(البارت الثاني عشر)
سها:مبروك يا حبيبي جهز نفسك هنروح النهارده بالليل.
عمر:الله يبارك فيكي ياسوسو.
عماد:مبروك ياعمر.
عمر:الله يبارك فيك يابابا.
.........................................
تدخل ريم غرفه ماهي..
ماهي:ايه يا مامي طنط مشيت.
ريم:اه يا حبيبتي وهيجوا بالليل.
ماهي:اتصلي ببيري وحسام بقا عشان يجوا.
ريم:شويه كده وبابي هيكلمهم.
ماهي:ماشي.
تتصل ماهي بنور..
ماهي:قولي مبروك.
نور:على ايه.
ماهي:عمر هيجي بالليل.
نور:مبروك.
ماهي:الله يبارك فيكي يا روحي عقبالك.
...................
يعود محمد من عمله..
ريم:اتأخرت ليه يا حبيبي.
محمد:الزحمه,ماهي وبيري عملوا ايه في النتيجه.
ريم:بيري جابت جيد جداً وماهي امتياز.
محمد:طيب الحمد لله.
ريم:سها جاتلي واتفقنا علي النهارده بالليل.
محمد:محتاجين حاجه من بره.
ريم:لأ مفيش حاجه ناقصه,يلا عشان الغدا جاهز.
تنادي ريم على ماهي..
محمد:مبروك ياحبيبتي.
ماهي:الله يبارك فيك يا بابي.
محمد:تسلم ايدك ياريم الأكل يجنن.
ريم:ربنا يخليك يا حبيبي.
ماهي:بس ناقص ملح.
ريم:انتي كولي وانتي ساكته بكرا نشوف اكلك.
محمد:دا انتي مبتدخليش المطبخ غير عشان تعملي شاي.
ماهي:ربنا يسامحكوا.
وينتهون من تناول الطعام..
.................................
بيري:الو يابابي.
محمد:ايه يابيري عامله ايه.
بيري:الحمد لله كويسه.
محمد:مبروك يا حبيبتي.
بيري:ربنا يخليك يا بابي.
محمد:قرايه فتحه ماهي بالليل هاتي حسام بقا وتعالوا.
بيري:بجد,ربنا يتمملهم بخير,خلاص انا هاجي دلوقتي.
محمد:ماشي يا بابي هنستناكي.
بيري:سلام.
.....................
حسام:ايه يا حبيبي فى حاجه.
بيري:قرايه فتحه ماهي بالليل.
حسام:عمر قالي.
بيري:طيب مقولتش ليه كنا نروح من بدري.
حسام:البركه في حضرتك واخده عقلي.
بيري:احترم نفسك بقا وقوم يلا عشان هنروح عند ماهي.
حسام:مش هنتغدا الأول.
بيري:نتغدا هناك.
حسام:انا عازمك علي الغدا بره.
بيري:المهم معملش اكل.
حسام:لأ متقلكيش انا مش ناوي اخليكي تعملي اكل.
بيري:انت الخسران.
حسام:انا مش مستغني عن نفسي.
بيري:وفي الأخر هتيجي بالليل تقولي بيري ياروحي انا جعان اعمليلي عشا.
حسام:وتقدري متعمليش.
بيري:لأ طبعاً يا قلبي يلا بقا عشان منتأخرش.
بفتح حسام الباب..
حسام:تفضلي سيدتي.
بيري:ميرسى.
..............................
كانت ماهي في غرفتها امام دولابها تحتار ماذا ترتدي هل اسود ام روز..
تدخل ريم..
ريم:مالك محتاره ليه.
ماهي:البس ده ولا ده.
ريم:ممم,دا احلى.
....
يدق جرس الباب..
وتذهب ماهي لتفتح..
بيري:انا جيت.
ماهي:ايه اللي جابك عندنا.
بيري:ليكي عين تتكلمي بعد اللي عملته فيا.
ماهي:كما تدين تدان ولا نسيتي.
حسام:استهدو بالله بس ياجماعه دخلونا الأول وبعدين اضربوا بعض.
ماهي:اتفضلوا.
ريم:اهلاً بالعرسان.
حسام:اهلاً بحضرتك.
ريم:احطلكوا غدا.
بيري:لأ يا مامي اتغدينا الحمد لله.
ريم:من غير اي اصابات.
حسام:اتغدينا بره.
ريم:طيب يا حبايبي بالهنا.
بيري:يلا عشان تلحقي تجهزري نفسك.
ماهي:يلا يا هانم.
محمد:عامل ايه يا عريس.
حسام:الحمد لله تمام.
محمد:فين بيري.
حسام:فوق مع ماهي.
......................
يدق الباب..
يفتح محمد..
محمد:اهلاً يا جماعه اتفضلوا.
تأتي ريم بالحلوى وترحب بهم..
ريم:تعبين نفسكوا ليه ملوش لزوم دا احنا اهل.
سها:مفيش حاجه من مقامكوا,فين العروسه.
ريم:ربنا يخليكي,دقيقه ونازله.
عماد:عامل ايه يا عريس.
حسام:الحمد لله,عريس ايه بقا ما البركه في عمر.
عمر:انت هتنق من اولها.
تنزل ماهي بفستانها الأسود الطويل وحجابها الجميل..
ينظر لها عمر بأبتسامه..
تسلم ماهي..
سها:ايه القمر ده.
ماهي:دا من ذوق حضرتك يا طنط.
وتسلم علي عماد وتجلس بجانب بيري..
عمر(في صوت منخفض):برضو,شوفت اخره نقك.
عماد:طبعاً يا جماعه انتوا عارفين احنا جاين عشان نطلب ايد ماهي لعمر.
محمد:ودا شرف لينا اكيد.
عماد:ربنا يخليك,نقرا الفاتحه ولا ايه.
محمد:يلا علي خير.
بعد الأنتهاء من قرأه الفاتحه,يبارك الجميع للعروسين..
وتتعالي اصوات الزغاريط..
عماد:وتلبيس الدبل امتي.
محمد:......
.......................♥♥♥........................ ♥♥♥ .................
يتبع........