شبكة روايتي الثقافية - عرض مشاركة واحدة - حفل ختام رواية [في ظلال الشرق] للكاتبة المبدعة جداً: Moor Atia

بسم الله الرحمن الرحيم
السلام عليكم ورحمة الله وبركاته

إن كان في صباح اليوم خير، ومساءه بركة.... فلتتضاعف الخيرات والبركات صُبحاً ومساء...

لأن اليوم تحديداً غير عادي، والليلة دي الفرحة فرحتين... واتنين x اتنين x اتنين فرّح كل الموجودين
محتفلين، فرحانين، حزينين، متشوقين، ومودعين

إحنا مش بس بنحتفل النهاردة بنهاية رواية جميلة ورائعة إلخ إلخ إلخ.... بل أكثر بكثيييييير....
بأقولكم يووووووم مش عاااااادي!!!!!!!
اليوم بنحتفل بالجميييييلة جداً والمبدددددعة جداً والخلّابة جداً...
كاتبتنا الراااااائعة جدااااااااااا مور عطية على تحفة وإبداع قائم بذاته...
حاجة كده عسلاية مينفعش نحاول نوصفها وإلا ننقصها قدرها بحق!

شوفو طبعاً مش هنقدر نوصفلكم قد إيه مور إنسانة رائعة فعلاً، مع كل احترامنا للكاتبة اللي جواها... يمكن فرحتنا إحنا بيها للإنسانة أكتر.... أنتم مش متخيلين يا جماااااااااعة مور دي بالنسبة لينا إيه هنا في القسم، هي مش هقول جزء من عيلتنا.... لأ ده هي عيلتنا كلها ههههههههههههههههه عارفين اللي هو لن أزرع شجرة ستكونين أنتِ الشجرة خخخخخخخخ هي بقى مور بالنسبة لنا كده.... شجرة لها جذور، صخرة لا تتزعزع -لا مؤاخذة يا مارو... العتب عاللفظ

- بس بجد، عايزين نستند على حد؟؟ مفيش غيرها... عيلة يا جماااااعة!

كاتبة رائعة وعضوة جدعة وفعالة وكل حاجة.... بس هي والأهم من كده أختنا وبنتنا وقدرها عندنا محدش يقدر يقيسه....
يمكن بنتكلم بانفعال شوية بس بجد من قدرها داخل قلوبنا بنتكلم كده....

ولهذا لنا الشرف أكثر بكثييييييير لما نحتفل بانتهاء رواية طويلة أخرى لها تنضم لاخواتها...
بس برضه هو يوم مش عادي عشان كمااااان الرواية مش عادية!

[في ظلال الشرق]

رواية من أول اختيار اسمها لحد اختيار تفاصيل كل بطل من أبطالها... حكاية!

حكاية بأسلوبها،
حكاية بأحداثها،
حكاية بأبطالها،
حكاية بكاتبتها،،
حكاية... في زمن تكررت به الحكايا ولم تسطع فيه سوى،، حكاية!

بصوا هي مش ألغاز والله، بس اللي قرأ الرواية هيحسّ باللي أقصده، والذي لم يقرأها وبدأ مجرد بداية فيها...
لمح غلافها حتى... هيعرف إن وراه حكاية تنتظر مَنْ ينصت إليها.

وبجد إحساس جمييييييييل جداً إنه نشهد مع بنوتة عيلتنا الحلوة انتهاء الرواية دي، نحتفل بيها ونرقص سوا رقصة الهشتكة برضه

-بدونها لا يكتمل احتفال-

بجد بجد يا ماروتي لو هحكيلك قد إيه أنتِ بجد كاتبة موهوبة وشخصية رائعة مش هيكون بكلام روايات متكرر.... بيقولوا الأفعال بتدل عالأقوال،، وأحب أقولك أنا لو أقدر حالياً أنزل الشارع وأولع بومب وصواريخ وأقلبه فرح بدون ما يطلبولي البوليس كنت عملتها.... بس مين قال يقدروا يقفشوني على العالم الافتراضي؟؟

يلا هيصوا يا جدعااااااااااااااااااااان ، دي الرواية خلصت وبقت في التمام ومور عال العاااااال وكله في البتنجااااان.... وعجبي! -قافية محششين

والآن نختم رواية تعلقنا بأبطالها كثيراً واستفزتنا حركاتهم كمان كتير هههههههههههه والآن نأتي لنودعهم معاً ببسمة على الوجه وضحكة من القلب... حيث مؤكد يوجد لهم مكان أيضاً به!

شكراً كتير للجميييييييلة جداً والرُهيفة جداً اللي بهدلتنا معاها برضه جداً،، كاتبة الكائنات اللي عشنا معاها لمدة أربعين فصل وخاتمة دي -ولو إنها مش خاتمة... دي فصلين!-
Moor Atia
مبروووووووووووووووووووووو وووووووووووووك ماروتي على ختام الرواية وعقبال الآلاااااااف اللي ترفعي فيهم ضغطنا كعادتك حُبّي
وشكراً لكِ من القلب على إمتاعك لنا، مقدرش أوصفلك مقدار فخري وسعادتي بيكِ... وبصراحة أنتِ بـــــــطـــــــلــــــة لأنه رغم كل الظروف اللي مرّت خلال الرواية دي مجهودك وتركيزك بها لم يقل عن 100%
وده إن دلّ على شيء فيدلّ إنك واحدة كده

بنحبك موووووووور
♥

وطبعاً شكراً كتير لمتابعيننا الأوفياء سواء اللي تابعوا مع الرواية أو انتظروها لتكتمل، نقولهالكم بجد رواية حكااااااية لن تندموا على قراءتها

وإليكم وسام التفاعل المميز هدية متواضعة لكل من عطر أروقة الرواية بمروره الكريم

وإليكم رابط الرواية لمن لم يقرأها بعد

https://www.rewity.com/forum/t323649.html

يلااااااااااا نحتفللللل يا جدعااااان.... كل واحد يقولنا في ظلال الشرق بتمثله إيه.... وكالعادة مثلما نخبركم كل مرة... وجودكم ودعمكم للكاتب هو وقوده فلا تحرمونا تفاعلكم ولا تحرموا الكاتبة مشاركة فرحتها معكم!

مبروووووووك مرة تانية يا مور وطبعاً كل الشكر للجميلة noor1984 على تصاميم حفل الوداع والجميلة gege86 على تصاميم الرواية بشكل عام

أممممممم خلاص كده خلصت رغي،،
آخر حاجة بس.... عايزين تعرفوا إيه القادم؟؟؟
وإحنا نعرف منين!!
قدامكم مور أهي.... دبسوها.... إحمممممم أقصد اسألوها

في رعاية الرحمن ♥