[Topaz.]

مساء البرررررد والبرتقال 😊🍸🍊

حلوة الجمعة والسوالف .. وحبيبتي ميشو منورة

سارا " اما غرام " من افضل الروايات الي قريتهن " ماكو بارت قريته اذا ما بچيت وية هديل 😊 " يمكن اتفق وياچ بان الكاتبة بالغت شوية بموضوع الضرب وخاصة الجَلد " من اتذكر جلدي يوجعني 😯 " بس موضوع عدم معرفتها بالبلد اني اقتنعت بيه .. يعني هي كانت خايفة وبس تفكر باهلها وبالجلمود الي گاعد يمهة فاكيد ما راح تنتبه لشي ثاني

غازي اني حييل احبه وحيييييييل مستغربة من نفسي لانّي اكره الضرب وابد ما احب الابطال الي يضربون وغازي ما شاء الله عليه اتغلب ع الكل بمدى العنف والقسوة " اتذكر اني من چنت اقرأ باجزاء ضربه الها اني من يمي جسمي يگوم يوجعني .. وخاصة اول يوم لما ضربها ببطنها وشوية ومطَلع امعائها هذا لحد هسة من اتذكره بطني ومعدتي يصيرن يوجعني " .. بس غازي ابد ما كرهته وببعض الاجزاء كرهت هديل لانها زعلته .. يمكن اني استخطيته وعذرته لان يعني موت بنته وتعذيب ابوه ووفاته اثرن عليه وزادن من قسوته ،، واني احب الابطال الي يتغيرون ويحاولون يصلحون من اخطائهم ويعوضون الي اذوهم وهذا شي حببني زيادة بغازي ..

إحم سارا اگولّچ شي بيني وبينچ .. اني حييييل بچيت على هديل ومن بداية الرواية بس من اختفت وفكرها ميته بچيت عليه اضعاااااااف وكرهت هديل الي تركته يفكرها ميته ويحس بالذنب وتأنيب الضمير وخاااصة من التقى هادي وعرف ببرائته 😊

اما موضوع العادات والمجتمع فاتوقع لو انها تكتب بالفصحى كان صار الموضوع سهل وما حددت بلد للرواية بس لان الكاتبة تكتب بالعامية فلازم تحدد بلد

اگلكم على طاري اما غرام .. " مسفر " هذا اكثر واحد حبيته وحتى اكثر من غازي وراجح .. المهم هو بنهاية الرواية گال جملة ما اتذكرها زين بس هي حيرتني يعني هو صار يحب خلود لو گاعد يحاول يتكيف مع الوضع ويقنع نفسه انه حبها ؟ الي افتهم الجملة رجاءاً خل يطمنّي على وضع مسفر 😊


سارا اني اكره الابطال العنيفين ويضوجوني العصبيين واحب البطل الي يكون مرح وفرفوش ويجنن بس وقت الجد تلگينه گد الموقف ويتصرف احسن من البقية .. مثل يوسف بـ" لمحت في شفتيها طيف مقبرتي " حييييييل عجبتني شخصيته وشاهر بـ " هن لباس لكم " وفهد بـ" ملامح الحزن العتيق " ومعتصم " اكثر واحد حبيته باوجاع ما بعد العاصفة " وفواز بـ" الموت ماهو انك تكتفن باترابك "، ،... وتعجبني الشخصيات المستفزة مثل كساب بـ" بين الامس واليوم " وغسان بـ" خداع المرايا " وعلي بـ" ابرياء حتى تثبت ادانتهم " وثابت بـ" هن لباس لكم " وحبيت عم رائد بمنازل القمر .. ويعجبوني المغرورين او الواثقين بنفسم بزيااادة مثل اديم بـ" اشباه الظلال " وياسر بـ" اجمل غرور

بس تدرين سارا اكو كاتبات يخلنچ تحبين الشخصيات حتى لو كانت كلها عيوب
مثلا اني اكره العنف بس احب غازي واحب سلطان بـ" لمحت في شفتيها " وهم اثنينهم ما مقصرين " واحد يضرب بالسوط والثاني بحزام الجيش " .. وما احب العصبية بس اموت على علي بـ" ابرياء حتى تثبت ادانتهم " واحب تميم بـ" عشق بلا قيود " واكرررره الشخصيات الهادئة بس حبيت عماد بـ" ملامح الحزن العتيق "

من اكثر الشخصيات الي احبها " ياسر " باجمل غرور .. رغم انه سكير وصايع وضايع وكل الاشياء المو زينة عنده بس ما اتوقع احد كرهه من المتابعات .. اصلا الرواية من اجمل الروايات ورغم انها تاخذ طابع كوميدي بس تعلمنا اهم شي انّا ما نحكم ع الناس من مظهرهم او من تصرفاتهم مثل ياسر الي رغم كل تصرفاته السيئة بس داخله انقى من كثير ناس

اني بالواقع يستفزوني الناس الهاااااادين وبالروايات ما احبهم مثل ذيب وراجح بـ" هن لباس لكم " وبحر " اتوقع هيچ اسمه .. باشباه الظلال " واواس بـ" حصون من جليد " .. واكرررره الابطال المهابيل مثل طالب بـ" اما غرام " وقريت جزء من " اعشق انانيتك عندما تتمناني لك وحدك " اتوقع هيچ اسمها المهم قريت بيه مقطع صغير لواحد يمكن اسمه رائد بس هذا المقطع الصغير وصل ضغطي للمليون .. يا ابني انت رجال يعني لازم تثقل شوية

وعلى طاري اعشق انانيتك هذيچ المرة شفت سؤال بالديوانية ع الرواية ورغم انّي ما متابعتها بس الله ياخذهم وليد و الثاني نسيت اسمه بس اتوقع اسامة الحقراء اكثر نموذجين اكرههم " الي يضرب ويظلم ' ما ادري اذا يضرب بس اني فهمت هيچ ' والي متزوج اثنين " بس تدرون مو صوچهم صوچ الغبيات الي ساكتات لهم .. المهم الله ياخذهم وجهنم يا ربي وبئس المصير

اواس اني ما حبيته لانه من الابطال الي يضربون اضافة الى انه متزوج اثنين واني اكره هالشي

سارا انصحچ تقرين كل روايات برد المشاعر وخاصة " جنون المطر ، اوجاع ما بعد العاصفة ، منازل القمر .. قلوووووووب لرائد حبيب هارتي "

خوما حچيت اهواية 😊😊

تصبحون على ما تتمنون .. احلام سعيدة وواقع اسعد واجمل ان شاء الله