تطورات سريعة فى أحداث الرواية
اكتر حاجة بتعجبنى فى رواياتك يا سامراء ابتداءً من أنفاس أحمد لأهدتنى قلبا انك بتمزجى الأسباب النفسية وراء تصرفات أبطال الرواية باحداث الرواية و ابتدى معاكى من فخر و أميرة و على مدى فصلين تقريبا كان فخر و أميرة الابطال الرئيسين و اتضح من خلال شريط الذكريات مدى عشق فخر و أميرة لبعضهم و الثغرات اللى أدت للطلاق بينهم ، و فخر زى ما اتضح انانى دلوعة مامته زى ما بيقولوا راحته و رغباته تأتى فى المقام الأول و بسبب إنانيته تم الانفصال و لكن ده لا يمنع انه انسان بداخله بذرة طيبة تنتظر اللى يرويها و يمكن ده السبب اللى مخلى مازن يفكر فى منحه الفرصة بس بعد ما أخته تاخد حقها منه و تبتدى تغيره .
بالنسبة ل نجوى أعتقد أنها هى المريضة و تصرفاتها كلها بتؤدى لمزيد من البعد و الجفاء بينها و بين عاصم ، و الاختين بيزداد تمسكهم ببعض ، ده غير تعاطف اﻻخرين زى نهاد و استرجاع شريط الذكريات عن أحلام المنافسة الحقيقية لنجوى و السبب الرئيسى لتصرفاتها مع ليلى و أعتقد أن ارتباطها بعاصم مش حيطول و خصوصا بعد منظر زينة و عاصم فهى بطبيعتها و تفكيرها الضيق ممكن تجرح اللى حواليها و اللى بيهموها بجد .
خروج أدهم من السجن لا يبشر بالخير لكن معرفة عماد بالأمر بيجلب الأمان لى كقارئة على ليلى .
سامراء انا حاولت ألخص احداث الرواية اللى تاخرت بالتعليق عليها لكن بجد مش حقدر اوفيكى حقك من جمال الرواية و تسلسل الأحداث و سلاسة الأسلوب .
بعتذر لو اتاخرت عليكى فى التعليق بس أن شاء الله ححاول انتظم معاكى .
دمتى مبدعة سامراء |