[لامارا]

البارت الأول



من بعد ماراحت جدتها الحج قضت عيدها بغرفتها يا أبوها يحبسها أو هي تحبس نفسها من شوفته
.
.
جالسه? مثل عادتها على البلكونة تناظر للفراغ البعيد والظلمه من حولها ودموعها تسيل من الآلآم والحسره على حالها وش دنبها هي ليعاملها أبوها بهالقسوه وش دنبها ليش من اول ماولدت ماشافت غير حيات الذل والمهانة ماحست غير بصوت خادمتها الخاصه (سريانا ) تناديها :عذاب عذاب
عذاب مسحت دموعها والتفتت لها :نعم سريانا
سريانا :بابا يقول لاتنزلي اليوم تحت عنده ضيوف عشاء بيجي عندك
عذاب حست بالغصه مو جديده عليها :يأمر بس سريانا لاتطلعين العشاء ماابغا اتعشاء بنام
خرجت سريانا وقفلة الباب بالمفتاح بأمر من أبو عذاب (أبو فهد )
عذاب حست بالغصه دخلت الحمام (أعزكم الله )لتأخذ شاور تركت الماي البارده تصب في رأسها لعلها تطفي النار الي بداخلها وتنسيها بعض الآمها بس بالعكس زادت بكاء وشهاق خرجت من الحمام وتوجهت للدولاب وأخدت بجامة حمرا فيها صورت cat ع البلوزه
دخلت غرفة التبديل
لبست وخرجت جففت شعرها وتركته منسدل على طوله
توجهت ع السرير وارتمت فيه تبي تنام وتنسى كل شي من حولها ولاكن دق جوالها :افف مين يتصل
ردت من دون ماتناظر في إسم المتصل
عذاب :الو
رهف : يالقاطعه وينك ده ماتتصلين
عذاب عرفت المتصل وفرحت :هلا والله بالقلب
رهف بزعل : إذا كنت قلبك ليه مو متصله علي من زمان عنك
عذاب :مايليق عليك الزعل رهووف تزعلين من عذوبه صديقتك
رهف : أي ازعل منك يالدووبه
عذاب بضحك :ههههه محد غيرك الدوبه
رهف نست الزعل :إيه صح نسيتيني وش بقول إيه الجامعه الأسبوع الجاي بتفتح
عذاب :ياااي أخيرا بشوفك
رهف : مالت فكرتك بتزعلين مثلي بس وش أقول إنتي تحبين الدراسه
عذاب :ههههههههه
وضلو يسولفون ساعات

سناخذ جوله خارج غرفة عذاب في هذه الفيلا الفخمه التي هي بنسبه لعذاب سجن
بنتجول لنعرف بعض الشخصيات الي عايشه في هذه الفيلا (فيلا أبو فهد)
تلك الفيلا الجميله التي تحتوي على أجمل الأثاث والزخرفات فذيكورها صممه أشهر وابرع المصممين ..
كل العائله مجتمعه على مائدة الأكل أبو فهد واخوانه وعيالهم
الكل موجود غير عذاب
سم أبو فهد وبدأ الكل يأكل والصمت سيد المكان
انتهوا من الأكل الرجال قاموا للصاله والحريم دخلوا غرفه الخاصه للجلسات
.
.
في الصاله
أبو فهد :ي أبو نواف دخلنا في مشروع جديد وأعتقد إن السكرتير وصلك الملفات هاآ وش تقول
أبو نواف :أنا اشوف المشروع حلو وموافق عليه
أبو هادي :أي مشروع وليش ماعندي خبر أنا مو واحد منكم
أبو فهد :ياخي لسا مابدأنا وع أساس بكره برسلك الملفات وبنسوي اجتماع
أبو هادي :كله خير ياخويي بس مدام المشروع أعجب به أبو نواف أنا موافق عليه

قطع عليهم الكلام فراس :هااايي انتوا إيش فيكم كذا تتكلمون عن الأشغال وأنا كن مو موجود
أبو فهد :ههههه إنت ماتهمك ده الأمور خلك على جوالك لين نتهي
فراس :إذا بتحكون كذا فأنا بخلي الجلسه لكم
أبو هادي :لاياخوي الجلسه ماتحلا إلا بك أنت أخونا الصغير خلك معنا بنبدل الحكي
وبنترك الشغل لبكره
فراس بتفاخر :أنا صغيركم لاتطفشونا بسوالف الشيبان
أبو نواف :شيبان نحنا ياقليل الأدب
فراس :ايوا
أبو فهد بعصبيه مصطنعه:هالشيبان دلعوك زياده قووم انقلع قبل لايجي هالعقال بظهرك
خاف فراس :لايخوي كنت امزح وحبيت اغير سوالفكم الممله

ضحكو عليه خوانه (أبو فهد +أبو نواف +أبو هادي )
فراس تم يناظرهم وفهم عليهم إنهم يمزحون عليه
فراس :زين ياخواني اردها لكم المهم إلا اقول بو فهد عذاب وين
انقلبة الجلسه من ضحك إلى جمود
أبو فهد : إيش تبي فيها بغرفتها
فراس :ياخوي حرام عليك تحبس البنت من اول ماراحت يوومه وهي بغرفتها ماشفناها
أبو فهد بغضب : بنتي ومالك دخل فيها لازتها في نار جهنم لاتتكلم وقوم انقلع
فراس :بتندم ياخووي صدقني والله تندم
بعد ما ترك فراس البيت وخرج راح ع الاستراحه عند ربعه
أبو فهد قام وشرار من عيونه من كثر الغضب وتوجه لمكتبه
وأبو نواف وأبو هادي كل واحد أخذ عايلته وراح ع بيته
طبعآ أبو فهد مو قادر يسيطر ع غضبه غير بطريقته المعتاده وخصوصاً ه المره أمه محد
توجه لغرفة عداب فتح الباب ولقاها نايمه
ماحست من النوم غير بالعقال على جسمها
صرخت وجع وفجعه
عذاب ودموعها ع خدها :بابا أنا وش سويت ماخرجت من الغرفه سمعت كلامك
أبو فهد من بين ضروسه :اسكتي قبل لا اقتلك الليله واوسخ يداتي بدمك
وعطاها طرراخ ع خدها
وهل بالضرب عليها
بعد ماحس إن مافي طاقه يكمل وقف :والله ياعذاب لاجعل حياتك كلها عذاب بسببك خوي خرج من بيتي معصب مني وبسببك ف......وسكت وبعدها كمل إنتي طوول عمرك بتعدبينا وبعدبك

وخرج من الغرفه وسكر الباب بالقفل وأمر الخدم محد يفتح الغرفه

ظلت تبكي من ألم كفوفه وعقاله بجسمها تظلت تبكي وتناجي ربها ليفرج عنها همها
لين فقدت الوعي ع الأرض
هذه القليل من معاناة عذاب فقبل 9سنوات كانت معاناتها أكبر ومن كل العائلة بس معاناتها أكبر من أبوها فهي تجهل تمام سبب تعامل أبوها هكذا معها
وتبقى عذاب ضحيه آلحيآه?

بعد ماقفل الباب ع عذاب
خرج ع غرفة إبنه فهد لأنه هو الوحيد إذا جلس معه بينسى كل حزنه دخل غرفة فهد لقاه يلعب بلاستيشن
أبو فهد : فهودي حبيب بابا
فهد قام حضن أبوه :بابا تلعب معاي سباق سيارات شريتلي لعبه جديده
أبو فهد بكل حب :أنت تأمر مو بس تطلب
وجلسوا يلعبون ويسولفون
فهد : بابا بكرا ابغا اروح الملاهي
أبو فهد : عيون بابا بكرا بأخد الملاهي وبنمر المول ونشتري الي تبي
قام فهد يقفز من الفرحه وباس أبوه
بس فهد تذكر شغله :بابا أنا لما كانو اعمامي عندنا وكنت العب أنا وهادي قريب من غرفة اختي سمعتها تبكي ليش بابا بناخذها معنا يمكن تبكي لأنه محد ياخدها مكان
أبو فهد بصبر :فهودي قوم نام عشان بكرا تقوم سمح معنا مشاوير
حمل إبنه ووحطه ع السرير وغطاه خايف عليه من البرد وباسه وأغلق الاضوية وخرج
من الغرفه راح ع غرفته لينام
ويرتاح
ونسى عذاب المسكينه
xxxxxxxxxxxxxxxxxxxxxxxxxxxxxxxx
في فيلا أبو نواف
بعد ماوصلوا
أم نواف :وين فراس ليش ما اجاء كان اليوم بيجي عندنا قال لنواف
أبو نواف : خرج مع ربعه
أم نواف بشك :مع ربعه ما أظن سمعنا صوته وهو واخوك أبو فهد لين عندنا خير إن شاءالله
أبو نواف : هذا فراس ذكر عذاب
أم نواف :وش سوت فيكم هالمسكينه أكثر وقتها محبوسه بغرفتها اه بس لو تعرف خالتي
أبو نواف من بين ضروسه : قمي اخذي بنتك ونيميها وعيالك وين هايتين بنص الليل وخليش من هالسوالف قال مسكينه هذه سكينه بسببها تعذب أخوي لحد الآن يعاني قومي انقلعي
أم نواف :نواف فوق بغرفته أما سلمان لسا ماجاء وعبدالله أكيد نايم
أبو نواف :. .........
قامت أم نواف وهي تتحلطم من زوجها واخوانه
تقول في نفسها -والله مسكينه عذاب انتوا وابوها ظلمتوها وايد الله يفرجها عليها ويبعدها من شركم جلست تفكر وصل تفكيرها قبل 18 سنه بس قطع عليها صوت ابنها

نواف :يوومه يوومه اش فيكي صارلي فتره اناديك
أم نواف بضيق : مافيني شي روح غرفتك نام وأنا بغير لأختك ملابسها وبنيمها
نواف :طيب يوومه
أم نواف : أخوك سلمان وين
نواف :سلمان مع ربعه
أم نواف :الله يصبرني على هذا الولد بس


الكل نام وباله مرتاح
ماعذا عذاب الي كل وقتها تنام ببكاء أو ضرب أو إهانة
طول عمرها ماحست بحنان الأم أو عطف الأب من اول ماولدت وهي في البدايه الخدم الي يهتمون فيها وجدتها الي مو منقصه عليها شي


صحت على صوت أذان الفجر فتحت عيونها تذكرت هي ليش نايمه في الأرض وجسمها تعبان من الضرب قامت من الأرض وتوجهت لعند المرايه ناظرة في وجها عيونها منفخات من البكاء وأثر أيده لسا بوجها من الكف الي عطاها اياه :الله يسامحك بابا مادري أنا وش سويت فيك بيجي يوم وأعرف
دخلت الحمام (أعزكم الله ) أخدت شاور خرجت من الحمام لبست بلوزه فووشي مخططه بأبيض وبنطلون جينز برمودا وجففت شعرها وسوته ذيلة حصان
ولبست اجلال الصلاة وصلت الفجر
بعد ماخلصت صلاه مسكت جوالها ودخلت ع الوتس ظلت تناظر في حالات وصور الي عندها
وبعدها غيرة صورتها لصوره (فيها عبارة ليتني متت طفله )
(وحطت حالتها الله يسامحك يا أقسى قلوب )
وصلتها رساله من رفيفة الدرب مسجله صديقتها رهف بهذا الاسم :بسم الله عليك ليش كذا عذووب غيري الصوره والحاله اللحين
عذاب :ههههههه وأنتي من وين جيتي فكرتك ماتدخلين في هالوقات
رفيقة الدرب :صليت وقلت ادخل يمكن القاك المهم اعرفك تغيري السالفه ليش هالصوره والحاله
عذاب :ولاشي بس حطيتها كذا
رفيقة الدرب :عذووب ترا أعرفك بتغيرين أو كيف
عذاب :طيب طيب بغير بس اقول من زمان ماشفتك وحشتيني
رفيقة الدرب :وأنتي كمان بتوحشيني إذا غيرتي الصوره
عذاب :ههههه ماتمر عليك السالفه ابد
رفيقة الدرب :ايوا

غيرة عذاب الصوره والحاله
(حطت صورة وحالة تقتي بالله كبيره )
عذاب :ها زينه اللحين
رفيقة الدرب :ايوا احسن من الأوله قال بغيتي بتموتين طفله
وبغيتيني اصادق ممن واسولف واستهبل بمن لاتقولي شذي مره ثانيه أو بزعل
عذاب :هههه لا زعلك غالي معاد بحط زيهم بس ما اوعدك
رفيقة الدرب :شلبه
عذاب :أعرف المهم بااي أقوم أفطر
رفيقة الدرب : أوكى عوافي
عذاب :ع قلبك
قفلت الجوال وحطته ع الكوميدينه
دقت ع خدمة الخدم بس مافي رد سكرت وانتظرت ربع ساعة ورجعت دقت ردة سريانا : عذاب
عذاب :ايوا سريانا جهزيلي الفطور وجيبيه غرفتي
سريانا : بابا يقول مافي احد أفتح الغرفه
عذاب بصوتها الحزين :خلاص تمام
قفلت عذاب
وجلست ع السرير حاضنة رجولها ومنزله رأسها ودها لو تعرف سبب هالمعانها
جربت تسأل من قبل أبوها بس اجوبته كانت كفوف أو إهانات لهذه الدرجه وصلت إن الابو يقسى ع بنته بسبب أمور تجهلها نزلت دموعها وتذكرت جدتها :اه جدووه متى بترجعين واحشتيني


ياترا ماهو ذلك السر الذي سبب معاناة عذاب