[فيتامين سي]

البارت ال٢٦

ف بيتنا


ابويه : حياك الله الغالي ، فداعة الله
اميه : امنو متصل ؟
ابويه : ما شاء الله ولدج وصل أوروبا ، انا حسّيت انه مسافر الهرم
يدوه : هاه ! وها شو من البلدان ؟؟!
ابويه : لندن اميه لندن
شموه : هههه وشو عرفها يدوه ف لندن
شواخه : يدوه بريطانيا اللي فيها إليزابيث
شهوده : عز الله فهمت هههههه
يدوه : اخ من هالولد بيطلع لنا قرون ، جان خذت رقمه عسب نتصلبه ونخليه يرجع
اميه : والله انا شوري عموه انه تخلونه لين يهدا ولا جي بيعاند اكثر
منصور : انتو طلعو هاي مهروه من بيتنا ، عقب هو بيرجع
يدي يحدر : ووين تبانا نوديها
منصور : ودوها اوروبا
الكل : ههههههه

،،،،،

الكويت

مشاري : مبروك ما ياك خالي ويتربى ف عزك
نواف : الله يبارك فيك حبيبي وعقبالك انت و ودوم
مشاري : وليش هي وين ي حسره ولا داريه عني ي خال
نواف : ما عليك انت لانها بعدها صغيره وتتدلع ، لي كبرت بتعرف انه مالها غير ولد خالتها
ام مشاري : تعال ي نواف أذن ف اذون الولد كاهو وصل
ويدخل نواف ويشيل ولده ويأذن له وعقب يبوس حرمته ع راسها : الحمدلله ع سلامتج ي الغاليه
حنان : الله يسلمك حبيبي ، كنت أتوقع بنت وانصدمت بالولد بس الحمدلله
يدة وديمه : كلهم حلوين يمه والمره اليايه بتجي البنت ان شاء الله
حنان : لا يمه تكفين ، تعبت من هذا مابي بعد هههه
نواف : لا مو كيفج هههههه
مشاري يهمس ليدته : يمه ابي اسافر تكفين خذيلي تذكره
يدة وديمه : وكيف تسافر ي يمه وتخلي أمك بروحها ولا عندها ونيس
مشاري : والله اخاف تروح مني ، هالهزاع ما منه أمان ، عادي يروح لها ، ابوس ايدج يمه
ام مشاري : شنو عندكم تتساسرون

،،،،،

بيت عمي المرحوم


سالم : بسم الله عليج شفيج !
مريوم تمسك بطنها : مدري ، برايه عادي ، بسير بسويلي ليمون وبيخف ان شاء الله ، زهبت كل ثيابك ؟
سالم يتقرب منها ويبوس راسها : احبج
مريوم : ونا اكثر
موزوه ادق الباب : قومو تريقو استوى الضحى العود
مريوم تبطل الباب : موزوه ! شحقه ما سرتي المدرسه ؟
موزوه : بطني يعورنيه
سالم يقوم : شسالفتكن اليوم كل وحده بطنها ! هههههه
مريوم : عيل بسويلج ويايه عصير ليمون
موزوه : لا لا مابا شي بارد عسب هاك الشي بيعورنيه زياده
سالم : شو هاك الشي بعد !
مريوم : وانت شو خصك سوالف بنات هههه ، يالله نسير عند عموه
ام سالم : هلا بالمعاريس ، صح النوم ، انا أقول لموزوه خليهم ع راحتهم لكنها نشبه
موزوه : مليت اميه ، من الصبح اروحي يالسه
سالم : كنا واعيين اميه بس متعايزين نظهر ههه
مريوم : الحين شو عن السفر ؟
سالم : فليل بنطير ان شاء الله ، وزين بعد عسب أسير اسلم ع بنتي عقب
مريوم : ترا ريلي ع ريلك فاهم
ام سالم : هههه زين تسوي فيك
سالم : بس انا مابيج تضايقين لي شفتي امها
مريوم : وليش اضايق ! خلاص انت ملكي احينه ، خلها تموت قهر
موزوه : كفو حرمة اخوي ههههه

،،،،،،

لندن


وديمه : اف يعني انا اصحى هم ينامون !
منى : هههه احسن ، مسكين هزاع نطرج شكثر ما قمتي ، نومة الكهف نايمه شنو ههههه
زهوره : حليلها تعبانه سو ماتش خليها بس امم شو سالفته ها هزاع !
وديمه : هاه ! لا ولا شي وبعد انا كنت اقصد اخوي هب هزاع ، هاي منى غبيه
منى : ليش انا قلت هزاع ! اقصد عبود ، صح عمي اتصل ف اخوج وهاوشه ههههه
زهوره : ههههه حرام عليه الصراحه انحرج جدامي لانه كان حاطه سبيكر
وديمه : اويه ليش !!
انا : ودوم !
وديمه تلتف صوبي وبدون ما تحس بعمرها تركض صوبي وبكل شوق تحضني : بيبي ! فديتك ، فديت حضنك وفديت ريحتك وفديت قربك اااه ي الغالي
انا انحرج : ايه شو تسوين الكل يناظرنا
وديمه تخوز وتمسك ايديني وتناظر عيوني : خلاص ما عاد يهمني حد ، مابي من هالدنيا غيرك
زهوره مصدومه : اوه ماي قاااد !
منى : ههههههه وين اللي بتكتم ع الموضوع ! اشوفج ما صبرتي من شفتي حبيب القلب
وديمه تستحي : جب ههه وانت ليش ما رقدت !
انا : ما قدرت ارقد ، كنت أفكر فيج ، مشتاقلج بيبي ، بس ليش جي ويهج صاير ذبلان ومضعفه بعد
وديمه : أحب شسوي هههه
بلال : طويلة العمر ! شو اللي مستوي !!
وديمه : تعال ايلس صوبنا ، بخبرك بكل شي
بلال يضايق : تخبريني بشو !! شو هالمصخره اللي صايره
انا : بلال لا تفهم غلط ، نحن ...
بلال يقاطعنيه : انتو شووووه
وديمه تعصب عليه : انت نسيت نفسك ولا شو !
زهوره : لا ما نسينا ، يالله بابا خلنا نروح
منى : زهوره ترا دودو ما تقصد
وديمه : غصبن عنك والحين بتقعد وبتفهم مني كل شي
بلال : .....
وديمه : اقولك تعال ، ما أسمحلك تحكم علي وانت هب عارف شي سامع
انا : ودوم عيب تصارخين جي ، ها ف مقام ابوج
زهوره : ما يشرفنا انزين ، يالله باباه نسير هب محتايين نحن لهم ، ولا محتايين مذلة احد
بلال يعصب : زهره جب ولا كلمه ويالله سيري حجرتج ( ويقعد صوبنا ) تامرين طالع عمرج تفضلي اسمعج

،،،،،

ف المستشفى


بو وديمه : انت شتقول ي دكتور !!! مستحيل
الدكتور : شوف انا اقولك خل نسويلها فحص شامل عسب نتأكد اكثر
بو وديمه : لا ما يحتاي ، انا بسفرّها برع احسن
الدكتور يقوم ويسلم عليه : ع راحتك ي اخوي
ام عبود تحدر : ها دكتور طمني شو سبب هالتعب كله
بو وديمه يناظر الدكتور : لا ماشي ، قصدي هو قال يبالج فحص شامل ونا قلت نسافر احسن وبالمرة نشوف ولدنا الحواط هههه اشتقتله
ام عبود : وليش نسير بلاد الحمر ونحن عندنا مستشفيات الحمدلله
بو وديمه يمسك ايدينها ويظهرون : شو ما اشتقتي لولدج ؟!
ام عبود : امبلا بس ...
بو وديمه : بدون بس خل نسير ونسويله مفاجأه

،،،،،،،

بيت عمي بو حمد


حمد بفرحه : ها ! صدق حصوه !!! لا اكيد تمزحين
حصه : ههه والله حبي انا حامل هههه ها شوف اختبار الحمل
حمد يمسكه : هيه والله انتي حامل ، الحمدلله لك يارب الحمدلله
حصه : ان شاء الله اييب بنوته حلوه شراتك
حمد : لا حبي ، احسن ولد ونسميه ع اسم المرحوم
مريوم تحدر : السلام عليكم
حصه : هلا والله بالعروس ، هب ع أساس بتسافرون !
مريوم : شدرانيه ف اخوج ، تونا سرنا نبا نشوف ميمي ونسينا انها ف المدرسه بس الحمدلله ما شفت امها ، طلعت لنا الشغالة
حمد : هههه والله انتو الحريم مشكله ، يالله انا برجع الدوام احينه ، عقب معزوم ع الغدا ويا الربع ف لا تحاتي انزين
حصه : ربي يحفظك غناتيه ، باركيلي مريوم انا حامل
ام حمد تحدر : ما شاء الله مبروك الغاليه ، تعالي ببوسج
حصه : الله يبارك فيج عموه ، عاد حمد خاطره ف ولد عسب يسميه ع المرحوم
مريوم : لا لا ما نبا شو هالفال ، هب زين لا تسمون ولا شياته
ام حمد : هيه صدقها مريوم اميه
حصه : عاد قولو هالرمسه لولدكم ، انا مالي شغل

،،،،،،

لندن


بلال : انتي من صدقج !!!!! كيف تتزوجين جيه طال عمرج !!!!
انا : بحطها ف عيوني و ....
بلال يقاطعني : لو سمحت انا ما ارمسك انت
ودوم بعصبيه : بلال احترم نفسك ، هزاع بيكون ريلي ولازم ....
بلال يقوم : وامنو قال اني بشهد ع زواجكم ، انا هب موافق وعن اذنج
ودوم تقوم وتصارخ : تعال هنا ، انا ما سمحت لك تسير وغصبن عنك بتسوي اللي ابيه فاهم ، ها أمر ونا ما أشاورك فيه
منى : دودو خلاص ، تكفين لا تصارخين عن تتعبين
عبود يحدر : شسالفه !!! شو هالصراخ ؟! شو صاير ؟
انا : ولا شي ارجع ارقد
عبود : جيه لعبان هو ! كل هالصراخ وتقول ارقد ، خبروني شو صاير
ودوم تركض تحضنه وتصيح : اخويه انا مالي غيرك وانت تعرف انه سعادتي ويا هزاع ، الله يخليك مابي انحرم منه
عبود : انتي ايه ماشي حيا ؟ قاطه الميانه اشوفج هههههه اونه سعادتي وياه ، مالت عليكم انتو الاثنين
بلال : طال عمرك انا ماقدر اشهد ع زواجهم ، اسمحولي ، اصلا الشي اللي يسوونه غلط ، لو عرف طويل العمر بيفنشني ونا ع الله و ع هالوظيفه
انا : انا آسف بلال والسموحه منك ، خلاص أنسى الموضوع
منى مستغربه : شلون يعني !! ما بتتزوجون !

،
،




ادري واخيرا نزلته ،
السموحه وااااااايد ع التأخير ،