[اسطورة !]

البـــ[38]ـــارت

غرام وقفت عند الدرابزين تناظرهم سحبت عبايتها و لفتها حول جسمها و حطت الطرح ع شعرها بأهمال و نزلت بهدوء: اووووووه بـــو هــــانــــي
بو هاني ناظرها بحقد وهو ناوي عليها
غرام وهي تنزل من الدرج بتمهل: واااو اميزي اتجمعت العايلة الكريمة كلها
بو هاني ناظر هيثم و لؤي
غرام وقفت وسط هيثم و لؤي، بوجه مصطنع الحزن: كنت بجيكم عشان اعزيكم ،، يلا زين جيتو انتو
خالد بسخريه: تقتل القتيل و تمشي بجنازته
غرام طنشته
بو هاني بابتسامة ساخرة: اشوف حطيتي كلاب جنبك
غرام بوجه مستغرب: تو تو الكلاب قدامي مو جنبي ــ غمزت له بعيونها اليسرى ــ
خالد ناظرها بغضب لانها كانت تأشر بعيونها عليه: انتي..
ناصر مسك خالد
دخل ثامر بسرعه: عمي
بو هاني طنشه: يعني بعد ما تطلقتي هربتي و بعد خمس سنيين ترجعين و تقتلين ابويه !! ما كفاك تاج !؟
غرام بتفكير: لا ما اكتفيت ، و ع فكرة انا سافرت بإذن
ناصر: بإذن مين يا حضرة ؟
غرام: زوجي !
ثامر ناظر غرام
ناصر: مو إذن دامو طليقك
غرام شددت ع كلامها: قلت زوجــي
بو هاني: تطلقتي منو قبل ما تسافري
غرام: لا
ثامر عقد حواجبه
هاني: شفنا ورقة الطلاق كان اليوم اللي قبل ما تهربي
غرام تصحح كلام هاني: تو تو قبل ما اسافر
هاني هز راسه بنعم
غرام: ما شاء الله ما توقعتكم بهالغباء بس حلو والله
الكل ناظرها باستغراب
غرام: كانت ورقة الطلاق مزوره
ثامر بصدمه: نــعــم
غرام ناظرته و شددت ع كلامها: مُــزوّرة
ثامر واثار الصدمة بوجهه: هه يعني انـ-ـت للحين ع ذمته !!
طلع بندر بروب الحمام و ناظرهم من الدرابزين: غـرام !!
غرام ما ناظرته
الكل ناظر بندر بدهشه
ثامر طلع بسرعه بقهر
هاني: انتي لسا متزوجه بندر !!!
غرام: ما قلت كدا
بندر دخل الغرفة بسرعه
غرام: تطلقت بعد ما سافرت بفترة
ياسر: يعني بندر كان يعرف عن سفرك
غرام ناظرت ياسر: ايوه
بو هاني قرب منها: بدال دي الخرابيط انصحك تدورين قبر مناسب لك
لؤي قرب من بو هاني
غرام اشرت للؤي يبعد
هيثم بهمس مسموع: اطلعهم برا ؟
غرام بتعجب: مالو داعي ، عندهم رجول ع الفاضي !!
خالد بسخريه: طرده محترمه
نزلت ام هاني و بعصبية: شتسووون هناا !!
بو هاني ناظر ام هاني و ابتسم لها بحب: اكلم غرام باحترام
ام هاني بقرف: انت احترم نفسك اول بعدين تعال تكلم باحترام
بو هاني اختفت ابتسامته بسرعه
الكل طلع بهدوء الا بو هاني و هاني
هاني: امي
ام هاني: هيا اشوف برا لا اشوفك تقرب من بنتي مره تانيه
بو هاني سكت شوي و ناظر غرام: ارجعي من مكان ما جيتي هدا اخر كلام عندي ادا ما تبغي تدوري قبر لك
غرام: ع راسي
ام هاني ناظرت بو هاني بحده
بو هاني طلع
هاني راح لغرام و باسها بجبينها
غرام بعدت عنه
هاني: آسف بس ما قدرت اخلي ابويه يجي عندك لحاله خفت يسوي فيك حاجه
غرام هزت راسها بفهم
هاني ضمها له
غرام بدون ما تضمه و بهمس : هيا روح
هاني باس خدها و راح لأمه وسلم عليها ومشا
غرام ناظرت هيثم و لؤي: مشكورين
هيثم ابتسم لها
غرام راحت لأمها: غلا قامت ؟
ام هاني: بالحمام ــ الله يكرمكم ــ
نزل بندر بسرعه من الدرج: وينهم ؟
غرام: راحوا
ام هاني ابتسمت لبندر: مشكور بندر تعبناك معانا
بندر ابتسم لها
غرام: وين نمت ؟
بندر بعدم اهتمام: ع الكنبة
غرام: ظهرك دحين يعورك روح نام ببيتكم
بندر: لا عادي اقدر اقعد عندكم عشان ادا جو
غرام تناظر لؤي و هيثم: العيال موجودين
بندر ابتسم لها و ربت ع كتف لؤي و هيثم: براحتكم ،، عن اذنكم
ام هاني: بندر افطر قبل
بندر: معليه بفطر بالشركة يلا سلام
و طلع

&&& سيارة بو هاني &&&

بو هاني جالس يتحلطم و هاني ع جواله
بو هاني بانزعاج: ع مين تدق انت !!!؟؟
هاني و جواله بأذنه: ثامر
بو هاني شوّح بيده بإهمال: روح انت وياه
هاني: وقف وقف
بو هاني ناظره باستغراب
هاني: وقــف ع جنب بنزل
بو هاني وقف ع جنب
هاني نزل
بو هاني: ايشبك ؟؟
هاني: بركب تاكسي سلام
بو هاني: بالطقاااق
وحرك بسرعه
هاني وقف تاكسي

&&& فلة بو ماجد &&&

فاطمة بدهشه: كداااااب ..................... طيب صار لها حاجه ؟؟ ...................... الحمد لله ........................... انا بروح لها ........................................ ايوه ايوه اعرف ...................... حكتني ......................... طيب باخد مريم و اروح هناك ........... باي
الجوهرة: ايش في؟
فاطمة: صارت مشكلة ببيت غرام بعدين احكيكم
ماجد: بتاخذين مريم ؟
فاطمة: ايوه انت بتوصلنا ؟
ماجد: ايه
فاطمة: هيا
ماجد: غيري ملابسك و بجهز السيارة
فاطمة طلعت بسرعه الدرج
الجوهرة: شوي شووووييي

&&& الكورنيش &&&

ركن معتصم سيارته جنب سيارة ثامر و نزل وصار يدور عليه بعيونه لين انتبه لثامر جنب البحر و يرمي الحصى بالبحر بقوة
معتصم: ثااامر
ثامر لف عليه بعصبية
معصتم: ايشبك يا هوو ؟؟
ثامر اخذ حصى ورماها
معتصم قرب منه: ايشبك ؟
ثامر: الـ×××× الـ×××××
معتصم كشر من شتمه
ثامر ثنى رجولة وجلس و صدره يرتفع و ينزل من العصبية
معصتم واقف يناظره : احكي لي ايش صاير
ثامر رفع راسه يناظر معتصم: ام عييوون لسا متزوجه
معتصم عقد حواجبه باستغراب: ام عيون ؟؟
ثامر: غرااام
معصتم: كيف متزوجة ؟؟
ثامر: ما اعرف اللي اعرفوا انو ورقة الطلاق كانت مزوره
معتصم بصدمه: مزورة !!!
ثامر يناظر البحر و بغبنه: ايوه
معتصم ثنى رجولة و جلس نفس ثامر: كيف كدا ؟
ثامر بصراخ: ما اعرف مااا اعرررف
معتصم: طيب طيب هدي خلينا نفهم
ثامر وقف: ايش تبا تفهم اقووولكك غرام متزوجة الكـ××× اللي اسمو بندر شفتو عندها بالبيييت بالفوطه !!!
معتصم وقف و عيونه اتسعت بدهشه: مو لدي الدرجة
ثامر اخذ نفس عميق وسكر عيونه
معتصم بهمس مسموع: كل دي السنين خادعنا !!

&&& سيارة ماجد &&&

ركبت مريم وسلمت
ماجد+ فاطمة: وعليكم السلام
ماجد: كيفك مريم ؟
مريم: بخير الحمد لله و انت؟
ماجد: الحمد لله
فاطمة لفت ع مريم: تخيليي
ماجد انزعج من فاطمة
مريم: ايش؟
فاطمة: اهل غرام درعمو عليها اليوم
مريم بدهشه: كداااااااابه
فاطمة: ورب البيت
مريم: ايش صار ؟؟
فاطمة: قعدو يهددوها وما اعرف ايه و عرفو انو ورقة الطلاق مزورة
مريم: يووووه ،، طيب صار لها شي؟ ؟
فاطمة: لا الحمد لله
.......... شوي ووصلوا ............
نزلت فاطمة و مريم
مريم تناظر يدها: يووه اسوارتي
فاطمة: وينها؟
مريم: اتوقع بسيارة اخوك
فاطمة: الحقي عليه قبل يمشي
مريم هزت راسها بالموافقة
فاطمة بصوت مرتفع: اجي معك ؟؟
مريم: لالا شوي وجايه
رجعت لسيارة و طقت الباب
ماجد فتح الدريشه
مريم: طاحت اسوارتي داخل
ماجد فتح الباب
مريم دخلت و قعدت تدروها
ماجد نزل من السيارة باحترام
مريم " اوووففف وينها " نزلت يدها تحت كرسي ماجد و طلعتها " الحمد لله " نزلت وشافت ماجد بوجها
مريم: معليش عطلتك معي
ماجد طلع يده من جيبه ومسك رقبته بإحراج: لا عادي ــ وبعد عن طريقها ــ
مريم مشت و عطته ظهرها
ماجد رجع وقف قبالها بتوتر
مريم عقدت حواجبها
ماجد بتوتر: اسمعيني يا بنت الناس انا تعبت وانا ساكت
مريم ناظرته باستغراب وميلت راسها تمييله صغيره
ماجد زاد التوتر والحرارة بجسمه: انا احبك
مريم فتحت عيونها ع وسعها بدهشه
ماجد لف وعطاها ظهره و رجع لف عليها: آسف
ومشا وركب سيارته و حرك بسرعه

&&& تاكسي &&&

هاني: شفت شفت سيارتك خلاص ــ سكر جواله ــ يعطيك العافية وقف هنا
نزل بعد ما دفع لراعي التاكسي و صار يمشي يدور معتصم و ثامر و اول ما
ثامر كان يرمي الحصى بهدوء
هاني سلم ع معتصم و اشر له بعيونه ع ثامر
معتصم بهمس: ما تكلم بعد ما زعق
هاني وقف جنب ثامر و صار يرمي الحصى معاه
ثامر انتبه لهاني و طنشه
هاني: لوين عديت ؟
ثامر عطاه ظهره ومشا
هاني لف عليه: ثامر
معتصم مسك ثامر من زنده
ثامر بعد يد معتصم وركب سيارته ومشا
معتصم راح لهاني: لا تلومه كويس تكلم معايا
هاني هز راسه بتفهم
معتصم: مو مصدق انو كل دي السنين في النهاية اختك لسا متزوجة دا بندر
هاني: تطلقوا
معتصم: بس الورقة مزورة
هاني: اعرف
معتصم: يعني لساتهم متزوجين
هاني: لا
معتصم يكمل: و احنا ما افتكينا نخلص من عشق ثامر رجع لنا مره تانيه
هاني: معتصم
معتصم سكت يناظره
هاني: غرام تطلقت من بندر
معتصم ناظره باستغراب
هاني: صح كانت مزورة بس لما سافرت اشتغلوا ع قضية الطلاق و تطلقوا حقيقي
معتصم بفرح: كداااااااااااااااااااب
هاني: والله
معتصم: و ثامر ما يعرف !!
هاني: خلي تهوره يفيده بس عرف انها مزورة ع طول طلع
معتصم طلع جواله بفرح
هاني: ع مين؟
معتصم: ع ثامر وربي حيطير من الفرح
هاني مسك جوال معتصم: خليه
معتصم ناظره و عقد حواجبه
هاني: مافي أي احتمال ولو 2% انها ممكن تحبه
معتصم دخل جواله بجيبه باستغراب
هاني: غرام ما تحب ثامر يعني حتى لو حاول بكون ع الفاضي و بترجع له نفس الحاله قبل خمس سنيين ،، ليش نقوله و هو لو عرف بيفرح كتير و يطير و يسوي كل حاجه عشان تلتفت له و هيا ما حتديه ولا نظره وبالعكس بتحطمو اكتر و بتسوي المستحيل عشان تبعده عنها حتى ممكن ترجع لبندر عشان تبعدوا عنها ومحد بنحرق قلبوا غير ثامر !! ،، زي ما هادي اختي دا ولد عمي و اكتر من اخ ليا !! مستحيل ارضا لغرام تعور قلبوا مره تانيه
معتصم سكت بتفكير
هاني: احنا ما بنكدب عليه بس بنفس الوقت ما بنخبره محد قالو يطلع بدون ما يسمع الكلام كلو !
معتصم كان يناظر هاني
هاني حط يده ع كتف معتصم: خلي دا الكلام بينا
معتصم: ممكن يسمع من أي احد طيب ؟
هاني: بكلم اولاد عمي و بوصيهم
معتصم هز راسه بالموافقة

&&& فلة غرام &&&

فاطمة: الحمد لله انو هيثم و لؤي كانوا موجودين
غرام: الحمد لله
فاطمة: كم لهم معك ؟
غرام بتفكير: امم من 4 سنين كدا
فاطمة: ما شاء الله
غرام: صار مره مشكله معايا و بالموت طلعت منها بعدها بندر ارسلهم ليا
فاطمة: الحمد للله
غرام تناظر مريم اللي من دخلت سرحانه اشرت لفاطمة بعيونها ع مريم: ايشبها؟
فاطمة ناظرت مريم: ما اعرف
مريم كانت سرحانه و تلعب بالأسورة
غرام: ايوه مريم ؟
مريم انتبهت لغرام وناظرتها: هاه ،، ايش قلتي؟
غرام ناظرت الأسورة: اقولك صغري الأسورة عشان ما تطيح من يدك
مريم هزت راسها بالموافقة: ايه ايه بصغرها
فاطمة: ايشبك من يوم جينا وانتي سرحانه
مريم: مدري
غرام: فيك نوم ؟
مريم: لالا ما علينا كملي
غرام ناظرتها بدهشه: اكمل ايش؟
مريم: لما قالك ابوك حطيتي كلاب حولك مدري ايش
غرام ناظرت فاطمة
فاطمة بادلت غرام نفس النظرات و ماتوا ضحك
غرام: وصلنا امريكا وانتي ع الكلاب
فاطمة: ههههههههههههههههههههههههه ههههه
مريم: اوفف خلاص طيب
دخلت سونيا وهي تكلم جوال: خااالي ............. ما بصير شي لو غبت كم يوم...................... بس تلات ايام ................. انا للله ............. طيب خلاص بعدين نتكلم........... باي
سكرت منه وسلمت ع الكل
غرام: وين ليان ؟
سونيا: مشغولة شوي مع لمار ،، بس تخلص بوصلها شهاب
غرام: بعد عمري لمار مرره تشبه ليان
فاطمة: من جد تحسين انووووثة تمشي ع الأرض
سونيا: ليه واللي يمشون ع الأرض كلهم رجال
فاطمة: يا غبية قصدي انها مرررره ناعمه
غرام: من جد بس نومها ثقيل
سونيا ناظرت غرام بطرف عيونها: ما بتروح بعيد دامك خالتها
غرام ضحكت: لالا ابشركم الخمس سنين دي خلت نومي خفيف
فاطمة: مو منك من الرعب اللي عايشته لو انا منك مو بس يصير نومي خفيف الا ما انام ابد
غرام: مو خوف بس ،، النوم الكتير يخليني احلم كتير و اقوم متضايقة ــ تغير الموضوع ــ ما علينا
سونيا تناظر مريم: ايشبها مريم ؟
فاطمة تناظر مريم: اوهووو رجعت سرحت
غرام: والله علمنا من علمك من جت وهيا كدا
سونيا: مريووم
مريم ناظرتها: هاه
سونيا: ايشبك يا بنت اسم الله عليك ؟
مريم: ما فيا شي ايشبكم انتو !!

&&& فلة بو غانم &&&

مساعد: انا مو معاك فاهم ابويه الله يرحمه قبل يموت كان يباها تسامحه و انت دحين تبا تسوي أي شي عشان ترجعها من مكان ما جت
غانم: اكبر غلطه سواها ابويه الله يرحمه انو ذل نفسو لها
خليفة: انا لله ،، بالله انا طلعني من السالفة
مساعد: و انا كمان
غانم: الله معاكم
مساعد: غانم ترا اللي قاعد تسويه يخرب بينك وبين زوجتك
غانم: مالك صلاح
مساعد: براحتك بس بطل حقد ع بنتك
غانم بعصبية: لا تقول بنتك دي مو بنتي
خليفة: بالنهاية هيا بنتك رحت ولا جيت دي من دمك
غانم: مستعد ابدلها دمها
مساعد: سلام
و طلع
خليفة وقف: اشوفك ع خير
و طلع

&&& قصر الوليد &&&

نزلت وشافت الوليد متمدد ع الكنبة راحت له: متى توصل عمتي لندن ؟
الوليد يناظر ساعة الحائط: ع الساعة عشرة
غزل هزت راسها بالفهم و جت تمشي
الوليد جلس و مسك يدها: غزل استني
غزل ناظرته بملل
الوليد: ابا اتكلم معاك
غزل: تكلم احد ماسكك؟
الوليد: اجلسي طيب
غزل جلست بملل: اخلص
الوليد جاء يتكلم
غزل قاطعته: ادا بتتكلم عن وضعنا من دحين اقولك بقوم
الوليد بيأس: خلاص ما عندي شي
غزل قامت ومشت
الوليد رجع شعره ع ورا
غزل وقفت ولفت عليه: ايوه صح بعد اسبوعين عيد ميلاد سراج
الوليد هز راسه بنعم: اعرف
غزل: كويس
الوليد: متى بنجهز له؟
غزل: من بكرا
الوليد: ايش رايك دحين
غزل: مين بقعد مع سراج و اسيل؟
الوليد: الخدامة
غزل سكتت
الوليد قام بسرعه ووقف قبالها: هيا روحي البسي و انا بستناك بالسيارة
غزل: من جدك ؟
الوليد هز راسه بنعم: ايوه من جدي
غزل: طيب خمس دقايق و انزل
الوليد: انتظرك
غزل طلعت

&&& فلة بو ياسر &&&

دخل ثامر
ام ياسر: ثامر تعال
ثامر كان يمشي تجاه الدرج
ام ياسر: ثاامر
رتاج: ايشبو دا ؟
ياسر: خلوكم منو
ام ياسر: ايش فيه ؟
دخل بو ياسر
ياسر: ما فيه شي
ام ياسر: لا بالله بزر قدامك
ياسر: اممي
بو ياسر: ايشبكم صوتكم لبرا ؟
ام ياسر: ايشبو ثامر؟
بو ياسر: دا طايش
ام ياسر: ايوه ايش صار؟
بو ياسر: جاء معانا عند غرام...
ياسر قاطعه: غرام ما تطلقت وهو عصب عشان كدا
رتاج: كيف ما تطلقت
بو ياسر ناظر ياسر باستغراب
ياسر: الورقة مزورة
ام ياسر شهقت بدهشه: يعني للحين متزوجة داك بندر
ياسر سكت
بو ياسر: ياسر تعال شوي
طلعوا برا
بو ياسر: غرام تطلقت
ياسر: اعرف
بو ياسر: انا جيت عشان افهم اخوك
ياسر: ليه نقوله وحنا عارفين انو غرام ما حتحبو ؟؟
بو ياسر سكت
ياسر: يعذب قلبه ع الفاضي
بو ياسر: يعني اكدب عشان ما يعذب قلبه ؟
ياسر: لا هو ما رضي يسمع كل الكلام وبنفس الوقت احنا ما بنضغط عليه عشان يسمع
بو ياسر سكت شوي: طيب ماشي
ياسر: اخاف رتاج يزل لسانها عشان كدا قلت لهم انها مزورة
بو ياسر: طيب امشي

( اليوم الثاني )

&&& الردسي مول &&&

كانت تمشي وبيدها اكياس كثيرة
هيثم تقدم لها: غرام خليني اودي الاكياس السيارة
غرام : لالا شوي و اديها لك يكمل كم شغله و خدهم
هيثم: تمام
غرام لمحت ثامر من بعيد " رجعنا لطير ياللي " طلعت جوالها و دقت ع سونيا: وينك؟
سونيا: دوبني دخلت وينك انتي ؟
غرام: عند محل الـ*******
سوينا: طيب باي
وقفت غرام تنتظر سونيا
شوي وجت سونيا و سلمت عليها
غرام: ثامر يلاحقني
سونيا صارت تتلفت: وينو ؟
غرام: يا××× لا تتلفتين
سونيا: وينو طيب؟
غرام: بعد شوي و حنا مارين بتلمحينه
سونيا: ايش لابس طيب؟
غرام: تيشيرت ابيض
سونيا: خلاص خلاص شفتو ، ايش يسوي دا؟
غرام: ايش عرفني ، بس خليه ع راحته لين يتعب
سونيا: طيب خلينا نروح مول تاني
غرام: لالا في محل هنا مره حلو باخد للمار منو
سونيا: طيب
صاروا يمشون و يمشي وراهم ثامر من بعيد
وقفت بنت صغيرة قبال غرام
غرام جت تعدي منها
البنت: ماما هدي عندها عينين
غرام ابتسمت لها و نزلت لمستواها
البنت ناظرت عيون غرام
ام البنت: ماما عيب
غرام: عيوني تخوف ؟
البنت: لا ــ قربت من غرام ــ عندك قوة خارقة ؟
غرام ماتت ضحك: ايوه شفتي عيني دي ــ واشرت ع عيونها اليسار ــ تحول كل شي لألعاب
البنت ناظرتها بدهشه: والله ؟
غرام طلعت واحد من الأكياس: شفتي دا الكيس بطلع منو لعبه
البنت ناظرت الكيس: مستحيل
غرام صغرت عيونها و طلعت لعبة طبخ للأطفال من الكيس: هوبببااا شفتي
البنت ناظرت اللعبة بصدمه
ام البنت: هههههههههههههههه
غرام مدت لها اللعبة
البنت ناظرت امها
ام البنت: قولي لها شكرا
البنت اخذت اللعبة: شكرا
غرام: عفوا
البنت: ماما ابا زي عيونها
ام البنت ناظرت غرام
غرام: ايش اسمك ؟
البنت: لما
غرام: حلو اسمك
لما ابتسمت بحياء
غرام وقفت ولوحت بيدها: بااي
مشت
سونيا: من جد غرام ما عاد تلبسي نظارتك لما تطلعي
غرام: ليش البسها؟
سونيا سكتت باستغراب
غرام: تذكري احمد الله يرحمه لما كان يقولي ما حتكمل ثقتك بنفسك لين تشيلين النظارة
سونيا: بامريكا ما تكلمو عن عيونك؟
غرام: بالعكس قالو انها حلوه
سونيا: هيا حلوه بس ايش نسوي بعنادك
غرام ابتسمت
دخلوا المحل واشتروا فستان للمار جو يطلعون مد واحد من الشباب رجله
سونيا ناظرت رجله وضربتها
الشاب مد رجله الثانية وضحك: اضربي هنا كمان
تقدم ثامر: نعم يالأخ
غرام مسكت ثامر من زنده: ثامر
ثامر بعد يدها و تقدم لشاب: تبا تجرب كسر من أي نوع ؟؟ ــ و اشر بعيونه ع رجول الشاب ــ
غرام شدت ثامر من ذراعه: ثااامر
الشاب بهياط: تخسي يا××××
ثامر دف يد غرام و جاء يمسك الشاب
تقدم لؤي و هيثم
لؤي: ثامر خلاااص
هيثم بعصبية ع الشاب: امش اشوف يلا لا اشوف وجهك عشان م اشوهه
الشاب مشا وهو يشتم فيهم
ثامر يقاوم لؤي: الـ×××××
غرام بصراخ: ثااامر خلاااص راحوا
ثامر لف وجهه بغضب
لؤي ترك ثامر: لو سمحت مانبا فضايح
ثامر بعصبية ناظر لؤي: هدا اللي خايف عليه !! بلا فضايح !!
سونيا: يوووه خلصنا يابويه
ثامر شوّح بيده ومشا
غرام اخذت نفس عميق: بنرجع لجنون دا الانسان
سونيا: الله يعينك من جد

&&& فلة بو ناصر 1 &&&

** جناح خالد **
ام ناصر كانت تتقهوه مع ديم
خالد وقف قبال المرايا و يسوي شماغه
ام ناصر: محد ضامن عمره والله
ديم: بعد عمر طويل يا امي
ام ناصر: ابا اشوف عيالكم يا خالد
خالد: انا لله امي رجعنا للموضوع
ام ناصر: ضامن لي اعيش لين اشوف عيالك ؟
ديم مسكت يد ام ناصر: امي الله يطول بعمرك و تشوفي عيال عيالي مو بس عيالي
ام ناصر: اميين ،، ما بقى من العمر اكثر من اللي راح
خالد سكر عيونه بملل من كلام امه اللي حفظه
ديم: الله يطول بعمرك
ام ناصر قامت
ديم: اجلسي
ام ناصر: بشوف روان
و طلعت
خالد يلبس ساعته
ديم وقفت وراحت له: من حقها ترا هيا كمان تبا تشوف حفيدها
خالد وهو يعد بأصابعه: عندها خليفة عندها رحمه عندها ريناد
ديم بتشديد: مــننا
خالد سكت
ديم: لنا تلات سنين متزوجين
خالد لف عليها ومسكها من ازنادها: نتكلم بالموضوع لما ارجع
ديم لفت وجها بضيق
خالد باسها بخدها
ديم بعدت عنه
خالد: باي
و طلع
ديم بسخريه: احلق شعري لو رجعت و تكلمنا بالموضوع

{ الإمارات _ دبي }

&&& سيركل كافيه &&&

حمدان: ما رجعت يارتكم ؟
مطر: تراك اذيتنا بهالسهى
حمدان لف وجهه
مطر: حموود
حمدان لف عليه
مطر: ليكون حبيتها؟
حمدان: مو انا اللي احب من نظرة !!
مطر: اتمنى
مرت وحدة من جنب طاولة مطر و حمدان
حمدان صفر: طع طع = ناظر ناظر
مطر ناظر البنت
حمدان: طرر
مطر بيأس: هذا اللي فالح فيه

{ السعودية _ جدة }

&&& شركة غانم الـ******* &&&

بو هاني: تروح فلة غرام تاخد غلا و تهدد امها ادا ما جت ما حتشوف بنتها تاني
الرجل: ابشر طال عمرك
بو هاني: ولو وقفو بوجهك دولاك الكلاب خد معك كم واحد كمان
الرجل ناظره باستغراب
بو هاني: الحرااس حقينها ، المليارديرة و انا ما ادري
الرجل: ابشر
بو هاني: حرك
الرجل طلع
بو هاني " ان ما رجعتك من مكان ما جيتي مايكون اسمي غانم "

&&& فلة بو ياسر &&&

دخل ثامر و صقع الباب بقوة
ام ياسر: ثامر تعال
ثامر راح لها
ام ياسر: لقيت لك البنت اللي تسعدك اللي تقول للقمر قوم و تجلس مكانه اللي تطيح الطير من السماء السنعة الـ..
ثامر قاطعها: جيسيييي
ام ياسر تكمل: ما عمري شفت مثل جمالها اسم الله عليها ما شاء الله ..
دخل الخدامة: نعم
ثامر: حطي ملابسي بالشنطة
جيسي: شنطة كبير؟
ثامر: ايوه
ام ياسر باستغراب: بتسافر؟
ثامر بدون ما يناظر امه: لا
ام ياسر: اجل؟
ثامر ناظر امه بابتسامة: بطلع من البيت ــ لف ع جيسي ــ سريع
جيسي جت تمشي ام ياسر مسكتها من يدها
ام ياسر: نعم خير ؟؟ وين تطلع ؟
ثامر: قلت لك ادا فتحتي موضوع الزوجة مره تانيه حطلع
ام ياسر بعصبية: مو بكيفك حزوجك لو غصب عنك
ثامر بعدم اهتمام: تزوجيها انتي مو تقولي تطيح الطير من السماء
ام ياسر: ثااامر
ثامر توجه للباب الخارجي: جيسي نص ساعة و الاقي شنطتي جاهزة
جيسي ناظرة ام ياسر
ام ياسر: جيسي روحي المطبخ
ثامر لف ع امه
ام ياسر: ما في طلعه من البيت
ثامر راح لدرج و طلع غرفته
ام ياسر لحقته: ثااامر
ثامر طلع شنطته و فتح دولابه
ام ياسر: شوفها انت بس و ادا ما عجبتك ما حجبرك
ثامر يدخل ملابسه داخل الشنطة بعشوائية
ام ياسر تمسك ملابسة: ثامر اسمعني
ثامر طلع جواله و دق ع واحد من الشباب: الوو ............ الحمد لله .......... اسمع ديك الشقة اللي عجبتني لسا فاضية ؟ ................... حلو خلاص بجيك بعد ساعة عشان نتفاهم ............. ايوه اباها............. يدك العافية ............. سلام
ام ياسر: ثامر لا تجنني
ثامر دخل جواله و رجع حط ملابسه
ام ياسر طلعت و دقت ع ياسر
ياسر: هلا
ام ياسر: بسرعة تعال
ياسر: وين اجي انا بالشغل
ام ياسر: اخوك بيطلع
ياسر: فتحتي معاه موضوع بنت صحبتك ؟
ام ياسر: ايوه
ياسر بعدم اهتمام: كلها كم اسبوع و يرجع
ام ياسر بصوت باكي: لا حتى بياخد له شقة
ياسر: امي انتي كمان ضغطي ع الرجال لين قلتي امين
ام ياسر سكتت
ياسر: خلاص خليه يهدا بعدين نتكلم
ام ياسر: طيب
سكرت منه و دخلت لثامر شافته يفتح شنطة صغيرة و ياخد احذيته ــ اعزكم الله ــ
ام ياسر بعيون مليانه دموع و برجاء: ثامر
ثامر طنشها
ام ياسر راحت للباب و طلعت المفتاح
ثامر لف عليها شافها تسكر الباب ناظر القفل وركض تجاه الباب
ام ياسر سكرت الباب بالقفل مرتين
ثامر: امممي
ام ياسر: قلت لك ما حتطلع
ثامر: امممييي افتحي الباب ،، بزر عندك تسكري الباب
** برا الجناح **
طلعت رتاج وشافت امها: امي ايش في؟
ام ياسر: يا ويلك تفتحين الباب لثامر
رتاج: طيب ليش؟
ام ياسر: سمعتيني
ثامر بصراخ: ترا والله انزل من البلكونة
ام ياسر ابتسمت باستهزاء
رتاج بخوف: ماما ترا يسويها
ام ياسر بقلق هزت راسها بالنفي: ما يقدر
** داخل جناح ثامر **
سكر شنطة الملابس و الاحذية ــ اعزكم الله ــ و اتجه للبلكونة ورما شنطة الملابس و انكسرت العجلة
ثامر كشر بانزعاج و رما فوقها الشنطة الثانية
** برا الجناح **
ام ياسر حطت اذنها ع الباب: في صوت
رتاج: ولدك مجنون عادي عنده يطلع من الدريشة من جد
ام ياسر: امشي بسرعه
ركضوا و طلعوا برا ووقفوا قبال بلكونة ثامر وشافوا الشنط
ام ياسر: مو من جده



رتاج رفعت راسها و ناظرت ثامر بصدمه
ثامر كان متمسك بدرابزين البلكونة وقلبه يرقع
ام ياسر بصراخ: ثااامر بلا جنووون
ثامر: انتي اللي بديتي
ام ياسر: ثااامر بطييح
ثامر بصوت مرتفع: احسن ينكسر كم ضلع و ترتاحين
ام ياسر انهبلت: رتاج بسرعه روحي جيبي سلم
رتاج باستنكار: انا ؟؟
ام ياسر بصراخ: بسررعههه
رتاج ركضت لاحد السواقين و طلبت منه سلم
ام ياسر: امسك الدرابزين كويييسس
ثامر: بانزل
ام ياسر: لالالا انتظر بتجيب لك سلم
ثامر ابتسم بانتصار
شوي وجت رتاج مع السواق و السلم
ثامر لسواق: ثبته كويس
ثبت السواق السلم
ثامر مد رجله لسلم و نزل
ام ياسر بعصبية: تبا تجنني انت
ثامر لسواق: خد دي الشنطة وحطها بسيارتي
ام ياسر: ثـــــــــــــامر
ثامر اخذ شنطة الأحذية ــ اعزكم الله ــ
رتاج وقفت قبال ثامر: ثامر من جدك
ثامر باس خد رتاج: اشبعوا بالمفتاح
ام ياسر رمت مفتاح ثامر
ثامر ابتسم وراح لسيارة
رتاج ناظرت امها: كلو بسببك
ام ياسر: اوص بس

&&& فلة بو مهند &&&

بو مهند: من امس ما شفت مريم
مهند: من جبتها وهيا بس سرحانه
بو مهند: ليكون تعبانه ؟
مهند: سألتها تقول ما فيا شي
بو مهند: انا بطلع لها
طلع بو مهند غرفة مريم و طق الباب و دخل
بو مهند: بابا مريم
مريم ناظرته: هلا
بو مهند: ايشبك يا بابا من امس مو طبيعية يقول مهند
مريم: مهند دا يبالغ
بو مهند: ولا شفتك ع الفطور
مريم: ما كان ليا نفس
بو مهند: صحباتك طلعوا
مريم: ايوه
بو مهند: ليه ما رحتي معاهم؟
مريم: بنتجمع الساعة 9 ببيت غرام
بو مهند: براحتك حبيبي
و طلع
مريم رمت نفسها ع السرير: راااسي بينفججرر ،، كيف كدا ؟؟ ،، عمرو ما بين لي انو يحبني

&&& سيارة ثامر &&&

دق جواله
ثامر: نعم هاني
هاني: وينك؟
ثامر: بالسيارة
هاني: احلف ! اعرف
ثامر: دامك تعرف ليه تسأل
هاني: ثامر وقف فأي مكان و انا بجيك
ثامر: مشغول
هاني: اعرف
ثامر: انا لله دامك تعرف اني مشغول انقلع
هاني: ثامر من جدك بتاخد شقة
ثامر: الله و اكبر بسرعة ينتشر الخبر عندكم
هاني: جاوبني
ثامر: ايوه
هاني: بلا جنان
ثامر: يلا وصلت سلام
هاني: ثاامر
ثامر: سلملي ع اللي علمك
هاني: اسـ..
ثامر قفل بوجهه

&&& في احد السيارات &&&

كان واقف قدام فلة غرام دق جواله و حطه ع اذنه: الو طال عمرك
بو هاني: اخذتهم ؟
الرجل: مو موجودين بالبيت
بو هاني: كيف مو موجودين ؟
الرجل: الخدامة تقول انهم طالعين
بو هاني: سكر سكر بس عمركم ما فلحتو خلاص انا اللي باخدهم
الرجل: حاضر


&&& الردسي مول &&&

فاطمة: هو تغيرتي تغيرتي
غرام: يعني كويس ولا لا؟
سونيا: احس انو كويس
فاطمة باندفاع: لا مو كويس
غرام: ليه؟
فاطمة: قبل كنتي مجنونه و تصرفاتك كمان مجنونة دحين قبل ما تخطي خطوة تحسبي لها الف حساب
سونيا: دا الصح يالفاغرة
فاطمة: لا مو صح انا ابغى اختي اللي قبل
غرام: هو انا لسا مجنونة بس عقلت شويه و صرحت احسب حساب اخطائي ،، غلطت الشاطر بعشرة
سونيا تأشر بعيونها ع ام هاني: امك جت
جلست غلا و ام هاني
ام هاني: انا تعبت خلونا نرجع
سونيا: انا برجع مع فاطمة
غرام: اشوفكم الساعة 9 و جيبو السرحانة معاكم
فاطمة: هيا اول وحدة
غرام: باي
فاطمة: بدق ع السرحانة
سونيا: حطي سبيكر
فاطمة دقت ع مريم و حطت سبيكر
مريم بملل: همم
فاطمة: وينك؟
مريم: بالبيت
سونيا: بتجين بيت غرام؟
مريم: ان شاء الله
فاطمة: تبين امرك مع ماجد ؟
مريم باندفاع: لالالالا بجيبني مهند
فاطمة باستغراب ناظرت سونيا: طيب
مريم: بطلع لي ملابس سلام
فاطمة سكرت منها
سونيا: ايشبها؟
فاطمة: ما اعرف

&&& فلة بو ماجد &&&

ماجد: ما اعرف كيف سويت كذا
الجوهرة: زين سويت صراحة
ماجد: وين زين و اللي يعافيك اول ما قلت لها حسيت قلبي يرجف و حرارة بجسمي مو طبيعية
الجوهرة: طبيعي طبيعي
ماجد: وقفت ع جنب بس عشان اركز
الجوهرة بمزح: والله و طحت ومحد سما عليك يا ولد اخوي
ماجد: اسكتي واللي يرحم والديك لا تعرف فطوم تقطعني
الجوهرة: سؤال
ماجد: قولي
الجوهرة: مين اكبر انت ولا فطوم ؟؟
ماجد: لااا ياختي بس لسانها ما يرحم
الجوهرة: بذي صدقت الله يعينك لا عرفت
ماجد: تتوقعين الكذوب قالت لها
الجوهرة تنرفزت: ايه اكيييد قالت لها صديقات عمر و ما تقولها !!
ماجد بقلق: يووه عاد فطوم ايش يرحمني من لسانها طالعه نازلة تسفل فيني
الجوهرة رمت عليه المخدة: مجنوون انت ؟؟
ماجد باستغراب: ليه ؟
الجوهرة: اول شي بطل تسميها الكذوب ثاني شي بلا غباء مستحيل تقولها ماجد اخوك قالي احبك !!
ماجد: ممكن

&&& فلة غرام &&&

وقفت سيارة لؤي و نزلت غلا و غرام و ام هاني
بو هاني نزل من سيارته ووقف قبالهم
غرام بملل: انا لله ،، اشوف رجولك تعودت ع بيتي ؟
بو هاني بسخريه: شسوي اشتاق لك بسرعه
غرام حطت يدها ع قلبها و كملت بسخريه: آآه و انا كمان بس ايش نسوي هدا حال الدنيا
بو هاني بحزم: بــنــت
غرام ناظرته بحده
بو هاني مسك يد غلا و سحبها له
تقدم هيثم و لؤي
بو هاني: تو تو انتبهي دولا يقربون
غرام رفعت يدها تمنع هيثم و لؤي: اترك غلا
بو هاني: ما حتركها
ام هاني: اترك بنتي
غرام بعصبية مسكت يد غلا الثانية: اترررك غلا
غلا كانت تحاول تبعد يد ابوها عنها
تقدم اثنين من رجال بو هاني
بو هاني دف غلا ع الرجال
غرام بنفس العصبية: يا ×××
تقدم لؤي و هيثم مره ثانية
ام هاني بصراخ: خلييي بنتييي
بو هاني: قلت لك بعديهم احسن لك
غرام لفت بصراخ ع هيثم و لؤي: خلااااص قلت لكم ابعدوو
هيثم و لؤي بعدو عنها
كانت سيارة ثامر واقفة قدام فلة غرام اول ما انتبه لعمه نزل و عقد حواجبه
بو هاني لرجال: ركبوها السيارة
ام هاني: حقـ×××× سـ××× بعد دولا عن بنتي
بو هاني: ادا ركبتي السيارة دحين تقدري تشوفي بنتك و ادا تسكر باب السيارة وما ركبتي عمرك ما حتشوفي بنتك غير دا الكلام ما عندي
ام هاني تقدمت لها و ضربته بصدره: انت اييييششش بلا كرااامة ؟ اقولك اكـــــــرهـــــــــــــك ما احُــــــــــــبك ؟؟ ما تفهم
بو هاني: شسوي ادا عقلي بس يفهم كلمة احبك
غرام: خل يكون عندك عقل بالأول
بو هاني: ما حكرر كلامي ادا ما ركبتي السيارة ما حتشوفي بنتك ابد
ام هاني دموعها تنزل مو عارفة ايش تسوي
غرام بقهر: ماما روحي
ام هاني بعصبية: ما حروح
غرام: عشان غلا
ام هاني ناظرتها
غرام ضمتها
ام هاني ضمت غرام
بو هاني: بسكر الباب
ام هاني بعدت عن غرام: انتبهي لنفسك
غرام هزت راسها بالموافقة
بو هاني مد يده لام هاني
ام هاني ضربت يده بعصبية و قهر
بو هاني ابتسم و ناظر غرام بانتصار
غرام ناظرته باستحقار: ××× ×××
بو هاني: تو تو عيب
غرام: الله ياخدك
بو هاني اتجه لسيارة وقف فجأة ولف ع غرام: ايوه صح انصحك انك ترجعين من مكان ما جيتي ع الأقل عشان امك و ادا مو عشان امك عشان توأمك،، ما بفكر ولا دقيقة انا بنتي اللي كنت اخاف اخسرهم خسرتهم
غرا بقهر و بصراخ: الله ياخدك يا كـ×××
بو هاني ضحك و علت صوت قهقهته و ركب السيارة بانتصار
غرام رفعت راسها و تخصرت بتعب" يــــــــــارب "
ثامر تقدم لها بسرعة: غرااام
غرام لفت عليه
ثامر: عمي اخد غلا و عمتي
غرام رفعت حواجبها و هزت راسها بنعم
ثامر بحزن عليها: امشي داخل
غرام لفت ع هيثم و لؤي: آسفة
هيثم: ع راسنا طال عمرك
ثامر: امشي
دخلوا البيت
ثامر: ايش صاير؟
غرام عطته ظهرها: اخدهم بس
ثامر: ترا عمي بسوي كل شي عشان يخلي عمتي سارة جنبه
غرام اتجهت للمطبخ و باستهزاء: اكبر خطأ انك تاخد شخص فيه حب تملك خاصة اللي يحرق الدنيا عشانك ،، و اكبر غباء سوته امي انها اخدت عمك الـ×××
ثامر: ايش بتسوين طيب؟
غرام وهي تطلع كوبين من الدولاب: كوفي ؟
ثامر سند ظهره ع الدولاب: اوك
غرام وهي معطيته ظهرها: ايش كنت تسوي جنب بيتي؟
ثامر توتر و بكذب: كنت مار و شفت سيارة عمي
غرام رفعت حواجبها بعدم تصديق: اها
ثامر: غرام
غرام بدون م تلتفت له: همم
ثامر: ترا عمي جاد بكلامه
غرام بسخريه: بالله عليك !
ثامر بلع ريقه: غرام سافري تكفين
غرام سكتت
ثامر: ع الاقل عشان توأمك
غرام لفت عليه و بيدها كوبين
ثامر: لو ما سافرتي ممكن ياديك و يأدي غلا و هو حيطلع منها متل الشعرة من العجين
غرام قربت من ثامر حيل: ثامر
ثامر توتر من قربها و بدا يحس بحراره تسري بجسمه بلع ريقه مرتين: هاه
غرام بنفس القرب حطت كوب ثامر ع صدره و بهمس مسموع: خايف علي؟
ثامر من كثر ماهو متوتر ما حس بحرارة الكوب: طبيعي
غرام تصطنع عدم التصديق: مو لدي الدرجة تحُبني !!
ثامر بلع ريقه" اموت ع الأرض اللي تمشين فيها ": اعشـ ــ انتبه لبندر من الدريشه يمشي ــ مالو دخل بس انتي بنت عمي و طبيعي بخاف عليك ووو غير كدا غلا و امك كاسرين خاطري
غرام رفعت حواجبها بعدم تصديق: اكيد اكيد
ثامر لف وجهه بتوتر و مسح وجهه بيده
غرام وهي لسا ماده له الكوب: الكوفي
ثامر انتبه: احم تسلمين
غرام ابتسمت له
دخل بندر الفلة و بصوت مرتفع: غـــــــــرام
غرام بصوت مرتفع: بالمطبــــــــــخ
دخل بندر وعيونه ع الملف اللي بيده: غرام اسمعي
غرام ناظرت بندر
بندر رفع عيونه: اوه ثامر
ثامر سكت
بندر عطا غرام الملف و مد يده لثامر: اخبارك
ثامر بدون نفس: كويس ــ حط الكوب ع الطاولة ــ يلا عن اذنكم
بندر: افا وين!!
ثامر: عندي شغل
بندر: اقعد شوي نسولف و نشرب شاي
ثامر ابتسم بمجامله: يعطيها العافية غرام ،، المره الجايه ان شاء الله
بندر ابتسم له
ثامر ناظر غرام بتشتت: فكري بكلامي
غرام ابتسمت له و هزت راسها بالموافقة
بندر وصله للباب
غرام ضحكت بسخريه

&&& سيارة ثامر &&&

وقف ع جنب وحط يده ع قلبه،، كان يدق بسرعه
دق جواله
ثامر: هلا معتصم
معتصم: وينك؟
ثامر: بالسيارة
معتصم: خنروح اي مكان،، يزن معي
ثامر: طيب

&&& فلة بو ماجد &&&

هاني: فطوم ترا من يوم جت غرام و انتي مهملتني
فاطمة: انا لله هاني حبيبي غرام حتى ما كملت اسبوع و انت تقول اهملتيني حرام عليك !
هاني: مالي حق يعني ؟
فاطمة: حبيبي لك حق بس غرام كمان واحشتني
هاني: هيا بس اللي توحشك و احنا ما عدنا نوحشك
فاطمة مسكت يد هاني: هــاني
هاني: طيب طيب خلاص براحتك
فاطمة: لا تزعل
هاني بكذب: مو زعلان
فاطمة: عمري الغيور
هاني: ايش دخل ؟!
فاطمة بمياعه: تغار من اختك
هاني: لا طبعا
فاطمة: طيب هيا اضحك
هاني: ما فيا ــ نزل يد فاطمة ــ يلا باي
فاطمة بضيق: باي

&&& سيارة بو هاني &&&

غلا وهي تصيح: بابا بس سؤال طيب بس سؤال
بو هاني بانزعاج: اخلصي
غلا: ليش تكره غرام ايش سوت لك ؟؟
بو هاني بعصبية: مو كافي انها سبب موت اختك و سبب موت جدك !!!
غلا بقهر: قــضــاء و قــدر
بو هاني: ما ابا اسمع حسك
ام هاني: حسبي الله و نعم الوكيل فيك

&&& فلة بو مهند &&&

مهند: والله مشغول لراسي
مريم: تكفى مهند ما ابا اروح مع فاطمة
مهند: متهاوشين انتو ؟
مريم: لا
مهند: اجل ؟
مريم: احس اني ثقلت عليهم كل مره اروح مع اخوها
مهند: اووففف امشي
مريم ابتسمت بانتصار

&&& ذي كريب كوفي &&&

ثامر: تخيل اني ما حسيت بحرارة الكوب !!
معتصم كان ساكت ويسمع له
ثامر: قلبي كان يدق بقوة ،، لو ان بندر ما جاء كان الله اعلم بحالنا
معتصم بحدة: ولللد
ثامر: شسوي ياخي اعشقها
معتصم: جرب مع غيرها
ثامر: ما اقدر
معتصم: اقوللك جررب
ثامر: اقولك افكر فيها 24 ساعة
معتصم: لان مافي وحدة تانيه تفكر فيها
ثامر: ما اقدر افكر بغيرها
معتصم: جـــرب يا اخي ،، الا صح ،، ليه كنت عند فلتها ؟؟
ثامر: بعد ما خلصت موضوع العقد وقفت قبال بيتها
معتصم: ليه ؟؟
ثامر: ما اعرف
معتصم: لا عاد تسوي كدا المرأة متزوجة
ثامر بضيق: دا اللي دابحني
معتصم سكت
ثامر: ممكن تطلق
معتصم حط راسه ع الطاولة بيأس: مو صاااااااااحي
ثامر ناظر يزن اللي يشرب عصيره و مو فاهم شي: شسوي احُبها

&&& فلة غرام &&&

غرام: مريم انتي ايش سالفتك ؟
مريم: ايش فيني كمان ؟
غرام: امس كلو سرحانه
مريم : بس كدا
ليان غمزت لها: اللي ماخد عقلك
مريم: محـد
فاطمة بقلق: الا اقول مريم ما في واحد من هنا و لا من هنا
سونيا: هيا خدلك
مريم: يوووه
غرام تكمل ع فاطمة: يعني ادا انتو متهاوشين ولا ماخدين ع خاطركم نقدر نراضيكم
مريم: غرام انتي كمان ؟!
الكل: ههههههههههههه
مريم قامت وهي تتحلطم للمطبخ
سونيا راحت وراها: قولي
مريم وهي تصب لها عصير: ايش اقول ؟
سونيا: ايش اللي شاغل بالك من امس؟
مريم ناظرت الباب: سوسو بقولك بس لا تقولين للبنات
سونيا بقلق: قولي
مريم بخوف: ماجد
سونيا: ماجد مين؟
مريم وهي تناظر الباب: اخو فطوم
سونيا: ايشبو ؟
مريم بإحراج: احم امس ماجد قالي ،، انو دا يعني يحبني
سونيا ناظرتها بدهشه: كددددااابه
مريم: والله
سونيا: اخـــيراً ما بغا
مريم عقدت حواجبها: هاه
سونيا: صراحة يستاهل جائزة نوبل ع صبره
مريم باستغراب: ما فهمت
سونيا: له خمس سنين يبا يخطبك و فطوم رافضة لانك رافضة تتزوجين قبل ما تخلصين دراسه
مريم فتحت عيونها ع وسعهم: دحين كلكم تعرفون الا انا !!
سونيا: يعني بكون كلنا لو غرام تعرف
مريم بعصبية: شـف
سونيا طلعت
مريم ركضت وراها: هدا اللي يقولون ما نخبي ع بعض و ياويل وحدة مننا ادا خبت ع التانيه
غرام: ايشبها دي ؟؟
سونيا ناظرت فاطمة
فاطمة: ايشبك ؟
سونيا ابتسمت
ليان: ايشبكمم تكلموو
مريم سكتت ما عرفت ايش تقول
سونيا: بتقولين لهم ولا انا اقول؟
غرام: ايش صاير ؟؟
مريم جلست بهدوء
سونيا: انا بتكلم
مريم ناظرت سونيا برجاء
سونيا طنشتها: في واحد امس قالها انو يحُبها
الكل ناظر سونيا باستغراب
سونيا: توقعي مين دا
الكل ساكت
مريم خبت وجها بالمخدة
سونيا: مــاجد
فاطمة بدهشه: كــدّابة
سونيا تضحك: والله
فاطمة حطت يدها ع راسها: وااافضيحتاااه
ليان: ما بغى صراحة
غرام: من جد له كم دحين وهو ساكت لو ثامر كان انتحر
الكل: ههههههههههههههه
فاطمة لفت ع غرام باستغراب: انتي ايش عرفك ؟
غرام: مره سمعكم بندر و خبرني
مريم: ادا غرام غرام تعرف ،، مين بقى ما يعرف
غرام ضحكت: كلنا نعرف و للأمانة ماجد ما في احسن منو
ليان: من جد رجال عن الف رجال و يصلي و يصوم و يخاف ربه
سونيا: لو كان حبه طيش شباب او نزوة كان قالك من 5 سنين
فطوم رفعت يدها: ما شاء الله الكل يمدح باخويه ترا حتى اخته ما في احسن منها ــ تعد بأصابعها ــ و مرأة عن الف مرأة و اصلي و اصوم و اخاف ربي و حبي لهاني مو طيش بنات
غرام: و تعشقين هاني و تموتين بأخته ــ ترمش بعيونها ــ
فاطمة: انا اتكلم عن اخت ماجد مو عن اخت هاني
غرام: تمام تمام

&&& فلة بو ماجد &&&

ماجد: يبا
بو ماجد: اجلس اجلس
ماجد جلس
بو ماجد: من الصبح و انت تبي تتكلم و تسكت
ماجد: لالا خلاص بتكلم
بو ماجد: قول
ماجد بحماس: انا قررت اتزوج
بو ماجد: الحمد لله ، تبي جهير تدور لك هيا و فطوم ولا ببالك وحدة
ماجد بإحراج و عشان ما يطيح من عيون ابوه: لالا خلي الجوهرة و فطوم يدورون لي
دخلت الجوهرة: بينكم موضوع ولا ادخل
بو ماجد: ادخلي ادخلي
دخلت الجوهرة وحطت يدها ع ظهرها و جلست
بو ماجد: ماجد قرر يتزوج
الجوهرة: اخيراً
بو ماجد: عاد شدو الهمه انتي و فطوم و دورو له وحدة سنعة
الجوهرة ناظرت ماجد باستغراب
ماجد ابتسم لها
الجوهرة: اوك ندور له كم ماجد عندنا
ماجد: تسلمين

( اليوم الثاني )

&&& شركة بو هاني &&&

دخل هاني مكتب ابوه
هاني بحدة: ابويه امس كنت عند غرام
بو هاني ما كان معاه و يدور بين الاوراق و معصب
هاني باستغراب: ايش في ؟
بو هاني: دي الصفقة التالته اللي يكون مبلغها كبير و اخسرها !!
هاني جلس: قدر الله و ما شاء فعل ،، دحين جاوبني امس كنت عند غرام
بو هاني: ايه
دخل سكرتير بو هاني: لقيت دا الختم
بو هاني ناظر الختم: طيب؟
السكرتير: في احتمال تكون دي الشركة سبب في خسارة التلات الصفقات
هاني: تلات صفقات نخسرها بسبب شركة !!
بو هاني طنش هاني: دوري لي عنها
السكرتير: حاضر ــ جاء يشيل الأوراق ــ
بو هاني: لالا خليها عندي
السكرتير: حاضر ــ و طلع ــ
هاني: يصير نتكلم دحين ؟
بو هاني: لا مشغول اطلع دحين
هاني عصب و طلع و سكر الباب بقوة

&&& شركة بندر &&&

** مكتب بندر **

بندر: خلاص صار
غرام قامت: طيب انا بمر ع ليان
بندر: طيب و اتصلي ع غلا تطمني عليها
غرام هزت راسها بالموافقة و طلعت قابلت وحدة بطريقها
....: غرام الـ**** ؟
غرام: نعم ؟
....: معليش اخد من وقتك
غرام: خلاص معليه كلميني وقت تاني
....: رقمك لو تكرمتي
غرام طلعت كرتها: تفضلي
....: تسلمين
غرام: الاسم الكريم؟
....: سديم
غرام: تشرفت ــ ومشت ــ

&&& فلة بو ماجد &&& س 5:4

دخل ماجد وهو يغني
فاطمة كانت واقفة في مقدمة الدرج
ماجد رفع راسه وناظرها: بسم الله علامك ؟
فاطمة نزلت له: وين كنت امس انتظرتك بالليل ؟
ماجد: زوجتي و انا ما ادري
فاطمة: وين كنت ؟
ماجد: طالع مع ربعي
فاطمة صغرت عيونها: ايش سويت قبل امس؟
ماجد: انا ما اذكر ايش فطرت تبين اتذكر ايش سويت قبل امس
فاطمة: ماااجد
ماجد: والله ما اذكر ــ مشا من جنبها و طلع ــ
فاطمة طلعت وراه: ايش قلت حق مريم ؟
ماجد ناظرها بسرعه
فاطمة هزت راسها بنعم
ماجد ابتسم حس انه تورط
فاطمة سكتت تنتظره يتكلم
ماجد: قالت لك ؟
فاطمة: لا قفطناها
ماجد: كيف ؟؟
فاطمة: انت اللي قولي كيف قلت لها ؟
ماجد: ما اعرف طلعت مني
دخلت الجوهرة: ايش في؟
فاطمة: شوفي ولد اخوك
الجوهرة جلست: ايش فيه ؟
فاطمة: راح قال لمريم انو يحُبها
الجوهرة: و كلم ابويه عشان يخطبها
فاطمة لفت ع الجوهرة بصدمة: كداابة !!
الجوهرة: والله
دخل بو ماجد: تسولفون عن ايش؟
الجوهرة: خطبة ولدك
بو ماجد: ان شاء الله لقيتو له وحدة
فاطمة عقدت حواجبها: نلاقي له وحدة ؟؟
بو ماجد: ايه اخوك يبي وحدة ع رايكم
فاطمة ناظرت ماجد بطرف عيونها: وين براينا يا عمري
ماجد خز فاطمة
فاطمة قامت: اروح اشوف زوجي ابرك
طلعت غرفتها و اخذت جوالها و دقت ع هاني بس مالقت رد ،، دقت ع غلا
غلا: الوو
فاطمة: الوو غلا كيفك ؟
غلا: كويسه و انتي؟
فاطمة: بخير ،، هاني بالبيت ؟
غلا: لا
فاطمة: ادق عليه ما يرد
غلا: خلاص بحاو لاطمن عليه و اخليه يدق عليك
فاطمة: طيب

&&& سيارة هاني &&&

دق جواله
هاني: هلا غلا
غلا: دقت قبل شوي فاطمة
هاني: طيب؟
غلا: تسأل عنك ليه ما رديت
هاني بانزعاج: انشغلت
غلا: طيب دق عليها تبا تطمن عليك
هاني: طيب سكري
سكر منها و دق ع فاطمة
فاطمة: الو
هاني: هلا
فاطمة: وينك ادق عليك ما ترد ؟
هاني: هيا رديت
فاطمة: كيفك ؟
هاني: كويس
فاطمة: مشغول
هاني: لا
فاطمة: نطلع ؟
هاني: بروح البيت ارتاح
فاطمة: هاني ايشبك ؟
هاني: تعبان بروح انام
فاطمة: انت مو تعبان انت زعلان
هاني: من ايش؟
فاطمة: عشان لي كم يوم مو مهتمه فيك خلاص خلينا نطلع و اوعدك انوما عاد يتكرر
هاني يتغلا: عادي
فاطمة: خلاص خليني اراضيك
هاني سكت
فاطمة: نطلع بعد المغرب ع الكورنيش
هاني: طيب

&&& بيت شهاب &&&

ليان: اوهووو لمار ازعجت شهاب فيك و بيت اهلي حتى بيت اهل شهاب مافي احد ما كلمتو عنك
غرام ضحكت و قرصت خدود لمار اللي بحضنها: حبيبة خالتها
لمار ابتسمت بخجل
غرام ناظرت ليان: متى بتخبري شهاب ؟
ليان: ما اعرف
لمار نزلت من حضن غرام
غرام: خبريه اليوم
ليان: قولي متى اخبر المحروسة اللي عندي ــ و اشرت بعيونها ع لمار ــ
غرام ضحكت
دق جوال غرام
غرام: الوو .............. وعليكم السلام ............. ايوه انا مين معي ؟............... هلا هلا ايوه عرفتك سديم صح ؟ .................. خلاص يناسبك بعد ساعة ؟؟ ............... طيب تعرفي مادو اللي بشارع الكورنيش ؟؟ ................ خلاص كويس اشوفك هناك ........... ع خير ان شاء الله
سكرت منها
ليان: ع وين ؟
غرام: بقابل وحدة بعد شوي ــ قامت و اخذت شنطتها ــ طمنيني ادا خبرتي شهاب
ليان قامت معاها: طيب
غرام سلمت عليها: يلا باي

&&& عزيز مول &&&

كانت واقفه برا محل بول اند بير و تطقطق بجوالها
طلع من المحل و ناظر الشباب اللي يناظرونها و يتهامسون راح لها ومسك يدها
غزل لفت عليها: الوليد
الوليد: هيا
غزل من بين اسنانها: شيل يدك
الوليد بهمس: لو انك متغطيه كويس كان الشباب ما ناظروك
غزل ناظرت الشباب
الوليد: امشي
غزل مشت معاه: هيا شيل يدك
الوليد: دحين ايش المشكلة ادا مسكت يدك ؟
غزل: انا ما ابا
الوليد: لييه ؟
غزل: لا تنسى الحدود اللي بينا
الوليد برجاء: زوز تكفيين
غزل لفت وجها
الوليد ترك يدها بضيق
غزل: بدخل نكست
الوليد هز راسه بالموافقة
دخلت غزل المحل
الوليد راح وراها
غزل كانت تشوف الملابس لفت تدور الوليد شافته واقف و قباله مرأة حست بالغيرة و راحت له
الوليد بتفكير: كأني شفته عند مذركير وحوالينه
غزل مسكت ذراع الوليد: نعم ؟
المرأة: كنت اسأل عن محل يديه العافية
غزل ابتسمت لها بمجاملة
المرأة مشت
الوليد لف عليها: ها لقيتي شي
غزل رفعت حاجبها الأيسر: لا ــ عطته ظهرها و مشت ــ
الوليد ابتسم وراح وراها

&&& سيارة هاني &&&

ركبت فاطمة و سلمت عليه بالخد
فاطمة: كيفك؟
هاني: بخير ــ جاء يحرك شاف سيارة مهند ــ علاقة مهند بماجد كويسه ؟
فاطمة ناظرت مهند: ايوه ،، ماجد دق عليه
هاني حرك
فاطمة لفت عليه: حبيبي الغيور لسا زعلان ؟
هاني: مو زعلان
فاطمة: يووه شكل مشوارنا طويل ع ما اراضيك
هاني سكت و بداخله ابتسامة عريضة

&&& مادو &&&7:10

غرام رجعت كرسيها ع ورا: دحين انتي تهدديني ؟
سديم: افهميها بأي طريقة
غرام ضحكت بسخريه: بندر يعرف؟
سديم: ودك يعرف؟
غرام لفت وجها بانزعاج
سديم: انا عرضت عليك و انتي حرة بالأختيار
غرام ناظرتها
سديم قامت: صراحة انا ودي اشوف دا غانم
غرام بعصبية ضربت الطاولة بيدها: اجــــــــــلــــــــــــ ـســــــــــي







انتهـــى البـــ[38]ـــارت

ان شاء الله ينال اعجابكم..
تـــوقــــــعــــــاتــــ ــكـــــم..



اراكم ع خير ان شاء لله.. ولا تحرموني من ردودكم وتوقعاتكم و بليييييييييييز ما ابي احد من خلف الكواليس شاكره لكم ..

مع تحياتي: جذابة والعيون غلابه { } ^__^




للأسئلة و الاستفسارات..