[لامارا]

الحلقه (61) و الاخيره جزء اول


عاد ابطالنا الى طباعهم الحقيقيه ... فكل منهم كان مفتقد للاخر و بشده ...
نواره و هى بجواره فى السياره: ادهم
ادهم بحب : يا قلب و عقل و روح و حياه ادهم ...
نواره و قد اكتسى وجهها بحمره الخجل : بطل بقى تغلس عليا
ادهم بحنان: هو انا ازاى كنت مزعل قمرى ده ...
نواره بتنبيه مختلط بالحب: حبيبى ممكن نقفل على الماضى .. و بلاش نفتح تانى اللى كان فيه ...
ادهم: طبعا يا حبيبيتى .. بس اوعدينى .. انك ما تبعديش عنى تانى .. احسن المره الجايه هموت بجد
نواره بحنان: بعد الشر عليك يا حبيبى
ادهم: يااااااااااااه من زمان اوى و انا نفسى اسمعها منك ...وحشتنى اوى كلمه حبيبى و هى خارجه من بين شفايفك
ادارت وجهها فى الجهه المقابله: ادهم بجد بطل تكسيفنى
ادهم: حياتى .. هو انا اول مره اجوزك ..ولا ايه .. هتتكسفى منى انا .. مش انا دومك
نظرت له بلوم: لا انت مش دومى ...
ادهم بحزن : امال انا مين
نواره بحب : انت انـــا يا انـــا
تنهد بأرتياح من كلماتها بالرغم انها كانت تحاول التعايش مع الحياه الجديده ..و تضميض جروحها
**********************************
هشام: يا لى لى حرام عليكى .. تعالى خدى مريم عماله تعيط
ليان: يوووه يا هشام .. هو انا ماقدرش اعتمد عليك فى حاجه ابدا
هشام: ما هى مش راضيه تسكت معايا
اتت له ليان و اخذت ابنتها بين احضانها ..سكنت الصغيره فى احضان امها
هشام: اشمعنه بقى يعنى انتى امها و انا ايه مش ابوها..
ليان: لا يا قلبى .. بس هى مش متعوده على حضنك .
هشام: ما كفايه انها جت اخدت حضنك انتى منى ..
ليان: ايه يا هشومى .. هتغير من مريومه ..ولا ايه دى بنتنا
هشام: بس انتى مش مهتميه بيا زى زمان
ليان: حبيبى انت عارف مريم مش بتسيبنى ..طيب اعمل ايه ..
هشام: طيب حسى بيا انا ... و انا كمان مش قادر احس انى بقيت مهمش فى حياتك .. اولوياتك بقت مريم و البيت .. و انا ولا اكنى موجود
اقتربت منه ووضعت رأسها على صدره: حبيبى انت الخير و البركه .. انت راجلنا احنا الاتنين ...و حقك عليا انا هحاول على قد ما قدر اوفق بينكم
هشام: و حياتى عندك .. بلاش تبعدينى عنك بالاسلوب ده .. انتى عارفه يا لى لى انك حياتى كلها
ليان بحنان و هى تضع ابنتها بجوارها ...و ضمت رأسه على صدرها ...و بدئت تملس على شعره القصير... انت اجمل ما فى دنيتى ..يا احلى زوج .. و اب فى الدنيا كلها
هشام: و بدءء هو يحتضنها ... انتى عارفه انك احن ام و زوجه فى الدنيا بقى
ليان: حبيبى هنروح بكره كتب كتاب نواره و ادهم ...
هشام: دول هما الجوز مجانين ... طلما بيموتوا فى بعض .. اطلقوا ليه
ليان: المهم ربنا هداهم .. و هيرجعوا لبعضهم ..
************************************************** *******
ادهم: حمد لله على سلامتك يا قلبى
نواره : ادهم .. و انت هتفضل معايا بالرقه دى على طول .. ولا هتتغير عليا
التقطت اناملها بين يديه الرجوليه ..و طبع قبله حانيه عليهم ... نفسى انك تنيسى القساوه اللى حصلت بينا زمان يا حبيبتى ... صدقينى انا اتغيرت بشكل كلى
نواره: كنت حابه اسمع منك كده ..و عموما اشوفك بكره
ادهم: ماشى يا عروستى ..و عموما اصلا انا هقضى الليل كله معاكى على الموبيل .. و انتى فكرك هقدر ابعد عنك
نواره: حبيبى بس انا مش فاضيه بجد
ادهم: مش عايز اعتراض .. كلامى يتسمع ..مفهوم ولا لا
نواره و هى تتأمل ملامحه الرجوليه: حاضر
اموت انا فى الحلو اللى بيطاوعنى ده و بيسمع كلامى
نواره: لا ما تاخدش على كده ... باى يا عريسى
ادهم: باى يا احلى عروسه فى الدنيا كلها .
********************************************
اسراء: شوشو يا شوشو
شريف بنوم: ايه يا سوسو
اسراء: قوم بقا بجد .. انا زهقت من اعدتى طول النهار لوحدى ..
شريف: حبيبتى سيبينى انام .. تعبان اوى
اسراء: يووووه بقا .. انت كل يوم شغل و نوم .. هو ايه انا مش موجوده فى حياتك خالص كده
شريف وهو يعتدل لها .. اللهم ما طولك يا روح .. فى ايه يا اسراء.؟؟
اسراء: انا زهقانه.. و انت مش معايا خالص .. هو انت ما بقتش بتحبنى
شريف: حبيبتى بطلى جنان على المسا و سيبينى انام و ارتاح.. لسه بكره قدامى يوم طويل
اسراء: على فكره ... انا حامل
انتفض من نومته .. ايه!! . انتى بتقولى ايه!!.. حــ...ا..مـ..ل ؟؟ ازاى
اسراء بتعجب: ايه ده اللى ازاى .. شريف انت فاهم انت بتقول ايه ؟؟
شريف غير مستوعب: لا حامل منين؟؟!!!
اسراء: فى ايه يا شريف؟؟ انا فكرت انك هتفرح انى حامل ... اخر شئ توقعته منك ... انك تقابل الخبر ده بالمنظر ده
شريف: انا ... انا بس مش مصدق.... ثم انتفض من على الفراش و وقف فوقه يقفز مثل الطفل الصغير.. يعنى انا هبقى بابا ههههههههههههه ..لا لا بجد مش مصدق ههههههههههههههه مستحيل و بدئت الدموع تسقط من عيناه ...ثم جلس بجوارها .. و هو لازالت صدمته تؤثر عليه ..
اسراء: حبيبى انت كويس...
شريف يهز رأسه بالايجاب و لازالت الدموع تسقط من مقلتيه ..
اسراء: شريف.. قولى فيك ايه .. انت مش مبسوط ..
شريف بحنان و هو ينظر فى عيناها: انا بس مش مصدق ... انى هبقى اب... اسراء.. انا طول عمرى محروم من اهلى عايشين بس كل واحد منهم فى ناحيه ...ماحدش ابدا كان معايا ..كنت دايما لوحدى... انا مش متخيل .. انى هبقى اب .. و مسئول عن طفل صغير ..يجى يقولى يا بابا و يحضنى ... و ابقى انا امانه و حمايته ..
ضمته زوجته بحنان.. هو انا مش قلتلك .. اعتبرنى باباك و مامتك و كل اللى ليك فى الدنيا
شريف: انتى فعلا كل دول بس...اسراء هو يعنى .. هيحبنى ..ولا هيكرهنى ..زى ما انا كرهت اهلى
قبلت رأسه : حبيبى انت هتبقى احلى و احن اب فى الدنيا كلها ... ليه بتقول كده
شريف: انا خايف اوى .. انى ما بقاش قد المسئوليه دى
اسراء: حبيبى احنا مع بعض على الحلوه و المره ... و ان شاء الله هنربى ابننا او بنتنا احسن تربيه و هنطلعهم احسن مننا ...يكفى انهم يشوفوا حبنا و مودتنا لبعض...
شريف: ان شاء الله ... انا هقوم اصلى ركعتين شكر لله على انه وهبنى زوجه زيك .. و ان شاء الله تكون زريتنا صالحه ...
اسراء: اه يا سوسه عايز تاخد الثواب لوحدك .. استنى هقوم اتوضى و اجى اصلى معاك .. اوعى تصلى لوحدك .. ثوانى و هبقى قدامك
********************************************
كانت نواره .. تجلس فى غرفتها تفكر فى المستقبل... فهى تشعر بسعاده و ارتياح..ليس لها وصف فى الوجود ...فهو الاحساس بالراحه ...
لتستمع الى رنين هاتفها ...فتجد رساله نصيه من حبيبها .. و زوجها المنتظر..
(غيرتينى و غيرتى شكل الدنيا عليا ... ايه غير حبك يقدر يملى دنيتى ... يا احلى حاجه فى دنيتى انتى )
قرئت هذه الرساله مرارا و تكرارا ... الى ان حفظتها عن ظهر قلب ..
مسكت بهاتفها...( حبيتــك و بحبــك و هحبــك على طوووووووووول)
قرئها و ابتسم و الحب كان يشع من عيناه ... و شرد فى محبوبته
الى ان قاطعه رنين هاتفه يعلن عن اتصال من اسر
اسر: دوم يا دوم .. يا عريس الغد
ادهم: عقبالك يا اخويا ...
اسر: لالا انا مرتاح كده .... بقولك كنت عايزك فى حوار كده
ادهم: خير فى ايه ..
اسر: بص انا كلمت ساره ... كنت بطمن عليها ....
ادهم: اسر لو سمحت مش عايز اسمع اسم البنى ادمه دى
اسر: افهمنى بس .. هى بصراحه عايزه تقابلك لانها مسافره ..كمان كام يوم..
ادهم: و عايزه منى ايه ... عرفت انى هتجوز تانى فقالت تخرب بيتى من جديد
اسر: صدقنى يا ادهم ساره اتغيرت اوى بعد اللى حصلها
ادهم بفضول: ليه هى ايه اللى حصلها
بدء اسر يقص لادهم ما اخبرته به ساره
ادهم: لا حول ولا قوه الا بالله .. عموما هشوف ايه نظامى و ابقى ابلغك
اسر: ماشى يا ادهم براحتك بس صدقنى هى ندمانه بجد ... بس ياريت ما تحرمهاش انها تكفر عن غلطها
ادهم: ماشى يا اسر .. طيب خلاص نتقابل النهارده ..كمان ساعه فى كافيه ....
اسر: خلاص انا هبلغ ساره دى هتفرح اوى اوى لما تعرف انك وافقت ...
اغلق مع صديقه الهاتف ... و ضغط ارقام محبوبته ..
نواره: الــو
ادهم: لا انا مش عايز دلع و مياصه .. اظبطى بقا
نواره : لا براحتى على فكره ... ولا اروح اتمايص على حد تانى
ادهم: علشان كنت كسرت رقبتك يا قلبى ...ال تدلعى على غيرى ال .
نواره : طيب اتفضل كنت متصل بيا ليه ؟؟
ادهم: وحشتينى و قلت اسمع صوتك ..
نواره بأرتياح: و انت وحشتينى اكتر يا دودو
ادهم: لا حلوه دودو دى بجد ماحدش قالهالى قبل كده
نواره: اممم علشان تعرف احنا فى الخدمه بس...
ادهم: ممكن اخدت رأيك فى حاجه ..
نواره لمحت الجد فى نبرته : اتفضل فى ايه ..
قص لها ادهم ما اخبره به اسر.... لم ننكر تغير ملامح نواره الى الغضب و حتى غضبها وصل الى نبره صوتها ..
ادهم: حبيبتى بجد صدقينى ... لو مش عايزانى اروح و الله ما هروح ... بس خليكى متأكده انى مش هعمل غير اللى انتى عايزاه ...و لو قلتيلى بلاش تروح والله ما هروح
نواره بثقه: انا لو مش واثقه انك اتغيرت ..كنت مش هخليك تروح ..بس انا واثقه فيك .. و واثقه اكتر فى نفسى ..
ادهم بفرحه من كلماتها : و انا بحبك اكتر من روحى يا عمرى كله
نواره : بس ممكن تخلى بالك من نفسك ...
ادهم: تسلميلى يا احلى نونى فى الدنيا كلها ... موااااه
*************************************************
كانت فريده تجهز فى منزله الزوجيه و تعده على اكمل وجه للعروسين ..
*************************************************
كانت بثينه هى الاخرى فرحه للغايه بأن ابنتها اخيرا قبلت ان تعود الى زوجها ..
************************************************** ******
تأنقت و تألقت و ذهبت الى المكان المنشود لوداع الحبيب الاولى ... جلست تنظر فى ساعتها و تفرك فى يديها الاثنين .. لتجده داخل بمظهره شديد الوسامه .. جذاب .. مر شريط حياتها امام اعينها و هى معه ...
تقدم منها .. وسحب احد المقاعد و جلس..
قامت من مقعدها و جلست بجواره .. نظرات ..حب.. اشتياق.. عشق
ادهم بجديه: خير يا ساره اسر بلغنى انك كنتى عايزه تقابلينى
ساره و عيناها تفضحها امام عيناه: انا كان نفسى اشوفك علشان اعتذرلك على اى حاجه حصلت منى و سببتلك مشكله فى يوم من الايام بسببى ..بس بعد ما شوفتك ..ياريتنى ما كنت طلبت اقابلك .. ماكنتش عارفه انى هضعف كده قدام عنيك .. صدقنى انا عمرى بجد ما حبيت غيرك
ادهم و هو لازال صامت و ينصت لما يقال له : بصى يا ساره فى البدايه انتى اللى ضيعتينى من ايدك .. و بسببك خسرتينى مراتى .. و انا ماعنديش استعداد .. اسمع ندم الاحباء اللى انتى بتقوليه ده ..
انا ماصدقت ان نواره قبلت ترجعلى ... انا كنت بموت من غيرها ... و ياريت لو سمحتى تنسى ادهم الشامى ده و تشليه من حياتك ... كده اريح ليا و اريح ليكى ... حتى علشان تقدرى تكملى حياتك مع حد ممكن يحبك ..
ساره: و الله انا مش جايه اقولك كده علشان اصعب عليك .. انا بس حبيت اقولك اللى جوايا ... و اودعك قبل السفر .. بس عايزه اقولك كلمه اخيره .. انا ماشيه و سايبه قلبى معاك يا ادهم .. و ياريت تكون متأكد انى لا حبيت ولا هحب غيرك ..
ادهم: عن اذنك يا ساره .. انا لازم امشى .. لان الوقت اتأخر ...تركها و ذهب..
ظلت تتبعه بعيناها الى ان ضاعت رؤيته من عيناها .. و كانت تردد.. سلام يا حبيبى ... يا حبيبى ...ثم انفجرت فى بكائها نادمه
********************************************
زفر بضيق مما سمع منها ... لكن فرحته بعقد قرانه الذى سيتم فى الغد ... انسته كل شئ.. هاتف محبوبته و اخبرها ..بأنه عاد الى البيت .. و كانت نواره تتعامل ولا كأنه كان جالس مع من تسببت فى خراب بيتهم من قبل ..
نام جميع ابطالنا فمنهم من كانت دموعه صديقته و كانت على الاغلب ساره ..
ومن كانت الفرحه تغمرهم من رأسهم الى اخمص قدميهم .. شريف و اسراء و ينتظران طفلهم ...
و ليان وشريف كانت حياتهم هادئه فى ظل ابنتهم الجميله مريم ....
اما ابطالى فكانا لم تساع الدنيا بأكملها فرحتهم ... فبعد طول انتظار سيجتمع العشيقان على سنه الله و رسوله من جديد ... و يتوجان حبها برباط الحب الابدى .. الزواج

انتظرونى فى الحلقه القادمه من كبرياء انثى