[فيتامين سي]

‎بِسم الله الرحمن الرحيم

‎وبهٍ نستعين

__________________

‎- الثالث - 1

‎" طلال "

‎رجعت البيت وأنا دايخ ، كنا مقضينها دوارة على رغد وما لقيناها ! ، شي يحير فعلاً
‎مين الي له مصلحة يخطفها ! و وين راحت لو كان الموضوع بإرادتها , تعبت من التفكير وطلعت مع الدرج
‎بهدوء يشابه هدوء البيت الي الكل نام فيهمم
‎لفت نظري وانا بطريقي لغرفتي باب البنات مفتوح دخلت وانا ابتسم على منظرهم
‎طفيت الليت وسكرت الباب وراي وانا راجع لغرفتي

.
.
.
.
.
.
‎بإشمئزاز مرافق لسخرية : بأحلامك الوردية والله

‎رسم على شفايفه ابتسامه تحدي :مو انا الي انرفض يارغد !


‎رغد وهي مستغرة بداخلها من اكاذيب فهد
‎زفرت :انا ما سويت سواتك وهربت ,, كاني دجاجه

‎كانت عارفة حدة اسلوبها والكلام الي ترميه عليه من نص ساعه
‎لكنه كان نابع من قهر و حرقة قلب مكبوته من ايام طويلة

‎رمقها بنظرات تقيميه وهو طالع : كلامي ما اعيده

‎سندت راسها على الجدار ودموعها تحرق خدها ,حاولت تفك ايدينها بس ماقدرت كانت مربطة
‎بقوة قفلت عيونها وهي تتذكر أحداث الامس
‎ مرت عليها سيارة فجأة ونزل منها شخص ببدله سوداء
‎كانت تصرخ لعلى و عسى احد يسمع استنجادها لكن للاسف غطى انفها بمخدر ودخلها جوا السياره بسرعه

‎قفلت عيونها وفتحتها بسرعة ورا بعض ,وكانها تحاول تصفي ذهنها من الافكار السيئة ومن الخوف
‎الي سيطر عليها من الظلام والمكان الغريب البارد الي هي فيه

.

.
.
.
.
.
‎ميس بأبتسامة : هوو يمه ليش الدموع ! مو اول سفرة لابوي

‎ام طلال وهي تمسح دموعها : ما ادري

‎ابو طلال بحنية : خلاص يا مرة منيب مطول انا
‎كلها كم يوم وانا راجع ,وبابتسامة : لا تنسين ان وراكم طلال رجال عن الف رجال

‎ابتسمت ميس على طاريه : تبي اصحيه يبه لاجل تودعه

‎ابو طلال : لا يبه خليه تعبان
‎هز راسه وكانه اتذكر شي
‎ الا ياام طلال مافي اخبار جديدة عن رغد؟:

‎ام طلال بضيق : لا والله مافي اي شي للان

‎رفعت اسرار راسها على طاري رغد
‎تذكرت لما دخلت عليها ميس بالخبر الصاعق
‎" رغد انخطفت "
‎رغد كانت اقرب وحده لأسرار وكانت غاليه على قلبها حيل
‎الخبر انتشر بسرعه بين العائلة الي صدمهم كلهم
‎وسؤال واحد يتردد باذهانهم
‎مين له مصلحة
‎صحيح ان أبو رائد كان له سمعة بالبلد والكل يحترمه
‎وما كان له عدويين لاجل ينتقمون منه بهذي الطريقة وهو متوفي أساساً

‎صحت من سرحانها على ابوها الي ضمها
‎نزلت دموعها لا أيرادي
‎ بنتي ماله داعي البكى ان شاءاالله بيلقونها:
‎ساعديها بدعائك وترا ربي معاها وبيحميها

‎هزت اسرار راسها
‎ودع ابو طلال بناته وزوجته

‎خرج للسواق الي ينتظره برا

‎تتحركت السيارة متوجهة للمطار


.
.
.
.
.

‎قايلة لك لا تتصلين انتي ماتفهمين ماتفهمين !!:

‎ام مراد بهدوء : ابيها

‎ام رائد بقلة صبر : باي حق يا حرمة باي حق !

‎ام مراد بأندفاع : أمها

.
.
.
.
.

‎رمى نفسه عالكنبة وهو يغمض عيونه يتذكر الحديث الي دار بينه وبين ماجد

‎: ماجد افهمني البنت مختفيه

‎ماجد ببرود : عادي اذا لقيتوها برجع اخطبها

‎فهد بقلة صبر : يا ماجد يرحملي امك افهم مستحيل نوافق على الخطبة
‎اوكي انا موافق ولا تهمني بس وراها ام واخوان

‎ماجد : مو مشكلتي

‎فهد :
‎ايش المطلوب مني الحين انا

‎ماجد وهو يجيبها من الوتر الحساس : انا بعذب رغد تمام زي م تبي
‎وبدفعها هي واهلها ثمن المك انت وامك على كل لحظة اذوكم فيها
‎ها ايش قلت ؟

‎فهد بفرحة حاول يخفيها : وانا وش يضمن لي
ماجد:انت تعرف اننا اثنينا مطالبنا وحده
فهد :نلاقيها وهي لك
‎ قفل ماجد الخط وهو ضامن ان رغد صارت له
‎وصار الوقت انه يرجعها لاهلها

.
.
.
‎من ناحية ثانية عند فهد

‎كشر بضيق وهو يتذكر كرهه لرغد واهله الي عايش معاهم

‎وأبتسم متأمل خير بكلام ماجد الي على قولته بياخذ حقه ويبرد غله فيهم


.
.
.
.

‎: يلا قومي قامت قيامتك

‎رغد بغيض : قبلي ان شاءالله

‎قرب ماجد بعصبيه منها ومسك شعرها بقوة وثبتها على الجدار : لسانك لا تطوليه علي

‎رغد وهي تصرخ بالم : فك شعىري يا حيوان .. اااه راسي

‎ترك شعرها بعنف بطريقة خلتها تطيح على الأرض : يلا البسي عبايتك
‎رغد وهي تقفل عبايتها: ما برجع معاك ابي اخوي فرااس

‎ماجد حب يزرع داخلها الشك : ههههههههههههههه مسكينة انتي شكلهم لاعبين عليك
‎وما قالو لك الحقيقة باقي , لا تطلين فوق واجد بتنكسر رقبتك ،انتي مجرد متطفله على هذي العائله

‎رغد باستنكار واضح , حاولت تهدي نفسها و ركزت افكارها على انه
‎يبي يضايقها وبس باي كلام : رجعني
‎وأنت ساكت

.

.

.

.
توضيح بسيط للشخصيات

ابو طلال وزوجته ام طلال ،
طلال
ميس
اسرار
معاذ

ابو رائد سيف متوفي من جلطة قلبيه قبل سنتين
زوجته ام رائد ، سميه
رائد
فهد
فراس
رغد
ليان
سمر

ابو مازن عبدالله
وام مازن اروى
مازن
ريما
محمد

كل شخصية وطباعها بتتعرفو عليها مع الاحداث
احسن لاني مو من الي يحبو يطرحو كامل الشخصيات بالبداية كذا القارئ بينسى وبيكون الموضوع مزعج ف حبيت كل شخصية تتعرفو عليها على حسب ظهورها

نرجع للاحداث

.
.
.
.
.
بفرحة وهي تضم بنتها ودموعها تنزل : بنتي حبيبتي

رغد ما تنكر انها حاولت تكون قوية قدام ماجد بس كانت مشتاقة لاهلها واجد وخايفة لانه يقدر يسوي اي شي ، فكرت ايش ممكن تقول لاهلها ،، حبيبها و خطيبها السابق خطفها ؟ يهينها.. اكتفت بالسكوت الي حيرهم رغم محاولاتهم بانهم يعرفوا اي شيء بس الفرحة برجوع بنتهم كانت نوعا ما تساعدهم على التجاهل لحد ما تهدى

ضمت امها:وحشتيني يمه

-------
---
--

.. التكملة بكرا ان شاءالله
معليش والله بس تعبت سخونة وزكمه مفاجئة مدري من وين طلعت
يادوب عدلته وحاولت اطوله خصوصاً اني اكتب بالجوال.

شكراً لكل من تابعني واتمنى لو دخلت تقرا تترك تعليق يسعدني
وشكراً