[لامارا]

بسم الله الرحمن الرحيم

نبدأ البارت الثاني

فاطمة : اوف تعبت من اخوك ذا .! مرت عشر سنوات وللحين مو ناوي يشوف ابنه
: تعرفين عناد راسه يابس وبيسوي الي براسه
فاطمه : بس يا ناصر الولد وش ذنبه ؟! وكل يوم يسأل عن ابوه تعبت وانا اكذب عليه
ناصر : وش تبيني اسوي يا فاطمة عارفه اني حاولت اكلمه ولا فاد ! تنهد وهو يتذكر الي صار يوم قابل عناد
]ناصر : يا عناد عشر سنوات وانت تارك البلد ما حنيت ؟!
عناد : لا عاجبتني عيشتي هنا ..!
ناصر : عناد انت قاعد تكذب ع نفسك ..! ما اشتقت لامي مسكينه كل يوم تبكيك وتتمنى رجعتك
عناد صرخ : كافي يا ناصر كافي انا تعبت خلاص وش تبيني اسوي مقدر مقدر ارجع كل شي يذكرني فيها ماني مصدق انها سوت كذا فيني .! ايلين الي كنت اشوفها ملاك يطلع ذا منها اخذ نفس وهو يجاهد الدموع : يا ناصر ايلين روحي روحي كيف ارجع لمكان جرحني روحي فيه .! انت عارف مستحيل احد يعيش من غير روح بس انا وش اسوي يا اخوي اذا روحي طعنتني دمرتني قولي وسمح لدمعه محرقه وحاره تشق طريقها بين خصلات لحيته
ناصر وهو يمسح دمعت اخوه : الله يكون بعونك يا اخوي ! ادري صعب بس لازم تتخطى ذيه المرحله اول عشان نفسك شوف حالتك ارهقت نفسك بالشغل والغربه ..! وثانيا عشان امي
عناد تنهد : ان شا الله هي كم شغله بخلصها وبزور امي
ناصر بتردد : وراكان ابنك ؟!
رفع عناد عيونه له واردف : ادري الولد ماله ذنب بس ذيه الفتره مو مستعد اشوفه [صحى من سرحانه ع صوت راكان وهو يقول : ماما شوفي الاستاذ عطاني نجمه لاني شطور بس ريان ما حطله زيي
ريان : اوص يا السارق
فاطمه بحده : ريان عيب تقول كذا لاخوك
راكان : خليه ماما اصلن هو غيران مني ومد لسانه له
ريان ضرب راكان براسه وراكان مسك شعر ريان وشده
قامت فاطمه وفرقتهم
راكان : متى يجي بابا ياخذني
ريان : اصلن ابوك ما يحبك لانك سرقت حليب امي ..! اصلن محد يحب السراقين
مسكت فاطمه بأذن ريان بقوه : ريان ..!! من علمك ذا الكلام هاه يالله اعتذر منه يالله
راكان بحزن : لا ماما معه حق اصلن ابوي ما يحبني لو يحبني كان جا دخلني المدرسه زي عمي فهد دخل ريان المدرسه
ناصر قاعد يراقب الحدث بصمت
وفاطمه تركت اذن ريان الي كان يبكي من مسكت امه وراحت ضمت راكان : لا يا ابني لا تقول كذا ابوك يحبك بس مشغول ما يقدر يجي هنا انت عارف انه بالمانيا عشان شغله الكثييير
ابتسم راكان وما علق وراح يبدل ملابس المدرسه
..............................................
بمكاااااان ثاني بعيد عن اعين الناس في مستودع قديم ومهجور وفي وسط الظلمه دامسه كانت فيه مجموعة اولاد نايمين ودموعهم ع خدهم يتمنون يرجعون لاهليهم وبين الاولاد النايمين كان فيه اثنين منسدحين ع بطونهم واحد كان بعمر العشر سنوات والثاني كبير بعمر 18 سنه جمب بعض ويتكلمون بهمس عشان لا يصحى احد وعشان الحارس لا يشوفهم سهرانين
: يا مجنون لازم تهرب .!
:ههههههه والله محد مجنون غيرك يا صقر .! انت شوفت وش صار لراشد يوم حاول يهرب
صقر ابو العشر سنوات : طيب وش بتسوي انت خلاص صرت كبير مرا ورح ياخذونك من عندنا .! يا امجد لا تروح انت ابونا هنا دايم تساعدنا من السيد المتوحش
امجد وهو يتقلب وينسدح ع ظهره ويغطي عيونه بيده : خلاص يا صقر نم
صقر ودموعه بعينه : يا امجد اذا روحت لا تفكر فينا انا بحميهم من السيد وبسوي زيك ..! بس اهم شي انت تخلص نفسك من الشرير وسكت شوي واردف : امجد !
امجد لا رد
تنهد صقر وغمض عيونه ونام
امجد وهو يتقلب بالارض لان ما عندهم غير لحاف خفيف يدفون فيه وصخره حاطينها زي المخدات لهم غمض عيونه وهو يتذكر كلامه مع السيد
]السيد : انت عارف يا امجد انك قبل يومين دخلت 18 وعارف ان الي يوصلون ذا العمر وابتسم بخبث : لازم يموتون
نزل امجد على ركبه وهو يبكي : الله يخليك يا سيدي لا تقتلني بسوي كل الي تبيه بس لا تقتلنبي الله يخليك ابوس رجلينك لا تقتلني الله يخليك وانخرط في بكاء شديد
ركل السيد امجد ببطنه بقوه طاح امجد على وراء وهو ماسك بطنه بقوه وعيونه محمره من البكاء : امجد ..! اذا ما تبي تموت عندك حل واحد بس .؟!مستعد تنفذه ؟؟
امجد وهو يعتصر من الالم ويالله يتكلم : ااا أي ايه مستعد انفذ الي تبيه
ابتسم السيد ابتسامة مكر وافتخار بنفسه لانه قدر في خلال 3 سنوات بس انه يضيع 250 شاب من شباب الوطن : رح تنضم لمجموعتي ورح تعيش ملك ورح تاخذ على كل شغله اطلبها منك مية الف ريال هاه موافق ؟؟!
امجد وهو حاس انه مو قاعد يسمع زين من وجع بطنه : كم قلت ؟
ابتسم السيد وهو حاس انه وصل للي يبيه وقال وهو يمط الكلام مط : ممييييييييييييييييييييييي ية الف رياااااااااااااااااال سعودي ..! المهم رح انصحك نصيحه انك توافق لانك اذا ما وافقت بتموت ..!؟ واذا فرضنا قدرت تهرب وترجع لاهلك وش بتلاقي عندهم جاوبني ... كلهم فقر وانت عشت معاهم بفقر يعني رح تضرهم بجيتك واتسعت ابتسامة وهو يشوف امجد يسرح كأنه يفكر بالموضوع : ويمكن يطردونك لانهم ما يقدرون يصرفون عليك وافق على عرضي وبتعيش مرتاح
(امجد)
السيد معه حق لازم اوافق على عرضه اصلن هو بيقتلني وبعدين مية الف مو سهله بس شغلتين وبصير غني واقدر اجبلي بيت وسياره واسوي الي ابيه واهلي ؟! من عمري 8 سنين وانا عند السيد يعني مرت امممم عشر سنوات اكيد نسوني ويمكن هم باعوني له عشان الفلوس هو قالي انهم فقراء ولا يقدرون يصرفون علي رفعت راسي للسيد الي كان واقف ورافع حاجب شكله ينتظر اجابتي اخذت نفس احس رئتي صارت فاضيه ما فيها هواء : أي موافق رح اسوي الي تبيه
شوفت ابتسامته تزيد ويناظرني بنظرات ما فهمتها وشوفته يحرك شفايفه يقول : حلو حلو بكذا انت ذكي وقدرت تنقذ نفسك من الموت ..! الحين روح ريح وبكرا رح تبدا اول مهمه لك معنا [
اخذ نفس وهو ينسدح للجهه الثانيه وتمتم : سامحني يا صقر
............................................