[فيتامين سي]

..في حطام قلبك هناك ازهاراً ستزهر يوما ما..



..الـجزء الثـامن (1) ..




ذلك السامر أمام البحر
أكان يلقي همومة للموج
أم أن البحر كان يشكي له وجعه
بلغة الموج ؟!








بيــت عــواض الـدور الاول ... شقــة (1)
بـدريـة

خــرجت من المطبخ وانا اسمع صوت الجوال يـرن مـارضـي يسكت ومسـتغربه من عواض مارد بـ العادة يسـمع نومته خفيفه 0.
دخلت بـ خفه لغـرفة النـوم انكمشت على نفسـي من بـرودة الغرفه صايره ثلج مـره تسحبت بشـويش واخذت جواله الايـفون .. وكان الاسـم رحمه
ميلت فمـي بـقـرف وطلعت وانا ناويه ارد عليهاآ قـبل مايصحى
اول ماخـرجت ضغط الاخضـر وحطيت الجوال بأذني
رحمـة بـدلع: حبـيبي يلا انا جاهزه
بدرية بـقهر: عواض نايم وراح يروح معاي مشوار مهم
رحمه : نعـم؟؟ اقول امس كان معاك اليوم دوري لايكثر
بدريه بعبط : والله عاد هو كيفه ويختار من يبغا واختارني انا شوفي اخوك يجيك بـاي

قفلت الجوال بدون ماتنتظر ردها والتفتت راجعه ل الغرفه بـس وقفت وانا اشوفـه واقف عند الباب ومتكتف يناظرني بنظراته الناريه بلعت ريقي

نزل نظره للجوال وقال ببحه نوم: اتكلمت معاك اكثر من مره وقلت بلاش رد على جوالاتي
بـدريه بخوف: كــ ـ ـ ـان يـ ـ ـ ـرن بـ ـســ ـتمـ ـ ـر
عواض تعدل بـوقفته وتقرب منها وبحده خفيفه: ل اخر مره احذرك
سحب الجوال من ايدها والتفت راجع لغرفته وعيونه للجوال يشوف من المتصل واعاد الاتصال

ميلت فمهآآ بقـهر من خوفهاآ ماتدري ليش تخاف منه هـ الكثـر مع انه مايضـرب ابد الا انه نظراته وحدة صـوته تخوف بلد
رجعت للمطبخ اجهز الحلى والقهوة قبل مايطلع ..


الشـقة(2)

رحمه بعصبيه: شلون يعني اليوم الصبح وانت معطيني كلمه
وصلها صوت عواض كله نوم: يابنت الحلال قلت لك بوديها مشوارها اهم
رحمه بغبنه : ترا انا بعد زوجتك مو بـس هي اقسم بالله لو ماراح توصلني انت ماعاد بخليك توصلني مكان
عواض : رحمه قلت لك مشوارها اهم انتي بيت اهلك هي مستشفى المهم شغل الدلع والزعل الزايد مااحبه بكرا وعد اوديك ونفطر برا كمان يـلا سلام
قفل منهاآ بدون ماينتظر ردهاآ .. اصلا تفكيره كله بموضوع بنت عمه نجلاء للحين مايعرف وش ممكن ابوه او امه متكلميــن عنه تأخر الرد عليه .. عارف ان كل اخوانها رافـضين تتزوج اختهم واحد متزوج ثلاث
رمى الجوال بـ سـرير وتعدى بخطواته السـرير متوجهه للدولاب يطلع ملابس يستحم ويصحصى

.............................................

بـ السيارة

تـأففت بـضجر وهي تشـوف زحمة الطـريق فوق النص ساعه وهي واقفه هناآ .. زحمه بشـكل مو طبـيعي .. تمنت انها ماخرجت

بصـوت هأدى: رؤف مافي مكان ثاني...؟!!
السـواق(رؤف) : مافي ماما لازم يمـشي من هنا

سمعت جوالها يـرن التفتت لشنطة وسحبت جوالهاآ وردت
.. هلا ماما..
حيـاة: وينك تأخرتي ؟!
زفرت بتعب وقالت: اتوقع مابقدر اوصل ترا مره زحمه وقـرف
حياة : اشبك وينك انتي ؟!
خواطر وعيـونه بـطريق: حـي الــ... ومره فل المكان ماشاء الله الكل خارج من بيته
حياة: ننتظرك يعني والا تجي هناك؟!
خواطر : لالا خلاص روحو انتم انا برجع مكسره وبدور النوم
حياة زفرت: ماشي ترا سما بتكون بـ البيت انتبهي لها

خواطـر بهدوء: طيب طيب
حياة: يلا مع السلامه
خواطر : مع السلامه
قفلت الجوال ورجعت تناظر الطريق زفـرت بضجر وهي تناظر بملل متى تفتك من المكان ذا

.................................................. ....


القـريه..

صحت من النوم .. وتحس بظهرهاا متكسـر من خفت الفراش سحبت جسمها بكسل وصارت جالسه تمسح على ظهرهاآ .. بـ لطـف التفتت ل الجهه الثانيه وشافتهاا خاليه اكيد نجلاء قايمه تساعد عمتهاآ ..
مالها خلق تقابلهاآ بعد الا صار امــس .. ودها تـرجع جده
بعدت اللحاف عن جسمهاا وقامت تغتسل حتى تصحصح

خرجت من الحماآم .. وانا اشوف كل العائلة ب الغرفه .. ابوي ..واخواني
.. ونـجلاء ... عرفت ان الموضوع وصـل لهم

سعيد بحده: صح الا سمعته من عمتك ؟!!
قربت منه وسلمت عليه بهدوء وعلى اخواني وابتعد شوي عنهم .. التفت ل ابوي وب هدوء: أي موضوع!!

سعيد ب عصبيه: عهد كيف ترمي القماش على عمتك ماربيتك انا

انقهرت من ابوهاآ وبدون شعور تكلمت بعصبيه
...ي سلام .. جاي من بعيد عشان اتصال اختك .. يعني لو اختك تقولك شفت عهد تكلم واحد راح تصدقهاآ

سعيد بصراخ: عهــد
ردت بنبره عاليه : لاتقول عهد طول عمرك تسمع كلام اخواتك اهم من عيالك .. عهد عملت عهد قالت وتجي بس عشان تراضيهاا وتمسح فيني الارض من اهم بنتك والا اختك .. كل يوم اقول بيدخل ابوي الحين ويوقف معاي انت تشوف اختك الصح وبنتك الغلط

سلطان بحنان: عهد
عهد تكمل بدون ماترد على اخوها: ماتقول ليش رميت عليها القماش . يعني من راسي كذا رميتهاآ .. اسألها وش عملت هي وليش رديت عليها كذا

كـان سلطان وعمر ماسـكين ابوهم من ايده خوف ان يقرب ل عهد ويضربها من صوتها .. واسلوبهاآ

سعيد يحاول يفلت ايده من عياله: شف بنت ابوها كيف تترادد معاي

نجلاء تسحب عهد وتحاول تبعدها من الغرفه

سعيد: الحين تروحي قدامي تعتذري من عمتك .؟! ماعندي بنات يطاوله على اهلي
عهد بقـهر من رد ابوها: وانا ..؟!! مو اهلك مو بنتك ماراح اعتذر منها هي تبغا كذا لكن على موتي لو اعتذر
نجلاء : خلاص عهد
عهد لفت ل نجلاء بصراخ: لاتقولي خلاص وانتِ كنتِ في شفتِ وش عملت مااراح اسكت .. دوم تدرو علينا الزله ومسرع ماتكلم ابوي عشانهاآ عارفه وش رده

سعيد يتمالك اعصابه: لو تكرهك وتدور عليك الزله ماتخطبك ل جعفـر

هجدت بـصدمه والكل يناظرهاآ ..عم الهدوء ب المكان.. تحاول تفسـر الكلام ذا

سعيد: ايوا خطبتك ل ولدها لو تكرهك ماتفكر تاخذك ل اغلى عيالهاآ
طلعت منهاآ ضحكة استـهزاء وقالت: جعفـر؟!!!!! ليـش حتى تفكر هي تشوف ولدها وين وانا وين ؟!!

عمـر ببـرود: جعفر رجال ينشد الظهر فيه لاتتسارعي وترفضي
ناظرت عمر وقالت:اجل دور له عروس غيري
سلطان: عهـد وبعدين

عبادي تكلم بعد ماكان يشوف المشهد : عهد تعالي ابغاك
عهد طالعته وببـرود: ادري وش بتقول ب ختصار لا
سحبها عبادي معاه ل خارج الغرفه وقفل الباب خلفه وبهمس تكلم معاها
.. ترا جعفر شكله مايعجبك درباوي ومدري ايش بـس تقدري تغيري .. الرجال والنعم فيه صلاه واخلاق وبار ب والديه ويحب الخير .. والمهم ترا سلطان كلم ابوي على دراستك ورفض نهائي وعمر حاول معاه ..

عـهد بعدم اهتمام: طيب والمطلوب من المقدمه هذه
عبادي زفـر ورجع قال: يعني فكري واستخـيري واشـرطي عليه يسافر معاك تكملي دراستك منها تسافري ومنها تكسـبي رجال الكل يشهد له
سكتت ل دقائق وهي تسمع كلام اخوهاآ .. كيف تتزوج جعفر.. الا مافيه جمال .. والا اهم تشوفه مقرف من ملابسه دايم ب روب تحسه نسخه من امه واصلا لو تزوجته راح تعيش هنا ب الديره لا طبعاً
عهد: لا تبغاني اعيش ب ديره لا والف لا
عبادي بهدوء: من قال تقدري تقولي له وتقنعيه سوي زواجك قبل السفر بيومين كذا عشان ماتجلسي هناآ وطبعا تقدري بعدها تغيري رأيه

عهد زفرت بقـهر من عمتهاآ حطتها بموقف لايحسد عليه.. ماتقدر ترفض لان البعثه اهم شي .. والشيء الثاني نجلاء تخاف تفهم شيء ثاني .. اوف يارب واكيد ابوها ماراح يخليها ترفضه دام الكل يمدح فيه مع انها ماتشوف في شي من الكلام الا ينقال عنه

عبـادي: الحين تدخلي وتقولي بستخير واعطوني اسبوع او اسبوعين
عهد ببرود: خلاص طيـب


........................................

متمدده ب غرفتهاآ .. والجوال على بطنهاآ والسماعه بأذنهاآ.. تتسمع ل اغنيتهاا المفضله ..

غمضت عيـونها منسجمه مع كلمات الاغاني .. ويتشكل قدامهاآ صورته
اليوم شافته واقف مع سماا يلعب ويضحك معاها حست بمغناطيس يسحبهاا اتجاه .. رجولهاآ وصلتهاآ لعنده دقات قلبها السريعه .. كل مشاعر ماتدري كيف اندفعت له ب فتره بسيطه عكس مشاعرها اتجاه وليد تذكر يوم انخطبت ل وليد مجرد كان اعجاب بسيط وبعد ماتملكت .. كانت مشاعرها فطريه تجاه زوجها من خجل وحب الحين حست فرق الشعور بين عاصم وليد .. معقوله انا احب عاصم عشان جماله .. جميل جداً الا يطالعه مستحيل يبعد نظره عنه اعاني من النقطة هذه لمن اكون معاه بمكان اجاهد روحي وعيوني ماتشوفه ...
فلسفة غريبة تمر فيهاا مـشاعري .. يعني دخل الاحساس بدون سابق انذار .. صرت لازم اشوفه اول مااصحى لازم ابتدي يومِ.. بجماله ..
..ساعات اخاف مشاعري تتطور اكثر ومااقدر اسيطر عليهاآ اخاف من التقدم السريع ب مشاعري .. اخاف يجي اليوم الا اسلمه قلبي..واندم

حست بهز جوالها .. نزلت نظرها ل الجوال واخذته شافت رساله من الواتس

فتحته ودخلت .: ايوا
خوله: بنت ترا طالعين بيت جدي يلا اجهزي
عدلت جلستي وكتبت: ليش؟!!
يكتب رساله ..
خوله: جدتي تعبت .. بنسلم عليها
كتبت بسرعه: سلامات اشبها
يكتب رساله..
والله مدري يلا اجهزي بسرعه

قفلت الاغنيه والجوال وقمت بسرعه اجهز . . امس كنت عندها مافيها الا العافية
..............................................


جـالسه على صخـره وبيـدهاآ الكتاب الاسـود مفتوح والاوراق تتحرك مع الرياح القـويه وعيـونهاآ ضايعه بظلام الليل .. تسللت من بيت جدتهاآ
بعد ماالكل نام ..
ضباب تجمع بعـيونهاآ.. حتى نزلت اول دمعه .. تسابقت الدموع تتساقط بكتابهاآ الاسود ..


.. انتي هناآ..