[لامارا]

هيفاء\وجع خير بغيتي شي ...... دقيقه حبيبي شويه وبكلمك
ساسي\في واحد تحت يقول هو صديق مال أنته يبغاك
هيفاء بأستغراب صديقتي \طيب الحين نازله ماقالت أسمها
ساسي\لاهي مافي يقول بس يقول يبغا ماما هيفاء
هيفاء\طيب روحي جهزي القهوه وأنا اليحن بنزل
وقامت هيفاء عدلت مكياجها وهي محتاره منو الي تحت وتقول صديقتها هي مالها أصدقاء لأنو ماأحد يحبها
هيفاء\فرررررررح وش جايبك لاتقولي جايه تكملي الي سوته أختك
فرح بتمثيل\أفا وهذه وأنا ببيتك وتقولي هل كلام ولانسيتي صداقتنا
هيفاء\لأ مانسيتها أتفضلي
فرح\أنتي ليه سويتي كذه أنا حابه أسمعك
هيفاء بغرور\وشو سويت أنا ماسويت شي
فرح\بعد كل الي سويتيه وماسويتي شي حرام عليك فرقتي بين خالد ولميس وتقولي ماسويت شي
هيفاء\خالد لي وبس ولميس مابتاخذه لو على جثتي
فرح\واثقه مره
هيفاء\لو لميس عندها كرامه مابتوافق عليه بعد الي قلته عن أخوكي
فرح\بس الي قلتيه كله كذب وأنتي تدري أنو خالد بعمره ماشافك
هيفاء\هذه الي أحنا نقوله مو لميس الي بتصدقه
فرح\ماتخيلتك لهل درجه سيئه
هيفاء\وأكثر عاجبك أهلا وسهلا مو عاجبك بلي مايردك
فرح\وليه خالد ماغيره
هيفاء\مزاجي عجبني ومابياخذه غيري
فرح\هذه الي بيجي منك منتي ماتربيتي من بيربيكي أذا أهلك تاركينك لواحد همه في هل دنيا الفلوس والمال وراميكي وأنتي من واحد لثاني بايعه نفسك ومرخصه عمرك أخصص عليكي وعلى ترابيتك صدق حسافه أني جيتك قبل لأطلع بقول لكي شي خالد بتزوج لميس أما اخوكي الي راميكي على حل شعرك من واحد لواحد وهمه الفلوس قولي له أنك أنتي شرفه يلي ماعندك شرف

طرااااااااااااااااااخ كان هذه الكف الي عطاه محمد لفرح
فرح وهي تشيل روحها من الأرض \ياحقيرررر تمد يدك علي روح مدها على أختك الي بايعه نفسها
محمد \وأكسر راسك بعد وقام شدها من عبايتها ورامها بره البيت هذه البيت لادوسيه سامعه والي فيه أشرف منك
ودخل جوه البيت مثل الثور الهايج ومسك هيفاء وطقها وفرح بره البيت سامعه صوت طق هيفاء وصراخها وهي أخذت جوالها ودقت على هنادي الي جم على طول وأخذوها وراحو
هنادي\هااا بشري
فرح\خوذي هذه الجوال وفيه التسجيل سمعيه لأختك وكافي خلاص لو لهم نصيب مع بعض بيتزوجو
هنادي\وش فيك فرح أنتي مو على بعضك
فرح\هذه مو مرتاح بلي سويته قلبي يقول لي أني الي سويته غلط
مرح\لاغلط ولاشي هذه الصح ولامو همك سعادة خالد
فرح\أكيد تهمني بس مدري ودوني البيت
مرح\ليه مابتروحي بيت جدتي معنا
فرح\لأ تعبانه مرره
هنادي\طيب على راحتك

ساسي \بابا محمد ماما هيفاء تعابن مره
محمد\جعلها الموت وأنا قلت لأحد يدخل لها
أما هيفاء محمد ضربها ضرب يهد رجال مو بنت ووجهها مورم والدم ينزل من راسها وهي مغمه عليها مو درايه بلدنيا من قوة الضرب قامت ساسي جابت كمدات مويه بارده وقعدت تسوي لها وتنظف الجرح الي براسها وربطته لها وبعدها غيرت لها ملابسها وحطتها بلسرير بمساعدته خدامتهم الثانيه

ساسي\والله حرام بابا محمد يسوي مذا بماما هيفاء
نتيسا\أحنا مايقدر يسوي لها شي هي مايبغا يتكلم خلاص أحنا مالنا شغل
ساسي\بس هو كل يوم ضرب ورمي حرام والله هذه كثير لو ماما هيفاء عايش ماسوى كذه
نتيسا\هوووس بابا لو في يسمع كلام أنتي يمكن يضربك وبعدين تسفير أحنا مالنا شغل

في مكان ثاني بفلة الجده كانو البنات مجتمعين وحتى الرجال كانو مجتمعين

عند الحريم البنات جالسين سوالف وضحك
جوري\مرح وينها فرح
مرح\تقول تعبانه ومارضت تيجي
جوري\غريبه أول مره تغيب عن أجتماع عائلي
مرح بهمس\جهزتي الي قلت لكي عليه
هنادي \كل شي تمام بس أنتي مضبطه الوضع
مرح\أنا مضبطه كل شي والخطه بتمشي
هنادي\طيب أنا الحين بقوم أخذ لميس على الحديقه عشر دقايق وأنتي لاحقتني
مرح\أوكي تسهلي أنتي وأنا الحين بكلم خالد


في مكان ثاني عند الرجال
ناصر\أخباركم يلخايسين
نايف\ماخايس غيرك
ناصر\أفا عمي أهون عليك الا فهد أخبار سارونتي معك
فهد\بخير قبل شوي كانت عندك مافيها شي
ناصر\طيب طلبتك وقول تم
فهد\تم بدون لاتقول
ناصر\أنت تدري وش أبغا
فهد\مايبغا لها ذكاء تبغا ساره تنام عندكم
ناصر\تسلم يلغلا الا ماقررت تسوي عملية تجميل الى الأن ترى في بريطانيا أطباء ممتازين تعال أنت وساره وسوي العمليه
فهد\لا يناصر عمليه مابسوي خلاص أنا رضيت بنصيبي
ناصر\بس يافهد
فهد\لابس ولاغيره أنا شايل هل فكره من بالي
ناصر\خالد وش فيه متغير علينا
فهد\خالد قصته قصه خلي ساره تسولف لك عنها
ناصر\أهاا طيب مو لدرجة يقطعنا ويجلس بروحه
فهد\لاوبعد يدخن
ناصر\أفا لهل درجه
فهد\وأكثر خلي ساره تقولك قصته

في مكان ثاني بنفس المكان
خالد\الوو .... هلا ..... أوكي ...... الحين جاي

لميس\يلا هنادي وش بغيتي
هنادي\سلامتك حابه أمشي معك ونسولف الا نسيت أسمعك أخر نغماتي
لميس\من جد ماعندك سالفه جايبتني تسمعيني أخر نغمه
هنادي \رح تعجبك بس أسمعي
لميس\طيب خلصينا وسمعينا
أسمعي خوذي
فرح\أنتي ليه سويتي كذه أنا حابه أسمعك
لميس\هذه صوت فرح
هيفاء بغرور\وشو سويت أنا ماسويت شي
فرح\بعد كل الي سويتيه وماسويتي شي حرام عليك فرقتي بين خالد ولميس وتقولي ماسويت شي
هيفاء\خالد لي وبس ولميس مابتاخذه لو على جثتي
فرح\واثقه مره
هيفاء\لو لميس عندها كرامه مابتوافق عليه بعد الي قلته عن أخوكي
فرح\بس الي قلتيه كله كذب وأنتي تدري أنو خالد بعمره ماشافك
هيفاء\هذه الي أحنا نقوله مو لميس الي بتصدقه
فرح\ماتخيلتك لهل درجه سيئه
هيفاء\وأكثر عاجبك أهلا وسهلا مو عاجبك بلي مايردك
فرح\وليه خالد ماغيره
هيفاء\مزاجي عجبني ومابياخذه غيري
حاولت بكل جهدها تغطي دموعها وحزنها وأنو هي لهل درجه ساذجه بتصديق هيفاء

بنفس المكان
خالد\الحين جايبتني تسمعيني نغمه
مرح\والي يقول لك أنو في هل نغمه علاج لكل أوجاعك
خالد\مافهمت
مرح \أسمع وبتفهم
فرح\أنتي ليه سويتي كذه أنا حابه أسمعك
هيفاء بغرور\وشو سويت أنا ماسويت شي
فرح\بعد كل الي سويتيه وماسويتي شي حرام عليك فرقتي بين خالد ولميس وتقولي ماسويت شي
هيفاء\خالد لي وبس ولميس مابتاخذه لو على جثتي
فرح\واثقه مره
هيفاء\لو لميس عندها كرامه مابتوافق عليه بعد الي قلته عن أخوكي
فرح\بس الي قلتيه كله كذب وأنتي تدري أنو خالد بعمره ماشافك
هيفاء\هذه الي أحنا نقوله مو لميس الي بتصدقه
فرح\ماتخيلتك لهل درجه سيئه
هيفاء\وأكثر عاجبك أهلا وسهلا مو عاجبك بلي مايردك
فرح\وليه خالد ماغيره
هيفاء\مزاجي عجبني ومابياخذه غيري

خالد\منو هذه الي تسولف مع فرح
مرح\مو المهم منو هذي المهم أنك فهمت وأختنا فهمت وهي تأشر بأصبعها للميس
خالد يناظر أخر شخص توقع يشوفه لميس الغاليه وهي تبكي وتمسح دمعتها وتوجه لها بدون كلام وجلس قدامها بدون أي نقاش \
صدقيني هل قلب ماهوى ولاعرف ولاشاف غيرك أنتي الهوى الي أتنفسه
لميس ماقدرت تمسك روحها وراحت تركض داخل الفله وهو جلس مايدري يزعل على زعل الغلا ولايفرح لأنو أثبتت برأته قعد جالس فتره وبعدها قام ورجع عند الرجال بس وهو مرتاح شوي وتوجه لناصر وسلم عليه وتحمد له بلسلامه
ناصر\بدري توك متذكر
خالد\خلها بلقلب تجرح ولاتطلع بره وتفضح
ناصر\أفاا لهل درجه وش الي صاير لكم كلكم فيكم شي غلط


في مكان ثاني طلعت فوق تجري ودخلت الغرفه تبكي وتصيح
ساره بخوف\ لميس وش فيكي
لميس قامت وحضنت ساره وبين بكاها \ظلمته ياساره ظلمته وظلمت قلبي معه
ساره \منو الي ظلمتيه
لميس\ليتني صدقتك وعطيته فرصه
ساره\لايكون خالد
لميس\ومن غيره دق القلب له من يوم مانقز لمسبح وطلع منه وقلبي دق له ومادق لغيره أعشقه وعشقي له بجنون
ساره وهي تضحك \وهذه سبب يبكيي بدل ماتفرحي
لميس\مالي وجه أشوفه بعد ماظلمته
ساره\صدقيني هو يحبك ويموت عليكي الحين أطوى صفحتكم وأبدوأ صفحه جديده
لميس\تعتقدين بيسامحني ونقدر نبدأ صفحه جديده
ساره\أنتي تقدري تنسيه بس أنسي الماضي وأعشقيه
ساره\يلا تعالي عدلي مكياجك وأنزلي تحت وأنسي الماضي وعيشي الحاضر
لميس\الله يسعدك ويهدي بالك مثل ماهديتي بالي يلا ننزل

ونزلو البنات وخلصت العزيمه وأتصلت ساره على فهد تستأذن منه وقلها تنام عندهم حتى لو تبغا أسبوع فكه منها وزعلت من كلامه بس بقلبها الطيب ماتقدر تنام وهي زعلانه عليه

في مكان ثاني
منار\خلاص يافيصل كافي شبعت
فيصل\مافي الدكتور قال الراحه والأكل
منار\والله شبعت
فيصل\طيب أخر لقمه لأجل خاطري
منار وهي تضحك \تيب بس أخر شي فيصل
فيصل\عيونه وقلبه
منار \وش نفسك ولد ولا بنت
فيصل\أي شي يكون منك الحمد الله أهم شي الخلقه التامه
منار\يعني مابتزعل لو جات بنت
فيصل\بلعكس أمي داعيه لي لو تجيبي لي بنت مثلك قمررر
منار\فيصل خلااااص
فيصل وهو واصل حده \والله لو الدكتور مو مانعني أقرب منك كان صارت علوووم
منار\أجل الحمد الله أنو منعك خلاص بعد يومين سفرنا
فيصل\أيه وترى ماقلت لأحد بحملك بتكون مفاجاءه
منار\طيب بكره بجهز الأغراض
فيصل\أحنا وش قلنا أنا كلمت خدامة الروم سيرفس وقلت لها تيجي تجهز الأغراض وشرحت لها وضعك
منار\براحتك

في مكان ثاني
ناصر\يلا بدون مطرود كلكم ماعدا ساره
جوري ويدها على خصرها \وأيش معنا ساره
ناصر\بكيفي بكلمها كلام كبار
عمر \أجل طرده
ناصر\عليك نووور
عمر\لأ علي لمبه كككككك يلا عن أذنكم وتصبحون على خير
ناصر\وأنتي وش تسوي يلا برره
جوري\ماأبغا جالسه فوق راسكم
ناصر\ترى لو ماخرجتي بتتسطري تسطير زمان لايغرك منظري أني صرت أتيكت
جوري\طيب نصور بيجيك يوووم
ناصر\هههههههههههههه بنتظره هل يوم يلا على برررره
يلا عاد صرفتهم لكي قولي وش فيكي
هنا ساره ماقدرت رمت نفسه بحضنه وبدأت تبكي
ناصر\أفا لهل درجه بكى فيها
ساره\أنا صبرت والله صبرت وحبيته من قلبي بس هو دايم يذلني ويهيني مدري ليه
ناصر\أهدي شويه وصلي على النبي وقولي لي كل شي
قامت ساره مسحت وجهها وقالت له عن كل شي ماعدا عن ضربه لها لأنو فهد مايهون عليها ينزل من نظر أخوها ناصر
ناصر\بس هذه يمكن في شي بقلبه أنتي ماتدري عنه حاولي تعوضيه عن حب أبوه وأمه حاولي تكوني له الزوجه وغير كذه ترى فهد حنون أكيد في شي بنفسه حاولي تكوني له صديقه وتواجهيه بلحقيقه يمكن يفهمك
ساره\ماقدر ناصر حاولت بس أحس نفسي ضعيفه قدامه قدام نظراته
ناصر\لازم تحاولي تراه زوجك مو ولد الجيران حمدي ربك مامد يده عليكي وهذه يرفع من شأنه
ساره بنفسها ((أه لو تدري وش بيكون موقفك))\طيب أنا بحاول وأوعدك وترى فهد حبيبي وشو مايسوي ببقى عليه حتى مع الي يسويه فيني كافي أني أحبه
ناصر\الله يهدي بالكم
ترن ترن ترن >>صوت رساله
فتحها وأبتسم
ساره\أفا شكلك أنت الي تبي جلسه منو الي يرسل مسج قبل الفجر
ناصر\أأأأأأأاخ ياساره عشقتها
ساره\وعشقان بعد ومن وراي
ناصر\أموت عليها الله لايحرمني منها تراها نسخه عنك مو بلشكل بلفكر
ساره\دام كذا مسموح بس لازم أعرف عنها كل شي
ناصر\بقولك كل شي بس بكره تعبان حدي اليوم خليني أنام وبكره نكمل سوالف وترى بكره بتردي بيت زوجك أوكي
ساره وهي تأشر براسها\تامر بس لازم أعرف قصه الي خطف قلب نصور
ناصر\بكره لكل حادث حديث تصبحين على خير
ساره \وأنت من أهله وطلعت من غرفته

بالبارت القادم
ساره وفهد بتتحسن حياتهم ولابتسؤ؟
هشام وش أخر مصايبه وهل هي بتكون القشه النهائيه؟
ناصر ومحبوبته أكيد تبغون تعرفون قصتهم؟
لميس وأعلنها عن حب خالد وشو بيصير فيهم ؟
ومنار وحملها وفيصل ترى بتكون الأجواء هاديه بينهم ؟