دخل المنزل فسمع صوت ضحكاتها المرتفعه التى تملأ البيت فعرف ان فخر معها
دخل المطبخ وجد والدته تشرب القهوه ابتسمت وهو يقبل جبهتها سألها في هدوء:هو فخر هنا ؟
ردت والدته بهدوء مماثل:ايوه قاعد مع لين ومش راضيه تسيبه يتحرك
من بعد تعبها الاخير وهو لا يتركها لقد عرف من والدته انه غير طبيب لين وطوال فتره مرضها كان يحضر كل يوم مع والدته ويجلس معها الى ان تنام
مازن وهو يغادر المطبخ قائلا :اروح اسلم عليه
دخل غرفة المعيشه وجدها جالسه على الارض تلعب وبجوارها فخر يضحك على ما تفعله
:مساء الخير
قام واتجه اليه يصافحه
:مساء النور ازيك يا مازن
:اخبارك يا فخر
ابتسم :الحمد لله بخير
مازن وهو ينظر للين ويشير لها:لين الحلوه عامله إيه النهارده
اقتربت من والدها والتصقت فيه ولم ترد عليه
ضحك فخر :شكلك مزعلها يا مازن
ضحك مازن :ابدا هى لما تشوفك مش بتحب تروح لحد مع انها بتحب تلعب معايا
واردف: اميره قالتلى فتره تعبها كانت بتعيط لما تسيبها وتروح
فخر وهويراقب ابنته وهى تجلس على ركبته وتضع راسها على صدره
:ايوه كنت انتظر تنام عشان امشى ....تعبها الاخير خلاها متعلقه فيا اوى
مازن وهو يراها تقاوم النوم:هى من قبل التعب يا فخر وبنتك متعلقه فيك
فخر وهو يقبل جبهتها :حبيبة بابا
ساد صمت هادئ بينهم قطعه صوت فخر
:مازن أنا عايز افاتحك في موضوع
هز راسه وهو يتوقع ما سيقول:اتفضل قول
فخر وعينيه تدور في المكان بتوتر وتنحنح :مازن أنا عايز ارجع لاميره
صمت ليستجمع كلماته واضاف باصرار: أنا بحبها ومش قادر اعيش بدونها هى ولين أنا لو كنت مش بحبها كنت عشت حياتى واتجوزت لكن ما قدرتش وانا عارف ومتاكد انها زعلانه ومجروحه
واضاف بحنق : لكن يا مازن مش كفايه عقاب ثلاث سنين دى مش بتعاقبنى لوحدى دى بتعاقب لين كمان التقط انفاسه ليهدئ نفسه واضاف يرجوه : قول لها تطلب اللى هى عايزاه وتتشرط لكن رفض تانى لا
واضاف بصرامه:لانى مش هارضى بالرفض وابعد المره دى الامر اختلف واتغير ...
كان مازن يستمع اليه بصمت وراقبه وهو يشيرعلى صدره وهو يقول: أنا عايز بنتى تكون معايا طول الوقت ارجع من الشغل الاقيها مستنيانى و تنام وتصحى وهى في حضنى مش اكدب عليها زي ما بعمل دلوقتي واقولها ابقى معاكى وفى الصبح لما تصحى متلاقنيش
مازن ارجوك فهمها ان ما وافقتش عشاني على الاقل عشان خاطر لين ....خليها تفكر فيها بدون عند وانانيه قول لها يا مازن وانا مستنى ردها وموافق على كل شروطها
...........
|