[لامارا]

~~~ْ~~~ (( الحلقة السادسة "6")) ~~~~ْ~~~

\
\

وقفنا الحلقة الفاتت عند ....
احمد : ما هو ده مستغربلو برضو .. بس المهم انتي قليلي الرحلة امتى وكده عشان اعرف استعد ازاي واشوف ظروف الشغل ...

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxx*
يجلس على احد طاولات الكافيهات الفخمة شابان احدها ذو لحية خفيفة مرسومة وعينين ملونتين والآخر ذو عينين واسعتين وذو لباس أنيق رفيع الذوق وبشرة قمحاوية نضرة خالية من اي لحية واي شارب كان تعتلي عينيه نضارة طبية ذات عدستين شفافتين تضفي رقيا ووسامة على وجهه أكثر مما هو عليه . تبادلا الأحاديث مطولا فهما على علاقة وطيدة ببعضهما البعض منذ الثانوية ... قطع محادثتهما المشوقة صوت هاتف احداهما ..
ماجد استأذن صديقه وذهب ليرد على الهاتف بعيدا عن صخب الموسيقى ..
ماجد : أيوة يا ايلي ازيك
ايلين : تمام الحمدلله كويسة ... ايه يا ماجد فينك لحد دلوقتي ما رجعتش ليه الساعة داخلة على الاتنين بليل وانت ولا بابا رجعتو
ماجد : ايه ده هو انتي ما تعرفيش .. معلش نسييت اقلك
ايلين : على ايه
ماجد : بابا مسافر من اول امبارح وراجع الاسبوع الجاي
ايلين بضحكة ساخرة : وقال يعني هتفرق لما اعرف مسافر ولا لا على كلٍ مش بشوفو بس حبيت اتطمن سمعت من مارجرينا انو ماحدش في البيت
ماجد : اه معلش انا مع أكرم ... نامي انتي وانا مش هطول وهاجي على طوول
ايلين : لا يا راجل وتسبني في الفيلا الطويلة العريضة دي بعد ما الكل نام لوحدي ... ماجد لو سمحت استأذن منو الساعة بقت اتنين خلاص ناوي تعد لسة لحد امتى ..
ماجد : يووه يا ايلين قلتلك مش هطول هاجي على طوول .. وبعدين ما انتي على طوول قاعده في اوضتك لوحدك فرقت يعني ..
ايلين : يا ماجد لو سمحت .. استأذن منو خلاص الوقت اتأخر
ماجد بعصبية من الحاح شقيقته وبنبرة مرتفعة : يا ايلين قلتلك اني مش هطول وبعدين ايه يعني ما يتأخر الوقت دي حاجة مالكيش فيها .. اتأخر بمزاجي زي ما انا عاوز ودي حاجة ترجعلي مش بحب الزن الكتير ... استغطي كويس يختي وانتي هتنامي ومش هتخافي من حاجة .. قال خوف قال ده ايه دلع البنات ده ..
ولم يجعلها حتى تنتبه الى ذلك البركان الذي ثار فجأة في اذنها وما ان انهى كلامه حتى سمعت هي صفارة بأن الطرف الآخر قد أغلق الخط ..
ظلت متصنمة قليلا امام الهاتف .. فلما كل هذا يا اخي ولم اطلب منك سوى المجيء لأنني أخشى المبيت وانت خارج البيت وأخشى النوم وانا اعلم اني وحيده في منزل واسع ينام فيه كل سكانه عدايّ .
أكرم : ايه طولت كده ليه كان باباك ده
زفر ماجد : لا اختي القلتلك انها رجعت من لندن .. الواحد اتأقلم انو ما يكنش حامل مسؤولية حد غير نفسو ودي فجأة تطلعلي من العدم .. وقال ايه انت اتأخرت يا ماجد ارجع بقا
أكرم : طب ما ترجع يبني ما هي لوحدها برضو
ماجد بحده : انت كمان هتقلي لوحدها .. يا أكرم تقريبا 12 شخص في البيت غيرها وتقلي لوحدها .. دي بتدلع بس فكك
أكرم : طب نروح دلوقتي ونتقابل بكره ولا حاجة انت شكلك عاوز تنام خالص اصلا
ماجد بعناد : لا مش مروح يا أكرم عشان قلتلها مش هطول فضلت تزن برضو ... ولو مش عاوز تفضل معايا وتروح اتفضل يا معلم اهو صاحبي ومش عارف اشوفو زي زمان
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxx
فسرت عصبيته تلك بأنه وربما مخنوق من شيء يخص العمل ويريد اخراج ما يضايقه مع صديقه فتقبلت تلك العصبية التي افاض عليها . ظلت مضجعة الفراش تقرأ هذا وتتصفح تلك تنتظره حتى يعود فإنها الرابعة صباحا وحتما سيعود .. اصبحت السابعة صباحا ولم يعود بعد الى المنزل وهي قد استسلمت للنعاس ونامت في غرفته على امل ان تشعر به حالما يعود .. مضت الساعات وهي مستغرقة في النوم على فراشه ...استيقظت من النوم على امل ان تجده قد عاد وهو ايضا لم يعد ... اتصالات ومكالمات عدة وهو لا يجيب على اي منها حتى أغلق هاتفه .. مرّ اليوم وهي قلقة عليه اين اختفى هذا ولما هاتفه مغلق تسأل اصدقائه ولكن لا أحد يعلم حتى انه لا يذهب الى الشركة .. مرّ اليوم الذي تلاه واليوم الذي بعده .. وقلق ايلين وصل الى حد بالغ .. اين اختفى ماجد 4 ايام متتالية بحق .. هل اصابه مكروه .. هل وقع في مشكلة ..هل هو معتاد على المبيت بعيد عن المنزل هكذا .. اين هو ولما لم يعد بعد .. ظلت ايلين ماكثة المنزل غارقة في قلقها لا تعلم اين اخاها ولا تستطيع مناقشة الأمر مع الآخر فهو بعيد ولا تريد ان تقلقه .. وبينما هي جالسة في غرفته تبحث في هاتفها عن أرقام أصدقائه وتتصل على هذا و تسأل ذاك فتح أحدهم الغرفة على غفلة .. انتفضت مسرعة نحو الباب واذا به ذلك الذي اختفى فجأة دوون سابق انذار .. فرحت كثيرا برؤيته بخير تفحصته بعناية لزيادة التأكيد وحولت أنظارها الى عينيه مباشرة معاتبة اياه ...
ايلين : ماجد انت كويس! وايه كل الغيبة دي؟ وقافل تليفونك ليه؟ انت كنت فين؟ وبايت برة كل ده ليه ؟!
ماجد : هو انا دخلت اوضتي ولا تخلت اوضة استجواب
ايلين : ما هو انا من حقي اعرف فجأة عشان بقلك ارجع البيت قعدت تشخط فيا وبعدها مش بترد على اتصالاتي و بعدين قفلت الموبايل واختفييت ... فيه ايه يا ماجد مالك
ماجد (بهدوء) : مفيش يا ايلين . لو سمحتي انا عاوز اغير عشان نازل كمان شوية
ايلين : نازل كمان شوية !!! ليه وهو انت لحقت تيجي عشان تنزل .. انا مش طالعة غير لما افهم انت مالك وكنت فين
ماجد بحده : تاني زن تاني ...
ايلين : هو مش من حقي أعرف ولا ايه
ماجد (بعصبية ) : لا مش من حقك يا ستي ... اتأخر زي ما انا عاوز بعد كده .. افضل بره بالشهر ما تعمليلييش افلام الابيض واسود دي ... انا عايش حياتي زي ما انا عاوز ما حدش ليه يتحكم فيا وارجع وما ترجعش وانت كنت فين ومش عارف ايه ماحدش ليه فيه
ايلين (محاولة تهدئته ) : ماشي يا ماجد انا ما اقصدش اانا بس قلقت عليك .... لما تحب تعد بره او تتأخر بس قلي وكلمني عشان ابقى متطمنة عليك ... زي ما إيهاب كان بيعمل ..
ماجد ساخرا : مش لازم اقلد ايهاب انا حابب كده ده ال ناقص كمان اكتبلك تقرير عن رحلاتي وخروجاتي انتي قعدتي في البيت فضيتيلي ولا ايه .... انا متعود اني أعمل ال عاوزه و مرات كتير مش ببات في البيت عشان ترتاحي ومش عاوز حد يفضل في ديلي ويسأل عن كل حاجة بعملها كده وكل تحرك بتحركو يا ريت يعني ...
إيلين : بس يا ماجد ، ايهابـ ...
قاطعها ماجد بعصبية : يووووه يا ايلين ايهاب تاني هو انتي فكرك كل الناس زي ايهاب ومادام عاجبك اوي كده ومرتاحة معاه هناك جيتي هنا ليه ولا جيتي لوجع دماغي انا ... انا مش متعود اشيل مسؤولية حد وخصوصا لو بنت ... عاجبك طريقتي واسلوبي كان بها مش عاجبك اذا فالطيارات البتروح لندن كتيير وارجعي لإيهاب تاني يختي مادام مثلك الأعلى ... ده كل حاجة أعملها تقارني ب إيهاب مش فاضي انا للشغل الفارغ ده .
وترك الغرفة وولى منها بل وترك المنزل ايضا .. وهي تقف مذهولة من طريقة كلامه اهي عبئ عليه لهذه الدرجة اهو فعلا لا يتحملها ويتحمل زنها وقلقها عليه .. أهو هكذا عادة أم فقط لأن هناك ما يجعله عصبي بذلك الشكل .. أهو فعلا لا يريدها أن تبقى هنا هو الآخر .. أجلوسها في هذا البيت غير مرغوب فيه بهذا الشكل حتى من ماجد .. ولكن هي فعلا لا تعرف ماجد تلك المعرفة حتى لا تتوقع منه ذلك .. فهي تراه شهر في السنة طوال ال اثنى عشر عاما التى المضت .. لا تعرف هل تعذره وتعتذر منه أم هو الأحق بالإعتذار لها وذلك لعلمه ان ما حدثها عنه هو موضوع في غاية الحساسية لها ..أوَلا يكفي والدها ليكمل عليها شقيقها .. في تلك اللحظة شعرت بشوق شديد لإيهاب ذلك الأخ الذي رباها وأشعرها وكأنه الاب والام والاخت والصديق والحبيب .. شعرت انها غير مرغووب فيها من قبل أهلها وان لا ملجأ لها إلا إيهاب ... لم يعود أي منهما الى المنزل ف إيلين ذهبت مع صديقاتها الى الاسكندرية يومان قبل الذهاب الى الرحلة أما ماجد فقد استقل أقرب طائرة وذهب ليحل محل والده في دبي لإتمام العمل ويعود والده الى مصر نظرا لاحتياج الشركة له .. لا يعلم كل منهم ان الأخر ليس بالمزل .. عادت إيلين المنزل قبل ذهابها الى الغردقة ببضع أيام تجهز فيهم حاجياتها .. طبعا لم ترا ماجد .. ووجدت ان والدها قد عاد ومازال التجاهل مستمر .. أعلمت إيهاب انها في الغردقة وهو بدوره يعلم الأخرين ...
اما بالنسبة لأحمد فهو قد عرف موقعها الخاص على "Facebook" وبدأ يحادثها طوال اليوم تقريبا .. كانت هي بحاجة لمن تتحدث معه ويثيرها بنكاته ويطلق العنان لضحكاتها ... بالطبع لم يكن يعلم العلاقة التي بينها وبين والدها وبينها وبين ماجد مؤخرا ولكن توقيته ممتاز ... فهي في هذا الوقت بدأت بالتقرب اليه فعلا واصبحت محادثته شرط ولابد منه كل يوم تقريبا .. ولكنها لا تشعر بأي مشاعر تجاهه بعد . فقط كل ما يجوول فيها هو حاجتها للتحدث مع هذا الشخص الذي تشعر بالإرتياح معه .
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxxxxxx*
أكرم : ألو السلام عليكم
ماجد : وعليكم السلام ازيك يا كيمو انا ماجد
أكرم : الحمدلله يا درش انت فيينك يا عم قلبت عليك مصر كلها .. انت برة مش كده
ماجد : اه انا في دبي بخلص شوية شغل كده يومين وراجع ان شاء الله
أكرم : ترجع بالسلامة ان شاء الله ... فينك يا ماجد من بعد ما روحت معايا اخر مرة وانا ما شفتكش .. وايلين اختك اتصلت بيا تسألني عليك كمان هو في ايه
ماجد : مافييش يا أكرم مخنووق شوية من موضوع انجي .. وطلعت عصبيتي كلها على إيلين .. وهي ما تعرفش اني في دبي اصلا ..المهم يا كيمو عاوز أطلب منك طلب
أكرم : لا اله الا الله هيتحل يا ماجد ان شاء .. عيوني ليك يا صحبي !
ماجد : ربنا ييسر .. لو سمعت عن الرحلة الهيطلعوها في الجامعة ..
أكرم : اه مالها
ماجد : ايلين طالعة وانا مش مطمن اسيبها لوحدها انت عارف انها لسة مش عارفة اي حاجة في مصر وحتى ولو طالعة مع صحابها .. فعاوزك تطلع معاهم لو أمكن وتاخد بالك من البنات . وانا مش هطول يومين بالزبط والحقكو على هناك
أكرم : هو انا ما كنتش طالع عشان هباشر الشغل في المستشفى بس أوكي ماشي عشانك يا ميجو .
ماجد : بجد تسلم يا أكرم بتشكرك جدا بس عشان واثق فيك وهستأمن إيلين معاك واللهي .
أكرم : عيب يا ماجد احنا لبعضنا و ايلين ما تخفش عليها بين عنيا الاتنين
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxx
مازن : أكرم لو هنأبض عليه بالفيديوهات دي فكرك يقدر يطلع منها ولا محتاجين نجمع ادلة أكتر ؟!.... أكرم!! ... انت يا حج !!
أكرم : ها .. بتكلمني يا ميزو
مازن : ايه يا دكتوور انت مالك كده مش عاجبني بقالك فترة
أكرم : مالي !! مانا زي الفل اهو
مازن : لا مش زي الفل يا بختو ال واخد عقلك وبتسرح فيه كده ... شكلك مأفووش أوي واحكي يا باشا مين المحظوظ ده انا أخووك وحافظك كويس ما تحاولش تنكر
أكرم ضاحكا : ما هو انت عشان كده ضابط زي الفل ويفتخر بيه
مازن: طب يلا يا خويا كلي أذان صاغية
اكرم : ممممم ابدألك منين
مازن : من اي مكان ال يريحك المهم الموضوع يجيلي كامل متكامل
أكرم : بص ياسيدي وحده جت شقلبت حياتي بكل ما فيها . الموضوع بقالو شهوور يا مازن ومش عارف أخد أي خطوة نحيتو
مازن : طب هي مين المحظوظة دي ده انت ما بيعجبكش العجب
أكرم : طالبة عندي في الجامعة وتبقى اخت ماجد
مازن : ايه ده هو ماجد عندو اخوات بنات
أكرم : اه وانا كمان ما كنتش أعرف عنها حاجة بس لأنها كانت عايشة مع إيهاب في لندن وجت تكمل هنا وعرفت ان العلاقة بينها وبين باباها مش كويسة خالص وبالنسبة ليها ماجد وايهاب هم مامتها وباباها ...
مازن : اها .. طب من ايه يعني انت مش بتقول عايشة برة مصر تقريبا أغلب حياتها
أكرم : اه ما هو العرفتو من ماجد انو باباها أصلا متجاهلها من ساعة ما اتولدت لأن مامتها ماتت وهي بتولدها .. وهي ياعيني اتحرمت من حنان الأم والأب
مازن : ايوا فهمت .. طيب وانت حكايتك معاها ايه بقا ومأزم نفسك كده ليه الموضوع بسيط جدا
أكرم : بص من الأخر هي باينها كده مش بتطقني اصلا لأني فعلا شادد عليها جاامد وكذا مرة أطردها من السكشن وجو الدكاترة ده
مازن بضحكة ساخرة : ههههههههههههههه يا راجل وهو العاجبو حد بيعمل فيه كدا
أكرم : ما انت عارف طبعي يا مازن انا وقت الجد جد وبعدين مش عارف ليه حاسس انها مسؤولة مني واني لازم أعمل كده ... أصل هي ماشاء الله حد عبقري جدا وانا بعترف بكده ومش عاوزها تنسى مذاكرتها ومع انها تقريبا ملتزمة جدا معايا الا اني مش عارف انا طردتها ليه كذا مرة ... ههههههه يابني ده انا مرة سمعت الشباب وهما بيتكلمو علينا انو بيني وبينها طار وانا باخدو ولا حاجة
مازن : انت عجييب بجد
أكرم : بس هي بجد عاجباني اوي يا مازن حاسس اني اخيرا لقيت البنت الفي بالي وال بحلم بيها ولما بشوفها بجد ببقى مش عارف اعمل ايه وبحس ان الدنيا حر فجأة وببقى مش عارف أخد نفسي وعلى طوول سرحان فيها
مازن بتوهم : اه اه احب اقلك انها اعراض الحب سيادتك والله وجه عليك اليوم ال اشووفك وقعت فيه يا أكرم ده انا حاسس اني هعمل فرررح ده لو ست الحاجة عرفت هتزقطط اهو واحد فينا يفرحها .
أكرم : بس في مشكلة
مازن : ايه
أكرم : ايلين اخت صحبي الانتيم ال بقالنا حوالي فوق ال 7 سنين مع بعض ده غيير طبعا ان انا دكتور وهي تلميذ .. والمشكلة الكبرى بقا منها هي بقلك اكيد مش بتطقني دي لما بتشوفني تحس فعلا انها عاوزة تخلص مني
مازن : بالنسبة لماجد فمفييش مشكلة انت مش هتخسر حاجة لو طلبتها منو وهو اكيد مش هيعترض يعني ماجد بيثق فيك لأبعد الحدود .. أما بالنسبة لفرق العمر بينكو ف مش كبيير هما 8 سنين بس وبعدين أحسن انك تكون اكبر منها كده عشان تحتويها وده بيكون أحسن .. والمشكلة الأخيرة فهي برضو سهلة هي ما تعرفكش ك أكرم الباهي تعرفك كالدكتور بتاعها ف أكيد شخصيتك تختلف في الشغل وغير الشغل لما تتقدملها وتتعرفو على بعض أكيد هتغير فكرها نحيتك .. يا بني ده انت أكرم الباهي ده تقريبا الناس بتصاحبني عشان توصلك انت وانا بغيير على فكره
أكرم : مش عارف يا مازن انا حاسس اني عاوز اقربلها والرحلة الهطلعها دي هي هتكوون أخر فرصة هشوفها فيها بشكل طبيعي
مازن : هو انت مش قلت مش طالع
أكرم : ما هو ماجد اتصل بيا وأمني على ايلين عشان هو في دبي ومش عاوز يسبها تطلع لوحدها وده بيني وبينك فرحني عشان هعرف اشوفها تاني وخصوصا برا الجامعة . حتى لو لمدة اسبوعين بس
مازن : طيب تمام بس نصيحة مني يا أكرم لو في نيتك حاجة أعملها في النور عشان انت عارف ماجد الصاوي وطبعو وخصوصا في البنات .. وكمان عشان ما تخسرش صاحبك
اكرم : ما هو هقولو اكيد ان شاء الله لما يرجع ونعد على روااق ... المهم سييبك مني عملت ايه في قضية ايمن الشغال عليها كمل كنت بتقول ايه ...
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxxxxxxxxxxxxxxxxxx
يحتسي كوبا من القهوة في أحد الكافيهات الفاخرة في نواحي القاهرة .. يتكأ ويضع قدما فوق الأخرى ويطلق سراح تفكيره ليخطط له ماذا يفعل في الإقدام على الخطوة القادمه .
حتى قطعت شروده إحدى صديقاته من الكلية وهي أيضا ابنة خالته التي لايخفي عنها أدق تفاصيل حياته ..
ميرنا : ايه يابوحميد العاوزني فيه بقا
أحمد : عاوزك تاخدي بالك من الشركة مع بابا يوومين كده وراجع على طوول
ميرنا : انت هتستهبل وهتروح الغردقة برضو
أحمد : اه حاسس انها واحشاني وعاوز اشووفها وأعد معاها
ميرنا : انت حبيتها ولا ايه ارسالك على حل
أحمد : بصراحة يا ميرنا البنت تتحب وأي حد يتمناها
ميرنا : طب يبني ما خلاص حبها وسيبك من الهبل ال في دماغك ده
أحمد : اسبني من ايه يا قطة .. انتي شكلك نسيتيني هحبها يومين وهزهق منها وطبعا انتي عارفة طبع البنات مادام بتحبني ما تبصش لغيري وما تكلمش دي وما تضحكش مع دي وانا بتخنق اصلا ... وبعدين اصلا انتي مش عارفة يعني ايه عيلة الصاوي وشركات الصاوي .. يا بنتي هي دكتورة واكيد مش هتروح لشغل رجال الأعمال ده ونصيبها في الميراث كبيير دي شركة واحده من شركات الصاوي تخليني ملك على عرش من دهب
ميرنا: انت برضو الفي دماغك ده يبني وهو انت ناقصك ايه يا احمد ما شركتكو كبيرة وليها اسمها برضو
أحمد: بس شركة الصاوي أكبر وليها صيتها ومش في مصر بس ده تقريبا على مستوى الشرق الأوسط كلو
ميرنا : وناوي على ايه
أحمد : ولا حاجة هخليها تحبني وهي لسة لحمة طرية مالهاش في اللف والدوران وبعدين نتجوز أخد ال انا عاوزة وما يهمنيش تبقى على ذمتي ولا لا بعدها .
ميرنا : وبعدين ..
أحمد : ولا قبلين
ميرنا : احمد انت هتبقى بتلعب بالنار دي بنت حسام الصاوي يعني مش هيسيبك في حالك
أحمد : ماعليكي انتي اذا هي بنت حسام الصاوي انا ابن يحيى النجار .

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxxxxxxxxxxx*
\
الحلقة السادس ..... تابع الحلقة السابعة
زي ما قلتلكو بلاش القراية في صمت