البارت السادس عشر
بالمستشفى
مرح بشك وعصبيه \لا يبه أكيد في غلط أستحاله فرح تعالي شوفي وش يقولو أنا عندي المرض الخبيث أكيد تمزحو معي صح وبدأت دموعها تنزل أنتم تكذبو علي صح فرح قولي أنه كذب
أبو خالد\أنتي مؤمنه يابنيتي أهدي
أما فرح كانت بزاوية الغرفه تبكي ومو قادره تكلم أختها
مرح بصراخ \يعني أنا بموت أنا بموت فرح لحقي علي لحقي علي أنت ماراح تكذبي علي صح الي يقوله كذب
فرح وهي تمشي ناحي أختها وتبكي وقامت حضنت مرح وهي تبكي \خلاص حبيبتي أنتي مابتموتي هما بيلحقو عليكي ويعالجوكي صدقيني
مرح\بس يافرح أنتي منتي حاسه فلي فيني يارب أموت وقعدت تصارخ يارب أموت وتضرب بنفسها وفرح تحاول تهديها
أبو خالد\يبه نادي الدكتور
خالد طلع بسرعه جابو الدكتور وعطى مرح أبره مهدئه وراحو كلهم من عندها لأنو الطبيب قال لهم أنها بتنام 8 ساعات معدا فرح رفضت تترك تؤمها
في مكان ثاني
منصور\الوووو
محمد\الوووو
منصور \هلا عم محمد أمر
محمد\مايأمر عليك عدو بس بغيتك بموضوع
منصور\أنت تامر بس اليوم عندي مناوبه أول ما أخلص أكون عندك
محمد\بنتظارك بمكتبي الي بتحليه
منصور\أنشاء الله
في اليوم الثاني
في غرفة ساره جالسه تبكي على سجادة الصلاه وتدعي ربها أنو يظهر برائتها وأنو حتى لو ظهرت مو همها بس أبوها يرضى عليها وترجع بيتهم كانت تصلي بكل خشوع ودموع أفواح على خدها وبدخلة ناصر عليها
ناصر\تقبل الله
ساره\منا ومنكم
ناصر\ها جهزتي روحك بكره السفر
ساره بحزن \جهزتها بس أبغا أسلم على جدتي قبل لأسافر وبحاول أطلب رضى أبوي
ناصر بعصبيه \أنتي أنهبلتي أبوي رافض شوفتك وطردني لأجلك ورغم كذه بتحاولي معه وش أنتي ناويه عليه
ساره\الي كانت واقفه راحت ناحي درج الكومدينه وطلعت المصحف وحطت يدها \يشهد الله علي أني مظلومه وأنو ماعمرو شاف ولا أنكشفت على أحد غير فهد وقعدت تبكي وربي مظلومه حرام عليك وربي مظلومه بعدين تبغى ترد لأبوي رد له وأنا لي رب كريم مابيخليني
قام ناصر وحضن أخته الي تبكي وصوت شهقاتها ملى الغرفه\صادقه وأنا مصدقك وأنا لو مني قد قراري بأني أخذك ما أخذتك أعذريني يلغلا والله مضغوط وأعصابي واصله حدها معليه سامحيني وترى لو كل الدنيا تخلت عنك نا مابتخلى عنك يلا قومي البسي نروح عند جدتي وبنتغدا عندها اليوم
ساره بخوف \بس قولتك عرفو بلي صار
ناصر\الي درى درى طول ما أنتي معي لاتخافي وصدقيني جدتي تعزك ومابتصدق أي كلمه عنك
ساره\طيب بقوم البس دقايق وأنا عندك بس متى موعد الطياره
ناصر\بكره الفجر وترى محد يدري بسفرنا أوكي ومابغا أحد يدري
ساره\طيب
وقامت ولبست تنورة سودا طويله وعليها بلوزه موف غامق ورفعت شعرها ذيل الحصان وطلعت وطبعا ماحطت مكياج
بعدها بنص ساعه ببيت الجده
ساره وهي بحض جدتها تبكي \والله مظلومه ياجدتي ياشهد الله أني مظلومه
الجده وهي تمسح على شعرها \أدري يابنتي أنتي ترابية يدي أشك بلكل وفيكي لأ قومي غسلي وجهك وجلسي
أما أماني الي دخلت المجلس ولقت ساره\أنتي وش جايبك هنا مو كافي دنستي بيت أخوي جايه تكملي هنا
طراااااااخ <~ الكف الي عطاه أياه ناصر
ناصر\أي كلمه زياده بتوطنى بطنك سامعه أختي أشرف من الشرف
أما أماني ماسكه مكان الكف وساره \لااا ياناصر ليه سويت كذه
ناصر\أنا قولت لكي بقطع أي لسان يجيب طاريكي وهذه أول لسان
الجده \شوفي يا أماني ترى ساره بنتي وأنا مربيتها ومتأكده من أخلاقها وأنتي ياساره تروحي مع ناصر تلمي عفشك وتيجي هنا بيت جدتك مفتوح لكي
أماني\وحتى ياجدتي ولو بريئه تيجي تشوف حال فهد من ردي لأردى لا عاد ياكل ولا يشرب ولا يتكلم ولايسولف معنا كأنه عمره فوق الأربعين أنتي السبب ياساره بكل البلا الي أحنا فيه أنتي السبب
وطلعت فوق أما الجده طلبت من ساره تقوم تغسل وجهها لأجل محد يشوفها بهل شكل وطلبت تيجي تجلس عندها بس ناصر رفض وقال أنو بتجلس معه كم يوم بعدين بيجيبها عند جدته
في مكان ثاني قامت من النوم والصداع ذابحها لقت جمبها نسختها ماسكه يدها ونايمه على الكرسي
مرح\فرح فرررح
فرح\هااا فيكي شي
مرح\لا بس زعلت عليكي وأنتي نايمه هنا قلت أجيبك تنامي جمبي
فرح\لاتخافي علي أنا مرتاحه
مرح وبدأت الدموع تتجمع بعينها \تكفين تعالي نامي جمبي أبغا أشبع منك قبل لأموت
فرح\مرح أنتي وش تقولين أنتي مابتموتي أنتي بتعيشي وبنعجز سوا وبنقعد بهبالنا حتى وحنا عجايز
مرح\لاتحاول تكذبي علي أنا خلاص بموت بس تكفين لو مت وجبتي بنت سميها مرح أوكي
فرح وهي بدأت تبكي \قولت لكي مابتموتي سامعه وهل كلام ما أبغا أسمعه قفلي على الموضوع
في مكان ثاني حياته صارت جدا رسميه لاعاد تشوف ضحكته وجسمه ينحل وذقن بدأت تطول ومهمل نفسه على الأخر
منصور\فهد تاخذ عني مناوبة اليله عندي مشوار
فهد\هااا أه طيب أوكي باخذها
منصور\يا أخي تكفى روح الحلاق أحلق وترى حالتك مو عاجبتني
فهد\لو سمحت منصور مالك شغل ومناوبتك اليله باخذها بغيت شي ثاني
منصور\والله من زعلي عليك يا أخي وأنا الحين طالع بس فكر بكلامي
عند الجده
نايف \السلام عليكم
الكل \وعليكم السلام
نايف\كيفك يمه
الأم \الحمد الله بخير
نايف \أماني نادي جودي ونزلي طلال بشوفه
ساره\كيفك عمي
نايف يناظرها من تحت لفوق \ولك وجه بعد تسألي وأنا مو عمك
ساره\والله ياعمي مظلوو
نايف\هوووس هل كلام تقوليه لغيري أبوك علمنا بلسالفه وترى هل بيت عفاك ومايبغاك
الجده بعصبيه \نااااااايف
نايف \يمه والله لولو حشيمتك لوربي بلعقال على جسمها
ناصر\خلاص يانايف دام هل بيت مايبغانا وأحنا بعد مانبغاه يلا ياساره قومي
ساره وهي تبكي وبشهقتها \وربي مظلومه
نايف\أشوفك صرت تقول نايف
ناصر\أذا أنت ماحشمت أختي فامابحشمك ويلا ياساره وأنا مصدقك وهذه كافي
ساره \أنا طالعه ياعمي بس بيجي يوم وتكتشوفو أني مظلومه وقامت وسلمت على جدتها وحضنتها من قلب أما الجده بكت على فراق ساره بس مابليد حيله
نايف\يمه الحين ليه البكى
الجده\كسرتم بخاطرها وخاطري وهي مظلومه
نايف\وأنتي يايمه مصدقتها وش حال أبوها جا وورانا كل شي وتبرى منها قدامنا
الجده\يمه ساره أنا مربيتها وأنا أكثر وحده أعرفها ساره ماتسويها
نايف\تكفين ياغاليه لاتبكين دموعك تذبحني
الجده \بعد وشو بعد ماطلعتوها مكسورة الخاطر
في السياره
ناصر\خلاص يلغاليه سمعي الحين بنروح مطعم نتغدا وبعدها بنروح بيتنا لأجل تودعي أمي
ساره وهي تبكي \بس أبوي وعمي
ناصر\أبوي ماراح يكون فيه راح يكون بلجامع وبعدها مع أصحابه تكفين وقفي بكى والله لأبكيهم دموعك هذي وقولي ناصر قال
في المطعم
ناصر \يلا ياساره كلي الأكل ولا ترى بغير رأي ومابنروح لأمي وبروح لحالي
ساره بخوف\لاكاني أكل والله أكل بس نروح نشوف الغاليه
في مكان ثاني
أم فيصل\وش منزلك يابنتي تبغي فيصل يسوي لنا شر
منار\والله طفشت ياعمتي من رقدة السرير قلت أنزل أساعدك بلغدا
أم فيصل\أنا خلصت ياقلبي طلعي غرفتك الحين فيصل يجي يسوي لنا مشاكل
منار\تكفين عمتي خليني أساعدك وربي طفشت وفيصل قدامه ساعه
أم فيصل\خلاص أجل سوي السلطه وأنتي جالسه الحين أكلم الشغاله تغسل لكي الأغراض وتجيبها لكي وأنتي قطعيها وأنتي جالسه
منار\أيه تكفين خالتي
أم فيصل \كيف فهد يابنتي وش رأيك نكلمه يجي يتغدا معنا
منار\ياليت ياعمتي بس مو راضي وحاله من ردي لأردى
أم فيصل\والله ماهقيتها من ساره
منار\ولا أنا بعد
فيصل بعصيبه \منار أنتي وش منزلك هنا هذي وسيطتي يايمه
أم فيصل\والله ياوليدي مارضيت تطلع ولا أنا قولت لها أطلعي بس مارضيت
فيصل\منار ليه نازله
منار\فيصل والله طفشت من الجلسه بروحي
فيصل \طيب يلا قدامي لفوق
منار\طيب دقيقه بس أخلص السلطه
أم فيصل \لا أنتي يابنتي قومي مع رجلك يمكن يبغاكي وأنا بخلي هند تكمل السلطه لأنو هنادي ولميس عند مرح
منار\أيه والله ذكرتيني الله يشفيها ياعمه والله أنحرق قلبي عليها
فيصل\أقول بلا كثرة كلام ويلا على فوق
منار\وليه هو الكلام بعد يتعب البيبي
فيصل\كل شي يتعب هل قمر يلا فوووووق
منار\أوكي هذاني طالعه
وطلعت هي وفيصل
فيصل\تعالي هي وين رايحه
منار\طالعه فووق
فيصل \وبتطلعي على رجلك ماحزرتي وبحركه خفيفه شال منار
منار\فيصل تكفى نزلني لأحد يشوفنا تكفى
فيصل \مافي لأجل تعرفي كل مابتنزلي مابتطلعي الا وأنا شايلك وتحسبي ميه مره قبل لتنزلي
هند \أحم أحم نحن هنا
هنا منار وجهها الوان
فيصل\خير أنتي الثانيه
هند\لاسلامتك بس لكم غرفه حشمونا تراني بنت لسه مادخلت دنيا
أما منار ذاد حرجها من كلام هند وحتى ماقدرت ترفع راسها
في مكان ثاني
ناصر\يلا ساره نزلي
ساره\أنت تأكدت أنو أبوي مو موجود
ناصر\أيه وحتى الحارس قالي أنو طلع وسيارته مو فيه
ونزلو ودقو جرس الباب وفتحت أم ناصر
أم ناصر وهي تبكي \هلا يمه هلا
ناصر \وهو يسلم ويبوس راس أمه \هلا فيك يلغاليه
أم ناصر\كذه أهون عليك وتخليني وتروح
ناصر\والله الوالد ماعطاني فرصه يالغاليه
أم ناصر\أدخل ياوليدي ولابتم واقف على الباب
ناصر\يمه معي ساره
أم ناصر\ياويل حالي عليها خلي بالك منها يمه
ناصر\هي بعيوني يمه بس بتدخل ولافيها مشكله
أم ناصر\لايمه دخلها
ساره وهي تبكي وتركض لحضن أمها \وربي الكعبه مظلومه وأني بريئه وطاهره
أم ناصر\داريه يمه بس حسبي الله بلي كان السبب دخلو يايمه
ناصر \يمه أبوي فينه
أم ناصر \طلع الجامع وبعدها قال بيروح مشوار وبيرد
ساره\يمه أنتي مصدقتني صح
أم ناصر\أيه يايمه بس صورك كيف وصلت وبعدين مقطع الفديو
ناصر\هذي يمه أنا بعرف كيف صارت
ساره\والله مدري كيف وصلت
ناصر\يمه أبغا الصور وشريط الفديو
أم ناصر\حاضر يمه
ساره \يمه نادي الجوري أشوفها وحشتني
أم ناصر\الجوري عند مرح بلمستشفى
ساره بخوف \ليه وش فيه
وقالت أم ناصر لساره وناصر كل شي
ساره\الله يشيفيها يمه
ناصر\الله يشفيها يمه
أم ناصر \ناصر يمه محتاج فلوس
ناصر\لايمه الخير واجد
أم ناصر \طيب أنا بروح أجيب لكم الصور والفديو وراده
وطلعت أم ناصر
أبو ناصر بعصبيه \أنت وش جايبك هنا أنتي وهل كلب
ناصر \يبه تكفى كافي
ساره وهي تبكي ومتخبيه ورى ناصر \يبه أنا مظلومه أنا ساره بنتك
أبو ناصر \أنا ماعندي بنات غير جوري يلا طلعووو بره برررره
أم ناصر وهي نازله على الدرج بسرعه \يا أبو ناصر صلي على النبي
أبو ناصر\أنا سبق وقلت لكي لو تدخلتي بتطلقي مثل بنتك سكتي وأنتم يلا بره وأنا الحين طالع فوق مابغا أنزل أشوفكم
أم ناصر\الله يهديك يا أبو ناصر
ناصر\يمه هاتي الي طلبته
أم ناصر \خذ ياوليدي ساره هذه لكي يابنيتي وعطتها كيس
ناصر \يلا يمه عن أذنك
أم ناصر\خليك يايمه
ناصر\ماسمعتي أبوي وش قال يلا ياساره مابغا أهدم بيتكم يايمه
الأم وهي تبكي \خذ بالك على ساره ياوليدي هذه أمانه برقبتك
ناصر\لاتوصي حريص يمه
ساره وهي مازالت تبكي وتشهق حضنت أمها وباست راسها ويدها ورجعت حضنتها \سامحيني يلغاليه وأرضي عني وصدقيني أنا بنتك تربيتك مو غيرها ولاعمري بتغير
أم ناصر وهي تبكي على حال بنتها \الله يرضي عليك يايمه ويحميك وهذه الكيس لكي لاتنسيه وأنتبهي عليه زين
وطلعت في مكان ثاني بلمستشفى
الدكتور \خلا ياأبو خالد بكره العمليه أنشاء الله
أبو خالد \والبنت فيه خطر عليها
الدكتور \لأ أنشاء الله مافيه أي خطر بس نبغاك تيجي توقع شوية أوراق قبل العمليه
أبو خالد \أنشاء الله
هنادي\خرعتينا عليك يابنت أجر وعافيه ياعسل
مرح\الله يعافيكي
فرح \أقول ترى خالد مطول برجعه راح مع أبوي للي يدوره بعيونهم
هنادي\يابنت ثقلي وأهجدي مو هذه الي مو كنت طايقته
لميس\مالت عليكم لاتحسدونا بس
فرح\جوري أنا حاسه فيكي بس خلاص الي صار صار ومحد يقدر يغير شي
الجوري والحزن على وجهها \لاحول ولاقوة الا بالله
لميس\ترى جوري محد فينا مصدق الي قالوه عن ساره
الجوري\أنتم ماتعرفو ساره كثر ما أنا أعرفها أنا متأكده من برائتها
لميس\والله نعرفها بس صلي على النبي وأدعي ربك لها أنو يظهر حقيقتها
مرح\ترى أنا الي مريضه المفروض تونسوني
الجوري\ياشين الغيره
فرح \هههههههههههههههههه من وشو نغار يالدبه
الجوري\مادبه غيرك
هنادي\هي أنتي وياها أهجدو ترانا بمستشفى
مرح\أقول لميسوه كأن خلوودي بره روحي سلمي عليه
لميس\لااا وش بيقول عيب
فرح\نعن أبو دارك وش عيب تراه زوجك روحي له
لميس\ أوكي بروح له بس لاتحشون فيني أعرفكم ماتصدقو أحد يعطيكم ظهره
وطلعت لميس لخالد
خالد\أخير القمر حن علينا
لميس \..........
خالد\ماوحشتك
لميس\وين عمي عنك
خالد\لا والله أنا قدامك وتقولي لي عمي أبوي راح يوقع شوية أوراق
لميس \وأنت ليه مو معه
خالد\وش بيوديني معه أقول وش رأيك ننزل نجلس تحت شوي تراني طفشت وأبغا أنزل تحت شوي
لميس \أوكي
تحت بلكفتيريا خالد يطلع باكيت الدخان وياخذ سيجاره
لميس \خالد أنت تدخن
خالد \أيه وش شايفه يعني
لميس \متى أنت بعمرك ماطيقته
خالد\هذه كله بسبب الي سويتيه فيني
لميس \وش قصدك
خالد \هذه ياستي يوم رفضتيني لجئت للدخان ومن يومتها أدخن
لميس \بس ياخالد تكفى لو لي خاطر عندك توقفه
خالد \صدقيني حاولت
لميس \لأجل خاطري لازم توقفه لو تحبني وتعزني توقف الدخان
خالد \هذه بيدك وأنشاء الله بوقفه
لميس \خالد بسألك عندك أخبار عن ناصر وساره
خالد بنرفزه \تكفين لميس لو تعزيني تنسين ساره
لميس \والله أنتم ظالمينها
خالد\طيب ممكن تقفلي على الموضوع ترى جايبك نسولف عنك من عن ساره
مرح بتنجا من العمليه ولا بيصير معها مضاعفات
محمد ومنصور وش ناوي عليه
فهد وساره وأخرة قصتهم
هذه الي قدرت أكتبه اليوم والبارت الجاي الأحد فديتكم أنتظروني