[لامارا]

البارت الرابع

وقفت بفرحه:احلف.... ههههه محشوم بس نسيت نفسي من الفرحه ..... ههه الله يسعدك يا ناصر ..... ناظرت لساعتها : يا ربي الحين الساعه عشر اكيد راكان نايم ههه مافيني انتظر لبكرا عشان اخبره ..... طيب ليشش؟!!!!...... اصلن اخوك عناد ذا بمخه شي ........ تنهدت بحزن : طيب متى قالك بيوصل ..... اها يعني بيتغدا عند امي ان شاء الله ...... طيب طيب مع السلامه
قفلت فاطمه الجوال وهي مقهوره من اخوها عناد عشر سنوات حارم ابنه منه والحين مو ناوي يشوفه اخخخخ يا ايلين ليتك حيه وتشوفين عناد الي بنظرك طيب وش يسوي بولدك عناد الي عمره ما ظلم احد يظلم ابنه عشان كلام متاكده انه كذب دمعت عينها وهي تذكر رفيقتها ايلين
............................
(راكان)
كنت سادح على سريري يووووه تذكرت استاذ الرياضيات قال يبي دفتر بروح اقول لاماما فاطمه بس الحين الوقت مرا ليل اخاف عمي فهد يعصب علي تنهدت ليه دايم هو معصب مني مدري ليه يكرهني متى ابوي يجي ياخذني من هنا بس اذا اخذني معد بشوف ماما فاطمه ابتسمت بفرحه رح ناخذ ماما فاطمه عندنا وبعدين برتاح من ريان الشرير كل يوم يقولي انت سارق انت سارق مرا ما احووبه اممم خليني الحين اروح لماما واقلها عن الدفتر يا رب ما يشوفني عمي فهد قمت من سريري وانا اتسحب عشان ما يصحى ريان وانا رايح لغرفة ماما فاطمه سمعتها تكلم تلفون بالصاله كنت بروحلها بس سمعتها تذكر اسمي وتقول بيرجع عقدت حواجبي مين الي بيرجع ولازم تقولي سمعتها تقول عناد ابتسمت بفرحه عناد ابوي.. ابوي انا يعني بابا بيجي ويتحقق حلمي واعيش معه نسيت الدفتر من الفرحه بروح غرفتي استنى ماما تجي تقولي انه بيجي رجعت غرفتي ودي اصحي ريان عشان اقهره اقله ان بابا رجع عشاني بابا يحبني بس تذكرت عمي فهد اذا صحيت ولده بيضربني طلعت لساني له كأنه صاحي ويشوفني وانسدحت على سريري وانا اتخيل بابا يجي بكرا ويضرب ريان اذا زعلني ونام راكان وهو يفكر بابوه ويبني احلام ورديه
...................................
باليوم التالي
الصباح الساعه 6:00 تماما
فاطمة: ريان يالله اصحى الحين الساعه ست شوي وبيجي الباص
ريان عافس وجهه: ماما ابي انام مو لازم اليوم اروح المدرسه
فاطمه بتعب من ذا الولد الي نومه ثقيل : ريااان بتقوم ولا انادي ابوك
ريان: خلاص قمت قمت ... وراح الحمام يغسل وهو يتحلطم
ضحكت فاطمه على ولدها ولفت لسرير راكان غريبه شفيه ما صحى دايم وانا اصحي ريان ما شا الله يصحى اتجهت لسريره : راكان حبيبي اصحى يالله مدرسه
راكان بكذب : ماما بطني تعورني مرا ... وهو يحاول جاهد انه يطلع دمعه عشان تصدقه امه فاطمه
فاطمه باستغراب جلست على طرف السرير وحطت يدها على راسه : من متى تعورك
راكان خايف ينكشف : من امس بالليل تعورني
فاطمه : من امس وساكت قوم نوديك المستشفى ممكن ماكل شي مو زين
راكان بسرعه : لا لا ... عادي ماما شوي ويروح مو لازم مستشفى اذا جا الظهر ولساته يعورني بروح اتفقنا ماما لان الحين احسه خف بنام شوي لاني امس ما نمت زين
تنهدت فاطمه وهي تدخل اصابعها في خصيلات شعره الحمرا : راكان حبيبي مرا ثانيه اذا شي عورك قلي على طول حتى لو الوقت تاخر خلاص حبيبي
راكان: اسف ... بس خوفت ازعجك
فاطمه بعتاب : راكان انا امك !! اكيد ما رح يزعجني اذا جيتني بالعكس رح تفرحني لاني اول وحده لجأت لها يوم عورك شي
نزل راكان راسه حاس بتأنيب ضمير على كذبه بس هو سوا كذا عشان يستقبل ابوه ويكون اول واحد يشوفه
وقفت فاطمه وهي تقول : لا تنام بروح اسويلك حليب دافي اشربه ونم
راكان بصوت منخفض : ان شاء الله
........................
بألمااااااانيا
عناد يتقلب بفراشه من امس ما قدر ينام كل ما غفى شوي صحى من الكوابيس الي تجيه فجاءه صرخ بأعلى صوته وهو يرمي المخده الي جت على التسريحه وطيحت كم عطر : خلااااااااااااااااااص طيري من مخي يا ايلين .... مسك راسه بضعف هذه حالته من يوم ما قرر يرجع السعوديه كيف يقدر يرجع لمكان كانت تعيش فيه اعز انسانه بقلبه للحين مو قادر يتخطى الي صار تنهد ووقف وراح باتجاه التسريحه ورفع العطور الي طاحت شاف انعكاس وجه بالمرايه رفع يده يتحسس الهالات السوداء تحت عيونه لذقنه الطايل باهمال هو كان اكثر انسان يحافظ على مظهره ابتسم بسخريه على نفسه كيف قدرت ايلين تسلب منه كل شي عقله وقلبه وحتى حياته مرر يده على راسه وهو مقرر ينساها ويبدا حياته من جديد واتجه للحمام عشان يحلق ويرتب نفسه قبل السفر
..........................
بالسعوديه
على طاولة الطعام
ريان معصب : بابا ليه راكان يغيب وانا اداوم
فهد : لانك شاطر مو زيه كسلان
عادل باستغراب : غريبه راكان مو من عوايده يغيب شفيه ؟
فهد ببرود : تلاقيه يتدلع ولد البريطانيه
جنان: يبه!!! حرام عليك ترا الولد ماله ذنب
فهد : وانتي احد طلب رايك افطري وانتي ساكته
تالين الي بعمر تسع سنوات : بابا راكان مرررررا طيب دايم يلعب معي
فهد بعصبيه : وانا كم مرا قلتلك لا تلعبين معه هاه
تالين بدموع من صراخ ابوها عليها : ماما تقول راكان اخوي
فهد : اصلن كله من امك ولا كان احنا مرتاحين .... وقام من الطاوله : سديتوا نفسي ... يالله افطروا بسرعه الباص على وصول وامكم بدل ما تجلس عندكم وتراعيكم جالسه فوق عند ولد البريطانيه استغفر الله بس وطلع لدوامه
تنهد عادل وكمل فطوره
جنان راحت عند تالين تراضيها
ريان بتأفف : اوووف مدري ليه ماما تحب السارق الي سرق حليبها
عادل بحزم :ريااان
سمع ريان هران (بوري) الباص وطلع وهو يجر شنطته وراه ما يبي يداوم
.....................
هبطت طائره في مطار مملكتنا في الساعه 10:00 صباحا قبل موعد وصولها بساعه الي كانت جحيه من ألمانيا وفي بطنها احد ابطال قصتي
(عناااااااد)
وصلت الطياره قبل موعدها بساعه الناس من حولي وقفت بتطلع من الطياره بعد ما هبطنا بسلام الا انا جالس بمكاني واناظر الفراغ انا خلاص قررت امحي ايلين من ذاكرتي بس ليه كل ما انساها ترجعلي تذكرت اليوم الي جيت معاها السعوديه تذكرت فرحتها يوم شافت بلاد امها هه ابتسمت بسخريه اكيد بتفرح مو هي جايه تدمر عيال الوطن مدري كيف انخدعت فيها بس حبي لها هو الي اعماني تنهدت وانا اخذ نفس قوي ممكن انه يخفف الم قلبي ويرجع الهواء لرئتيني الي صرت احسها فاضيه من الهواء وقفت طاللع من الطيارة وروحت استلم شنطتي يوه تذكرت ناصر ما قلتله عن وصولي رفعت جوالي ودقيت على ناصر بعد ثالث رنه رد : الو ناصر هلا ...... لا قدموا الرحله والحين انا بالمطار.... لا ما يحتاج تتعب نفسك بركب تاكسي للبيت .... طيب براحتك استناك ... في امان الله
.......................
شركة جسار ال......
طق طق طق
: تفضل
: طلبتني طال عمرك
ناصر : ايه مازن الله يعافيك الغي كل مواعيدي لليوم ... والاوراق المهمه ارسلها على بيتي الحين انا طالع
السكرتير مازن : حاضر طال عمرك ... تامر شي ثاني
ناصر وهو ياخذ بعض الاوراق : يعطيك العافيه
مازن : الله يعافيك ... وطلع من المكتب
ناصر اخذ مفاتيح سيارته وطلع متجه للمطار يستقبل اخوه وطول الطريق وهو يفكر بعناد وابنه هو ما يدري عناد لمتى رح يجلس هنا بس اكيد بيوم رح يقابل ولده تنهد صار يخاف من عناد وردت فعله مو عناد الاولي صحى من تفكيره عند المطار رفع جواله ودق على اخوه وباول رنه رد
ناصر : الو ... وينك انا بالمواقف .... لا سيارتي البيضا القديمه .... خلاص خلاص شوفتك
نزل ناصر من السياره وتوجه للعناد الي كان لابس بنطلون جينز وتيشيرت اسود ساده ويسحب شنطته وراه سلم عليه بحراره وبادله عناد نفس نفس السلام الحار عقد ناصر حواجبه وهو ينتبه للهالات السودا تحت عيون عناد : شفيه وجهك كذا
عناد ببرود :ارق مقدرت انام
ناصر : وان شاء الله تبي تقابل امي وشكلك كذا ؟!
عناد يتنهد : ناصر لا تزيدها
ناصر : قبل لا تروح لامي بوديك بيتك تريح شوي امس فاطمة جزاها خير نظفته لك
عناد : لا ما ابي ادخل البيت
ناصر : طيب براحتك ... اجل تعالي بيتي ريح شوي بعدها روح لامي شكلك كأنك طالع من قبر
عناد يركب السياره : ان شا الله
حرك ناصر وبعد سكوت خمس دقايق ضرب راسه بخفه كأنه تذكر شي : يووه نسيت اخبر فاطمه على وصولك .. موصيتني اقلها
عناد: خلها لبعدين قلها اذا جيت بروح عند امي
ناصر بضحكه : عشان تذبحني انت اكثر انسان عارف اختك
عناد : ههههههههه معك حق .. خلاص كلمها وقلها تجي عند امي بعدين
ناصر وهو يدور على اسم فاطمه دق عليها وحط السماعه بأذنه : ان شاء الله
................
(راكان)
اووووف طفشت من السرير ابي اقوم بس اخاف ماما فاطمه تدري اني كنت اكذب عليها ابتسمت لاقيت فكره حلوه بروح الصاله واذا قاللتلي شي بقلها بطني خفت بعد الحليب الي شربته وطفشت قمت من سريري واتجهت للصاله بس سمعت صوت ماما خوفت وقررت خلاص برجع غرفتي بس سمعتها تقول اسم بابا
فاطمه: اماااانه عناد وصل !!!..... الحمدلله على سلامته .... عشر سنوات والله اني اشتقتله حييييييييل ..... عطني بكلمه بتحمدله بالسلامه ..... ليه فيه شي ؟؟؟....... اها تعبان من السفر ترا بيته نظيف امس نظفته مع الخدم ...... ليه بيروح بيتك وبيته مرتب ونظيف ..... بحزن : اها براحته ... يالله في امان الله
راكان: يس يس ما اصدق ابوي جاء اخيرا اخيرا بشوفه على الطبيعه بدل الصور رح احكيله كل شي قاله ريان لي عشان يضربه بروح لبيت عمي ناصر بستقبله سمعت ماما تقول للخدامه : سيلينا تعالي نظفي الصاله ... يالله بروح اشوف راكان
انطلقت بكل سرعتي لغرفتي عشان امي ما تعرف كذبتي وانسدحت على السرير وتلحفت وغمضت عيوني بسوي نفسي نايم جت ماما فاطمه فتحت الباب وحطت يدها على راسي وجلست تمسح على شعري شوي وبعدها قفلت الباب وطلعت وانا نطيت من السرير عشان اغير ملابسي والبس شي حلو عشان بابا يشوفني حلو
..............................
عند ناصر وعناد
وصلوا لبيت ناصر
ناصر : يا هلا يا هلا نورت البيت يا اخوي
عناد : تسلم
ناصر دخل عناد المجلس
ناصر : ارتاح بروح بجبلك شي تشربه
عناد : يعطيك العافيه ... ما ابي شي يا ناصر وتراني مو غريب
ناصر : براحتك ... شوي بروح اجبلك لحاف ومخده وكذا
عناد وهو يجلس على الكنبه بتعب : طيب
(عناد)
راح ناصر وبقيت انا لحالي بالمجلس يالله شوف كيف الدنيا لعبت فيني غمضت عيوني بس سمعت صوت خلاني ارجع افتحها سمعت صوت ولد صغير ينادي بابا رفعت راسي وحواجبي معقوده ناظرت جهت الباب وانصدمت شوفت ايلين قدامي كيف !!! هي ماتت وقفت على حيلي وعيوني مثبته عليها قربت منها بس شفيها كذا صايره قصيره نزلت لمستواها مسكت خصله من خصلات شعرها الاحمر الا ذيه ايلين مافي احد معه نفس لون الشعر ناظرت لعيونها نفس العيون الرماديه الي حبيتها ايلين رجعت رجعت بس فجاءة تذكرت المقطع تذكرت الي سوته فيني تذكرت انها كانت تستغفلني تذكرت انها مروجه ليه ليه ترجع لازم تموت لازم تموت ليه تخدعني ليه تخليني احبها سمعت صوتها وهي تقول عناد احبك عناد احبك تكررت ذيه الجمله كثير باذني كأنه صدى مسكت الخصلات الي بيدي بقوه ورميتها بالارض وانا اصرخ بهستيريه : اسكتي اسكتي انتي كذابه كذابه انتي ما تحبيني خلااااااااااااص اسكتي وانهلت عليها ضرب من غير وعي رميتها على طاوله قزاز شوفت القزاز تناثر بكل مكان وصار يغطيه اللون الاحمر الاحمر الي نفس لون شعرها صرت اشوف انعكاسها بكل مكااان مسكت رقبتها موتي موتي يالكذابه موتي من قلبي موتي من حياتي بس حسيت بيد الي تدفعني بقوه عنها رفعت راسي شوفت ناصر سمعته يقول
نااصر بصرااخ : انت مجنوووون وش سويت ذبحت الولد
صرخت : بذبحها بذبحها ما تستاهل تعيش
ناصر : اصحى على نفسك مين بتذبح ؟ ولدك انت مجنون يا عناد
عناد بهمس : ابني ؟؟ أي ابن انا بذبح ايلين
ناصر الي وصله همس عناد : اصحى اصحى ذا ولدك مو ايلين انت مجنون الولد بيموت
عناد سرحاااان
ناصر فاقد الامل من ذا الادمي حمل راكان الي كان وجه بدا يزرق والدم حوووله بكل مكان وركض فيه للمستشفى
عناد كأنه بدا يستوعب : انا وش سويت ... رفع يده الي كانت ترجف مو مستوعب ولا هو قادر يفهم الي صار مين الي كان قدامه ووش قصده ناصر يوم يقول ولدي طلع من البيت وهو مشتت ووقف تاكسي وهو يرجف : على المطار
...................
بالمستشفى
ناصر قدام العنايه رايح جاي وهو متوتر خايف يصير شي للولد مرت ساعه وساعتين وهو واقف وكل ساعه تمر يزيد توتره مو مصدق كيف اخوه سوا كذا وصحى من تفكيره من خروج الدكتور
ناصر : دكتور طمني
الدكتور ووجه ما يبشر بخير : مدري وش اقلك بس لاقينا قزازه بوحده من كلياته ومتضرره كثير ولازم نستخرجها ... فمحتاجين توقيع ولي امره على العمليه
ناصر مصدوم ما توقع توصل لذيه الدرجه : ابوه مو موجود انا عمه بوقع العمليه
الدكتور : طيب
خلص ناصر الاوراق الازمه وجلس على كرسي الانتظار ونزل راسه بين يدينه خايف يصير شي لراكان ونفس الوقت مقهووور من اخوه مو مصدق انه قدر يسوي شي زي كذاوبعد ساعه ثانيه طلع الدكتور
ناصر : هاه دكتور بشر
الدكتور : احنا سوينا الي علينا ...............
.......................
رجع ناصر للبيت وهو ناوي على عناد مستحيل يسكتله وصل لببيت وهو ينادي باعلى صوته : عناااااد عنااااااااد ... جاه حارس البوابه
: طال عمرك ... العم عناد قبل شوي وقف تاكسي وطلع
ناصر بقهر العالم كله صرخ على العامل : كييييف راح .... جاوبني كيف يروح هاه ... ضرب برجله بالارض : ذا الانسان مو طبيعي مو طبيعي وطلع من البيت متجهه لبيت فاطمه لازم يقولها بالنهايه ذا ولدها هي الي ربته مو عارف كيف رح يزفلها ذا الخبر
........................

انتهى البارت
توقعاتكم
لا اله الا الله .... الحمدلله ... والله اكبر