[لامارا]

البارت الثاني
.
.
نسير وفق القدر
لا نعلم المنتظر لنا
ولاكن سنظل نمشي مع القدر ونحن نجهل المستقبل سنصادف الكثير سنتعلم الكثير وتبقى النهايه مجهوله
فؤلئك الذين تبحر قواربهم في بحر الأحزان وأخذت تلاعب قواربهم الصغيره الأمواج الهائجه وتضيق بهم الدنيا لأنهم يرون الموت قريب منهم
هل سيأتي يوم ويرسون ع الشاطئ أم أن الأمواج ستغرقهم
لايعرفون مالذي ينتظرهم فكل مايعرفونه إنهم يريدوون الموت نعم يفضلون الموت على البقاء في هذه الدنيا الجاسيه ولاكن من حكمة الله تواجدو في هذه الدنيا الجاسيه ليعشو مصيرهم
.
.
.
.xxxxxxxxxxxx&

عذاب بصوتها الحزين :خلاص تمام
قفلت عذاب
وجلست ع السرير حاضنة رجولها ومنزله رأسها ودها لو تعرف سبب هالمعانها
جربت تسأل من قبل أبوها بس اجوبته كانت كفوف أو إهانات لهذه الدرجه وصلت إن الابو يقسى ع بنته بسبب أمور تجهلها نزلت دموعها وتذكرت جدتها :اه جدووه متى بترجعين واحشتيني

انفتح الباب أم فهد : عذاب قومي انزلي فطور لاتفكرين من زينك ناديناك بس ماحبينا نكسر خاطر فهد
عذاب مسحت دموعها و ناظرت نظرات حزن (اه يادنيا حتى ماما معهم أنا بنتها تسوي شذي فيني ليش ):حاضر ماما تأمري أمر بغسل وبنزل

أم فهد قفلت الباب بقوه طراااااخ

قامت عذاب غسلت وجهها وبعدها سوت قلوس وردي وكحلت
ونزلت من الدرج بكل هذووء
توجهت لغرفت الطعام وسلمت بكل هدوء وجلست
فهد : عذاب ليش كل يوم بغرفتك ليش ماتلعبي ويااي

عطاها أبو فهد نظره حاده
فهمت عذاب مقصده :لا فهد بس أحب أجلس لحالي
فهد بزعل : هذا بسبب الجوال تجلسين تسولفين إنتي وصديقاتك وتنسين إنه عندك أخ
عذاب (لا فهد ليش قلت شذي قدام بابا ):لا فهد
فهد بزعل : لاتكذبين بابا عذاب كذابه كل يوم سوالف بالجوال أنا أسمعها
أبو فهد : منين الجوال
عذاب :........
أبو فهد بحده : إيه انتي خرسه اقولك منين الجوال
عذاب بخوف : ج..جدوه اهدتني إياه
أبو فهد : ومن متى
عذاب :م ...م..من زمان
أبو فهد بصراخ : وليش ماقلتيلي هاآ ليش اللحين تجيبينه فاهمه
عذاب (كيف اقولك وانت تعاملني كذا ):فاهمه

قامت عذاب طلعت لغرفتها أخدت جوالها ونزلت عطته أبوها
زته أبو فهد بالجدار بكل قوته طحطم صار أجزاء :والله إن شفت جوال معك مره ثانيه مو بس بكسره إلا بكسر رأسك وياه انقلعي لغرفتك انقلعي
بكل هدوء ظاهري لفت وخرجت من غرفت الطعام
أبو فهد :فهودي يلا قوم لنروح الملاهي
فهد قام يناقز ويضحك
أم فهد تضحك ع هبال ولدها
وأبو فهد مستانس
هناك من يسمع صوت ضحكاتهم والحزن يجتاحه عذاب كرهت فهد مع إن مو من عادتها تكره أحد بس مو عشان أهو قال لأبوه عن جوالها لا على اشي أكبر ليش أبوها وأمها يحبو فهد ويهتموا لسعادته وهي مفيش أحد يهتم لها
خرج أبو فهد من غرفة الطعام لقاها لساتها واقفه بالصاله بسخريه :ما أنا قلت لك انقلعي لغرفتك ليكون سمعتي نحنا وناويه تروحي في احلامك
عذاب تشجعت ولو اول مره :لا ما يشرفني أنزل معكم لأنكم مو معتبرين لي وجود
أبو فهد بحده : وباين طلع لك لسان اطلعي لغرفتك قبل لااا
عذاب ودموعها ع خدها :وش بتسوي عاد شي ماسويته هاآ عاد شي
أبو فهد بصراخ : عذاب اقولش اطلعي ما ابي انكد حالي من شوفت وجهك
عذاب :الله لا يسامحكم لا انت ولا ماما ليش ليش جبتوني
أبو فهد انصدم :............
التفت ونزل من القصر من دوون مايرد عليها
طلعت عذاب لغرفتها وهي تبكي كل شي حولها مضايقها الدنيا مو مخلتها تفرح طوول

نزلوا فهد وأمه وطلعوا بسياره وحرك أبو فهد السياره وكان سرحان
وفهد يناديه بس ماسمع
أم فهد حطت ايدها بكتف أبو فهد : أبو فهد إيش فيك
أبو فهد صحه من سرحانه :هااآ ولاشي
أم فهد : كيف ولاشي فهد له فتره يناديك وماترد
أبو فهد :. ...........
ضل أبو فهد يفكر بكلام عذاب ونبرة صوتها لما قالت الله لا يسامحكم لا أنت ولا أمي

وصلوا للملاهي وقف أبو فهد السياره وخرج بعد مانفض كل الأفكار خرج فهد وأمه وتوجهوا للملاهي قطعوا تذاكر للألعاب الي يبيها فهد
فهد لعب لين تعب
فهد : بابا خلاص ما أبغا ألعب ابغا ايسكريم
أبو فهد : ياروح بابا اللحين اجيبه أم فهد انتظري أجيب الايسكريم وأجي
أم فهد : أوكى بنجلس ع الكراسي قريب النافوره
راح أبو فهد يجيب ايسكريم
xxxxxxxxxxxxxxxx*

في فيلا أبو نواف

جاله اتصال
أبو نواف : الو الو
.......:تذكر 10/3
انصدم أبو نواف : م..من انت الوو الووو
.......:بتعرف قريب
طوط طووط طووط
أنهى المتصل المكالمه
دق أبو نواف ع المتصل بس الرقم مغلق
نواف :يووبه من اتصل
أبو نواف بارتباك :واحد اخطأ بالرقم
نواف :هاآ بس الي يشوف وجهك مايفسر كذا
أبو نواف بحده : قووم انقلع
خرج أبو نواف من الفيلا وهو مو عارف إيش يسوي ولا كيف يتصرف
نواف :غريبه
أم نواف تقاطعه :وش الغريب يانواف
نواف :يووبه مادري من اتصل فيه بعدها تغيرة ملامح وجهه لما سألته قال واحد اخطأ برقم
أم نواف قلبها حاسسها في شي كبير بيصير : الله يستر
نواف :يوومه اللحين بخرج لاتنتظروني ع الغذاء
أم نواف : خير إن شاءالله بغيت وين يكفي أخوك سلمان
الله يصبرني عليكم عيال آخر زمن
نواف قام حب رأس أمه :يوومه انا مو مثل سلمان من زمان مارحت مع ربعيي
أم نواف : الله يحفظك ياوليدي بس لاترجع الليل متأخر
نواف :حاضر يوومه
xxxxxxxxxxxxxxxx*&
في قصر أبو فهد

انفتح باب القصر
ألقى ذلك الشخص نظرات ع الصاله فلم يجد أحد
توجه بكل خفه إلى الطابق الثاني .....


ياترا من كان المتصل بأبو نواف
وماسر تاريخ 10/3

ومن دخل إلى قصر أبو فهد والعائله لم تكن موجوده
غير عذاب المسجونه بين جذران غرفتها
ما الذي ينتظرها

ستعرفون الكثير في البارت 3