[pretty dede]

البارت الخامس و الثلاثين

صفعة مدويه علي وجه فريده اسقطتها ارضا ..

اسر بغضب:اخرسي..انتي ازاي تكلمي ابويا بالشكل ده...

سيف بصدمه:اسر..انت عملت ايه..

اسر بغضب:هيا لازم تفوق..انت معملتش حاجة..

فريده وعيون مشتعله غضبا:انت بتضربني...انا مش
هسكت ....انا هقتلك ..انت اللي قتلت بابا..

اسر بغضب وقد امسك ذراعها:لاااااااااا...انتي اتجنيتي رسمي..

فريده وهي تحاول الافلات منه بعصبية:
ابعد عني..انت قاتل زيه..انا بكرهكم
كلكم...انا هنتقم منكم كلكم...

اسر بعنف وهو يجرها الي الغرفه:طب تعالي بقي ...
وعزة جلاله الله يا فريده لهربيكي...انا استحملتك كتير بس كده كفايه...

الاوضه ديه مش هتطلعي منها تاني..خليكي هنا لغايه ما
تتعلمي الادب...كله الا ابويا خط احمر..تحترمي نفسك معاه فاهمه...

سيف خلفه:اهدي يا اسر...فريده مصدومه..مش عارفه هيا بتقول ايه..

فريده بصريخ:اسكت..مش عايزه اسمع صوتك..
انا عارفة بقول ايه..انا هقتلك زي ما قتلت بابا..

اسر وقد القاها علي الارض بغضب:خليكي
هنا..وقد اغلق الغرفه عليها..

فريده بصريخ من الداخل:افتح الباب ...افتح..انا مش هقعد
هنا ثانيه واحده..انا هوريكم مين فريده..
ظلت فريده تصرخ وتطرق الباب بعنف ..

اسر من الخارج بحده:قولتلك اخرسي.. مش عايز اسمع صوتك..

سيف:يابني مش كده..هيا عندها حق..انا السبب..

اسر:لا يا بابا..انت ملكش ذنب..هيا اللي مجنونه
ومتسرعة ومش بتفهم حاجة..انا هربيها..

سيف:يا اسر بالهداوه ..مش كل حاجة بالعصبيه
ديه..انا هكلمها ..بس افتح الباب ..

اسر بحزم:لو سمحت يا بابا ..انا عارف فريده كويس..
هيا الجنونه بتاعتها طلعت..وانا هعرفها ..

سيف:يا اسر..

اسر:من فضلك يا بابا..اتفضل انت ارتاح في
الاوضه بتاعتك ..وسيبني انا اتصرف معاها..

انصاع سيف لرغبه اسر وتركه..ذهب اسر الي مكتبه بعيدا
عن فريده حتي يهدأ قليلا ويحاول ترتيب افكاره ..
كيف سيفهم فريده ما يجري ..بعد عده ساعات ذهب اسر الي غرفته

ليجد فريده بعيون منتفخه وحمراء من كثرة البكاء جالسه خلف باب الغرفه
وعندما فتح الباب هبت في وجهه كالصاروخ المندفع مما جعله يتراجع للخلف..

فريده بغضب:انت ليك عين توريني وشك بعد اللي عملته..

اسر وقد دلف الي الغرفة واغلق الباب خلفه :
اهدي علشان نعرف نتكلم..

فريده بحده:اهدي..ازاي عايزني اهدي وانا
شايفة اللي قتلوا ابويا في وشي..

اسر بغضب مكتوم:قولتلك احنا ملناش ذنب..وبعدين
انا مكنتش اعرف الموضوع ده غير بعد موت طارق..

فريده بعصبيه:بس ابوك هوا السبب..انا مش هسكت ..
انا هوديه في داهيه..انا هقتله زي ما كان السبب في موت بابا..

اسر بغضب وهو يجذب ذراعها:قولتلك ابويا ملهوش ذنب..
انتي اللي مجنونه ومش فاهمه حاجة..

فريده بحاله لا وعي:انا هوريكم الجنان علي اصله ..
كانت فريده تضرب اسر بلا وعي..حاول اسر ان
يمسكها ولكنها كانت تتحرك بطريقة جنونيه..

اسر بعصبيه:اسكتي شويه..انتي ايه..ده ابوكي
ارتاح منك يا شيخه..ودبسني فيكي..

ليفاجئ اسر بصفعه مدويه من فريده علي وجهه ..
جعلت عيناه تشتعل غضبا ووجه احمر مكملا
باسرغضب وصوت جهوري :انتي اتجننتي تعملي كده..

فريده بحاله هستيريه:وهعمل اكتر من كده انتو لسه شفتوا حاجة..

اسر وقد فقد اعصابه بسبب تلك الصفعه وجذب فريده
من شعرها:طب انا بقي هوريكي ازاي هطلع الجنان
ده من اهلك يا فريده..حصلت تضربيني بالقلم..

قام اسر بصفع فريده علي وجهها بقوة
حتي جعل الدم يتدفق من فمها..

اسر:ان كانوا اهلك مربوكيش انا هربيكي يا فريده..
قامت فريده بدفع اسر ومحاوله الهروب من امامه ولكنه
امسك بها..ثني ذراعها الي الخلف..مكملا.

اسر بغضب شديد:بما انك مش عايزة تفهمي بالزوق
فمفيش غير قله الادب بقي..قام بدفعها
بقوة الي الحائط..حتي التصق وجهها به..

اسر بغضب مكملا:انتي ايه.. عمال اقولك ملناش ذنب
وانتي مش عايزة تسمعي..لازم امد ايدي عليكي علشان تسمعي..
عماله تدلعي عليا وانا اقول حالتها النفسيه ..معلش اقدر ظروفها ...

لكن تعملي كده..وتغلطي في ابويا..وكمان
تضربيني بالقلم..ايدك ديه اكسرهالك فاهمه..

حاولت فريده ابعاد اسر عنها وهي تبكي وتتالم وبصريخ:
ابعد عني..صحيح تقتلوا القتيل وتمشوا في جنازته..انا بكرهكم كلكم..

داست فريده علي قدم اسر بقوة مما جعله يفلت يدها
وينحني ويمسك بقدمه وحاولت الفرار ولكنه امسك بقدمها
مما جعلها تسقط ارضا بقوة ويرتطم جانب راسها بالارضيه ويترك جرحا براسها ..

اسر بغضب:ااااااااه..يابنت ال.....تعالي هنا..

فريده وهي تمسك براسها متالمه:
ااااااي...اهئ اهئ..ابعد عني بقي..

امسك اسر بفريده وثبتها علي الارض وقام بصفعها..
مكملا..انا هموتك النهارده ..قام اسر بخنق فريده بلا وعي..

مما جعلها تقوم بخدشه في وجهه وقامت بركله
في معدته بقوة وهربت الي الحمام واغلقته باحكام عليها ..

اسر بغضب وهو يطرق الباب بعنف:افتحي الباب..
افتحي بقولك والا هكسره.. انا هموتك النهارده يا فريده..

فريده بصراخ:ابعد عني..مش هفتح ..
مش جديد عليكم انتو عيله مجرمين..

اتي علي صوتهم العالي كل من سيف و يوسف ودلفوا الي الغرفه سريعا..

ايه يا عم كل ده ومش حاسين الواد كان هيموت البت
وانتو ولا هنا لسه فاكرين تطلعوا ..حوش ابنك يا حاج ...
ايه ابن المجانين ده..نرجع للقصه ونلحق فريده..

سيف بخضه: ايه اللي بيحصل هنا..فيه ايه..

كانت الغرفه في حاله من الفوضي
ومحتويات الغرفة مبعثرة في كل مكان..

اسر غير عابئ بهما ومازال يركل الباب لكسره وبغضب:
وعزه جلاله الله يا فريده ما سابيك الليله.. افتحي الباب بقولك..افتحي..

يوسف وهو يحاول ابعاد اسر عن الباب:اهدي يا اسر..ايه اللي حصل لده كله..

اسر بعنف:ابعد عني يا يوسف الوقتي..افتحي
احسنلك لو كسرت الباب هموتك..

فريده من الداخل:مش هفتح..انا هبلغ عنك البوليس
يا اسر..عايز تموتني زي ما موتوا ابويا مش كده..
انا هرفع عليك قضيه خلع وهوريك يا واطي ..

اسر بغضب:يا بنت ال...افتحي..وعزة جلاه الله
لهموتك يا فريدة النهارده..افتحي..

سيف بصرامه:اسر...اطلع برا الاوضه..يلا..

اسر بغضب:مش طالع غير لما اعلم اللي خلفوها الادب ..

يوسف:يا اسر مش كده..اهدي شويه..

اسر بغضب:محدش يدخل بيني وبين مراتي..انا هوريها..

سيف وهو يجذبه من ذراعه بقوه وصرامه:
قولت اطلع برا..خده يا يوسف من هنا..

اسر:قولت مش طالع..

سيف بجديه:عارف يا اسر لو مطلعتش من هنا
همد ايدي عليك..وانت عارف اني اعملها..

يوسف ليخفف حده التوتر:خلاص يا عمي
هنطلع من الاوضه..يلا يا اسر...

>>>>>>>>>>>>>>>>>>>>

اخذ يوسف اسر الي الحديقة ليهدئ قليلا ..

يوسف:ايه يا عم اسر اللي انتي عامله ده ..فيه حد يعمل كده..

اسر بحدة:بقولك ايه..انا مش ناقصك..

يوسف:يا اسر راعي ظروفها ..اللي عرفته النهارده مش سهل برضو..

اسر بعصبية:عايزني اعملها ايه..

يوسف:كان المفروض تاخدها بالهداوة
تحتويها يا اسر ...مش تعمل كده..

اسر بعصبيه:هيا اديتني فرصه اتكلم معاها..حاولت معاها
كتير..وفي الاخر تمد ايدها عليا..ده انا اكسرهالها..

يوسف بضحكة:هيا اللي شلفطت وشك بالشكل ده..

اسر وهو يتحسس وجهه مكان خدشات اظافر فريده وبغيظ:
ايوة...دلوقتي بس عرفت البنات ليه بيربوا ضوافرهم..
بس مش هسيبها ..انا هرببيها..

يوسف:اهدي انت بس..وتعالي معايا نروح الاسطبل
مش هينفع انك ترجعلها وانت كده...كده هتموتوا بعض...
متعملش حاجة في لحظه غضب تندم عليها
بعدين يا اسر..وانت عارف كده..

اسر وهو يزفر بشده من الضيق:ماشي يا يوسف..
بس ورحمه امي ماهعدي اللي عملته فريده ده بالساهل...

>>>>>>>>>>>>>>>>>>>>>

في غرفه فريده طرق سيف الباب ..

سيف:فريده انا سيف..اطلعي..اسر مشي خلاص..

فريده بحده:انت..انت عايز ايه..انت السبب في اللي انا فيه..
..امشي من هنا مش عايزة اشوف وشك..

سيف:يابنتي اسمعيني..والله ماليا ذنب في اللي حصل..

فريده وهي تفتح الباب وبحده:وكمان ليك عين تدافع عن نفسك..
انا عرفت كنت بتعمل كل ده ليه..وكنت مصر تجوزني ابنك ليه..

كل ده علشان تخلي بابا تحت ايدك وتبتزه بيا
علشان يعمل اللي انت عايزه مش كده..

سيف بضيق بعد ان رأي وجهها:فريده انا مقدر اللي
انتي فيه..بس مش كده يا بنتي..

فريده بعصبيه:متقوليش يا بنتي..انا مش بنتك..انت قتلت
ابويا وابنك دمرلي حياتي..بس ورحمه بابا مش هسكت ..انا هوريكم..

سيف:يا فريده انا..

فريده بعصبيه وهي تدفعه للخارج:اطلع برا..
مش عايزة اشوف وشك قدامي..يلا برا..

سيف بحزن:حاضر يا فريده..انا هسيبك تهدي وبعدين نتكلم..

فريده بحده وهي تغلق الباب في وجهه:مفيش بينا
كلام تاني..انا هعرفكم مين فريده الحسيني..
>>>>>>>>>>>>>>>>>>>>>>>>>>

ظل اسر ويوسف في الاسطبل حتي ساعه متأخرة وبعد
ذلك اتجه الي مكتبه انتهزت فريده الفرصه وارتدت ملابسها واسرعت

الي خارج الفيلا متجهة الي منزل والدتها..لتدق باب
الفيلا ليفزع من في المنزل من الطارق في ذلك الوقت المتأخر..

ليلي بقلق:اييييه ده مين اللي جاي في الوقت
ده..وازاي الامن يسيبه يدخل..

فاطمه:معرفش يا هانم..وبعدين بيخبط كده ليه ..
ليلي:روحي شوفي مين..

فاطمه:امرك يا هانم لتتجه فاطمه ناحيه الباب وتفتحه
لتجد فريده ووجهها الممتلئ بالكدمات فتشهق بقوه..

فاطمه بخضة:فريده..ايه اللي حصلك..مين عمل فيكي كده..

لتأتي ليلي علي صوت فاطمه بعد سماع اسم فريده لتنظر بصدمه اليها..

ليلي:فريده ايه اللي حصل لوشك...وجايه ليه في الوقت ده ..ايه اللي حصل..

لترتمي فريده في حصل والدتها وتبكي بشده..

لتدخلها ليلي الي الداخل و يجلسوا علي الاريكه وتكمل ليلي:
يا بنتي قولي ايه اللي حصل ..مين عمل فيكي كده..

فريده بتقطع وبكاء مرير:اااا...ااسر..اسر..

ليلي بعدم تصديق:اسر...واسر يعمل فيكي كده ليه يا فريده..

فريده بشهقات:علش..علشان عرفت انهم السبب في موت بابا..

ليلي بصدمه وعدم استيعاب:انتي ...
انتي بتقولي ايه يا فريده..مش ممكن..

فاطمه:يابنتي اهدي وفهمينا ايه اللي حصل ..
انا هروح اجيبلك لمون يهديكي شويه..

ليلي وهي تحاول تهدئه فريده وتربت علي ظهرها:
اهدي يا حبيبتي مش كده..انا مش فاهمة منك حاجة..

لتأتي فاطمه بالعصير وترتشف منه فريده وتحاول ان تهدئ
وتكمل ببكاء:بابا يا مامي موته مكنش حادثه..

ليلي بترقب:ازاي يعني..

لتكمل فريده:ايوة انا النهارده بس عرفت كل حاجة..
وقصت فريده علي امها ما حدث اليوم ..وببكاء و في الاخر
اسر كان عايز يموتني كان هيخنقني يا مامي..اهئ اهئ..

ليلي بغضب:بقي كده..يعني كل ده يحصل..يعني الناس
اللي ابوكي اخد منهم الصفقه هما اللي قتلوه..

فريده بصدمه وعيون جاحظة:اييييه ده ..انتي كنتي عارفه
بموضوع الصفقه..وببكاء..يعني كلكم كنتم عرفين ومخبيين عليا..

ليلي:لا يا فريده..ان اللي اعرفه بس ان ابوكي قالي انه
كان داخل صفقه ضد ناس كبار بس الموضوع ده خلص من زمان..
مكنتش اعرف انهم ممكن يعملوا كده خصوصا ان سليم قالي انه خلص الموضوع..

فريده ببكاء:لا مخلصش..وقتلوه وكل ده
بسبب اونكل سيف..واسر كان عارف..

ليلي:انا لا يمكن اسكت علي اللي حصل ده..انا هكلمهم ..

فريده برجاء:لا والنبي يا مامي..متكلميهومش..
انا مش عايزة اشوفهم تاني..

ليلي بغضب:امال عايزاني اسكت علي اللي
حصل...واللي عمله اسر فيكي..

فريده ببكاء وخوف:خلينا نمشي من هنا..خلينا
نسافر لفادي..اسر لو عرف اني هنا هيجي ويموتني..

ليلي بحده:مش ممكن يا فريده..انا..

فاطمه وهي تنظر الي ليلي لمراعاه حالتها:خلاص يا حبيبتي..
تعالي اطلعي علي اوضتك وارتاحي شويه وبكرة نشوف هنعمل ايه..

ليلي:ايوة بكرة نتكلم يا فريده..

فريده بخوف:بس انتي مش هتكلمي اسر وتقوليله..

ليلي :ايوة مش هكلمه..

واخذ كل من ليلي وفاطمه فريده الي غرفتها ووضعوها في الفراش
وظلوا معها حتي نامت او بمعني اصح غابت عن الوعي
من الاعياء الشديد بسبب ما حدث لها..

ليلي بغضب:انا مش ممكن اسكت علي اللي حصل ده..
بقي هما السبب في موت سليم..وكمان يعملوا كده في فريده..

فاطمه:اهدي يا ليلي هانم..احنا المفروض نفكر
في فريده انتي مش شايفة حالتها ازاي..

ليلي:يعني هنعمل ايه..

فاطمه:انا من رأيي نصبر شويه لغايه ما
تهدي وبعدين نشوف هنتصرف ازاي..

ليلي بضيق:ماشي يا فاطمه انا هسكت بس
علشان فريده..بس بعد ما تروق انا ليا تصرف تاني..
>>>>>>>>>>>>>>>>>>>>>

في الصباح اتجه اسر الي غرفته ووجد الباب مفتوحا
ودلف الي الداخل ولم يجد احدا ظن في البدايه ان فريده

لاتزال في الحمام فحاول فتح الباب بهدوء ولكنه لم يجدها بحث عنها
في ارجاء الدور العلوي الخاص بهما ولكنه لم يجدها ولكنه لاحظ

ملابسها التي كانت ترتديها امس ملقاه علي الارض فعلم انها ذهبت
من المنزل فغضب بشده فابدل ملابسه سريعا وذهب الي اول مكان فكر به

وهو منزل والدتها ليدق الباب بعنف..لتفتح فاطمه ...

اسر بغضب:فين فريده..

فاطمه باستنكار:اهدي يابني مش كده
فيه حد يعمل اللي انت عامله ده..

اسر بعصبية:قولتلك فين فريده ..

ليلي بغضب:اهلا يا بشمهندس ..انت شرفت..

اسر بحدة:من فضلك يا طنط انا عايز فريده..

ليلي بحده:وكمان ليك عين تيجي بعد اللي عملته فيها..
عايز ايه تاني منها عايز تموتها زي ماكنتم السبب في موت ابوها..

اسر بغضب:احنا ملناش ذنب في اللي حصل..وحضرتك
عارفه كده كويس..فريده هيا اللي فهمت غلط..

ليلي بغضب:وحتي لو كده..ده يديك الحق انك تعمل فيها كده..

اسر بعصبية وحدة:هيا اللي غلطت الاول..ومدت ايديها..
لو سمحتي اندهي فريده وخليها تيجي معايا..

ليلي بحزم:فريده مش هتروح حته معاك..

اسر بعصبيه:يعني ايه..انا مش همشي من غيرها..

ليلي بغضب:لا هتمشي..فريده منهارة ..وانا مش هسمحلك
انك تاخدها وتكمل عليها..كفايه لحد كده..

اسر بغضب:وانا مش متحرك من هنا الا وهيا معايا ..انا هطلع اجيبها..

>>>>>>>>>>>>>>>>>>>>>>>>>>