على وشو تصورني ؟!!!!
على جوعي..!!على فقدي..!!على بختي أنا واختي..!!
وهذا الموت ثالثنا..زوايا الخوف تسكنا..
ويلبسنا فقر عاري..
واتوسد حزن غافي..وانام وخاطري مكسور..
تحاصرني شياطين الهموم وتهدم جداري...
شف أطرافي..!!
كساها البرد..واسراب الطفوله بور...
شف اختي..!!
زولها ذاوي...هزيل..ودمعها جاري...
شف حدود الرصيف اللي قرا ميلادي المهجور..
بلا (يمَه) أرددها..واشوف بحضنها داري..
فتات الخبز..واسبال الفقر..والهم..والديجور...
تخاويني وانا توي ولا لي بالحزن طاري..!!
صفت لي دمعتين.. في محاجر ما غزاها النور..
ترتبني على جال المواجع..والعنا جاري...
إذا ودك تصورني..
وتكتب بالضياع سطور...!!
دخيلك بلغ العالم..
تراهم جنتي وناري..
وإذا عز الطلب..وألقيت مأساتي وراء السور..
أبي منك كفن يستر بقايا جسمي العاري.....
مما وقفت له احتراما..
المطر الباكي