[لامارا]

الـبارت الـثاني||part2
||| ||| |||
بيـض الله وجـهـك إلـي سـاتـره تـحـت الـقـناع
ورايـتـكـ بـيـضاء مـعـاي ويـاعـسـى عـمـركـ طـويل
يـعـني اعـطـيـكـ الـثـقـه وتـردهـا بـلـوي الـذراعـ..
يـاخـي مـشـالله عـلـيـك ابدعـت فـي رد الجـمـيـل
||| ||| |||
يوسف تدارك الوضع وابتسم بسخريه : ممكن توخر سيارتك ي الحبيب
ووالده لم يصدق ما تراه عيناه بقي ساكن يتأمل ملامح وجهه
يوسف اشاح بنظره قليلاً ثم أعاد نظره لأبيه وبحدّه : في شي ؟؟
ابو سالم : اء أبشر
يوسف ذهب خارجاً للمنزل
بنسبه لأبو سالم احس بشعور غريب بأول لقاء له بـ يوسف
ابو سالم:محمد توجه لشركه..
السائق(محمد):ان شاءلله ياعم
||note||
للي بيسأل كيف عرف انه ابوه؟
الجواب باختصار ابو يوسف كانت صوره منتشرة في اغلب الجرايد المهتمه بالسوق وغير كذا اسمه المذكور مع الصوره
|||
ابو سالم:الله يسلمك انا بخير وانت وشحوالك
ابو عبدالعزيز:الحمدلله نزقح بغيتني في شي ي ابو سالم؟
ابو سالم بهدوء:انا جيت عشان أسألك عن احوال الشركه والحمدلله بس في شي ثاني
ابو عبدالعزيز : الي هو
ابو سالم:خل بسام يجيب سجل المقدمين على الوظيفة
ابو عبدالعزيز:أبشر ي ابو سالم ثواني بس
ابو سالم كان يتمنى انه يكون هو ملامحه تشبه ملامحها زفرر بتعب
صوت طرق ع الباب
ابو عبد العزيز:تفضل
بسام:تفضل هذا السجل الي طلبته
ابو سالم:الله يعافيك تقدر تروح
خرج بسام وأبو سالم فتح السجل وبداء يبحث عن الاسم بلهفه فجأه اتسعت عيناه
||note||
الشركه الي قدم عليها يوسف اهي فقط فرع من فروع الشركه واندل على شي فهذا يدل على ضخامت الشركه وقوتها بالسوق..
|||
في طريقه وهو متجهه للبيت تأفف
يوسف:ما صدقت الاقي وظيفه يطّلع بوجهي
يوسف اتسعت عيناه وهو الان يدرك سبب مقابلته لابيه:اوريك ي ركانوه
ركن سيارته وكاد ان يفتح الباب لفت نظره ورقه تحت الباب فتح الورقه وانصدم مما كتب فيها
يوسف:لا مو منجده
توجه لثالث بيت وطرق الباب بعصبيه
حتى فتح الباب
يوسف وهو يخرج الورقه من جيبه:وش هذا ياابو مصعب!!
ابو مصعب: البيت وابي ابيعه لناس و...
يوسف حاول يمسك نبرة صوت ولا يرفع صوت احترام لكبر سنه:انا عطيتك الإيجار لمده سنه وتبي تطلعني والسنه ما مرت لعب
بزران هو!
ابو مصعب:على العموم عطيتك ثلاث ايام تشيل قشك من البيت قبل لا أبيع البيت
يوسف بسخريه:اذا عطيتني الفلوس الي دفعتها ذاك الحين طلعت
ابو مصعب بعصبيه:اي فلوس مالك شي عندي واطلع بطيب لا تخليني ادخل الشرطه بالموضوع
يوسف ولا زالت نبرة السخريه بصوته:اعلى ما بخيلك اركبه
أعطاه ظهره والتفت عليه قبل لا يروح:حط ببالك اني ما عطيتك الفلوس وإلا معي شي يثبت هالشي فلا تتعب نفسك وتدخل الشرطه لأنك بتورط نفسك عطاه ظهره وأتجه للبيت
ابو مصعب اغلق بالبيت وعصبيه:هين اوريك
قال هالكلام وهو يعرف ما يقدر يسوي ليوسف شي
|||
ابدأ بتعريف العوائل:-
الجده حصه والجد سيف
العوائل كلها من الطبقه الراقية..
عائلة ابو سالم
ابو سالم وزوجته ام سالم
عيالهم:سالم اكبر اخوانه يبلغ من العمر (27)
انوار عمرها(25)
ارجوان عمرها(19)
محمد (19)
زوجته الثانيه:مريم
عيالها:يوسف عمره(20)

عائلة ابو خالد
ابو خالد وزوجته ام خالد
عيالهم:خالد عمره(28)
مها عمرها (24)
عبدالله عمره(21)
ريان(17)

عائلة ابو ماجد
ابو ماجد وزوجته ام ماجد
عيالهم:ماجد اكبرهم عمره(25)
منار عمرها(23)
لمار عمرها(19)
ميار عمرها(19)
"الساعة 3:18 عصراً"
ام سالم بقلق:ما كأن أبوكم طول
انوار تتلذذ بطعم الشاي:مع انه مو من عوايد الوالد بس شفيها اذا تأخر شوي
سالم وهو يحط رجل على رجل:مكبره الموضوع يمه ابوي ماهو صغير راح شوي ويرجع
ام سالم بضيق:استودعته الله
نزلوا من الدرج وهم في نقاش حاد
محمد:لا والله مو فاضي لك وين سليم
ارجوان:غبي انت بابا مايخليني اركب معاه بالحالي
محمد:ضفي وجهك خلي سالم يوديك
سالم رفع حاجبه:خير ان شاءالله انت وياه
ارجوان وهي شوي وتبكي: ابيه ياخذني معه لبيت عمي ابو ماجد
سالم ناظر بمحمد:وليش ماتوديها حظرتك
محمد:انا بروح بيت عمي خالد شلون يعني اقسم السياره نصين
سالم:لا تعالي كفخني بعد ناظر ارجوان خلاص انا اوديك
ارجوان ذهبت لتقبيل راسه وبكل حب:الله يخليك لي
ام سالم:كلمتي ابوك طيب قبل لاتروحين
ارجوان:اي اكيد
ام سالم:زين الحمدلله
محمد:يالله بروح تبون شي؟
سالم بسخريه:لا الله يسلمك تعبناك معنا
محمد ابتسم رغم الي قاله:ي الله سلام
|||
في بيت ابو ماجد
منار:زعاااااااج خلاص انتي وياها بالعين مسجل
لفت عليه لمار:خير شتبين انتي
ابو ماجد:خلاص اهجدو بعدين شفيك انتي ويها على هالصبح مختبصين
لمار:أبد نجهز الأغراض قبل لا تجي ارجوان
منار:يوء من زمان ما شفناها
ام ماجد:والله ودي كلنا نطلع بجمعه من زمان ما شفنا بعض
ابو ماجد:يا سلام لو صارت ان شاءلله راح اكلمهم
|||
بيت ابو خالد..
ابو خالد:خلاص نشوف بعض على خير ان شاءالله..مع السلامه
مها:وش فيه يبا
ابو خالد:عمك حاجز شاليه لنا عشان نجتمع كلنا
مها:وناسه والله أصلاً قليل ما نشوف بعض
ام خالد:اي والله,وسبب عمانك وأبوك معهم
ابو خالد:افا افا الحين صار العتب علينا,لو ما اشتغلنا وكرفنا كان ما صرنا بها الحاله اللهم لك الحمد
نزل خالد من الدرج وبضحك:اي والله الوالده صادقه ليتكم ترتاحون شوي وتريحونا معكم
ابو خالد بنص عين:شف من تكلم,الي يسمعك يقول مقطع نفسك من الشغل
خالد ابتسم:لا لا يا الوالد ما نبي قصف مباشر شوي شوي علي
مها بضحكه:روح الله يستر عليك بس لا يجيك قصف من نوع اخر
|||
يوسف تنهد بتعب وهو يتأمل البيت خالي من دونها ابتسم وهو يتذكر أيامه معها...
يوسف كان يقبل رأسها كل دقيقه ويدها
ام يوسف:ي ولد اهجد عني خلني اعرف اصلح القهوة
يوسف بحب:شسوي يا الغاليه لو بيدي كان دخلتك قلبي وسكرت عليه
ام يوسف ضحكت:لا وفر قلبك للي خبري خبرك
يوسف ضحك بصوت عالي:وحتى لو جات الي خبري خبرك راح تظلين وسط قلبي وقبل رأسها مره اخرى
ام يوسف:يا ولد والله بالفنجال روح دور لك شغل وفكني
يوسف ابتعد عنها ضاحكاً:أبشري ي الغاليه,بس راح تندمين من راح يبوسك زيي
ام يوسف ضحكت:روح بس التفتت لتشغل نفسها بالقهوة مسحت دمعتها بطرف شلحتها,لم تستطيع الاكمال فقد أصبحت الرؤيه لديها ضبابية,أقفلت القهوة وأسندت بدنها على الكرسي رفعت يدها وهي تبكي: ي رب احفظه ويسر أمره ي رب ماله بهدنيا غيرك ي رب احميه ي رب اللهم أني استودعته الله الذي لا تضيع ودائعه تنهدت بضيق وأصبحت تتأمل منزلها الذي كان من طابقين صغير الحجم وقديم البنيه تأملت الصوفا القديمه الشعبية والهاتف الذي عفا عليه زمان ولازال يعمل!,ابتسمت وهي تحمد ربها على هذه انعمه التي أعطها لها فكان يوسف ابنها اكبر نعمه عادت للواقع وهي تتذكر ان لم يتبقى سوى ايام معدوده فقط وسترحل!,لا تعلم مالذي سيحدث بعد تركها له,عادت بذكرياتها للخلف وهي تذكر ايامها مع ضاري(ابو سالم),لقد أحبته من كل قلبها لكن هو قد طعنها وذهب أغمضت عينها لتنهمر المزيد من الدموع..

||
الوقت الحالي..
في شركة آل سيف من اقدم الشركات واعتقها
كان مبنى الشركة يدل على الفخامة وارتفاعه المهيب
سالم بحده:كلامي واضح اتوقع!
احد موظفين الشركة:بس ي طويل العمر
سالم رفع يده دليل على إلزامه بسكوت وبحده :موب انت يا ولد الامس و اليوم جاي تعلمني وش اسوي ووش ما اسوي ولا اذكر اني خذيت شورك,انا جاي اامرك وأشار اليه بعصبيه:اعرف قدرك ي سطام ولا والله لا تلحق الي قبلك وما راح يمنعني صداقة ابوك وبصراخ:فاهم
سطام بخوف:ابشر
سالم:ي الله اقضب الباب
خرج سطام وهي يلوم نفسه على تسرعه
دخل ماجد وقال ضاحكاً:وش مسوي في الولد انت
سالم بهدوء:صدق نفسه وجاي يعلمني وش اسوي ووش ما اسوي
ماجد:اووه الحمدلله اهم شي طلع سليم
سالم ضحك:المهم اشوفك جاي عندي,وانت ماتجي ولا معك سالفه
ماجد يعدل جلسته:ايه الله يسلمك موب الأهل اتفقو يروحون شاليه بكره وجيت اعلمك
سالم عقد حاجبه:طقيت مشوار من بيتكم لي عندي عشان تقولي ذا الكلام كان اتصلت وريحة نفسك
ماجد بنص عين:الحين هذا جزاي طاق مشوار عشان ذا الخشه,بعدين افتح جوالك بالاول ونتفاهم,عشان وشو شاري جوال مدري
سالم:لا تقول,أفف من زمان ما شحنته
ماجد:ي الله انا طالع وشف لك حل مع جوالك سلام
سالم بضحكه:مع السلامه
|||
stop
سالم: ملامحة حاده,عيونه الواسعه وعسليه و شعره الاسود القاتم انفه الحاد ودقنه الي مميزه وجسمه العضلي وطوله الفارع
بنسبة لشخصيته:حاد الشخصيه وصعب التعامل معه نادر ما يضحك وجدي اغلب الوقت
|||
الجد بعدم تصديق:وش تقول انت!!
ابو سالم بضيق:هذا الي صار والي صدمني اكثر انها ماتت يا يبه ماتت
الجده:لا حول ولا قوة الا بالله تعوذ من الشيطان ي وليدي
ابو سالم بحزن:يمه راحت وهي ماهي مسامحتني انا الحين شلون أطل في وجه ولدي
الجده تنهدت:استغفرالله العظيم
الجد بحزم:المهم اسمع وش حال ولدك الحين ووين ساكن
سالم ولا يزال الضيق يخيم عليه:ساكن في نفس البيت ولا تغير لكن شكله راح يبيعه ويسكن عند خواله
الجد عقد حاجبيه:وحنا وين رحنا؟ وبحزم:اسمع ي ضاري والولد ما راح يعيش الا عندنا رح بلغ خواله وبلغه بعد
الجده بفرحه:ايه ي وليدي الله يرضى عليك أقنعه يجي عندنا
الجد:وش الي يقنعه؟يجي يعيش معنا رضى ولا ما رضى ضرب بعصاه الارض وبحدّه :هذا ولد ضاري بن سيف ال سيف اسمه بيصير قريب على كل لسان وين أودي وجهي اذا قالو خواله ضفوه وابوه واهله اولى به
الجده بضيق:وش فيك ي سيف وشذا الكلام يعني الي هامك كلام الناس وحفيدك اولى
الجد:موب انا سيف ال سيف الي يهمه كلام الناس,لكن الاولويه لنا
ابو سالم:شفيك يبه الله يهديك مشتط,بعدين مهوب على كيفنا نجيبه متى ما بغينى الولد عمره 20 مهوب بزر
الجده بحماس:كيف شكله يشبه سالم ولا
ابو سالم ابتسم وهو يتذكر مالمحه:بتشوفينه قريب ان شاءالله
الجد بهدوء:متى راح تقول لخوانك
ابو سالم:بكره ان شاءالله
||the end||
توقعاتكم+اقتراحاتكم تسعدني
و اعذروني اذا كانت في أغلاط املائيه.