[اسطورة !]

غرام: كان يحببني لشغلوا بدون ما احس و يعلمني ع شغلات عشان اتحمس و بديت احب اتعلم
ثامر حب يغير الموضوع: ايش رايكم نطلع برا الجو شكلوا حلو من الأشجار
الكل بدا يقوم و يطلع
ياسر: يلاب اخد زوجتي و نمشي شويه
معاذ: الله لنا
روان: ولد استح ع وجهك دوبو طالع من البيضة و يقول الله لنا
الكل: هههههههههههههههههههههههه
كانوا يمشون كلهم مع بعض بس بشكل منفصل يعني كل اثنين او اربعه مع بعض و كان الضحك و الفرح مالي الكل
غرام كانت شوي تمشي مع غلا و فاطمة و روان و شوي مع معاذ
معاذ: والله ما صدقت خبر اول ما عرفت انك رجعتي حتى ديم كان ودها تجي والله بس تعرفي المريض
غرام: لالا عادي والله أصلا حامل و تعب عليها
معاذ: ايه والله مرره تعبانه و وحامها غير عن الناس !!
غرام: ليش الأخ حاضر وحام احد ؟! اللي اعرفه انك اخر العنقود
معاذ: ايوه بس مره كنت عند خالتي و كانت تتوحم ع ليمون
غرام: و ديم ؟
معاذ: بفلم كرتون ! بملاهي ! بديكور جديد !
غرام: ههههههههههههههههههههههههه هههه
صقعت وحده بكتف غرام: عماااا
غرام لفت عليها: انتي اللي صقعتي فيا
قربت منها: عوره و تقول اني صقعت فيها كمان
صديقة البنت: ما عليك فيها مريضه
معاذ: ايش هالوقاحه ؟!
غرام بحده: احترمي نفسك ــ باستحقار ــ فوق شينها قوات عينها
الشباب انتبهوا لهم و راحوا لها
هاني: ايش في ؟
معاذ: قلة ادب لا اكتر ولا اقل
ناظرته من فوق لتحت: قلة الأدب لك ولامتالك بزران اخر زمن
معاذ بعصبية: شوفي انا ماسك نفسي عنك عشانك بنت
صديقتها: ايوه مو انتو ما تشوفوا نفسكم الا ع البنات
ثامر ناظرها بدهشه: توكلوا توكلوا انتي و هيا
نااظرته بتعجب كاذب: اووووه الأخ ثامر هنا
ثامر ناظرها بحدة
هاني: تعرفها ؟
ربى: افا كيف ما يعرفني
معاذ: طيب يلا شاطرة توكلي
ربى طنشة معاذ و ناظرت غرام من فوق لتحت باستحقار: عشان كدا مبسووط اخ ثامر؟؟
ثامر: امشي دام النفس عليك طيبه
ربى بسخريه: اشوف وسعوا جِدّة و صارت مكة عندنا ولا العكس و لا ايش صاير؟!
الكل ناظر ربى باستغراب
ثامر فهم عليها و من بين اسنانه: ربــــى
هاني: مين دي؟؟
ربى باستغباء حطت يدها ع فمها: اوووه ليكون اخو الحُب ما يعرف انك كنت عند اخته ؟؟!!
هاني لف ع ثامر باستغراب
ثامر مسكها من زندها: امشييي اشوووف
رتاج كانت مع روان انتبهوا للهوشه و راحوا لهم
ربى: لو سمحت شيل يدك
رتاج: دي ايش جيبها هنا!!!
غلا: احد يفهمنا مين دي؟؟
ربى: انا يا توأم الحُب.....
رتاج قاطعته: امشييي ايش موقف وحده سـ×××× متلك معانا
ربى: والله السـ××× بينكم وفيكم
ثامر بعصبية: والله كـــــــف هدا انا اقولك
هاني بعد ثامر عن البنت: ثامر خلاااص سفيه
ربى: والله مو انا السفيه ، السفيه اللي ما يعرف عن ولد عمه ايش يسوي من وراه
معاذ: ادا بفهمك كلام ابلعيه محد يبا يسمعه
غرام اخيراً تحركت ووقفت مقابل ربى: ادا انتي قصدك انو ثامر كان يجي لنيويورك يزورني فارحمي نفسك و حافظي ع شويه من كرامتك و امشي
هاني: نعم نعم نعم ؟؟
فاطمة شدته من ذراعه: هاني مو وقته خل تمشي و تهاوش معهم زي ما تبغى
هاني سكت
ربى باستغباء: اوبس ليه ما كان يروح مــكــة؟؟
غرام بنفس نبرة ربى: اوبس لا كان يجي عندي يزورني ــ و شددت ع كلامها ــ
ربى ناظرت غرام بقهر
غرام: هيا خلصت مهمتك امشي عشان ما امشيك بكف يطير باقي كرامتك
صديقة ربى شدتها: امشي امشي
ربى مشت و العصبية موصله 1000 عندها
ثامر ناظر هاني و بلع ريقه
هاني: ايش اللي كان يجيك ما يجيك ؟!
غرام ببرود: ثامر كان يجي نيويورك و يزورني
هاني بدهشه: يعني صحيح !
غرام بعدم اهتمام: ايوه فيها شي
هاني لف ع ثامر: لما ،، لما كنت تقول بروح مكة؟؟؟
ثامر سكت
معاذ كان يناظر هاني و ثامر بخوف انهم يتهاوشون
هاني: رايح لأختي !!
ثامر جاء يتكلم
غرام بكذب: لا مو جاي عشاني
هاني ناظر غرام
غرام: فتح محل هناك و كان يروح له كل فترة بس يزورني اول ما يجي و اول ما يروح
هاني ناظر ثامر
ثامر هز راسه بنعم
هاني: وليش حنا ما نعرف
ثامر: لانو حتناظروني بنفس ردة الفعل دي ! بتقولون اني اروح عشان غرام
معاذ بهمس مسموع: كأنك ما تروح عشانها
غرام ناظرة معاذ بحدة
روان بهمس لمعاذ: مو وقت ظرافتك
معاذ هز راسه بالموافقة
هاني: و المحل ما انفتح الا بنيويورك عند غرام !!!!
ثامر: نيويورك مدينه كبيرة طبيعي الواحد ادا بيكسب بروح لها
معاذ يعزز له: ايه ايه صادق
ثامر لف عليه: انت لو تسكت احسن
معاذ بدهشه: ان قلت خير سكتوني و ان قلت شر سكتوني !!!
غرام كتمت ضحكتها
هاني ناظر غرام: و انتي ليش ما قلتي لنا ان شاء الله ؟؟
غرام بعدم مبالاة: ما ادري انكم ما تعرفون ، و مو من اولوياتي عشان اهتم
ثامر ناظر غرام بصدمه من كلمتها
غرام ما اهتمت
غلا ناظرت ثامر اللي واضح عليه انه تحطم
فاطمة بهمس لهاني: خلاص هاني خلينا مبسوطين
هاني سكت يحاول يكتم غيضه ، لف ع ثامر: أتمنى ادا جيت تروح لأختي تديني خبر اول

&&& بيت بو يزن &&&

دارين: لو انك سامعة كلامي و موافقه ع ولد مدير ابويه كان انتي دحين براحة
ميسم: دارين
دارين: همم
ميسم: مالك صلاح
دارين شمقت بوجها: بكيفك انا اللي بتزوج ولا انتي !!
اندق
دارين: ديمه بالله شوفي
ديمه قامت للباب و فتحته و باستغراب: امــي ؟!
ام معتصم دخلت وهي تجر شنطة ملابس متوسطة الحجم و بيدها كوب من ستار بوكس
ديمه بدون ما تحس: تفضلي
ام معتصم فصخة عبايتها و قطتها ع الكنب و دخلت
دارين وقفت: عمتي !! ــ راحت لها بتضمها ــ
ام معتصم مدت يدها تمنع دارين انها تضمها
دارين انحرجت و مدت يدها
ام معصتم سلمت عليها بطرف يدها
دارين: اجلسي حياك
ام معتصم ناظرت ميسم اللي مشغوله بجوالها: ما ودك تسلمي انتي كمان
ميسم ناظرت أمها بدون ما ترفع راسها: نفس ما سلمت ع دارين ؟
ام معتصم رفعت حاجبها الأيسر
ميسم: شكراً ما أبا اسلم
ام معتصم ضحكت بسخريه: ما استغربت مو متربيه
ميسم: اكيد ما حتستغربي لانك امي للأسف
ام معتصم ببرود: بزر ما يتجادل معك
دارين: ميمي حبيبي جيبي القهوة لماما
ميسم قامت: والله كل واحد عنده يد يخدم نفسه بنفسه
ديمه: انا بجيب خلاص
ميسم طلعت وراحت غرفتها
ديمه راحت تجيب القهوة و الشاي و حطتها ع الطاولة اللي قدام أمها: شاي ولا قهوه
ام معتصم تناظر الكوب اللي بيدها: يبغى لك نظارة تفصيل انتي و زوجة اخوكِ
دارين ناظرتها بقهر
ام معتصم: اللي بيدي كابتشينو مو جوال
دارين بللت شفايفها بقهر
ديمه: طيب ــ طلعت و شافت اختها تلبس عبايتها ــ وين راايحه ؟؟
ميسم ترفع صوتها: ضاق نفسي بروح بيتنا
ديمه بصوت واطي: اوشش ميمي بلا هبل امنا توها جايه
ميسم: يعني؟
ديمه: هيا اتفلي الشيطان و امشي معايا عندها
ميسم تأشر ع الصالة: ادخل اتفل عليه ؟!
ديمه بعصبية: ميسممم عيييب دي امك
ميسم بعدم اهتمام: امي و ابوي معتصم
ديمه: تكفين ميسم
ميسم طنشتها: معاك المفتاح ولا ؟
ديمه برجاء: ميسسم
ميسم: بطلب من المطعم تبغي معايا ؟
ديمه: لا بس طلبتك
ميسم: باي ــ و طلعت ــ
ديمه تنهدت و دخلت الصالة و شافت أمها تطقطق بجوالها
دارين: راحت البيت ؟
ديمه هزت راسها بنعم
دارين قامت
ديمه: وين ؟
دارين: الحمام ــ الله يكرمكم ــ
ديم سكتت
دارين طلعت و دقت ع معتصم

&&& فلة بو هاني &&&

بو هاني بصوت مرتفع: سااااارة ،، ساااااارة ، سويييير
سارة نزلت من الدرج: خير؟
بو هاني: وين غلا؟
سارة: ايش تبغى فيها؟
بو هاني: ابغاها بموضوع
سارة: مع انو ما يجي منك خير ، مع هاني برا
بو هاني: بس ترجع تطلع لي المكتب
سارة طنشته و طلعت فوق

&&& سيارة هاني &&&

غرام دقت الدريشه بيدها
غلا فتحت الدريشه
غرام بهمس: زي ما اتفقنا طيب
غلا هزت راسها بالموافقه: ما عليك
هاني: انتو من اول تتفقوا ع ايش؟
غرام + غلا بنفس الوقت: مالك صلاح
هاني: رفع يده باستسلام
فاطمة: ههههههههههههههه ادا اجتمعوا التوأم اطلع منها
هاني: هههههه أقول ما ودك اني ارجعك
فاطمة: تو تو بروح لليان مع غرام
هاني: انتبهوا لنفسكم
غرام: و انت انتبه لتوأمي
هاني: ترا انا كمان اخوك
غرام ضحكت: غلاوي انتبهي لاخوك
غلا: كبره كبر الجحش وش انتبه عليه !!
غرام+ فطوم: هههههههههههههه
هاني: المفروض المفروض انك تدافعين عني يا زوجتي
فاطمة: انا مع اختي دايم
هاني: عنصريه
غرام: هيا هيا توكلوا
هاني: سلام
غرام+ فطوم : سلام ــ و بعدوا عن السيارة ــ
هاني حرك
فاطمة: يلا قبل لا تقوم قيامتنا عند ليان
غرام: هيا
جو يروحون لسيارة بس وقفت قبالهم سيارة رياضية لمبرغيني و نزل الدريشه
غرام ناظرت فاطمة باستغراب
فاطمة: ايشبك ؟ دا ثامر
غرام: نزلت مستواها لدريشه: نعم ؟
ثامر: بكلمك
غرام: خليها بعدين
ثامر: ما انتظرت هاني يمشي عشان بعدين
غرام: خلاص مرني بعد المغرب المكتب
ثامر: غرام اركبي
غرام: ثامر امشي لا تخلينا نتهاوش هنا
ثامر: ماب نتهاوش لو ركبتي
غرام: ما حركب و مرني بعد المغرب ــ مشت هي وفاطمة لسيارة و حركوا ــ
ثامر ضرب الدركسون بقوه و حرك

&&& بيت بو يزن &&&

دخل معتصم بسرعه: داريين
دارين راحت له: هلا حبيبي
معتصم: امي داخل ؟؟
دارين: ايوه ومعاها شنطة ملابس
معتصم: غريبه
دارين: ادخل شوف امك بس
معتصم دخل و شاف امه و سلم عليها: الحمد لله ع السلامة
ام معتصم بدون نفس: الله يسلمك
معتصم ناظر شنطة امه: عسى ما شر؟
ام معتصم: ولا حاجه بيتي قاعد يترمم و اعيد استايله و بدال ما اروح شقة و يتكلموا فيا الحريم اقعد عندك فيها شي؟
معتصم: لا انتي الداخله و احنا الخارجين البيت بيتك
ام معتصم: والله مو شايفه كدا من يوم جيت وشنطتي جنبي ما اشوف تحركت
معتصم: دارييين دارييين
دارين دخلت: لبيه
معتصم: جهزي الغرفة لامي و فضي شنطتها مع ديمه و ميسم
دارين: ميسم بالبيت
معتصم: تعرف انو امي هنا؟
دارين سكتت
ام معتصم بعدم اهتمام: استقبلتني أصلا
معتصم: اوك دارين جهزي أغراض امي و انا بشوف ميسم و ارجع اوك امي؟
ام معتصم تمددت ع الكنبة: طيب
معتصم طلع و دق الجرس ع البيت اللي جنبهم
ميسم فتحت الباب و دخلت: مو عندك مفتاح ؟!
معتصم دخل وراها: بالبيت
ميسم: من بعد البيت !!!
معتصم: ميمي
ميسم جلست ع الكنبة و اخذت البيرجر حقها: هممم
معتصم: قابلتي امي؟
ميسم هزت راسها بنعم
معتصم: كيف استقبلتيها؟
ميسم بلعت لقمتها: استقبلتها استقبال يناسبها
معتصم: اهاه
ميسم: تبي اطلب لك؟
معتصم: لا بالعافيه
ميسم: يعافيك
معتصم: تعرفين ليه امي جت ؟
ميسم هزت راسها بالنفي
معتصم: بيتها يترمم و اول ناس فكرت فيهم حنا تخيلي !!
ميسم: ع غيري دا الكلام
معتصم: والله
ميسم: حتى لو كان كلامك صح ما تعرفنا الا لما يترمم بيتها !!؟
معتصم: معليه اهم ش يجتنا
ميسم: تعرف اني مو مصدومة الا من انها عارفه العنوان حتى ممكن مو حافظته ممكن اخدته من الشركة
معتصم: ميسم خلينا نديها فرصه
ميسم: ادوها حد ماسكم ؟
معتصم: اديها فرصه معانا
ميسم: عندك كلام تاني قوله ما عندك روح تغدا مع امك و زوجتك و ولدك ونام
معتصم: مرره يعني
ميسم: ولا في مجال للمناقشة
معتصم قام: ع راحتك بس حاولي تفكري في الموضوع
ميسم تثاوبت: طيب
معتصم طلع

&&& فلة بو هاني &&&

** مكتب بو هاني **
الخدامة: سير مدام غلا يجي
بو هاني قام و سكر الملف اللي بيده و حطه ع الرف و طلع بسرعه: غــــلا
غلا كانت بتدخل جناحها سمعت ابوها وراحت له: نعم ؟
بو هاني راح لها و مسكها من يدها و سحبها: تعالي معايا
غلا: وييين ؟
بو هاني: بوريك مفاجأة لأمك
غلا: لا تحاول بابا
بو هاني: تعالي وبسس
غلا: طيب
طلعوا و ركبوا السيارة
ام هاني: غــانم غـــانم " اووفف دا وين ماخد البنت "
.... بعد ساعة و نص .....
دخل بو هاني
ام هاني اول ما سمعت صوت الباب ركضت له: غانم
غانم: نعم ؟
ام هاني: وين غلا؟
غانم: تعالي المجلس ــ عطاها ظهره و مشا ــ
ام هاني تلحقه: وين بنتي؟؟؟
غانم جلس: اجلسي
جلست ام هاني ويدها ع قلبها: وين غلا؟؟
غانم: نتفق اتفاق و اقولك وين غلا
ام هاني بعصبية و من بين اسنانها: اقولك وين غــــلا
غانم ببرود: خلي بنتك ترجع أمريكا و ارجع لك غلا
ام هاني: غانــم بلا هبل حرام عليك في كل مره ضحكيتك هيا غلا
غانم: مو بيدي الموضوع ، الموضوع بكبره بيدم
ام هاني قامت و راحت له بعصبية: غانم لا تحديني اقلب الدنيا عليك
غانم: عوافي اقلبيها ، بس يا غلا يا غرام ، بس فكري فيها كويس غرام ما حتتعذب بامريكا بس غلا بتتعذب هنا و بتنحرم منكم كلكم
ام هاني: انتي حـ××××× و ××××× ××××
غانم ضحك باستهزاء و طلع
ام هاني بصراخ و الدموع بخدها: الله ياخددكككك

&&& في شركة غرام و بندر &&& 7:46م
** مكتب غرام **
دخل ثامر بدون استئذان و دخل وراه السكرتير
السكرتير: آسف بس ما سمح لي أتكلم
غرام: تمام تمام خليه تفضل انت
السكرتير طلع
غرام: اجلس
ثامر جلس بعصبية: نقدر نتكلم دحيننن؟
غرام: شوور
ثامر يحاول يكتم غيضه: دحين ما فكرتي انو ممكن هاني يدور عن المحل حقي؟؟!
غرام: تبغاني أقوله ليه كنت تجي؟؟
ثامر سكت
غرام بعدم اهتمام: ولا تشيل هم قد كلمة احد يدبر الموضوع
ثامر: طيب خلاص خلي دا الموضوع ، لهدرجه انا ما اهمك ؟؟؟
غرام ناظرته بجديه: ليه تهمني؟
ثامر: غرااام ارحميني حراام عليييك ، احُبك افهميني الله يخليك
غرام: فاهمتك والله و مقدره حبك ليا
ثامر: لا تقدرينه حبيني بسس !!
غرام: و الحب يجي غصب؟؟
ثامر: مو غصب بس الله يرضى عليك حسي فيني اترجاك
غرام: لا تترجاني ولا اترجاك ما بينا شي غير انك ولد عمي
ثامر بقهر: دا آخر كلام عندك ؟؟
غرام وهي تناظر الملف اللي بيدها: ايوه
ثامر: ناظريينييي
غرام ناظرته ببرود: ايوه
ثامر بلع ريقه و طلع بسرعه و صفق الباب

&&& فلة بو ناصر1 &&&

خالد: حبيبي اجلسي لسا باقي
ديم: آآآه والله يوجع آآآآآآآآه بموووت
خالد بتوتر: امي تقول بدري
ديم: آآآآآآه خالد آآآآآآآه
خالد اخذ عبايتها و لبسها: خلاص خلاص امشي
خالد طلع من الغرفة
ام ناصر: سمعت صراخ ديم ايش في؟
خالد: بالله امي تعالي معايا ديم مررره تعبانه
ام ناصر: امشي امشي ــ اخذت عبايتها و طلعت معاهم ــ
ركبوا السيارة و حركوا
ديم تصيح بألم: آآآآآه ــ طبقت اسنانها ع بعض بألم ــ امممممم
ام ناصر: تحملي يا قلبي تحملي مغص دا
ديم تناظرها بألم و الدموع متحجره بعيونها
خالد كل شوي يناظرها بالمرايا بحزن ع المها و مرات يلتفت لها
ام ناصر: دوس شوي وشغل دا النور عشان ينتبهوا
خالد شغل الفلاش

&&& شقة ثامر &&&
دخل وهو يصفق الباب بقوه و حاس الدنيا ضايق عليه ، فصخ تيشيرته وصار يتنفس بصعوبه ، سمع صوت التلفزيون راح لصالة و شاف يوسف
يوسف ناظر ثامر: بنتظرك كتير ؟!
ثامر لبس تيشيرته بضيق
يوسف: وين كنت و انت مفصخ ؟
ثامر: دوبي فصخت و لبست
يوسف: طيب اجلس ابغاك بموضوع
ثامر بدون نفس: ما يصير يتأجل؟
يوسف: لا والله
ثامر جلس و الهم ماليه
يوسف: تبي تشرب شي؟
ثامر هز راسه بالنفس: من متى و انت هنا؟
يوسف: من ساعتين تقريباً
ثامر: كان دقيت علي طيب؟!
يوسف: حبيت اسوي بروفه قبل ما تجي
ثامر عقد حواجبه باستغراب
يوسف: ادخل بالموضوع ؟
ثامر هز راسه بنعم
يوسف بتوتر
ثامر: من دحين اقولك تتوتر و تقول مو عارف من وين ابدا ومن دي السخافات تجاوزها
يوسف: طيب الواحد يرتبك
ثامر ريح جسمه ع الكنبة: ما باكلك
يوسف: بس صعب
ثامر: يعني أقوم انام ؟
يوسف: لالالا
ثامر: تكلم طيب
يوسف باندفاع: طالب القرب منك يا خيي
ثامر بعدم استيعاب: قاعد تسوي البروفه معي ؟
يوسف هز راسه بالنفي
ثامر باستغراب: ما فهمت
يوسف بهس: كم عندك اخت عشان ما تفهم!!
ثامر: هااه؟؟
يوسف عدل صوته: اقول انو ابي اتقدم لاختك بعد موافقتك ــ اول ما نطق الجمله تنفس براحه ــ
ثامر: اختي رتااج؟؟!
يوسف هز راسه بنعم
ثامر: والله و النعم فيك جيب خالتك و اخوك و حياك
يوسف بدهشه: صـــدق
ثامر باستغراب: ايوه
يوسف: يعني انت موافق؟؟؟!
ثامر: ليه ما اوافق انت رجال و النعم فيك و كل بنت تتمناك !!
يوسف تشقق وجهه من الفرح قام و باس خد ثامر بفرح
ثامر ضحك من بين ضيقته و بعده: ايش دخلني تبوسني
يوسف: بروح ابشر خالتي
ثامر بابتسامة: روح روح الله يستر عليك
طلع يوسف بسرعه و الفرحه مو سايعته
ثامر: الله يعينك ع م ابتلاك يا يوسف ــ تمدد ع الكنبه و صار يناظر السقف بضيق ــ

&&& فلة بو هاني &&&

هاني دخل يركض: امممييي امــــــــي ــ طلع فوق و دخل جناحها و مالقاها ، دخل جناح غلا و لقا امه ع سرير غلا و تصيح ، صار يلهث من الركض ــ قولي انو مو صدق
ام هاني تصيح ما ردت عليه
هاني: ابويه اخد غــــلا؟؟؟
ام هاني وهي تشاهق من بين دموعها هزت راسها بنعم
هاني ضم امه لصدره: عشان غرام؟
ام هاني بحرقه: الله يحرققق قلبه
هاني يمسح ع راسها: حسبي الله و نعم الوكيل

&&& مستشفى الـ****&&&

دق جوال خالد
خالد: نعم روان؟
روان: ايشبها ديم؟؟
خالد بتعب: يقولون حالة ولادة
روان باستغراب: كيف وهيا بالسابع مدري التامن؟؟!
خالد: م اعرف م اعرف امي تقول يصير
ديم: للحين م طلعت؟؟
خالد جلس بضيق: ايوه
ديم: الله يسهل عليها يارب بجهز الأغراض و بجي
خالد: طيب باي
سكر جواله ولف ع امه: طولوا
ام ناصر: حبيبي دي ولاده!!!
خالد: اوووففف كانت تعبانه مررره
ام ناصر: ولدك بشرف طبيعي بتتعب
خالد ابتسم من بين تعبه: صح اني كنت فرحان لحملها بس دحين احس انو حقيقي مو كدا بس شكل ــ كان يحرك يده بشكل طفولي و بدون ما يحس ــ
ام ناصر ضحكت: والله و جاء اليوم اللي اشوفك أب
خالد ضحك: و بتجي الايام اللي بتشوفيني جد
ام ناصر: يــارب ــ قامت ــ بجيب شي تشربه رجولك من الخوف تهز
خالد ناظر رجوله كان يهز بتوتر
ام ناصر راحت
بعد 5 دقايق طلعت الدكتورة
خالد ركض لها و يحاول يخفي ابتسامته اللي فاضحته: هاه دكتورة
الدكتورة: زوجها؟
خالد هز راسه بنعم
الدكتورة: مبروك جتك بنت مثل القمر
خالد بفرح ضحك بدون م يحس: هههههه بنت!!
الدكتورة هزت راسها بنعم
خالد: و ديم؟؟ زوجتي؟
الدكتورة بلعت ريقها: حنا سوينا اللي نقدر عليه، بس انت تريد و انا اريد و الله يفعل ما يريد، الــبــقــيــه بحــيــاتــك
خالد تبخرت ضحكته و اختفت ابتسامته و صار يناظر الدكتورة بصدمه و عيونه ما كانت تشوف شي بعد ما قالت البقيه بحياتك
الدكتورة: خليك قوي و ادعي لها
خالد ترنح و رجع خطوه ورا
ام ناصر اول ما شافت الدكتورة توسعت خطواتها و بفرح: بشري يا دكتورة
الدكتورة ناظرت ام ناصر بعدها ناظرت خالد
خالد هز راسه بالنفي مره وحده و صار يمشي بدون ما يحس من هول صدمته
ام ناصر باستغراب رفعت صوتها: خالد خااالد ــ لفت ع الدكتورة ــ عسى ما شر يا دكتورة؟؟
الدكتورة: جتكم بنوته
ام ناصر بفرح: الحمد للله ياربب، و ديم متى نقدر نشوفها؟
ام ناصر: سوينا اللي نقدر عليه بس م قدرنا قدرة ربي اقوى و اعظم، عظم الله اجركم
ام ناصر بصدمه حطت يدها ع فمها: لالا مستحيل كيف كدا مو لازم تجون عندنا قبل ــ نزلت دموعها ــ و تقولون يا الأم يا البيبي، ما اعرف شي زي كدا!!؟؟
الدكتورة: بس هي انجبت و جاها نزيف قوي و م قدرنا ننقذها ما كان بيدنا هذي قدرة رب العالمين
ام ناصر ناظرت مكان ما كان واقف خالد وشهقت من بين دموعها
** برا المستشفى **
ركب السيارة و صوتها يرن في اذنه
ديم بخجل: موافقه احُبك ورب البيت متوحمه فيك ههههههههههههههههههههههههه ههههههه خالد تكفــى صددقق خالد ؟؟ دا قضاء وقدر حرام تعترض ممكن تتعدل اوضاعكم اوففف خالد والله متنسيه بالملاهي
ما يعرف كيف حرك بس وصل البيت وهو سليم !!،، دخل البيت و قابلته الخدامة
الخدامة: سير خالد ....
خالد كان يمشي و مطنشها ،، دخل جناحه وهو يناظر المكان بضيق و ما كان ع خده غير دموعه ،، طاحت عيونه ع صندوق جهزه هو و ديم من ثلاث شهور ( ديم: دا اول لبس راح يلبسه ابني اول ما يطب دا البيت
خالد: ممكن تكون بنت !؟
ديم: احتمال ضئيل
خالد باسها بكتفها: ع كيفك هو ؟

ديم ضحكت
خالد ابتسم
ديم: شوف ترا انت اللي بتلبسه
خالد: ما اعرف
ديم: عادي بعلمك
خالد: من جدك ؟!
ديم: أمم ــ قامت و جابت لعبة عروسه من الدولاب ــ
خالد ضحك: مو من جدك هههههه
ديم ضحكت: والله توقعت انك ما تعرف تشيل حتى البيبي عشان كدا جبت دي العروسة
خالد: مو لدي الدرجه ترا انا شلت كل اخواتي !
ديم: يعني اهم شي تعرف
خالد: ايوه
ديم اخذت ملابس أطفال: طيب اول شي توسع فتحة الراس و تدخل راس البيبي بهدوء ــ لبست العروسة من راسها ــ
خالد كان يناظرها بتمعن
ديم: بعدين دخل يده اليمين بعدين اليسار
خالد سحب يدها وباس باطنها: بتكوني ع راسي و انا البسها ؟
ديم: ممكن
خالد: م حعرف البسها بدونك
ديم: و انت ع طول تأكدت انها بنت
خالد باس بطنها: عندي إحساس
ديم ضحكت )
خالد كان صدره يرتفع و ينزل برعشه ، اتجه لصندوق و فتحه ،، نزلت دموعه اكثر ،، كان داخل الصندوق ملابس أطفال مطبقه باللون الأبيض و رضاعة قزاز و تلبيسه ورديه و لهّاية ورديه سحب اللبسة اللي كانت مجهزتها و طاحت ورقه منها،، ناظر الورقة باستغراب و فتحها (( ادا فتحت دا الصندوق قبلي يعني انا صار لي شي ــ شهق من بين دموعه ــ لا تزعل انا جنبك ع طول ، و صح انا عرفت نوع البيبي من شهر و كنت اعرف انو بنت فضولي كان دابحني بس خبيت عليك عشانك تبغاها مفاجأة و زي ما وعدتك اسم البنت عليك ،، خالد صدقني انو حبي لك ما ينوصف بعبارات !! بس بنتي امانة عندك انتبه لها كويس ، لا تربيها ع الحقد و الكره ، اعرف انك ما تربيت عليه بيدك و كان غصب عنك بس حاول تبعد دا الشي عن بنتنا ، مو قادره اكمل كلامي لك لانو فكرة اني اخليك صعبه و تتعبني كتييير ، سامحني ادا خطيت بحقك ،، احـُـــــــبـــــك ))
خالد انحنى و دموعه ع خده و يحاول يكتم صوته: اممممم ديــ-ـم ــ حط يده ع فمه ووجهه صار احمر من البكي ، حط اللبسه ع انفه و صار يصيح مثل الطفل ــ







انتهـــى البـــ[48]ـــارت

المفاجأة: انو ان شاء الله البارتين الجايين اخر بارتين و اذا قدرت اخلصه بنزله بيوم ميلادي 6-5-1438 ، اذا قــــــدرت لانو انا مسافرة وبحاول قد ما اقدر اكتب لكم، استودعتكم ربي ..

{ قبل ما تسكري الصفحة دعوة حلوة لأمواتنا المسلمين }

ان شاء الله ينال اعجابكم..
تـــوقــــــعــــــاتــــ ــكـــــم..

اراكم ع خير ان شاء لله.. ولا تحرموني من ردودكم وتوقعاتكم و بليييييييييييز ما ابي احد من خلف الكواليس شاكره لكم ..

مع تحياتي: جذابة والعيون غلابه { } ^__^

" اللهمّ ارحم جدّاي و عمي فيصل و جميع امواتنا المسلمين و اغفر لهم و تخطى عنهم يا ارحم الراحمين "

للأسئلة و الاستفسارات..