[pretty dede]

البارت الرابع عشر

بعد يومان من خطبه ادم وكاميليا..تجهز الجميع للذهاب للقريه السياحيه..

رفض والدي فريده ان تسافر بسيارتها خوفا عليها..وايضا كان ادم وكاميليا
قد انطلقا للقريه منذ ساعات ولم يبقي لديها اي خيار غير سفرها
مع اسر في السيارة ..رغم رفضها في البدايه ولكنها وافقت حتي

لا يشك والديها في امرها هي و اسر حيث انها لم تخبرهم بما حدث حتي الان..
انطلق الاثنان وكل منهما له شعور مختلف عن الاخر ففريده تشعر
بالضيق الشديد من تواجدها مع اسر ..واسر يشعر بسعاده بالغه لانها برفقته..

في السيارة..

زفرت فريده بضيق: أووووف..يا مهون ..صبرنا يا رب ع السفريه السوده ديه..
ماتشد شويه..ايه البطئ اللي انت فيه ده..

ابتسم اسر بانشكاح وقال بهدوء: ابدا...بس انتي عارفة اخاف نعمل حادثه ولا حاجة..

لتضحك فريده بهزء متهكمة: ومن امته العقل ده..مانتا بتسوق بجنان...بقولك ايه..
احنا كده مش هنوصل غير ع المغرب..وانا عايزة اخلص..

لتتسع ابتسامة اسر قائلا بلامبالاة: وماله..ان شالله نوصل ع الفجر..احنا ورانا حاجة...
وبعدين مسمعتيش..ان في التأني السلامه وفي العجله الندامه..
وانا بحب اتأني..في كل حاجة..

لتشيح فريده بنظراتها وتقول بسخريه مريرة: انت هتقولي..فعلا انت مبتتسرعش ابدا..دايما بتتفحص
و تدقق في كل حاجة...علي يدي..

اسر بندم وقد فهم ما ترمي اليه:يا فريده قلتلك اني مكنتش في وعيي..
وبعدين كنتي عايزاني اعمل ايه...تصرفاتك ..وكلامك مع ده وده..
وتصميمك علي رفضك ليا..جنني..انا اسف..سامحيني بقي..

التفتت فريده اليه قائلة بحدة :بالسهوله ديه..بعد اللي عملته فكرك ان كلمه اسف كفيله اني انسي
و اسامحك..تفتكر لو مكنش ادم وصل في الوقت المناسب كنت عملت فيا ايه..

بدات فريده بالبكاء واكملت بنبرة مقهورة متحشرجة..انت عارف انا حسيت بايه انت دبحتني يا اسر..
خليتني اكره حبي ليك..خليتني اندم اني حبيتك..دلوقتي مجرد وجودك جمبي

بيخوفني..انت الانسان الوحيد اللي المفروض احس بالامان معاه
بقيت بخاف تقرب مني..كل ما بشوفك بفتكر اللي حصل..

اسر وقد اوقف السيارة ونظر إليها بحزن مردفا بنبرة خافته: انا عارف يا فريده اللي عملته كان غباء مني..
كنت فاكر ان بكده بنتقم منك..بس اكتشفت اني بنتقم من نفسي..

ضيعتك من بين ايديا..انا اسف..قام اسر بالاقتراب من فريده
ولكنها ابتعدت والتصقت بباب السيارة تنظر له بأعين متأهبة بخوف منكمشة علي نفسها.. ليبتعد آسر مكملا بأسي شديد.. يااااه للدرجادي

بقيتي بتخافي مني.. ماشي يا فريده انا مش هقربلك..
بس اوعدك اني هعمل المستحيل علشان تسامحيني..

لترفع فريده رأسها قائلة بجفاء:ياريت متوعدنيش بحاجة انت مش هتقدر تعملها..انت انسان
عصبي متهور عنيد..اول ما مش بتلاقي حاجة علي كيفك بتقلب..وانا مش هتحمل ده..

اسر وقد بدأ بالتحرك بالسيارة وهو يومئ برأسه بإصرار وجدية: هحاول...هحاول علشانك انتي..

انطلق الاثنان في طريقهم..وبعد مده وصلا الي القريه ..ووجدوا هناك كاميليا و ادم..
حجز ادم لفريده وكاميليا غرفه مزدوجه..وله واسر ايضا ..وكانت الغرف متجاورة...

هتف ادم مرحبا:حمدلله ع السلامه...ايه التاخير ده كله..

لتتأفف فريده بضيق وهي تزم شفتيها بحنق:اصل البشمهندس كان خايف ع العربيه لتتخدش ..

ليضحك ادم ممازحا:اصل اسر بيخاف علي عربيته ديه وبيحبها أوي...

ليبتسم اسر بسخريه مضيفا:معلش اصلها لسه جديدة وعليها اقساط..

لتضحك فريده بسخريه دون مرح متهكمة:كويس انك قولتلنا علشان نبقي نلملك فلوس ..اصلك صعبت عليا...

ليبتسم اسر ابتسامة واسعة ويقول بتوسل:عبال ما اصعب عليكي ..وتحني وتسامحيني..

اسرعت كاميليا متسائلة بفضول:تسامحك علي ايه يا اسر...

لتلتفت اليها فريدههاتفة بإرتياع: مش علي حاجة يا كاميليا.....
يلا انا تعبانه وعايزة اريح فين المفتاح يا ادم..

ادم:اهو يا فريده انتي وكاميليا مع بعض واحنا في الاوضه
اللي جمبكم ..علشان لو احتاجتم حاجة...

فريده:اوك..انا طالعة..جايه يا كامي..
كاميليا:لا ..انا هستني مع ادم..

لتلوي فريده شفتيها للجانب ساخرة: ياحنينه...طيب سلام
اسر:وانا كمان هطلع اريح شويه..اشوفك بالليل..

في ذلك الوقت وصل طارق الي الفندق وحجز غرفه له ايضا ..
في المساء تجمع الجميع لتناول الطعام في المطعم

فريده :يلا اطلبوا الاكل بسرعة..انا هموت من الجوع..

ادم:ليه هوا انتو ماكلتوش في الطريق..ده حتي فيه حته
كافيتيريا ع الطريق اكلها تحفه...اكلنا هناك انا وكاميليا..

فريده:لا..ماكلتش حاجة من الصبح..

جذ اسر علي اسنانه بغيظ:مانا سالتك ان كنتي جعانه ..وانتي قولتي لا...
..مرضتيش تخلينا ننزل ناكل..

لتنظر له فريده بلامبالاه:مكنتش جعانه..ودلوقتي جعت عندك مشكله يعني..

كاميليا :اهو الاكل وصل يلا علشان ناكل بقي..

اثناء تناول الطعام ..
هتف طارق مرحبا: ايه ده الحبايب كلهم متجمعين هنا..
طب مش كنتوا تقولوا انكم هتكونوا هنا...

ليزم ادم شفتيه بضيق:اهلا يا طارق..خير عايز حاجة..

نظر طارق الي فريدة وقال بسماجة:كل خير..احنا مش شركاء في المشروع... ولا ايه يا مدام فريده..

تجاهلت فريده طارق واكملت طعامها..و في نفسها بغل: ابو شكلك ع المسا ...
انا اصلا مش طيقاك..لو مكنتش جيت يوميها..مكنتش الجوازة تمت..

اسرع اسر قائلا بعصبية حادة :ملكش دعوة بفريده كلمني انا..الاتفاق هيكون بكرة..
فغور بقي من هنا..مش ناقصة قلبه دم ع المسا..

ابتسم طارق ببرود:ليه كده يا اسورة..ده احنا المشوار معانا طويل..
فلازم يكون خلقك واسع وصدرك رحب..علشان نعرف نشتغل..

لتشتعل عينا اسر متوعدا: بقولك ايه ..غور من هنا..بدل ما اعصابي تفلت واكومك مكانك..

ادم:امشي من هنا يا طارق ..وخلي الليله تعدي علي خير..

طارق:وماله..الايام جايه كتير..ونتقابل بكرة..سلام

ادم:انسان بارد..داهيه لا ترجعك..

كاميليا:معلش يا حبيبي متعصبش نفسك..

ادم بسهتنه:وانا اقدر اتعصب وانتي معايا..كفايه البصه
في وشك..تنسي الواحد كل الهموم..

كاميليا بحب:ربنا يخليك ليا..

اسر بغيظ:انت ياعم..راعي شعور اهلي..ارحمني شويه..
نازل حب ورومانسيه ..كفايه بقي

ادم:وانت مالك بيا ماعندك مراتك روح حب فيها وسيبني شويه..

اسر بمكر:بس هيا ترضي وانا مش هتاخر..

لتقول فريده بضيق وحنق وهي تنظر أمامها متجاهلة اياه:بقولكم ايه..يلا كل واحد علي اوضته ..
عندنا اجتماع الصبح بدري..وعايزين نكون فايقين..

قرنت كاميليا حاجبيها وقالت متبرمة:بس لسه بدري..وبعدين انا عايزة اقعد مع ادم..

لتعنفها فريده:ايه..انتي مش مكفيكي اليوم كله معاه..يلا ..
احنا جايين نشتغل ولا جايين نحب..

ادم:وماله ..ساعة لشغلك..وساعتين لقلبك..مش كده يا قلبي..
كاميليا:كده يا حبيبي..

نهض اسر بغيظ وامسك بياقة آدم الخلفية يجره قائلا بنفاذ صبر:لا بقي..ده كتير..قوم ياض قدامي..
ذهب الجميع الي غرفهم..

>>>>>>>>>>>>>>>>>>>>>>>>>
عند طارق رن هاتفه...

طارق :ايه النمرة الغربيه ديه..شكلها مكالمه من برا..

طارق:مرحبا..نعم انه انا..
الشخص:..........

طارق:نعم..انا اعمل معهم في ذلك المشروع..
الشخص:...............

طارق بتوتر:ولكن سيدي...ليس لهذه الدرجة..
الشخص:.........

طارق:حسنا...اعطني مهله للتفكير..نعم اعلم مع من
اتعامل سيدي..انه غني عن التعريف..
الشخص:..................

طارق بقلق:حسنا ..انتظر مني مكالمه..لا لن اتاخر في الرد..وداعا

طارق لنفسه بخوف:ربنا يستر..الناس ديه مبتهزرش..انا عارفهم
من زمان..بس اللي بيطلبوه مني ده كتير..بس لو مردتش عليهم
دول ينسفوني.. لما اشوف انا هعمل ايه في المصيبه ديه...

>>>>>>>>>>>>>>>>>>>>>>>>>>>

وفي الصباح توجه الجميع الي الاجتماع..واتفقوا علي البرنامج الخاص بالمشروع..
ادم:كده يبقي خلصنا..هنسافر بعد بكرة ..ونرجع ع الشغل علي طول..

اسر بضيق:ايوة.. كله تمام بس الاول لازم اخلص من الزفت طارق ده الاول..

ادم بقلق:ازاي يا اسر..انت ناوي علي ايه بالظبط...

اسر بتفكير:لسه لما اشوف هعمل ايه...امال فريده راحت فين..

كاميليا:معرفش..كانت هنا من شويه..
اسر بغضب:امال راحت فين من غير ماتقول..انا هشوفها..

ذهب اسر ليري فريده التي كانت تمشي علي الشاطئ
ووجدت طفل اجنبي صغير يبكي..اقتربت منه..

فريده:ماله ده بيعيط ليه..شكله تايه ولا حاجة..وبدات في الحديث مع الطفل..

فريده بابتسامه:مرحبا صغيري لما تبكي..هل انت ضائع..

الطفل ببكاء:نعم..لقد كنت العب ..وابتعدت عن عائلتي...
ولا اعرف طريق العودة..

هدأته فريده:حسنا ..لا تبكي..هل يمكنك ان تخبرني باسمك..
الطفل:هنري.. ادعي هنري..وما اسمك انتي...

فريده بابتسامه:فريده..ادعي فريده..
هنري:ماذا..لا اعلم كيف انطقها..

فريده :حسنا..تستطيع ان تدعوني..ديده..
هنري:سادعوكي ..ديدي..هلا ساعدتني علي العوده الي عائلتي..

فريده:حسنا..لنبحث عنهم..من اي طريق اتيت انت..
هنري:من هذا الاتجاه..

فريده:حسنا ..لنذهب..

ذهبت فريده مع الطفل في الطريق الذي اشار اليه
وهناك وجدت..شخص ما يقبل عليها..

الشخص بلهفه:هنري ..حمدا لله انك بخير..
لقد خفت عليك كثيرا..اين كنت..

هنري:اسف عمي جوش.. لقد اضعت الطريق..وقد ساعدتني ديدي..

الشخص:شكرا لكي انستي..لا اعلم ماذا افعل لكي
ارد لكي جميلك..فوالدته كانت خائفه عليه جدا..

فريده بابتسامه:لا عليك سيدي..لم يحدث شئ..المهم انه بخير..
الشخص وهو يصافحها:شكرا لكي..انسه ديدي..انا ادعي جوش..

فريده:مرحبا بك..ولا داعي للشكر..علي الرحيل الان ..
جوش بابتسامه:اتمني ان اراكي مرة اخري انستي..

فريده:ربما...وداعا..
جوش:انها حقا جميله..

رأها اسر من بعيد وهي تتحدث مع جوش واسرع اليها غاضبا..

اسر بغضب:ممكن اعرف كنتي بتكلمي مين..
اسرعت فريده الخطي وقالت بضيق:لا..مش ممكن ووسع بقي..

اسر بغضب:يعني ايه..مين الزفت اللي كنتي بتتكلمي معاه..انطقي..

لتنظر له فريده بسخريه قائلة بنبرة ذات مغزي:فعلا يا اسر بتحاول تتحكم في عصبيتك..
علي العموم علشان اخلص منك...ده واحد ابن اخوه كان تايه
وانا لقيته..وكان بيشكرني علشان ساعدته..ارتحت ..عن اذنك..

ليقرن اسر حاجبيه بضيق:مانتي اللي مشيتي من غير ماتقولي رايحة فين..
قالت فريده بنفاذ صبر: بقولك ايه فضناها سيرة..انا راجعة الفندق..

في الفندق اتفق ادم مع اسر ان يقوموا باستجار يخت لهم
وذلك للترفيه قليلا..رفضت فريده ولكن مع الحاح كاميليا
وافقت علي مضض..وعند الشاطئ

فريده:امال فين ادم يا كامي..
كاميليا:اهو جاي هناك..

ادم:معلش اتاخرت عليكم..
فريده:طيب مش هنمشي بقي..

ادم:لما اسر يجي..هنطلع علي طول...

فريده وقد صعدت علي متن اليخت:طيب
انا هستني جوا لغايه ما تخلصوا..

ادم:ماشي واحنا واقفين اهو لغايه ما اسر يجي..ولكاميليا..
حبيبتي هنقضي اليوم كله في البحر..هفسحك فسحة روعه..

كاميليا وقد رأت بائع بالونات:ادم عايزة بالونه..

ادم:بس كده من عنيا..اجبلهملك كلهم لو عايزة..
واتجهوا اليه..عايزة انهي واحده...

كاميليا:الحمرا اللي علي شكل قلب..

اشتري ادم البالونه لكاميليا والتفت ليجد اليخت قد تحرك وابتعد عن الشاطئ..
ادم:ايييييه ده...مين اللي حرك اليخت..

>>>>>>>>>>>>>>>>>>>>>>>>>>>>>

في اليخت كانت فريده تولي وجهها الي الماء ولم تنتبه الي
من يحرك اليخت..في الماء وتوقف بعد مده...

هتفت فريده بتأفف:اخيرا وصلتوا..انا مش عارفة كان لزمتها ايه ...
..وبعدين احنا وقفنا هنا ليه..

ليقول اسر بنبرة ناعمة: ..بحر جميل..يهدي الاعصاب..وهوا نضيف يا قلبي..
التفتت فريده بفزع وهتفت بهلع واعين متسعة:انت...امال فين ادم وكاميليا..

ليقول اسر بجدية:سبتهم علي الشط..فريده..احنا لازم نتكلم ونحط حد للي بيحصل..
هدرت فريده بحده:احنا اتكلمنا بما فيه الكفايه يا اسر..اتفضل رجعني حالا..

ولكن اسر قال باصرار وهو يقترب منها بروية:ماهو انا مش هتحرك من هنا غير لما نتكلم
وتسامحيني..فريده انا خلاص مش قادر..ارحميني شويه..

لتصرخ فريده بعصبيه:قولتلك اتحرك ورجعنا..
ليهز اسر رأسه نفيا قائلا بنفاذ صبر:قلت لا..انتي ليه جنانك وعندك كده..

نظرت اليه فريدة بغل وقالت محذرة:انا عنيده ..طب لو مرجعتنيش دلوقتي يا اسر..
..هتشوف الجنان علي اصله..

ليقول اسر بإستخفاف:يعني هتعملي ايه..انتي محبوسه معايا هنا في المياه..
ومش هرجعك غير واحنا متصالحين..ولو فضلنا سنه..

فريده :وانا بقي مش هستني معاك دقيقة واحده وهرجع لوحدي..
اسر بسخريه:وازاي بقي..ان شاء الله..

وقفت فريده علي حافة القارب ونظرت للمياة لحظة ثم عادت تقول بعناد:كده يا اسر ..عوم...
قفزت فريده بملابسها الي الماء واتجهت ناحيه الشاطئ
رغم ان المسافه كانت بعيده الي حد ما..

صرخ اسر بفزع وهو يركض متشبثا بالحافة ينظر اليها :استني يا مجنونه..هترجعي ازاي المسافه ديه كلها....
.اطلعي وانا هرجع بيكي خلاص...هتموتي..

فريده وهي في الماء هاتفة بلامبالاة:انا عندي اغرق ..ومقعدش معاك..حل عني بقي..

تؤلمها كل مرة .. وتسامحك مرة بعد مرة..
لكن حين يصحو كيدها..
ستعيد لك الضربة ألف مرة..

في الماء وجدت فريده احد الاشخاص يركب دراجة مائيه
ومد لها يد المساعدة واعادها الي الشاطئ..

هتفت كاميليا بدهشه:اييييييه ده يا فريده ...مين اللي عمل فيكي كده...
ليتسائل آدم بقلق:امال فين اليخت يا فريده..احنا رجعنا ملقيناهوش ..مين حركه..

كانت فريده تنفض الماء عنها وقالت بوجه مقتضب بضيق:اسر هوا اللي اخده..
ادم:طب وهو فين..وانتي عامله كده ليه..

لتهدر فريده بعصبيه ونفاذ صبر:لما يرجع اخوك ابقي اساله..انا ماشيه راجعة الفندق..

عاد اسر مكفهر الوجه..
ادم:ايه اللي حصل ...وفريده رجعت ازاي..انت اخدت اليخت ليه ومن غيرنا..

اسر بضيق:هيا رجعت..راحت فين
كاميليا بقلق:ايوة..رجعت الفندق...بس ايه اللي حصل..

اسر:حبيت اصالحها..بس هيا مرضيتش تسمعني...
ونطت في المياه ورجعت..

ادم:ههههههه...مجنونه..
كاميليا:طيب انا هروح اشوفها..

ذهبت كاميليا الي فريده التي ابدلت ملابسها وخلدت الي النوم
ولم ترد التحدث مع احد تركتها كاميليا وذهبت..
>>>>>>>>>>>>>>>>>>>>>>>>>>>>

في المساء في احد الملاهي الليليه كان طارق هناك يفكر
فيما طلب منه حتي اتت فتاه ليل ...

الفتاه:هاااي...الحلو قاعد لوحده ليه
طارق:اهلا...

الفتاه بدلال:مالك يا قلبي شكلك مضايق..
طارق:عادي..مشاكل شغل...

الفتاه:طب واللي تنسيك المشاكل ديه كلها..
طارق وهو يتفحصها:اديله عنيا..

الفتاه بضحكة رقيعة:ههههههه..تعجبني..تعال� � معايا..
وانا هخليك تنسي حتي اسمك..
طارق:وماله..اجي.. مجيش ليه..

>>>>>>>>>>>>>>>>>>>>>>>>

في اليوم التالي كان هناك حفله نهاريه قبل رحيلهم
كانت فريده تجلس بمفردها عندما اتي اليها..

جوش:انا حقا سعيد لرؤيتك مره اخري..يالها من مصادفة جميله..
فريده:جوش..مرحبا..ماذا تفعل هنا..

جوش:انها حفله للجميع..وانا مقيم في هذا الفندق..
انا سعيد للقائك مرة اخري..

فريده:وانا كذلك..كيف حال هنري الصغير..

جوش:انه بخير..حسنا ديدي..هل يمكنني
ان ادعوك الي احتساء مشروب معي..

فريده:ولكن..ما المناسبه؟..
جوش:حسنا يمكنك ان تعتبريها..شكرا لمساعدتك هنري..ما رأيك..

اسر من خلفهم بغضب:عذرا ..لن تستطيع..
جوش:ولكن لماذا..من انت..

اسر بغضب مكتوم:انا زوجها..والان فلتذهب بعيدا..

جوش:انا اسف..لم اكن اعلم انها متزوجه..
اسف مرة اخري..وشكرا لكي ديدي..

فريده بحرج:عفوا جوش...والي اللقاء..

اسر بغيظ:اتفضلي اطلعي علي الاوضه
وحضري شنطتك هنمشي الوقتي..

تركته فريده ولم ترد وصعدت الي الغرفة واستعدوا للرحيل..
>>>>>>>>>>>>>>>>>>>>>>>>>>>>>>>

جوش في الهاتف:نعم سيدي..حاولت كثيرا
الشخص:...........

جوش:لا لم استطع..فذلك المدعي اسر لا يفارقها لحظه واحده..
الشخص:..........

جوش:انهم يستعدون للرحيل الان..
الشخص:........
جوش:امرك سيدي...ساعود فورا..

>>>>>>>>>>>>>>>>>>>>>>>>>>>