[فيتامين سي]

بسم الله الرحمن الرحيم

وبهِ نستعين

______________________

الرابع ،

ضمت امها : وحشتيني يمه

ام رائد وهي تقرب بنتها لها : اشغلتي قلبي وفكري خفت عليك يارغد وين كنتي يمه

رغد بضيق وهي تدفن راسها بحضن امها: يمه تكفين

ام رائد : امري يا عيوني

رغد بخوف وهي تتذكر ماجد ؛ لاتخليني مهما صار

ام رائد بالم وهي تتذكر كلام ام مراد : اعوذ بالله بنيتي في احد يخلي روحه يا روح الروح

رغد بابتسامة : الله يخليك لي

ليان بابتسامة : واحنا مالنا رب وهي توقف جنب فراس

ام رائد بضحكة : انتو كلكم عيالي وحبايب قلبي

فراس وكانه يتذكر : يمه وينه فهد ما يجلس معنا واجد ولا نشوفه
عكس رائد الي الشغل كله عليه يحاول قدر م يمكن كل يوم يجلس معانا

كشرت رغد بضيق وبعدت عن حضن امها وكلام ماجد يتردد بأذنها ماتدري ليش كل شوي يطري في بالها والخوف يسكنها اذا تذكرته

ام رائد بتنهيدة : الله يهديه ياوليدي

هز راسه فراس

.
.
.
.
:مجنون انت ايش تقول!!

فهد ببرود : الولد شاري البنت وملكتهم بكرا ان شاءالله

رائد وهو يقوم بعصبية : لا مو على كيفك والله لو راسي يشم الهوا

فهد يطلع من بروده : انت شتبي وشوله الرفض ما تفهم انت ؟

رائد : انت م تستحي على وجهك! الولد تارك البنت من قبل وفاسخ خطبته معها ،، اذا انت مالك كرامه أحنا لنا ..و رغد بتغصبها على شي ماتبيه؟

وهو يقاطع فهد الي حرك شفايفه بيتكلم : انا قلت كلمتي وهي الي بتمشي

وطلع من الغرفه بقهر

- فهـد -
ضربت الطاولة بقهر
كيف الحين كل شي ضاع من ايدي ! رائد الكبير والكل راح يمشي على شوره وراح يخرب كل شي
غمض عيونه وهو يزفر

.
.
.
.
.
: ليش يا يمه ؟ كل ذا ماله داعي

ام مراد وهي تعطيه نظرة استحقار : انت مالك دخل و اسكت

مراد : يا يمه والله عيب الي بتسووه مافي شيء يجي بالغصب مافي والله

ام مراد بقهر : حرقت لي قلبي والله لا احرق قلبها

مراد وهو يهز راسه بضيق : لها ربي يا امي مو انت لان الي انتي الي بتسويه اكبر غلط

ام مراد : اقول انطم انطم .. انطممم

مراد وهو ياخذ مفاتيح سيارته متوجه لبرا .. حاول كثير مع امه لكن بلا فايدة

ام مراد وهي تحط رجل على رجل : قومي يابنت جيبي لي شي اشربه رفع ضغطي اخوك

دانه بهدوء وهي تقوم : ابشري يمه

.
.
.
.
: اااااه سيبي شعري يا كلبه اااه

ميس بضحك : مين عمتك مين

اسرار بقهر وهي ماسكة راسها : انتي انتي بس سيبي ياغبيه سيبي عورني راسي

ميس وهي تفك شعر اختها وتقوم : اص انا عمتك

لحقتها اسرار وهي تحاول تمسك شعرها : والله ماسيبك تخسين قال عمتي

وقفو على صوت الباب الي انفتح ودخل منه طلال

ميس بابتسامة وهي تلهث : هلا والله

طلال بادلها الابتسامه : هلا حبيبتي
وقرب لها وهو يمسك خدها

اسرار وهي تجري تحضنه : هلاا اخوي العزيز .. كملت بقهر وهي تناظر ميس شف المختله اختك طيحت شعري حشى واحد من العيال

طلال وهو يضحك : ماتتوبون انتو

ام طلال وهي تدخل : هلا هلا ولدي العاقل صجو راسي اخواتك بصراخهم

طلال وهو يبوس راس امه : هلا امي
.. ما يتوبون ابد هالشيطانات

اسرار : هي الي ما تتوب

ميس ببقت عيونها : يا نصابه

ام طلال : خلاص خلاص اسكتو
ولفت لطلال : جوعان يمه نحط العشا ؟

طلال وهو ينسدح عالكنبة؛ اي والله ياليت

.
.
.
.
فصلت الخط بقهر من الرقم الي يتصل عليها من الصباح وكل مافصلت يدق

رمت نفسها عالسرير بتعب وتفكير .. اشياء كثير ومشاكل كثير تصير بحياتها بعد وفاة ابوها .. بعد وفاة سندها عونها بسمتها بهالحياة .. دمعت عينها ورجعت ذاكرتها للوراء وهي تتذكر ابوها يموت قدامها ولا في يدها شي تسويه ، هذا الشي الي يغصها دايماً وكل ما تذكرت .. والشي الي غاصها اكثر المشاكل الي قاعده تطلع بحياتها كل يوم .. واولها ماجد
صحت من تفكيرها على رنة رسالة
مدت يدها للكوميدينو وهي تاخذ الجوال

" انا ماجد ..ردي لا اقوم عليك الأرض "
كشرت بضيق وقلبها تسرع دقاته
وشوي والرقم يتصل من جديد اخذت نفس وردت بتردد :الو
ماجد بعصبية : بدري ي ستي
رغد ببرود : ما ارد على ارقام غريبة .
ماجد : ما علي منك من اليوم وجاي ما اتصل الا وتردين فاهمه
صرخ بعد سكوتها الي دام : فاهمه ؟

رغد بتنهيدة : طيب ..اش تبي انت الحين ؟

ماجد وهو يبتسم نص ابتسامة : بكرا بجي واخطبك. ويا ويلك اذا ما وافقتي .. تعرفيني وفهد بيخليك توافقين غصب عنك

رغد بصراخ : انت ماتفهم ما ابيك ما ابيك ماعندك كرامة اطلع من حياتي

ماجد :لا ما عندي والي عندي قلته

رغد بصوت مخنوق:مابيك .. انت ليش تسوي فيني كذا وش سويت لك ؟

ماجد :والله كيفي

رغد : الله ينتقم منك .. الله ينتقم منك

وسكرت الخط في وجهه

-رغد-
دفنت راسي بالمخدة ودموعي تنزل ليش يسوي كذا فيني بدون سبب

بيندفن عمري مع شخص ما ابيه ولا اطيقه هانني بما فيه الكفاية ، انا مستغربة من نفسي ليه ساكتة
ايش الي يمنعني؟
ليش انفذ رغباته ليش!!
ليش اخضع له
ليش ؟.

-
رفعت السماعة بدون تردد
اخذت نفس لما سمعت صوته
: برفضك ، واعلى ما بخيلك اركبه انت م تقدر تسوي لي اي شي

ماجد ببرود وبيده دخانه : بسيطة افركش شغل اخوك رائد ، اطلع عليك اي سمعة سيئة امم .. زي انك بتطلعي مع عيال
وكمل باستهزاء : تعرفين كل شي سهل الفبركة واوراق مزوره تقفل شركة اخوك
لا وبعد سمعتك وصور عنك وتوصل لامك وتجيها جلطة هي بعد .. وضحك بسخريه

رغد ببكاء وصراخ : ااايش تبي منييي سيبني بحالي حرام عليك
وسكرت الخط وهي ترمي الجوال عالارض بقهر
مسكت راسها الي بدأ يصدع
وكلامه يتردد بإذنها

.
.
.
.
- ماجد -
هههههههه قلك ترفضني ، صدقيني رغد بتندمين على قوتك المصطنعه وطوله لسانك ، كل شي بينكشف وبتعرفين ان قوتك كلها بتروح هباء منثوراً . -


.
.
.
.
شارع طويل مزحوم بالناس .. السيارات .. ومحلات والمطر ينزل عالخفيف
فجأة كل شي يسود بوجهها‏ ويظهر الشخص الي تكره شوفته من كل قلب
كان يقرب منها بطريقة مخيفه
قامت مفزوعه من نومها
ونبضات قلبها تسرع
بدات الدموع تتجمع بعيونها مسكت راسها بايدينها وهي تقفل اذونها وتقفل عيونها بقوة
وكانها تحاول تهرب
بدأت تصرخ بدون وعي

_________
قراءة ممتعه