و سكر الباب
غزل راحت لتسريحة و جلست مقابلها
الوليد راح عندها ووقف وراها
غزل ناظرته من المرايا و رجعت اخذت المشط
الوليد بخجل من نفسه: غزل ،، انا آسف
غزل: ......................... لارد
الوليد بلع ريقه: من جد انا آسف ع كل حاجه بس ..
غزل رفعت حواجبها بسخريه و قاطعته: تباني اعيد لك الأسطوانة ؟
الوليد عقد حواجبه
غزل: بعد ما تتأسف بكل وقاحه بتبرر فعلتك ــ رفعت سبابتها ــ واحد من اصحابك زوجته خانتو و انتو اخذتو فكرة انو كل وحدة تتزوج عن حب تكون خانت ثقة اهلها و بتخون زوجها !!
الوليد نزل راسه بخجل
غزل: و المطلوب مني اقولك دولا غير و انا غير وووووووو
الوليد بلع ريقه
غزل: بس تعرف ــ وقفت قباله ــ انا اكتر يوم ندمانة عليه يوم 11/6/2008
الوليد ناظرها بدهشه
غزل: ايوه يوم اول مره كلمتك فيه
الوليد نزلت دموعه بشكل لا ارادي
غزل سكتت
الوليد: ورب البيت آسف ورب البيت انا الفترة اللي ما كنتي فيها موجودة ما كنت عارف اعيش لا ليلي ليل ولا نهاري نهار
غزل لفت وجهه
الوليد مسك وجهها بيده ولفها عليه وناظر عيونها بعيون ممتلئة بالدموع: آسف واللي خالقك آسف تكفين لا تحرميني منك اكتر من كدا من جد مو عارف اعيش بدونك
غزل نزلت نظرها ما تبي تضعف
الوليد شد ع وجها: ناظريني
غزل حطت عيونها بعيونه
الوليد: انتي غير والله غير
غزل بلعت ريقها
الوليد: انا غلطان من ساسي لراسي سوي اللي تبغي فيني ــ مسك يدها وباسها برجاء ــ بس الله يخليك لا تحرميني منك والله انا بدونك ولا شي ــ نزلت دموعه ع يدها ــ
غزل حاولت تضغط ع نفسها: حفظت دا الكلام من مين ؟
الوليد ناظرها
غزل: اللي حفظك دا الكلام رهيب
الوليد وهو لسا ماسك يدها: حلفت لك بربي اني ما عاد اسوي كدا وربي وربي انا واثق فيك
غزل بسخريه: وااضح
الوليد كمل: بس وربك خايف والله خايف
غزل بقهر دمعت عيونها و دفته من صدره: خايف من اييييش هاااه ــ ضربته ع صدره بقوه ــ علمننننيييي خايف من اييييش؟؟
الوليد جلس ع ركبته بخوف: خايف تتركيني و تروحي ــ بلع ريقه ــ خايف احد ياخد مكاني ،، خايف يموت حبي من قلبك
غزل نزلت لمستواه و جلست ع ركبها و بغيض و قهر صرخت: وييين الثقققه ؟؟؟ ــ كحت ــ انت كدا تقتل حبك من قلبي ــ اشرت عليه بسبابتها ــ انت كدا تكرهني فيك و بشكوك اللي مال امها داعي ،، انت كدا من جد تخسرني
الوليد حط راسه ع الأرض بمحاذاة ركبتها ونزلت دموعه بشكل متواصل: آسف آسف ــ صار يضرب راسه بالأرض و يككرها ــ آسف آسف آسف آسف آسف آسف آسف آسف آسف آسف آسف
غزل رفعته من ياقته و دفته بقوه
الوليد بصوت مبحوح من البكي: ورب البيت احبـ-ــ-ـك
غزل ظلت ساكته
الوليد برجاء: عطيني آخر فرصة
غزل وقفت و ناظرت الوليد من فوق لتحت وهيا متخذه قرارها
&&& فلة بو ياسر &&&
رتاج: ايش صاير؟
ام ياسر: تهاوشت مع زوجها انتي اقعدي مع غلا
رتاج: طيب
ام ياسر: هيا استعجلي
رتاج اخذت عبايتها و طلعت
ام هاني: ايشبها رتو ؟
ام ياسر: بتروح لغلا
ام هاني: قولي لها ترجع غلا ما حتقدر تستقبلها
ام ياسر: بتحاول معاها ايشبك !
ام هاني سكتت
** فلة بو هاني **
الخدامة: فوق
رتاج طلعت باللفت و توجهت لجناح غلا و طقت الباب
غلا: ..................... لا رد
رتاج طقت الباب مره ثانيه و ثالثه مافي رد حركت المقبض و دخلت شافت الغرفة ظلام و في نور داخل و الجو باااااااااااااااااارد .. تكتفت من شدة البرودة و لفت ع سرير غلا لقتها منسدحه ع بطنها بعرض السرير و قدامها اللاب.. عقدت حواجبها توقعت تشوفها بأسواء حالاتها و تصيح قربت منها و ناظرت اللاب كانت تشوف صورها مع غرام و صديقاتها .. اشتغل فيديو باللاب
غرام بهمس: هللوو .. غلاوي نايمه ــ غمزت بعينها اليسرى ــ بسوي فيها نفس ما سوت فيني سجاوي ،، توأمي ع الفاضي ــ سندت الجوال ع علبة منديل و شالت سطل مليان مويه و ثلج وراحت لسرير غلا و اشرت بأصابعها و هي تناظر الكاميرا 1 2 3 .. قلبت السطل ع غلا و كبته كله عليها ــ
غلا قامت مفزوعة و شهقت من برودة المويه و الثلج اللي صقع براسها و بصراخ: وجععععععععععععععععععععععع ثلج يا ××××
غرام ماتت ضحك ع شكل غلا
غلا اخذت ثلج من السرير و رمت ع غرام
غرام بعدت عن الثلج بسرعه: ههههههههههههههههههههههههه هه شسوي لك مو راضيه تقومين
غلا: يا حـ××× تكبين علي مويه عشان اقوم
غرام مستمره بالضحك
رتاج مع انها تكره غرام الا انها حزنت ع غلا
غلا كانت تضحك و تمسح دموعها
رتاج جلست ع طرف السرير بهدوء
غلا ع طول لفت
رتاج ابتسمت لها: اشتقتي لها ؟ ــ اشرت بعيونها ع اللاب ــ
غلا جلست و اشرت ع قلبها بابتسامه باهته: جزء مني مو موجود كيف ما اشتاق لها
رتاج: ابا اشوف معاك
غلا وهي تناظر اللاب: اعيد المقطع؟
رتاج ضحكت ع خفيف: لا شفته
غلا ابتسمت و ضغطت ع السهم
رتاج عقدت حواجبها: متى هذا ؟
غلا: مره طلعنا انا وهيا و شريت عدسه مثلها عسلي فاتح
رتاج: وينك ووين غرام ؟
غلا: دي انا و دي غرام
رتاج: ليش تصورتو بالحجاب محد بفرق بينكم
غلا: حنا تصورنا كدا عشان محد يفرق بينا
رتاج ابتسمت: اتمنى يكون لي توأم
غلا بحزن: تتمنينه ع اساس انه شي جميل ولما تفقدينه داخلك يفقد شغلات كتيره من جوا تحسين انك فاقدة نفسك
رتاج بحزن: آسفه
غلا طنشتها و ضغطت السهم وجت صوره لها مع تاج
رتاج ناظرت تاج و مشاعرها متضاربه مشتاقه لها و بنفس الوقت قبل موتها كانت كارهتها و بنفس الوقت فاقدتها
غلا غيرت الصورة
رتاج ابتسمت: غلاوي قومي نطلع
غلا: لا مالي نفس
رتاج: تكفييين
غلا: والله رتو مالي نفس اطعي انتي
رتاج: ما ابا اطلع لوحدي
غلا: روحي مع بنات عمي خليفه
رتاج: اضرب مشوار كمان لبيت عمي خليفه !! هيا غلا تكفييين
غلا ما حبت تكسر برتاج: طيب ساعه و نرجع
رتاج تحاول معاها: ساعتييين
غلا: لا
رتاج: طيب ساعه و نص
غلا سكتت: طيب
( اليوم الثاني )
&&& فلة غرام &&&
سونيا: معليه بدور حبيبتي صار كل حاجه سريع سريع و مبارك دق علي يقولي تعالي تعالي .. المره الجايه ادا جيتكم حطول
بدور بحزن: تروحين و ترجعين بالسلامة
سونيا: الله يسلمك يا قلبي
بندر: شنطتك جاهزة
سونيا: الله و الشنطة !! كلها تلات لبسات و شوز الله يعزكم و ميك آب وشويت اساور!!
بندر ضحك: انتي البنت الوحيدة اللي عمري ما شفتها تسافر بشنطة ظهر
سونيا: ع اساس اني بطول يعني !! و غير كدا ملابسي و اغراضي نصها هنا و النص التاني بدبي
بندر: طيب هيا عشان ما نتأخر
سونيا سلمت ع الكل..: فطووومه بطلي نقار و نقير مع زوجك
فاطمة ضحكت: ترا كل ما تسافرين تقولين لي كدا
سونيا بأمل: لعل و عسى تسمعين الكلام
فاطمة: ضحكت
مريم+ ليان: مستحيييييييل
&&& الاستراحة &&&
هاني: طيب اوك بس مو قادر امسك اعصابي كل ما اشوفه اتذكر كلامه
يوسف: ع الاقل هوا داس ع حبه ما سوا متل ثامر زمان
هاني سكت
يوسف: ترا هوا مو بيدو كمان
هاني: اعرف طيب ليه يتقرب منها ؟
يوسف: هوا ما يتقرب منها اول شي هوا نفس قبل سنه قبل ما تعرف كل حاجه بس انت بعد ما عرفت انو يحبها تغيرت نظرتك له
هاني: و انا ما اقدر اتحمله بعد ما عرفت.. فوق دا كلو يوصلهااااا !!؟؟
يوسف: يا ابني اكيد عندها سبب
هاني: ما كان في احد يوصلها اوك تقولي و انا اجيبها
يوسف: ممكن ما حبت تتعبك
هاني: عادي
يوسف بتحذير: هااانيي لا تكبر المشاكل اللي بينك وبين زوجتك عشانه
هاني: يخسي
يوسف: هوب هوب ترا دا صاحبك قبل ما تشوف زوجتك
هاني سكت
يوسف رفع سبابته بوجه هاني: انــتــبــه يعرف انك تعرف عنو
هاني: عارف
يوسف: قلت لثامر
هاني: عشان يزل لسانه !! لسا ما تجننت
يوسف ضحك
دخل مشعل: مين يلعب سوني
يوسف قام: انا
دخل مهند بعده: سلام
يوسف: وعليكم السلام
هاني ناظر مهند: سلام
{ الإمارات_ دبي } 6م
نزل من سيارته و انتبه لسيارة فيراري توقف قدام بيت جيران صاحبه.. ناظر السيارة وهو يتفحصها و صفر
نزلت سونيا من السيارة و شالت شنطتها الظهر
حمدان وهو يتقدم منها: سلاااااام
سونيا ناظرته باستغراب: وعليكم السلام ــ عقدت حواجبها ــ معليش ما عرفتك ؟
حمدان: انا رفيج مطر
سونيا بمجامله: هلا والله
حمدان ابتسم: هلا فيج ،، انا حمدان
سونيا: انا ..
حمدان قاطعها: سونيا
سونيا عقدت حواجبها
حمدان: تشرفت
سونيا: الشرف لي
حمدان: توج راده من السفر ولا شو؟
سونيا: ايه
حمدان: الحمد لله ع سلامتج
سونيا: الله يسلمك
حمدان: اخليج ترتاحين،، عن اذنج
سونيا هزت راسها بالموافقة و دخلت البيت
حمدان صففر: طررر طرررر = خقه او جميله او مزه لانو اكثر من وحدة سألتني
دخل بيت مطر وهو يصفر
مطر: و انت كل يوم عندنا ؟
حمدان جلس: خلاص باستقر هني
مطر بدهشه: بدبي !!
حمدان: هيه
مطر: و يامعتك ؟= جامعتك
حمدان: بنقل اوراقي هني
مطر: الله يوفقك
حمدان انسدح و حط يدينه خلف راسه: يارتكم ردت من السفر
مطر عقد حواجبه: منو ؟
حمدان: سونيا
مطر: ايش عرفك ؟
حمدان: و انا ياي قابلتها
مطر: و انا اقول ايش فيه مزاجك عال العال
حمدان بمزح: لا تحسدني
مطر: عيني باردة
{ السعودية_ جدة }
&&& فلة بو ناصر 2 &&&
بو ناصر: من متى دا الكلام ؟؟؟.................. انلا حول ولا قوة الا بالله
ام معاذ تأشر له بيدها بمعنى ايش صاير
بو ناصر طنشها: خلاص خلاص جاي جاي .... .... فمان الله ــ سكر جواله ــ
ام معاذ: ايش في؟
بو ناصر: ابويه بالمستشفى
ام معاذ عقدة حواجبها: عسى ماشر ايشبو ؟
بو ناصر قام: ما اعرف ممكن سكر ولا ضغط زي كل مره
ام معاذ: ما يشوف شر اجي معاك ؟
بو ناصر: لالا مالو داعي .. يلا انا رايح
ام معاذ: الله معك
شوي و دخل معاذ
ام معاذ: وين كنت ؟
معاذ: عند خواتي ، وين رايح ابويه ؟
ام معاذ: جدك بالمستشفى
معاذ عقد حواجبه: ايشبو؟
ام معاذ: ما اعرف ممكن سكر ولا ضغط زي كل مره
معاذ: الله يبعد عنه كل شر
ام معاذ: امين
&&& مستشفى الـ***** &&&
خليفة: ايشبو ابويه ؟
غانم بضيق و سخريه: ارتفع الكوليسترول في الدم غير انو ما يلتزم بالأدوية و لا بأكله الصحي
خليفه عقد حواجبه: وين الممرضة ؟
مساعد: حاولت معاه كتير
خليفه بعصبية من بين اسنانه: ليييه ما دقت علينا
غانم ابتسم بقهر: ابويه كان يكدب عليها
مساعد باستهزاء: طبعاً غير السكري و انو من قبل جته جلطة بعد وفاة تاج
خليفة بتفسير: وعشانه اهمل ادويته و ما التزم بأكله جته كمان جلطه !!!
غانم هز راسه بنعم
خليفة زفر بضيق: قلت لو تعال عندي يا ابويه انا اهتم فيك بس مافي فايده
غانم: اسكت بس ع اساس احنا ما نباه كم مره طلبت منو و رافض
مساعد: انت انشغلت اصلا مع زوجتك
غانم: تبو ترمو الغلط علي يعني !!
خليفة بهمس: خلاااص ،، انا ما دخلت ع ابويه
مساعد: من ورا القزازة تقدر تشوفه
خليفة هز راسه بالموافقة
&&& سيارة هاني &&&
هاني: من متى دا الكلام ؟.................. طيب........... خلاص انا بوصل لثامر و اخبره ................... فمان الكريم
سكر منه
فاطمة باستفسار: صاير شي؟
هاني: جدي بالمستشفى يقولون جته جلطة مره تانيه
فاطمة لسا بقلبها حقد ع الجد: بتروح له ؟
هاني: اكيد بس بشوف دا ثامر ليه ما يرد ،، آسف ما قدرنا نطلع
فاطمة: هيه انقلع عاادي
هاني: حبيبي اوصلك البيت؟
فاطمة هزت راسها بالنفي: تو تو انا وعدتك اكون اليوم كلو معاك
هاني: حبيبي معليه ما اباك تتعبين معايا للمستشفى
فاطمة: تو لا تحاااول ما حتفتك مني
هاني رفع يده: بريت ذمتي قلت لك حتتعبي معايا
فاطمة ابتسمت
هاني رفع جواله يدور ع رقم معتصم
فاطمة: ممكن تشوف الطريق
هاني: قاعد ادور رقم واحد
فاطمة: هات ادور عليه
هاني عطاها الجوال: معتصم
فاطمة: في اتنين معتصم موبايلي و سوا ؟
هاني: لالا سوا رقمه القديم دقي ع موبايلي
فاطمة دقت عليه و حطت سبيكر: ما يرد
هاني: دوري بو يزن
فاطمة كتبت اسمه و دقت عليه وحطت سبيكر
معتصم: هلا هاني ،جاي؟
هاني: هلا معتصم ثامر معاك ؟
معتصم: ايوه
هاني: ايشبو ما يرد
معتصم: جواله طفى و التاني بالبيت
هاني: اديني اياه
ثامر: هلا هاني
هاني: بسرعه تعال مستشفى الـ*****
ثامر بقلق: ايشبك فيك حاجه ؟
هاني: لا جدي جته جلطه
ثامر بدهشه: ليييش ايش صاااير؟؟
هاني: ما اعرف روح انت هناك و راح نفهم
ثامر: طيب يلا سلام
سكر منه
هاني ناظر فاطمة بطرف عيونه: اعرف ما تبغي تشوفي جدي
فاطمة ناظرت هاني
هاني: بخلي لك السيارة مفتوحه
فاطمة: لالا عادي بكون معاك
هاني سكت
......... شوي ووقف السيارة و نزلوا .............
هاني شاف عمه مساعد و ركض له: عمي ايش صاير ؟
بو ياسر: ارتفع الكوليسترول في الدم و ما صار ياخد ادويته
هاني: من متى جدي هنا؟
بو ياسر: من الصباح و الممرضة ع طول قالت لنا
هاني: لا حول ولا قوة الا بالله
بو ياسر انتبه لفاطمة: هلا فاطمة
فاطمة باحترام: هلا فيك
بو هاني راح لهم: هاني
هاني ناظر ابوه
بو هاني وهو يناظر خلف هاني: امك ما جت معاك؟
فاطمة ضحكت باستهزاء ولفت وجها
هاني ناظر ابوه بحدة و رجع ناظر عمه: كم جلس ما ياخد ادويته ؟
بو ياسر: ما اعرف والله بس له فترة
بو هاني مشا
هاني زفر بضيق: انا لله
بو ياسر: بقعدونه عندهم لين ما يرجع لحالته الطبيعية لانو ممكن تصير فيه مضاعفات لا سمح الله
هاني بخوف: بعيد الشر ،، اقدر اشوفه ؟
بو ياسر: من ورا القزازة
هاني هز راسه بالموافقة و راح مكان ما اشر له عمه
شوي و جاء ثامر: ابووويه
بو ياسر لف ع ثامر
ثامر بخوف: ايشبوو جدي ؟؟
بو ياسر عاد لثامر نفس الكلام و قعد يشرح له وضع جده
فاطمة جلست ع الكراسي بملل و بهمس: قطو بـ7 ارواح مدري ليه يخافون عليه
ثامر سمعها لانه كان قريب منها
بو ياسر مشا
ثامر لف ع فاطمة: حتى لو كنتي تكرهين جدي معليش يا تدعي له يا ما تتكلمي عليه
فاطمة بسخريه: طبيعي ما سوا فأختك حاجه و لا كرها بعيشتها ..
ثامر قاطعها برجاء: تكفيين فاطمة
فاطمة سكتت تعرف انها اذا ذكرت اسم غرام ثامر بيرجع لحالته
( بعد يومين )
{ الإمارات_ دبي }
سونيا: بالطقاق يا شيخه ما علينا منو
فاطمة: وينك ؟
سونيا: بالمكتبة
فاطمة: الله يعينك
سونيا: يلا سكري بكمل شغلي
فاطمة: سلام
سكرت منها
حمدان طل براسه جنبها: هللوو
سونيا لفت عليه و بعدت عنه: هلا
حمدان: خرعتج ؟
سونيا: لا
حمدان: شكلنا بنتشاوف وايد
سونيا ابتسمت بمجاملة: عن اذنك ــ مشت ــ
حمدان مشا وراها و بتفكير: ليش اسم سونيا بالذات ؟
سونيا لفت عليه باستغراب؟
حمدان: يعني ربيعاتج ليش يزقرونج سونيا ؟
سونيا: لاني احُب دا الأسم،، ما عجبك؟
حمدان بسرعه: لالا بالعكس عايبني
سونيا ابتسمت
حمدان: شنو تخصصج؟
سونيا: ادارة اعمال
حمدان: حلووو نفس تخصصي
سونيا ابتسمت: دي اخر سنه ؟
حمدان: ان شاء الله
سونيا: الله يوفقك
حمدان: اجمعين
{ السعودية_ جدة }
&&& مستشفى ***** &&&
تجمعت كل عائلة سعد الـ****
كانو الحريم كلهم برا الجناح مع معاذ
** داخل الجناح **
غانم، مساعد، خليفة .. ناصر، خالد ، ياسر ، ثامر، هاني..
و زايرهم بو ماجد وولده..
ماجد: ايش دعوه عمي لا تعب ولا شي ذا واجب
الجد بتعب: فاطمة ما جت معاكم
بو ماجد: الا بس بالسيارة ما حبت تضايقكم اكثر
الجد ناظر هاني: هــاني
هاني قرب منه: لبيه
الجد: ناد لي زوجتك
هاني بقلق عشان م تطلع مشكله: معليه جدي خليها مره تانيه
الجد بإصرار: ناااد لي فااطمة
هاني سكت برضوخ و طلع لسيارة ماجد و طق الدريشه
فاطمة كانت مركبه السماعات و مشغله الأغاني و مو منتبها لهاني لانها كانت معطيته ظهرها و مستنده ع الباب و متمدده ع الكنب
هاني انتبه ان قفل السيارة مفتوح و ان فاطمة مو منتبها له فتح الباب بسرعه
فاطمة كانت بطيح ع ورا و صرخة بخوف: آآآآآآآآآآآآآآآآآآآآآآآه
هاني مسكها
فاطمة لفت بسرعه و بخوف: هاااني
هاني ضحك عليها: مجنونه في بنت تخلي باب السيارة مفتوح و هيا لحالها !!
فاطمة ولسا قلبها يدق بسرعه من الخوف: ما انتبهت
هاني قرب منها و حط يده مكان قلبها و ضحك مره ثانيه: ههههههههههههههه يا عمري قلبك يدق بسرعه
فاطمة انزعجت منه و نزلت من السيارة: حيـ×××
هاني بشدة: بنننتتت
فاطمة لوت بوزها: خوفتني
هاني: دامك تخافين قد كدا ليه مخليه الباب مفتوح !؟ تخيلي لو جاء واحد تاني
فاطمة: الحمد لله انو انت
هاني: امشي اشربك مويه عشان يهدا قلبك
فاطمة دخلت معاه للمستشفى بعد ما قفلوا السيارة
هاني صب لها مويه و عطاها اياه: جدي يبغاك
فاطمة شربت المويه بعدم اهتمام: ايش يبغى؟
هاني: ما اعرف
فاطمة: ما ابا اشوفه
هاني: تكفين فطوم بس هالمره
فاطمة: هاني لو سمحت لا تغصبني
هاني: ما بغصبك بس الله يخليك روحي له اليوم مرره تعبان
فاطمة: ما ابا اشوف وجهه تكفى
هاني: عشان خاطري فطوم
فاطمة سكتت ما حبت تكسر بخاطره اول مره يطلب منها تقابل جده بناء ع طلبه: امشي
راحوا لجناح سعد
فاطمة وقفت قدام الباب
هاني ناظر فاطمة
فاطمة اخذت نفس عميق و استجمعت قوتها و دفت الباب بهدوء و دخلت و دخل وراها هاني
فاطمة وقفت مقابل السرير وبدون ما تناظر الجد: سلام
الكل: وعليكم السلام
الجد ابتسم بتعب: فااطمة
فاطمة بعدم اهتمام كانت تناظر الجدار
الجد سكت شوي: وين غرام؟؟؟
الكل ناظر الجد بصدمه الا فاطمة
فاطمة اندهشت من سؤاله و ضحكت بسخريه: ههه ــ ناظرت الجد بابتسامه شماته ــ جاك زهايمممر ؟؟ ــ ورققت الراء ــ
الجد ما رد ع سؤالها و بتعب كح و كمل: محتاج اختك يا فاطمة
فاطمة ضحكت: ههههههههههههههههههههههههه هه ــ ناظرت الكل ورفعت يدينها ــ آسفه آسفة بس جد عجوزكم دا قاعد يضحكني كتير
خالد بعصبية تقدم خطوه: تكلمي كوييسسس
الجد رفع يده بتعب يسكت خالد
خالد كور قبضته يكتم عصبيته
الجد يكمل: ايه ــ مسك صدره و قعد يكح ــ محتاجها
غانم بخوف ع ابوه: ابويه خلاص لا تتكلم كتير
الجد طنشه
** برا الجناح **
مشت بكل غرور وهي رافعه راسها وصوت كعبها ينتشر بين الممرات و توجهت لجناح سعد
ام ياسر وقفت لانها كانت بالقرب من الباب ومسكت يدها برجاء: غلا تكفيين
** داخل الجناح **
فاطمة رجعت تضحك بسخريه و استهزاء
الجد دمعت عيونه و رجف صوته التعبان: محـ-ـتاجـ-ـها واللّـــه
كل الشباب حاولوا يكتمون غيضهم و عصبيتهم اول مره يشوفون جدهم بهالحاله
انتشر صوت كعبها مره ثانيه بالجناح و دخلت وهي تضحك باستهزاء اكثر: هههههههههههههه ــ مدت يدها لفاطمة عشان تضرب فاطمه كفها بيدها ــ من جد شي يضحك
فاطمة لفت عليها بابتسامة سخريه
ناصر بقهر و غيض و بحدة: غــــــلا
ياسر بقهر همس لهاني: انت كمان امسك زوجتك
** برا الجناح **
دق جوال ام هاني و ردت بدون ما تقرا الاسم: الووو
غلا بعجله: امي تبغين اجيب معايا حاجه قبل ما اجي ؟؟
ام هاني عقدت حواجبها باستغراب: هاااه
غلا: اقولك تبغين اجيب شي معايا و انا جاايه؟؟
ام هاني وقفت و انخطف لونها: هاااااه ؟؟؟
غلا بملل و استعجال: مامااا ايشبببكك اقولك بركب السيارة تبغي اجيب حاجه معايه؟؟؟
ام هاني رجفت يدها و ناظرت الجوال ( غلاوي ) ورجعت ناظرت باب الجناح وهي ترتجف



انتهـــى البـــ[36]ـــارت

ان شاء الله ينال اعجابكم..
تـــوقــــــعــــــاتــــ ــكـــــم..



اراكم ع خير ان شاء لله.. ولا تحرموني من ردودكم وتوقعاتكم و بليييييييييييز ما ابي احد من خلف الكواليس شاكره لكم ..

* معليش سامحوني طولت عليكم واااجد عاارفه وربي بس بعد سفرتي صارت لي ظروف صحيه .. تعرفوا تغير الأجواء وكذا بس وربي جد طول تعبي كثير ولحد ذحين و كل يوم كنت احاول اكتب لكم قد ما اقدر و الحمد لله خلصت لكم البارت،، بس عاد جيت لكم بغنيمه كبيره لحد ينكر !!

* يا اهل الإمارات اذا في أي غلطة بالكلام فـ سامحوني ما صار وقت اتواصل فيها مع قريبي الإماراتي..

* اشكر كل من قدر غيابي و ظروفي و حط لي اعذار ..

{ و اعتذر منكم مره ثانيه }

مع تحياتي: جذابة والعيون غلابه { } ^__^




للأسئلة و الاستفسارات..