مشاهد متفرقه من روايه خيال مريض
- العزله ، كل الناس بتفتكر ان العزله هي ان الانسان ينعزل عن الناس كلها ويعيش مع نفسه فقط ، اوقات الشخص المنعزل مبيقدرش يعيش حتي مع نفسه
- الحب خلانا نقول اشعار ، انا لو اعرف كده كنت جيبت ورقه وقلم وقعدت جنبك اكتب الكلام الى بتقوله
- انا بعدت عنها علشان مخسرهاش لما عرفت انها حبتك
- مش معقول مع العزف الرائع دا تنزل الدموع دى ابدا
- ديما الانسان فيه طبع وحش ، لما بيغلط اول حاجه بيفكر فيها كلمات تبرر انه مغلطش بس لما مبيلقيش مبيكنش اودامه غير الاعتزار ، انا اسف
- قصه واحد كان عايش طول عمره وحيد ، مفيش امل ، مفيش حياه ، بس فى يوم ظهرله انسانه غيرت كل شئ ، دخلت قلبه و نورته ، و دخلت دماغه و غيرت كل افكاره
- يحصلك ايه يا دكتور لما تصحى فى يوم من الايام وتكتشف انك مدمن
- للاسف يا يوسف انت قطعت اخر حبل ممكن يربطك بصديق عاش طول عمره ينصحك
- اللحظه الى طول عمرك خايف منها ، لما تجيلك وتلاقى الناس كلها بتبعد عنك واحد ورا التانى ، حتى نفسك بتلاقيها بتبعد عنك ، بتحس انك عايز تنتقم ، تنتقم من نفسك و من الناس كلها ، ودى بقى النهايه الاولى ( الانتقام )
- تفتكر هتقدر تحبنى ، تفتكر انا هقدر ابدلك الحب دا وانا عارفه انك بتكدب عليا وعلى نفسك
- الموت لحظه كلنا بنكون نفسنا نحس بيها قبل ما تجلنا ، علشان نبقى مستعدين ليها اوى ، بس للاسف عمر دا ما بيحصل
- (( الامل )) نقطه النور الصغيره الى بتكون فى مكان ضلمه اوى ، الى بتفضل تركز عليها مستنيها تكبر و تنور حياتك كلها من تانى
انتظروا الفصل الاول من روايه خيال مريض الاثنين المقبل ان شاء الله
|