[لامارا]

بسم الله



البارت 20


ام صقر بانتصار وصلت لمربط الفرس : و زوجتك المصون تقول حنا حثاله
وقامت تردح لنا وتبغى تضربنا
فشلتنا قدام المعازيم
فتح عيونه بصدمه وناظر شوق
بنظرات ناريه : طيب ليه ما احد خبرني ؟؟
ام صقر : جوالك مغلق
قاطعها بتذكر: ايه صح
ام صقر بانتقام تبغى تبرد حرتها : والحين
بس انقطع صوتها وتكلم محمد بعد ما سحب منها الجوال : اخبار العريس؟؟
ابتسم نايف بدون نفس : الله يسلمك
محمد ينهي المكالمه : يلا ما نبغى نطول عليك ننتظرك عالغداء
نايف بهدوء : ان شاء الله
قفل الجوال وناظرها : وش للي سمعته ؟!
شوق فتحت فمها بحركه غبيه : هاه
وش سمعت ؟!
نايف بنبره حاده : البارحه
حكت شعرها بتوتر وتكلمت : ما غلطنا على احد اهلك هم
قاطعها بعصبيه : لا تقولين اهلك فاهمه ؟
اكره ما علي هالكلمه
جهزي نفسك الحين نروح عندهم
ورح تعتذرين لامي عن تصرفك السخيف فاهمه ؟
طالعته ورفعت حاجب بعد ما تكتفت : بس انا ما بعرف امك بأي مقبره مدفونه علشان اعتذر منها
طالعها بعصبيه قاعده تتمسخر عليه : اتوقع إني اتكلم عن امي ام صقر وهذي السخافه ما لها داعي
ردت شوق بكره : بس هي مو امك هي
جدتك
قاطعها : امي غصب عن الكل
وبأمر بسرعه جهزي نفسك
رفعت اصبعها على رقبتها ومررته وهي تناظره : لو تقص رقبتي ما اعتذرت من احد
رفع حاجب : مصممه على رايك ؟
هزت شوق راسها بثقه : ايه
طالعها بتوعد : براحتك بلاه تعتذري
بس انا رح يكون لي تصرف ثاني
حركت شفايفها بعدم اهتمام
انقهر من حركتها ومسك نفسه قبل ما يمسح فيها الارض
زم شفايفه بعصبية وتركها وهو ناوي يطلع هالحركه من عيونها
**
**
**
**
**
ام صقر وهي تحوس وتفكر : نفسي اعرف وش عمل فيها ؟
ياسمين : وش رح يعمل فيها يعني ؟؟
ام صقر : متشوقه اشوفها ووجهها
الوان ومنتفخ
وابرد حرتي فيها واجلس اضحك بصوت عالي عليها
اخخخ بس متى ييجون ؟
اسراء : اذا صارت بينهم مشكله
يمكن ترفض تيجي هنا
ام صقر ناظرتها بسخريه :تراك ما تعرفين نايف
تراه رجال وما تغلبه حرمه
من شعرها يجرها ويجيبها تحت رجليني تعتذر ورح تشوفون
ياسمين باستبعاد : والله ما ظنيت
جيل اليوم كلهم يركضون خلف حريمهم ويبعون اهلهم..
قاطعتها ام صقر ما عجبها الكلام : إلا نايف غير تربيتي
**
**
**
**
**
وقف عند باب الغرفه بهدوء : بسرعه
ناظرته شوق وكل الوان الطيف بوجهها : دقيقه
تقدم خطوه وبصوت آمر: بسرعه امسحي للي بوجهك
عفست ملامحها باعتراض : لي ساعه وتبغى بذي السهولة امسحه ؟
رفع اصبعه بتهديد : شوق لا تخليني استخدم معك اسلوب ثاني
اقولك خلاص لا تكشفي عن وجهك وتغطي قدام اعمامي وانتهينا
حطت يدها على خصرها : يا سلام
وليه ياسمين ما تتغطى ولا حتى اسراء الكل يكشف لما يطلع
وانا تبغى كمان بالبيت تضغطني
رفع حاجب : بس ياسمين
محتشمه باللبس
لبسها واسع ومجرد كحله ما تحط وتطلع واسراء مثلها
شوق ما عجبها الكلام : طيب وانا وش لابسه حتى تقول هالكلام
وبعدين خلاص انا بطلت اتغطى
ناظرها باستصغار : وليه ما بدك تتغطي ؟؟
وما ترك لها فرصه تجاوب : انا رح اختصر الموضوع من بدايته ما بدك تتغطي براحتك بس بشروط عبايتك هذي ما تمشي معي تلبسين واسع
ومجرد كحله ما في
قاطعته بتمرد : والله ؟!
تنرفز من ردها : وعله تجيك من عند الله
انقهرت من رده : مو انت من الصبح زعلان وما تكلمني
والحين على هذي السالفه كلمتني وتتأمر بعد ؟!
رد بهدوء : وللحين ما اكلمك لكن
مثل هذا الامر مضطر اكلمك
قاطع كلامه رنين الجوال ناظرها قبل ما يرد عندك خيارين اما تغسلين وجهك او تتغطين وما تكشفين حتى قدام اعمامي
وتركها وما ترك لها مجال للاعتراض
ضربت الأرض برجلها بقوه من القهر
ما تقدر تمسح المكياج لازم تكون حلوه
وما رح تسمح لسميه واسراء يغطون عليها
عضت على شفتها بقهر وهي ناويه بعد الزواج تترك النقاب
وتصير تكشف علشان تقهر فارس
جلست على طرف السرير وهي محتاره بين الامرين

**
**
**
**
**
طول الطريق ساكت وما كلمها
ولا كأنها موجوده
تنرفزت منه : وبعدين ؟؟
ناظرها بطرف عينه ولا كأنها تتكلم ورجع عينه عالطريق
شوق بعصبيه : سبحان الله سمعت من جدتك السالفه ولا كلفت تسمع مني
بدون ما يناظرها : امي ما تكذب
وخلاص قفلي عالموضوع
ردت بقهر : اوكي مثل ما تبغى رح اقفل عليه
بس ابغى اسألك بالله عليك جدتك خبرتك انهم من اول ما وصلت جدتي طردوها
قالت لك انه ياسمين ضربت خالتي
قالت لك انهم ما قصروا فينا ؟!!
اكيد لا
بس نقلت وش كانت تصرفاتنا
سبحان الله الانسان مستحيل يحط الحق على نفسه
بس جدتك تبغى سالفه علي علشان تطلقني لانها ما تحبني وانت تعرف هالشيء
والا حرمه كبيره بالسن تدور علشان تطلق وحده يوم الصباحيه !!
اعطيني سبب مقنع يخليها تعمل كذا فيني
والا البارحه قدام المعازيم تقول تبغى تناديك علشان تتطلقني ؟!!
هذا كلام ينقال ؟!
اكيد انت مو مصدقني ..لكن حتى تتأكد اسأل بنفسك ورح تعرف اني صادقه وما كذبت عليك
وبصوت باكي : خلاص اذا لذي الدرجه كارهيني من الحين طلق
خلاص وانتهينا
قاطعها بعصبيه : وش طلق هذي ؟؟
انتم ما عندكم الا طلاق ؟؟
مسح على وجهه بيده واستغفر بصوت مسموع
وبعد صمت دام لدقائق تكلم بهدوء وهو محتار بينهم كل وحده تقول سالفه هو متأكد انهم ما قصروا ببعض : خلاص قلت لك قفلي عالموضوع
شوق بقهر ناظرته : كيف أقفل على الموضوع وانت ما تكلمني ؟؟!
ناظرهابهدوء : خلاص اعتبريني رضيت اتفقنا
وقفلي عالسالفه وانتهينا
ابتسمت شوق من تحت الغطاء ابتسامة نصر
وقف السياره لما وصل البيت وقبل ما ينزل ناظرها : غطي على عيونك
و قبل ما تعترض هذا الاتفاق
هزت راسها بالموافقه وغطت على عيونها
ونزلت بهدوء
**
**
**
**
ام صقر وقفت لما سمعت انهم وصلوا
والفضول ذابحها تشوف شوق
ناظرتهم وهم داخلين واحتقن وجهها قهر
وهي تشوف شوق ماسكه يد نايف
وحفيدها راسم ابتسامه عريضه
تحس كل مخططاتها تبخرت بالهواء
اقترب منها وسلم عليها بفرح
بادلته السلام ببرود وكأنها بعالم اخر
تقدمت شوق تسلم على ام صقر بعد نايف
بس تفشلت لما اعطتها ام صقر ظهرها و جلست على الكنبه
ونفس الحركه عملتها اسراء وياسمين
طالعت نايف وجلست جنبه ولا كأنه صار شيء
همست له : شفت بعينك
همس لها : علشاني طنشي
سكتت وما ردت
ناظرتهم ام صقر وهم يتهامسون وانقهرت بزياده
ياسمين : كيف الزواج ؟؟
نايف بابتسامه وقبل ما يرد عليها
دخل محمد
وقف نايف وسلم عليه بحراره
وبعدها جلسوا
وبارك محمد لشوق وردت عليه بصوت منخفض للي يسمعه ما يصدق انها شوق
ام صقر تناظر محمد : وين اخوك تأخر ؟؟
محمد : على وصول
وابتسم لما شافهم داخلين
ووقف حتى يسلم عليهم
دخل ساري مبتسم وسلم على الجميع
وجلس وجنبه سميه
نايف بهمس لشوق : ليه ما سلمت على سميه
انقهرت شوق : دوبهم اهلك ما سلموا علي ما شفتك قلت
قاطعها بهمس : بعدين نتفاهم
ساري يناظر نايف بمحبه : مين توقع انه انا وانت نتزوج بنفس اليوم
نايف بابتسامه : مع اني دائما اقول رح اتزوج قبلك
ام صقر بنغزه : الحمد لله ساري ربنا
رزقه زوجه خلوقه مؤدبه ومحترمه وحلوه
وبنت عالم وناس واهلها يشرفون مو يفشلون
انقهرت شوق وهي تحس انها تقصدها
تبغى تردها لها بس ما تدري كيف
عضت على شفتها وهي تشوف احمرار وجه سميه
انقهرت شوق بزياده وهي تشوف جمالها زاد
اسراء : تسلمي يا خالتي
وساري ما شاء الله عليه
ناظرتها شوق بكره نفسها تمسح فيهم الارض
محمد يغير الموضوع ما عجبه الكلام ما له داعي : وين البنات يا ام فيصل ؟
اسراء : للحين نايمات ما ناموا إلا بعد الفجر
ساري : لكم ساعه عجلوا عجلوا ودكم تتغدون
وقفت ياسمين : جاهز يالله
شوق وقفت جنب نايف وبصوت ماكر : انا ونايف حطي لنا صينيه لوحدنا نبغى نتغدى بالجناح مع بعض
ام صقر خلاص انفجرت حركت شفايفها تتكلم بس
سبقها محمد ينهي المشكله : عجلي يا ياسمين بسرعه حطي لهم
ياسمين ناظرته وهي رح تنفجر وهي تحس نفسها خدامه عند شوق
بس ما علقت وتوجهت للمطبخ
توجهوا للمطبخ بهدوء
نايف ناظر شوق وهي مو باين منها شيء : انتظري شوي اجيب الاكل
هزت راسها وهي تحس نفسها تبغى تضحك بصوت عالي على اشكالهم
**
**
**
**
ام صقر بزعل بدون ما تناظره : روح عند حرمك المصون من اول يوم فضلتها علينا
نايف زفر بضيق من هالحاله
محمد : يمه الله يهديك زوجته متغطيه
كيف تتغدى معنا اكيد ما تقدر تأخذ راحتها
ام صقر : بس انا كنت مخططه نجتمع عالغداء مع بعض
ونلتم مو تيجي ذيك الحيه وتفرقنا
ياسمين بقهر : لا وبعد تتخدم علينا
نايف بصدق : وليه فهمتي قصدها إنها تتخدم عليك ؟!
تراها اول مره تدخل هنا كيف تبغينها تدخل وتطو
قاطعته ام صقر بعصبية : وصرنا ندافع عنها
خلاص روح لها الحق علينا
اقترب منها وقبلها على راسها : والله ما اطلع وانت زعلانه علي
وهذي قعده
وجلس على طاوله الاكل وبدأ يتناول من الغداء والكل يناظره
ضحك محمد على تصرفه وبعدها تكلم: قوم قوم روح عند زوجتك
ترى امي تمزح معك
اعطته ام صقر نظره قويه
وجلست وهي ماده البوز
نايف بضيق : طيب قولي وش للي مضايقك ؟؟
ام صقر ناظرت محمد وشافته زعلان
زفرت بضيق : خلاص روح عند حرمك المصون
مو زعلانه
وقف نايف : متأكده إنك مو زعلانه
ام صقر بمجامله : الله يوفقك ويسعدك
نايف بابتسامه : امين

**
**
**
**
**
**
حط الاكل على الطاوله وناظرها وهي تنزل الغطاء ومكشره
رفع حاجب : وش فيك ماده البوز ؟!!
لوت بوزها : ولا شيء
وبعدها طالعته وهي تقرص عيونها : لا تقول الاكل تحت عند اهلك كل يوم ترى
قاطعها : ترى الأكل الحين رح يبرد
تعالي تغدي
والاكل هنا بالجناح لا تخافي
لوت بوزها مو عاجبها شيء
وجلست مقابل له وبقهر : وسميه واسراء ليه ما يتغطون عنك ؟!
ابتسم وهو يشوف غيرتها : بكيفهم
وش رأيك اروح اقول لهم تغطوا عني ؟!!
وبعدين وش فيها لو كشفوا عادي
لوت شوق بوزها بقرف : قله ادب
فتح عيونه بصدمه سبحان الله مين الصبح للي كانت ما تبغى تتغطى
الحين صارت قله ادب
ارخى ملامحه شوي : لا تتدخلي باحد خليك بنفسك
شوق بقهر وغيره من جمال سميه : هذي سميه ما دخلت
راسي شايفه حالها
زفر بضيق : انا وش قلت لك ؟!!!
شوق وللحين مقهوره :شفت اهلك كيف يفرقون بيننا ؟
ما احد سلم علي
اما سميه
قاطعها : يعني البارحه متهاوشه معهم وش تبغينهم يأخذونك بالاحضان
وبنرفزه
خلاص قفلي عالموضوع قلت لك
قسم بالله تسدون نفس الواحد عن الاكل
ناظرت شوق الأكل نصه راح ويقول
انسدت نفسه عن الاكل وهي بعدها كم لقمه !!!
**
**
**
**
**
فاطمه بهدوء قفلت الجوال وهي منقهره من ام صقر
نزلت تحت وجلست بهدوء
ناظرتها الجده : اخبار شوق ؟
فاطمه وهي تحاول تخفي الضيق : الحمد لله بخير
دانا : وين رح تقضي شهر العسل
فاطمه ما عجبها السؤال : اجلوه بعد فتره
لانه جدته ما لها فتره متوفيه
شريفه : الميت الله يرحمه بس المفروض
فاطمه بنرفزه مو طايقه تسمع شيء : المفروض ما تتدخلون لأنها مو من خصوصياتكم
راحت اجت ما يعنيكم هالامر
الجده ناظرتها باستغراب : وش فيك
هبيت فينا ما قلنا شيء
فاطمه تحاول تكون طبيعيه : بس بعض التدخلات تنرفز
دخل وليد وجلس جنب امه وبرجاء : يا يمه قولي لابوي اقنعيه
شريفه بضيق من تصرف فاطمه : انا ما لي دخل
روح لابوك وقول له
الجده بنصح : يا وليدي وش تبغى بذي الطلعه ما ييجيك منها الا وجع الراس
دانا : شوف فارس يتوسط لك عند ابوي ترى كلمته
وليد قاطعها : اخخخخ من هالفارس
اقنع ابوي ما نروح مع انه ابوي كان
مقتنع
ما ادري وش يحس فيه هالفارس
يتحكم بحياتنا ترانا ما عدنا صغار
خالد دخل بتأييد: صادق حنا مو صغار حتى فارس يتحكم فينا
الجده : وش فيكم تراه اخوكم الكبير
قاطعها خالد بعصبيه : مو اخوي
ولا له كلمه علي
هذا الناقص ولد عمي يتحكم بطلعاتي
فارس واقف ويسمع كلامه وبابتسامه قهرت خالد : هذا للي اجاك
مو عاجبك قدم روح للمحكمه اشكي
وليد بعصبيه : ترى مو ناقصك فاهم
شريفه اعطت وليد نظره قويه : تكلم اخوك الكبير كذا ؟
ما تستحي على وجهك ؟
خالد بقهر من تعظيمهم لفارس : كبير على نفسه
قاطعهم دخول ياسر وناظرهم باستغراب : وش فيه صوتكم طالع ؟؟
وناظر امه حاطه يدها تحت خدها وتناظر الموقف بصمت
الجده تنهي الموضوع : ما في شيء
ياسر هز راسه بهدوء وهو اصلا عارف الساالفه وصوتهم طالع لبرا
ناظر وليد وخالد وابتسم : صحيح
ترى ابوي وافق على الطلعه
وقف وليد بلهفه :قول قسم
ضحك ياسر : وقسم بالله وافق
ومن الحين لو تبغون تطلعون
خالد بفرح : ايوه كذا
هههههههه
فارس وهو يناظرهم بقهر وشاد على قبضه يده
وده يمسك ياسر ويكسر راسه
اخذ نفس وطلع لجناحه وهو يتوعد فيهم
**
**
**
**
••
**
ثاني يوم
طلعت من المطبخ ومعها القهوه
وسرعان ما شدت لى الدله بقهر
وهي تشوف نايف وشوق طالعين
من البيت
وماسكين يد بعض
ونايف صوت ضحكته طالع
بعد ما طلعوا توجهت للصاله
وجلست بقهر وحطت الاغراض على الطاوله بقوه
وصارت تهز رجلينها بقهر
هذا للي ما حسبت حسابه
انه يصير خاتم بإصبعها
مستحيل تتركها تأخذ حفيدها وهي جالسه تتفرج
**
**
**
**
**
انتهى البارت انتظروني بكره بإذن الله ....دمتم بخير