[فيتامين سي]

بسم الله الرحِمن الرحيم .

وبهِ نستعين .
_____________________________


الأول .

6:13

رفعت راسها بتعب يأسة من ازعاج اختها لها قالت الجمله الي تعودت
تحكيها لاختها كل يوم
بصراخ :اسرار يااددبه مانب صاحيه انقلعي انقلعي اقشرتي عيشتي

بنفس النبرة وهي متعمدة تضايقها زي كل مرة
: لا ياشيخه .. وهي تلف معطيتها ظهرها

قومي وبطلي الي انتي فيه كل يوم ماطفشتي ؟ الساعه ست وربع يادوب تقومي للمدرسه ..لفت لها وهي تسحب اللحاف وتجري برا الغرفه وتكمل ..فوجهك كل يوم يادبه

قامت بقهر وهي تصايح على اختها اسرار : ياويلك مني اسراروه .. طلعت منها ضحكه لا ايراديه. واخيراً قامت من فراشها متوجهة للحمام


********

واقفه قدام المراية تتأمل عيونها الي تتمتع بسواد جذاب .. نزلت راسها للمغسلة وهي تغسل وجهها بالمويا، مدت يدها لرف الحمام تاخذ فرشتها وبدأت تفرش اسنانها وبدون ماتحس حست عيونها بدأت تحرقها ،، دليل على تجمع الدموع فيها

(( ميس خلاص اتماسكي!ماتعبتي من حالك مصيرك يجي يوم وينسيك اليوم الي مريتي فيه. غمضت عيونها بتعب وهي عازمه على قرارها ، بتنسى مهما كانت الظروف ولا راح ياثر هالشي على حياتها ))
..لفت راسها لااسرار وهي تدق بابها من جديد عشان تنزل ، تناولت المنشفه ونشفت وجهها وفتحت الباب متوجهة تجهز نفسها ،،


*********
بالصاله

؛ وراها ماتقوم اختك قومي ناديها مره ثانيه

اسرار بطفش ؛ يبه والله توها بتطلع من الحمام ، واذا ناديتها مابيتغير شي بنتك وخابرها

بتنهيدة ؛ خلاص يابو طلال الحين تجيكم


: ذاتتكمم مييث ..ويجري وهو يحضنها

ميس بابتسامه : هلا حبيبي وترفعه وتشيله متوجهة للطاوله عشان تجلس مع اهلها
حطت معاذ على كرسيه ومشت لابوها

وهي تبوس راسه : صباح الخير يبه.

ابو طلال : صباح الورد بنتي ..وشوله ذا التاخير

بابتسامه وهي تبوس راس امها ؛ والله نمت متأخره يبه وتكمل صباح الخير يمه
وراحت تسحب لها كرسي

ام طلال : صباح النور حبيبتي

\

ابو طلال،، شخصية حازمه والكل يشهد له بالخير بتعامله مع الناس ، راعي جود وكرم وناجح بمجال عمله ، ومتعامل مع اهم الاسماء بالبلد سفراته كثيره لكن يحاول قد ما يقدر ما يقصر مع عياله بشي ، طويل وجسمه مناسب لطوله عمره 48 ، اسمه نايف
***

ام طلال ، انسانة لا لها ولا عليها ، طيبة ومختلطه مع شغل زوجها ترافقه ببعض السفرات ، ومسجل بعض الاشياء باسمها ، حنونه وتهتم بشكلها ملامحها خليجيه تحب زوجها وعيالها عمرها 44 اسمها دلال ،
--



اسرار وهي ترفع حاجبها : وش ذا الي كل مره نايمه متاخر ماصارت

ميس بغيض : انتي انكتمي وتلتفت لابوها ..يبه والي يطول بعمرك اسراروه ذي لاعاد تصحيني

اسرار وهي مصغره عيونها :وليش ان شاءالله

ميس بنظرة :لانك ماتعرفين تصحين وكرهتيني في عيشتي

اسرار وهي تقلد كلامها بصوت يضحك : كرهتيني فعيشتي اننن انن

ام طلال : خلاص اسكتو جعلكم للي مانيب قايله افطرو واخلصوا
وتلتفت لزوجها

: الا ياابو طلال متى بتسافر للندن

بتتنهيدة : ان شاءالله قريب

وعم السكوت بينهم الي يتخلله اصوات الملاعق بصحونهم

دخل طلال بطلته الطاغيه والي زاد رزته الثوب والشماغ ،الي كان عاطي ابراز خفيف لجسمه الرياضي كان شعره اسود بسواد الليل كان كثيف بس موطويل ،خشمه الشامخ عيونه الرماديه الغامقه كان لون عيونه زي اخته ميس غامق وغريب ويجذب كانت ملامحه حاده وهاديه مع الذقن الخفيف والشنب بصوته الرجولي : السلام عليكم

الكل :وعليكم السلام

توجه طلال لابوه وامه وسلم عليهم
بطريقه لكرسيه قرص معاذ بخده وهو يشيله

ابتسمت ام طلال :عقبال ماشوف عيالك يا يمه

انعفس وجه طلال وابتسم : رجعنا يمه

ام طلال رفعت حاجبها : ابي اشوف عيالك ياوليدي عمرك صك ال 25 وانت ماتزوجت ليمتى يمه
تنهد طلال وهو يقلب بصحنه ..
اما ميس واسرار كانو يراقبو بصمت

*^*^*^*^*^
وقفت قدام المراية وهي تلقي نظره على شكلها اسمها ميس عمرها 18 ، ثالث ثانوي طيبة وكتومه وبنفس الوقت شخصيه مرحه ، تتعرفو عليها مع الوقت. اكثر. , كملت تامل
شعرها الأسود الغامق مره الي يوصلها لتحت خصرها بشبر رافعته كذيل حصان لما وصل لخصرها ، زينت وجهها بحلق بأذونها صغير مره عباره عن نقطة من الالماس ،، وجهها الي يملك ملامح حاده وبنفس الوقت براءة عيونها تطغي. عيون واسعه برموش طويله ولون اسود غامق ، لون عيونها كان غريب وجذاب لكل من يشوفه ، انف حاد شفايف متوسطة مايله للصغر ومليانه ، غمازه تزين خدها اذا ابتسمت ، نزلت عيونها تتامل جسمها ، متناسق لا نحيفه ولا دبه ، بشرتها بيضا تميل للحنطي ، رفعت قلم الاي لاينر وزينت عينها من الطرف ، ابتسمت برضا وهي تسكر ازارير عبايتها ومتوجهة لبرا راسمه على شفايفها ابتسامه متامله ليوم اجمل ..يمكن

*^*^*^*^*^*^*

: ههههههههههههههههه اخ اخ ، فاتك شكلها ياميس كنت ببموت من الضحك

ميس ويدها على بطنها من الضحك : اخ يا
بشرى تضحك وتكمل الله لا يحطني بموقفك

بشرى بقهر : ياكلبه يا امنيه لازم تتكلمي وقامت تضحك معاهم

امنيه : شسوي للحين اتذكر شكلك واضحك
هههههه لا ومن زينها خاقه عليه تقول اهه بنات يجنن حلاته وهو قاصفك هههههههههههههههه

ميس وهي تتنفس بصعوبه من الضحك : هههه اقول هههههـ اخ وهي تعدل قميصها خلاص يلا نمشي الفصل لاتجيكم ابله ايمان

***
لامه رجولها ودافنة وجهها بين ركبها ، وشعرها البني منسدل على ظهرها واكتافها ، شهقه ورا شهقه بمعنى اصح ذابحه نفسها بكا ، حست بخطوات تقرب لها ,خافت لايكون فهد اخوها والاستغراب اكثر كيف ماحست على الباب وهو ينفتح ، رفعت راسها بتردد كانت ليان اختها زفرت براحه وشافت بيدها صينيه لفطورها ،

$ ليــان $

دخلت عليها بهدوء عشان مااخوفها (( اخ يا رغد ، والله لو اني مكانك كنت مت قهر وزعل )) حطيت الصينيه جنبها ،
وتكلمت بتردد : ر رغد ، حبيبتي الي صار احنا عارفين انه مو ذنبك .. بس .. بس

قاطعتها ببكا : بس ايش ليان؟ ايش! ولا شي يبرر الي سواه
بشهقه
ولا شي ولا شي ! ورجعت دفنت راسها بين ركبها وهي تشاهق ،

ليان ودموعها بدات تنزل :انا عارفه مافي شي يبرر عارفه والله بس يمكن في شي مانعرفه ، لاتستعجلي بالحكم يارغد .. كملت
بعدين هذا قدر ومكتوب سواء كان فهد الي سواه او لا ،وكل شي خيره من ربي الزعل والبكا مارح يصلح شي
قربت لها وضمتها ورغد ضمتها اكثر وشدت عليها اكثر وهي مازالت تبكي

ليان رفعت راسها فوق وهي ضامه اختها (( يارب ، اشرح صدر اختي يارب ريحها وان كان انها تعرف السبب شي بيريحها ريحها يالله ، واهدي اخوي يارب ))
بعدت رغد عنها شوي لما حست انها هدت

بمرح :هيا يادبا شوفي غبت معاك مع انك ماتستاهلين
وقامت ومدت يدها لها ورفعتها
:يلا غسلي وافطري واجلسي معانا تحت ،،يلاا
اسمعي الكلام
*^*^*^*^*^*^^*

متفاجئة تشوف بنتها تنزل مع الدرج ومعها ليان ومبتسمين ،استغربت لانها كانت تبكي ومو راضية تفتح لها الباب بس بنفس الوقت ارتاحت وابتسمت
ام رائد : ياهلا والله ببناتي الغاليات
وقربت منها رغد وهي تبوسها

رغد بابتسامه : الله يسلمك يمه

ليان بزعل مصطنع :وانا مالي بوسه

ام رائد تضحك : قربي يالغيوره ،وباستها

ابتسمت ليان

رغد وهي تجلس جنب امها واختها وبدأت الكلام بتردد
:يمه ادري ان ..
قاطعتها ام رائد : يمه انا عارفه ماله
داعي تشرحين
رغد باصرار :يمه..لا اسمعيني
ام رائد كانها بتتكلم رافضة
رغد برجاء:تكفين..يمه انا ابي اتكلم
...اسمعيني
صح ان ماجد جاء وخطبني ، وفهد اوهمني بانه تركني بليله ملكتي ،زعلت على ماجد ولا رضيت اكلمه ويقولون سافر
رغد حست بغصه لكن كملت :يمه انا كلنا نسينا الموضوع وكرهنا ماجد مع ان كانت تربطني علاقه فيه ، والولد يايمه خطبني لأن مابغينا بعض الا بالحلال ، وبعد هذي السالفة انا انكسرت وكلنا انصدمنا منه ، وفهد بدون سابق انذار يجي ويشكك فيني .. يمد يده علي يا يمه
ونزلت دموعها .. وبعبره عشان ابوي مو موجود ،
ويعترف انه كان ورا كل هالشي الي سواه ولا اعطاني فرصة اتكلم ،يمه ماعاش الي يوطي روسكم بالارض انتي وابوي الله يرحمه واخواني
ماعشت يمه كان فكرت بالحرام ماعشت ،هذي مو تربيتكم لي ،مو جزائي لتعبكم علي ،وبو رائد بيظل مرتاح وفخور ببنته الي تموت ولاسودت وجهه ، بيحكو ويحسدونه عليها ،مو رغد يايمه ..وفهد يمه ذـ
وما استحملت انفجرت بالبكا بحضن اختها ،مشاعر حزن متضاربه ببعضها ،وفاة ابوها كانت صادمه لها ،وظلم اخوها وحركته الغير مفهومه لها ،وماجد هه ياماجد الي كانت تحبه اكثر من روحها والي عاشت بليالي سودا على ظن انه تركها بعد ماكانت افعاله تدل على عشقها ،ماتنكر انها ارتاحت لما عرفت الحقيقة ،بس مازالت حايره ليش تركها ...ليش

دخل عليهم فارس برجته المعتاده ووراه رائد وسمر
فارس :ييههلللاا بالحلوين

ضحكت ام رائد : هلا فيك يا وليدي
انتبهت سمر لدموع اختها
:ايش في ليش البكا رغوده

رغد بابتسامه : م ابكي ياقلبي كله من ليان خاصميها

ليان مبققه عيونها :اهب يالنصب بعدين تخاصمني ذا البزر

ضحكت سمر وكانت بترد بس والتفتت وهي تسمع الباب ينفتح

الخادمه دخلت عليهم : مودام ام رائيد هذا نفر هورمه برا يسأل انتي

ام رائد باهتمام واستغراب : دخليها دخليها

*^*^*^*^*^*^*^*
من الجهة الثانيه نزلت وهي تتأمل البيت الي قدامها ،، بالاصح الفله جذبها اناقه التصميم والمساحه الي مليانه ورد ابيض واحمر والخضار
والغرف الي على اليمين الي على طول حزرت انها للخدم والسواقيين

قاطعت تأملها الشغاله:تفزلي مدام

مشت الحرمه مع الشغالة وعيونها تتامل الي حولها
وصلو للباب الاسود الحديدي بتصميم يليق بجمال البيت من برا ، فتحت الشغاله الباب
ودخلو انبهرت من تصميم البيت الانيق
الي يطغي عليه اللون الاسود والذهبي والابيض
الي يتوسط الصالة درج كبير ببساط فضي يمتد على طول الدرج
حولت نظرها لوسط الصاله الي مأثثه بكنب راقي اسود بخداديات ذهبي
غير الورود والزينات الموزعه بطريقة راقيه في البيت والرسمات واللوح على الجدران
والتلفزيون الي ماخذه نص الجدار وتحتها مكتبه فيها كتب واشرطة وامور التلفزيون
صحت من انبهارها و الشغاله تدلها على ام رائد
الي صعد الكل لغرفه وظلت معها سمر

ام رائد (( شسالفه مين ذي اللهم خير )) بابتسامه : تفضلي اختي

الحرمه بادلتها الابتسامه : اهلا اختي ام رائد

اشرت ام رائد للخدامه تاخذ عبايه الحرمه وتصلح الضيافه

****
رمت شنطتها بتعب فالغرفه وجلست على سرير اختها ميس وهي تتامل انعكاس صورتها على المراية ، ملامحها كانت هادئة تسر الناظر عيونها واسعه لكن صغيره وعسليه فيها سمار خفيف وجسمها مليان و متناسق شعرها كان يوصل لنص ظهرها ولونه كستنائي ، خشمها حاد ومن عند الارنبه فيه حركه جميله مزينتها وحبه خال صغيره الله الله تنشاف فوق شفايفها الورديه المليانه ، صحت من تأملها وهي تناظر ورا لما دخلت اختها ، كانو بغرفه وحده يطغي عليها اللون الخمري والابيض ، غير غرفه الملابس الي فاتحه على غرفتهم وحمام جنبها
كانت سرايرهم جنب بعض بينهم كوميدينو وكل وحده لها مكتب خاص
كل شي كان مرتب والزينات تتوزع بالغرفه بشكل انيق

ميس بسرعه : الحمام لييييي
وجرت ودخلت وقفلت الباب لما شافت اسرار جايتها بسرعه

اسوار بغيض : طيب طيب يالصعلوكه

بينما طيف راحت تاخذ شاور
راحت اسرار وطلعت لها برمودا سودا وبلوزه باكمام طويله والكم من فوق فيه اشياء كحليه وطلعت شرابات كحلية

وهي تنتظر اختها تطلع

*^*^*^*^*^*^*^*^*

: هههههه ماشاءالله انت مشبك بنات الرياض كلهم

بضحكة وهو يرد على اخته : ههههه اذا اخوك وسيم والبنات يجرون وراه شيسوي

: يمه منك ماعرفتك

: الا ي خوله كيف اختباراتك

خوله بقهر :الحمدلله ،، ايش الطاري ذا ي عبدالعزيز الله يسد نفسك

ضحك عبد العزيز وهو يعرف كرهها للاختبارات

شالها بحركه مفاجئة وهو يدور فيها بالبيت ، الي كان أنيق بلون البحر والرمادي ، كان كل شي مرتب بدقة واناقه يدل الى رقُقي الي مصمم الأثاث ومنسق كل شي في محله ،، الابجورات ،، اللوحات ،، الورد ،، الطاولات المتوزعه مع الكنب ،، الخداديات كل شي كان متناسق ببعضه ومرتب
كان الرمادي يطغي اكثر ويتخلله اناقه لون البحر

خوله بصراخ وهي معلقه فوق كتف عبدالعزيز : يامجننوون نزليني نزلني بطيح عبدالعزيز .. وهي تضرب في كتفه

عبدالعزيز وهو يضحك : مين عمك ها

خوله بقهر : انت .. عبدالعزيز عمي بس نزلني الله يخليك
نزلها عبدالعزيز : ايوه ي عيني عليك
خوله بغيض : اقول لا يكثر انت ووجهك ذا

قربها معه للمرايه الي قدامهم ، شفيه وجهي حلاته فديتني

كان الشبه بين خوله واخوها عبدالعزيز كبير ، نفس لون العيون البني الأسر ، عيونهم ناعسه وواسعه ، نفس لون الشعر البني الغامق ، شفايفها المليانه وشعرها الي يوصل لتحت كتفها
وشعره الكثيف الي مو طويل لكن مو قصير مره ، كان الشبه بينهم كبير مره ملامحهم حاده زي بعض ، كل واحد تميز بشي يخص فيه بينهم فارق العمر
خولة 17 وهو 23

كانو يتأملو انفسهم بسرحان
بالمراية

خوله بسرحان : عبدالعزيز .. عبدالعزيز

عبدالعزيز بنفس السرحان : هاا ..

قامت خوله بسرعه وضربته ودفته وهي تجري وهو يلاحقها بصراخ

*^*^*^*^*^

كانت قاعده على سجادتها تصلي وتدعي ربها .. وهو الي يعلم بضيقتها .. ربها وبس
قامت بعد ماصلت الشفع والوتر ودعت ربها
شالت جلال الصلاة وحطته بالدولاب
ناظرت نفسها بالمرايه كانت لابسه بيجاما سودا وفاكه شعرها على راحته
لفت ورا وشافت اختها اسرار .. ابتسمت بعفويه وهي تعدلها وتغطيها كويس .. علت تبريد التكييف وطفت نور الابجورة ورمت نفسها عالسرير ونامت بدون محاولات من التعب

*^*^*^*^*^*^



بثقة:هه ،ولو يا أم رائد

ام رائد :اعلى ما فخيلك اركبيه يا "وباستهزاء" ام مراد .

ام مراد بهدوء مُطنش :يلا استأذن منك حبيبتي

ام رائد : قهوتك ي ام مراد

ام مراد وهي تقوم : مشروبة زاد الله فضلك
والتفت وهي تلبس العباية بعد ما اشرت ام رائد للخدامة ترافقها لبرا ،

****
***
**
*

اسرار : ميس بما ان اليوم كان أخر يوم اختبار
وعندنا اجازة اسبوعين ، بنقضيها كل يوم بنات عمك عندنا ولا احنا عندهم !

وبتفكير : لازم نغير روتيننا الاجازي

ميس بضحكة : الاجازي ، حلوة حلوة

اسرار بنص ابتسامه : ها ايش قلتي ؟

ميس بتفكير : خير ان شاءالله لو جا ابوي

وكملت تطقطق بجوالها


*^*^*^*^*^*

قراءة ممتعه انتظر ارائكم ..