[لامارا]

بسم الله نبدا

البارت الاول

بسم الله الرحمن الرحيم
:قله انها ماتت
: بس طال عمرك
:من غير بس كلمة قلتها وتتنفذ فاهم ..! ولا حاب تشوف وش اقدر اسوي فيك وباهلك
عض على شفته بقهر ما يقدر يبيع ضميره ولا يقدر يواجه الوحش الي قدامه
قال بتردد واضح بصوته: حاضر طال عمرك الي تبيه بيتنفذ ايلين وولدها ماتوا ..!
ابتسم ابو ناصر ابتسامة فخر واعتزاز بنفسه ولف وطلع من الغرفة هو وحارسه الشخصي !!
ظرب الدكتور خلدون الطاولة بقوه : كيف بقدر اسوي كذا كيف اشتت عايله كاملة ّ اخذ نفس قوي وطلع وهو ناوي يسوي الي امره فيه ابو ناصر
.................................................. ..............
عناد جالس قدام غرفة الولادة يستنى خبر من زوجته ايلين ..! وعينه محمره مغرقه بالدموع وهو يتذكر الي صار قبل لا يجون المستشفى
: ايلين وش ذا جاوبيني وش هذا ؟؟
ايلين مصدومه : وش ذا من وين جبت ذا المقطع يا عناد ؟؟
عناد مسك راسه وشده بقوه: يعني صدق كل الي في الفديو صدق! ليش يا ايلين ليش انا قصرت معك بشي جاوبيني بيوم طلبتي شي وما لبيته هاه جاوبي
ايلين تضحك من الصدمه : هههههه عناد انت من جدك تصدق ذيه الخرابيط ..! ومين معطيك المقطع ابوك !! عارف وش ابوك وعارف كرهه لي
عناد وهو يتجه لها زي البركان الثاير ويمسك زندها ويهزها : اوص اسكتي ولا حرف لا تجيبين سيرة ابوي ع لسانك اصلن انا الغبي الي ما صدقته من البدايه
ايلين : عناد يدي بتنكسر
عناد وعيونه تطلع شرار : جعلك بالكسر الي يكسر عظامك ورماها وفسخ عقاله وانهال عليها بالضرب
ايلين : عناد بطني ااااااااااااااااااه
عناد ما يسمع ولا يشوف من الغضب : مروجة يا ايلين مروجه ..! مخدرات مرا وحده
وايلين تحته تتلوى من الالم ..!
وقف عناد وهو يلهث من التعب وجلس باقرب كنب وهو لسه مقهور ودموعه بمحاجر عيونه: يا ايلين انا حبيتك اكثر من نفسي واجهة ابوي الي محد قد وقف بوجهه عشانك وكذا تجازيني ..! مروجه طيب ليه؟! قد احتجتي فلس واحد وما عطيتك حرام حرام عليك يا ايلين دمرتيني دمرتيني !!
التفت لها وهو يسمعها تأن من الالم وماسكه بطنها بقوه وانتبه لدم الي حولها وتذكر انها حامل بالاشهر الاخيره اخذها لاقرب مستشفى وهو يدعي بقلبه ان الي ببطنها يموت ..!؟
صحى من سرحانه على صوت الدكتور وهو يقول ...
الدكتور خلدون وهو يحس بتأنيب الضمير : اسفين اخ عناد ما قدرنا ننقذ لا الام ولا ولدها عظم الله اجرك
رفع عناد عيونه له بسرحان من غير ما ينطق بكلمه
ناظره الدكتور خلدون مستغرب من ردت فعله : اخو......
الممرضه من ورا الدكتور: مبروك سر هذا ولد
فتح الدكتور عيونه بصدمه
ناظرله عناد بمعنى من ذا اذا ولدي مات
تلعثم الدكتور خلدون : ذا شسمه هي ايوا جابت تؤام واحد مات مع امه وذا قدرنا ننقذه
عناد : ليته مات مع اخوه ووقف واتجه خارج المستشفى
دخل الدكتور مصدوم : وسال الممرضه من وين جا الثاني
الممرضه : كان فيه اثنين ولد انت اخذت الاول وبعدين هي اولد مرا ثانيه جيب اثنين تؤام
هز الدكتور راسه طلعت الممرضه وهو حط يده ع راسه : الحين وش اسوي وش اقول لابو ناصر وهو يتذكر الاحداث الي صارت مع ابو ناصر
دخل الدكتور وبيده المولود : هذا الولد طال عمرك
ابو ناصر طيب وايلين ؟ّ!
الدكتور كان جسمها تعبان واذا ما صحت بعد ساعتين يمكن تدخل بغيبوبه
ابتسم ابو ناصر واخذ الولد واعطاه حارسه الشخصي : تخلص منه
عبد لله : حاضر طال عمرك
.........خارج المستشفى .........
عناد: فاطمة ذا مو وقت اسألتك قلتلك ايلين ولدت وتعالي خذي ولدها انا مسافر
فاطمه : عناد وش الي ولدت لسه باقي كثير ع ولادتها وبعدين كيف بتسافر وزجتك والده
عناد : ايلين مااااااتت افهمي وولدها تعالي خذيه ربيه ارميه كيفك
فاطمه بصدمه : عناد وش صاير لك انت ؟ وش الي ارميه
زفر عناد بضيق : فاطمه لا تزيدين همي وعندك أي شي اسألي ابوي انا مسافر مع السلامه
فاطمه : عن....... ناظرت للسماعه قف بوجهي تنهدت بدخلت زوجها
: فاطمه شفيك ؟ ومن كنتي تكلمين بذا الوقت وناظر ساعته الي كانت تشير للثالثه فجرا..!
فاطمه : عناد !
فهد : عناد ؟
فاطمه وهي تتنهد : ما فهمت بس يقول ايلين ولدت وماتت وهي تولد وقالي اروح اخذ الولد من المستشفى
فهد عقد حواجبه : شوي شوي فهميني كيف ماتت ايلين ؟
فاطمه : مدري مدري خايفه على عناد صوته مو طبيعي وقالي مسافر! فهد دق على ابوي شوف وش سالفته ابوي يدري بالموضوع
فهد : طيب الحين اكلمه
....................................
بالمستشفى
فاطمة: فهد شوف ما شا الله يجنن سبحان الخالق يشبه لايلين كثيييير دمعت عينها واردفت : الله يرحمها من زمان كان نفسها بولد
فهد: هه بعد ما عرفته الحمدلله انها ماتت معه حق عناد يوم راح ولا شاف ابنها
فاطمه : كذب اصلن ايلين مستحيل تسويها انت ما تعرف ايلين قلبها ابيض ومستحيل تأذي احد مستحيل تبيع للناس ذيه الاشيا
فهد : خلاص فاطمة هدي مو زين للي ببطنك وناظر الولد : الحين وش بنسميه ؟
فاطمه وهي تمسح دموعها بطرف شيلتها : راكان ..! اخذت نفس واردفت : ايلين كانت تقول اذا جاها ولد رح تسميه راكان باسم خاله .!
تنهد فهد وطلع عشان يكمل الاجراءات وياخذون المولود معهم
.........................
: مين ذاك الي عطيتني هو هاه جاوبني من وين جا الولد الثاني جاوبني
الدكتور خلدون يبلع ريقه من الخوف : طال عمرك هي ااا ولدت بالاول واخذته وبعدها بربع ساعة ولدت بالثاني وانا جيت اسلمك الولد والممرضه وصلت الثاني لولدك ! نزل ع ركبه ودموعه بخده : تكفى يا ابو ناصر سامحني لا تاذي عيالي الله يخليك زوجة ابنك محد بيدري عنها صدقني الله يخليك لا تاذيني ..!
تفل ابو ناصر بوجهه ومشى بتكبر وشموخ : رح امشي الموضوع بس صدقني لو اشم بس اشم ان احد يعرف بوجود ايلين بالمستشفى رح اذبحك واخليك عبره للناس
الدكتور خلدون : صدقني محد بيعرف بوجودها هي الحين دخلت بغيبوبه والله اعلم متى بتصحى منها واذا صحت وذا شي مستحيل بوضعها رح اخبرها ان عيالها ماتو وعناد طلقها رح اخليها تذلف بلادها صدقني
...........................
بمكان بعيد كثييييييييييييير عن اجواء المستشفيات
تقدم له ولد بعمر العشر سنوات بتردد وخوف : هذا الي قدرت اجمعه سيدي
سيده والشرار تطاير من عيونه مسك الفلوس من الولد ورماها بالارض ورما الولد معاها واخذ السوط وناظر للولد بابتسامة خبيثه : رح اعلمك كيف تجمع المبلغ كامل
الولد وهو يبكي : اسف اسف سيدي الله يخلي...... اااااااااااااه صرخ بعد ما حس بلسعات السوط بجسمه وبعدها معد صار ينسمع غير صرخات الولد وصوت السوط وهو يدوي بقوه على جسمه
توقف وهو يلتفت لمجموعة الاولاد الي تناظره بخوف : ذا بيكون مصيركم اذا ما جمعتوا المطلوب وصرخ : فاهميييييييييين
........................
بعد يومين
: يمه مرا حلو وصغير مرا
فاطمة : هههههه اكيد بيكون صغير
عادل : ماما انا يوم كنت صغير كنت زيه كذا
جنان: لا اكيد ذا حلو شوف عيونه رماديه مو زيك
عادل والدموع بعيونه : ماما شوفي بنتك
فاطمه مغمضه عيونها وتحس بمغص ببطنها : عادل روح ناد ابوك بسرعه
عادل : خلي جنان تروح
فاطمة والوجع يزيد عليها صرخت : عاااااااادل بسرعه
بالمستشفى
فهد : ماشا الله وحمل الولد وقرب من اذنه : الله اكبر ... الله اكبر ... الله اكبر ... الله اكبر .. اشهد ان لا اله الا الله .. اشهد ان لا اله الا الله .. اشهد ان محمدا رسول الله ... اشهد ان محمد رسول الله ... حي عاى الصلاة ... حي على الصلاة ...حي على الفلاح ... حي على الفلاح ... الله اكبر ... الله اكبر ... لا اله الا الله وباسه بجبينه ورجعه لحجر فاطمه عشان ترضعه
فاطمه : وش تبينا نسميه يا ابو عادل
ابو عادل (فهد): ذا انتي سميه يكفي انا سميت الي قبله
فاطمة : شرايك نسميه ريان
ابو عادل: الي تشوفينه
فاطمه : رح ارضع راكان معه
فهد وبان الضيق بوجهه : فاطمه لمتى رح نتكلم بذا الموضوع ما ابي ولد البريطانيه اخو لعيالي !!يكفي للحين متحمله ومخليه عندي انتي شوفتي ابوه سافر ولا سال عنه
فاطمه والدمعه بعينها : حرام يا فهد لا تصير قاسي كذا الولد وش ذنبه لساته صغير ما يعرف شي بالدنيا ..!
ابو عادل : فاطمه ..!
فاطمه : الله يخليك يا فهد وبعدين الولد بيطلع على التربيه واحنا الي بنربيه زي عيالنا
ابو عادل : الدم دساس
فاطمه : فيه دم اخوي عناد ..! وانت اقرب واحد لعناد وعارفه زين.؟وبعدين وش تبي الناس تقول علينا نرمي ولدنا بالشارع ترا اسم اخوي مرتبط فيه ..!
زفر فهد بضيق : فاطمه خلاص سوي الي يعجبك
................................