[لامارا]

‏" شعور ملخبط لما تسوي نفسك مو مهتم لشخص وانت كل دقيقه رايح تشوف كل شي يخصه وهو ما يدري ".

في المجلس
جالسين يسولفون مندمجين و شاهي رايح و شاهي جاي كان مالك يشرب شاهي و متحمس بالسوالف مع سلطان فجأة بدأ يحس بوجع في صدره استأذن من سلطان و راح و هو يحاول ما يبين يا دوب طلع من المجلس بس و عجزت رجوله تحمله من الوجع شد على صدره بقوه يبي يرد نفسه يعرف زين هذا الوجع و المرعب أنه يعرف سببه حاول يستجمع قواها مسك جواله و هو يضغط على الرقم الواحد
احتياجي يتم الاتصال به
انقطع بدون رد دق مره ثانيه و ثالثه و هو كل شوي انفاسه تضيق عليه زياده عجز يتحمل الوجع كلم على سنيدي
سلطان : وينك كل ذا بالحمام
مالك بصوت متقطع : ب سرعه ت عال
شاف سلطان مقبل عليه و علامات الخوف بوجهه نزل راسه لمالك
سلطان بخوف : مالك شفيك وجهك مزرق
مالك طلعت منه صرخه خفيفه : م م ملاك شف
و ين ها هي م مو بخ بخير
انتفض قلب سلطان بجنون مستحيل يكذبه و هو بنفسه شهد على هذا الشيء
دق اكثر من مره ما ردت انجن هي فيها شي بس وين و كيف
شاف عيون مالك تسكر بشويش حاول يصحيه
سلطان: مالك مالك اصحى
لا رد من مالك اغمى عليه
من كميه الرعب و كثر ما قلبه صار يدق يحس بوجع بصدره حط الجوال بجيبه بسرعه و هو يحمل مالك ان كان بين مالك و ملاك شي يتشابهون فيه اضافه للشكل و الملامح هو الطول و الحجم
عشان كذا كان سهل عليه انه يحمله دخله بالسياره و هو يركض لباب السايق رايح للمستشفى
الا سمع صوت جوال مالك يرن شاف رقم غريب
رجفت يدينه ما يدري ليه اذا رد يحس بيسمع شي موب عاجبه ابد رد و الخوف متملك خاطره
سلطان : الو
..... : هذا رقم مالك خالد ال....
سلطان عجز يسيطر على نبضاته اي شي يخصها يقوده الجنون كيف و هو يدري ان فيها شي : اي نعم
.... : معليش بس اختك حصل لها حادث مع شخص ثاني ياليت تتفضل لمستشفى ....
سلطان انجن كيف صار لها حادث او بالاصح من هو الشخص اللي معها كيف راحت معه الف سؤال جاء بمخه لاكن اللي طلع من بين شفايفه : هي ب بخير ؟
... : حالتها موب خطيره الرجال اللي كان معها اسوء من حالتها
و سكر الجوال
لف بالسياره بسرعه متوجه للمستشفى اللي ذكره الشي الوحيد اللي متأكد منه انه قطع اشارات كثيره كذا مره بيصير له حادث بس ربي ستر عليه
اي الشخص اللي يشوفه الحين ما يقول سلطان اللي عقله يوزن بلد هو حاليا بقمة رعبه على حبيبته و اللي مرعبه اكثر الشخص اللي كان معها مين متاأكد انه شي موب عاجبه ابد بس الحين المهم تظل بخير
و الباقي بيتفاهم معها عقب
وصل للمستشفى و هو حامل مالك معاه نقلوه بالسرير و قال له الدكتور موب شي خطير دقايق و يصحى
للاسف ان ما في سلطان ذره صبر اكثر من كذا هو بيكلمها بنفسه ما راح ينتظر مالك يصحى لان لو جلس اكثر من كذا بيكسر الدنيا فوق راس اللي كان معها
عند الاستقبال
سلطان : معليش ابي اعرف رقم غرفه المريضه ملاك خالد ال .....
و الرجال اللي كان معها بحادث سياره
موظف الاستقبال : ثواني بس رقم الغرفه ٢٠٥ غؤفه ملاك اما عبد العزيز عمر رقم غرفته ٢١٥
سلطان انصدم ما توقع يكون هو شتسوي معاه بالاصح شتسوي معه انجن يحس النار تأكله حي من الغيره و كميه الافكار اللي احتلت عقله حاول يسرع في خطواته لغرفه عبد العزيز يبي يستفسر منه قبل يروح لها و يسوي شي يندم عليه طول حياته
دخل غرفة عبد العزيز و هو منجن الغيره تنهشه نهش توجه له و شد على ملابسه
سلطان من بين اسنانه : شتسوي معاك بالسياره
ما انصحك تكذب لان يمكن تندفن حي ان كذبتو طلع انك ماسك شعره بس من راسها
عبد العزيز بهدوء : ما ادري
سلطان برزت عروقه بغضب : تستهبل اخلص و قل الصدق ما فيني ذرة صبر
عبدالعزيز و تعابيره هي نفسها: قلت لك ما ادري ما وعيت الا على صرختها و صدمت بس
سلطان ترك ملابسه : اتمنى تكون صادق لان غير كذا بيخليني افرغ المسدس برأسك
عبدالعزيز غمض عيونه و ببرود : سكر الباب وراك و ياليت النور بعد صح
ابتسم بسخريه
و الله يسلمك ماكان له داعي عنوتك
طلع متجاهله
راح متوجه لها و داخله نار تشتعل
وصل للقسم اللي فيه غرفتها كان بيتوجه لها بس غير اتجاهه للدكتور بيستفسر عن حالتها
سلطان : السلام عليكم دكتور
الدكتور : و عليكم السلام كيف اخدمك
سلطان غمض عيونه يبي يهدي نفسه شوي : ابي اعرف حاله المريضه ملاك خالد
الدكتور و هو يشوف الكشف حقها : امم مجرد خدوش بسيطه و اغماء ان شاء الله بتفوق بعد كم ساعه صار بسبب الصدمه الحمدلله عدت على خير ما كان حادث قوي لكن كشفنا عليها للتأكيد لا غير
سلطان بجمود : شكرا دكتور
طلع من عند الدكتور
وقف عند غرفتها و هو يتنفس يبي يهدأ
مد يده يبي يفتح الباب لكنه تراجع
ظل متردد يدخل او لا لين حزم امره و دخل للغرفه تقدم و ابعد الستاره عن السرير اللي نايمه فيه حبيبة عينه لقاها نغمضه عيونها و فيه كدمه بسيطه بوجهها و جرح صغير تقدم منها و مسك يدينها لقاها فيها جروح و بارده نفخ عليها يبي يدفيها و هو يمسح عليها بخفيف خايف عليها تتألم
بس مجرد انها شافها كان ماء بارد انسكب على قلبه يعترف ان غيرته اعمته ولكن من يلومه
غمض عيونه يدري انها بتمشي على جثته لو درت انه سوى كذا ابتسم و هو يتخيلها تهاوشه
مسح على راسها و عدل غطاها
يوم جاء بيطلع شاف ممرضه ناداها
سلطان : لو سمحتي التكييف علي عليه و جيبي بطانيه زياده
الممرضه راحت و جابت له اللي طلبه
دخل عليها مره ثانيه و غطاها بالغطاء الثاني
بعدين بيستفسر من كل صغيره و كبيره عن السبب اللي خلاها تروح مع عبدالعزيز
يعرف انها موب رخيصه و واثق منها
و لا عبدالعزيز من النوع المتهورر اللي يخليه يتعدى حدوده او رجال دنيء يخليه يمس بنت عمه بسوء
اجل لييش ليش
تنهد و راح لمالك يتطمن عليه دخل عنده لقى الممرض يتهاوش معاه : خلص المغذي ما يصير كذا
مالك بحنق : تسمع موب فاضي لك
نزع المغذي من يده بقوه لدرجه يده نزفت
توسعت عيون الممرض : يدك تنزف لو سمحت يا استاذ مالك ما يصير اللي تسويه
انتبه مالك لسلطان
و طنش الممرض : هي وين كيفها لقيتها
سلطان : هي بخير هنا بالمستشفى
توسعت عيون مالك بصدمه ركض و هو متوجه للاستقبال
مسك يده سلطان : غرفه ٢٠٥
نفض مالك يده متوجه لغرفتها
ما يلومه يعرف كميه خوفه عليها تنهد من شاف قطرات الدم اللي على الارض
مستحيل يفيد معاه شي غير ان يشوفها و يتطمن عليها

تنفس بعمق : ياارب صبرك يارب

مالك
انجنيت من صحيت و انا ما بعد لقيتها جيت بروح لكن هذا الممرض نشب لي
مقدر اسيطر على اعصابي و انا مدري هي وين و كيفها قررت اني اطنشه
ربي رحمني جاء لي سلطان و قال لي انها بالمستشفى انتفضت برعب ماراح ارتاح لما اشوفها بخير
وقفت عند باب غرفتها
جيت بدخل
لكن سلطان استوقفني انه يبي يقول لي شي
قاله سلطان عن كل شي
مالك الشي الوحيد اللي باين بووجهه هو الصدمه و لا شي غير هذا
دخل غرفتها و لقاها قايمه
توجه لها و هو .....

يتبع