[رفيف كرم]

#لعبة_القدر_بقلمي_رفيف_كرم


الفصول الاول والثاني والثالث


#الجزءالاول....
حبك لك منذ الطفولة والمراهقة حاولت ان انسى لكن فشلت
هل تصدق ما يقوله قلبي لي ..
هناك مشاعر لم أحس بها يوما ولم أفهم لها تعبيرا ..!!
فهل ستخبرني انت بحقيقتها ؟!..
هل ستخبرني لم انا أحس بها ؟!
هل ستخبرني أنني أحبك ..
لم أصدق هذا بالبداية ..
لكن ..هذا هي لعبة القدر ....
كل يوم الدنيا حولي تقف لتقر ..
بل تحبينه .. فصدقي أو لا تصدقي ..(منقولة)
..............
امي :حبيبتي اجا اياد يلا جاهزي..

فتون:جاهزي امي جهزتي رامز...

امي :ايه حبيبتي كلوا جاهز بعرف انك زعلاني منا بس هاد احسن الك ولابنك صار عندو اب...

فتون :ايه فهماني عليكي وانا كمان رح ربي ولادو ورح عوضهن عن أمهم..

امي:الله يرضا عليك دنيا اخرة

.. يلا حبيبتي اياد عم يندلهلك.
قصتي غريبة شوي ويمكن موجود منها كتير بهل الحرب انا ام ارملة وزوجة شهيد بالحرب...تزوجت رجل عندوا ولدين مو اي رجال جوز اختي كل هاد بلش من قبل 5سنوات........كل الذكريات رجعت كأني اليوم عم عيشها:

مها:يالله ماني مصدقة اجا طلبني ياربي انا بحلم ولابعلم.. مافي مبروك فتون حبيبتي..

فتون:مبروك الف مبروك...

مها:ظاهر طلعوا رايحة شوف ماما حبيبتي...

فتون(😢):ليش هيك ياربي انا بحبوا وهوي جاي ياخد اختي يعني رح يصير حب حرام علي كان لازم صارحوا وقلوا اني بحبوا بس انا جبانة بس ماكان ينتبه علي عيوني لحالن عم يحكيني حتي بالحب مالي حظ الله يسعدك يااياد مع اختي..
.
امي:فتون حبيبتي ليش عم تبكي...

فتون:مافي شي امي بس مبسوطة لاختي...

امي:بعرف انتي الكبيرة بس اجا نصيبها قبلك شو نسوي..

فتون:بعرف امي اسا كل عمري 18سنة بس موحرام تزوجها لسا عمرها17

امي:لا حبيبتي الخطبة رح ضل سنة لتكمل 18

فتون(بقلبها):رح يروح ويجي سنة كامل والله لموت من البكا يالله صبرك... ايه منيح امي احسن مشان دراسة اختي رح شوفها وين راحت

امي:ايه ياروحي الهي ومولاي يبعتلك ابن الحلال الي يرضيك

فتون:ايه امي ايه(راح راح مني ياامي صار لاختي)

فتون:ياعروس وينك ياعروس...

مها:ايه حبيبتي مااحلى الكلمة منك مالي مصدقة قرصيني لصدق يلا...

فتون:اتفضلي هاي قرصة

مها:ايي وجعتيني اختي..

فتون:اسفة ياروحي بس انت قرصيني لتصدقي احترت معك

مها :ايه خلص رايحة خبر رفقاتي والله ليطقني من الغيرة

فنون:والله الظاهر انتي ليطق عقلك...يامجنوني...

مها:لتكوني غيراني مني😛

فتون:عيب عليكي ولك انا اختك بدي غار منك الله يسعدك ياقلبي..

مها:انا عم امزح معك بعرف فرحك اكبر من فرحي.. أووه من كان يتخيل انو اياد كل صبايا الجامعة يحلموا بس بنظرة من عيونوا اجا طلبني امبارح اذا كان حلم مابدي فيق منو ابدا

فتون:كمان انتي شباب طابور ع باب بيتنا بدن يطلبوكي بس ابي رافض اي ارتباط لتخلصي دراسة وابي شخصية كبيرة ومعرفة ونيالوا رح يأخذك .. بس اياد حالة خاصة لانو ابن عمتي مشانها ماحب يخجلها وهوي شب سابقوا سمعتوا الحلوة واخلاقوا كمان سنتين رح يتخرج ويصير أكبر مهندس...

مها:ماشاءالله عرفاني عنو كل شي مع انك. بتكرهيه

فتون:مابقولوا اذا بدك تسلمي من عدوك لازم تعرفي عنو كل شي...

مها:ههههه عدوك اووف بسرعة صار عدوك الله يكون بعونوا من هلق

فتون:لاتذكريني انو بكرا بس تنخطبي الو رح يقضيها رايح جاي ياحبيبي رح نقضيها مغامرات واكشن

مها :بوس ايدك لاتسوي شي معو شي وطفشيه ...

فتون:شبك ولك خلص مارح اعمل معو شي رح يكون خطيب الغالية اختي

مها:ياروحي يااختي عقبيلك كمان انتي..

فتون:ايه ايه أختي امين من تمك لباب السما

بعد المحادثة اجا تاني يوم عمتي وجوز عمتي وابنها اياد ليحددوا الخطبة وموعد كتب الكتاب.. وانا لابسة قناعة السعادة والفرح بس من جوا كنت عم انحرق واصرخ دموعي بزور حابستهن... يالله في اصعب من هيك حب من طرف واحد حب الطفولة والمراهقة راح لاختي بتذكر وقتها كانت عم تمطر طلعت ع السطح بعد مارحوا الكل الا اياد ضل مع اهلي واختي وقعدت ابكي ابكي مابعرف دموعي اكتر ولاالمطر بكت وصرخت بس صوت العاصفة غطا ع كل شي بعد ماهديت انزلت ع البيت بحط اجري ع اخر درجة...

اياد:ليش هيك مبلولي بالماي شو كنت عم تسوي ع سطح

فتون:مالك علاقة بعد عن طريقي لو سمحت

اياد:بس فهمني شو سويتلك حتى بتكرهيني كل هل القد

فتون:هيك الكره من الله من خلقت بكرهك لو سمحت بعد عن طريقي

اياد:اتفضل بس صدقيني رح خليكي تحبني متل اخ واعز...

فتون:انت مالك اخي ولابعمرك رح تصير لاتعزب حالك خليك مع خطيبتك

وفتت ع البيت وركضت ع غرفتي وقفلت الباب وصرت ابكي بكا مو طبيعي واصرخ انا ماني اختك انت مانك اخي انا بحبك بحبك ياربي ليش هل العذاب بس خلص رح اختم ع قلبي انو ينساك انسيه يافتون من بكرا رح سكر ع قلبي مارح حب بعدك ولارح حبك .......

يوم كتب الكتاب والخطبة جهزت اختي وجهزت حالي طلعنا من كوافيرة لقينا اياد ناطرنا مشان يوصل اختي ع صالة وانا عصبت من هاد التصرف مرقتها لانو خطبت أختي طلب من أختي تقعد معو قدام بس ماسمحتلها وقعدت انا وياه وراء هوي امبين عليه الشرار الي عم يطلع من عيونوا وانا راسمي ابتسامي جانبية ع شفايفي التفت على ازاز السيارة وصرت طلع لبرا بس مشان عيونا ماتتلاقى وصلنا ع الصالة وسحبت اختي..
فتون:نص ساعة وبتشوفها لاتخاف مارح تهرب.. اختي عصبت مني وبس قلتلها مشان يحسك تقيلة ياجدبة بكرا بس يكتب الكتاب ان شاء الله ياخدك ع المريخ مو همي بس هلق فرجيه انك تقيلي...

مها:عنجد حبيبتي اختي بس كانو عصب

فتون:لاتخافي خليني زبطلك المكياج ونص ساعة ورح يفوتوا يلا بدي ياه اول ما يشوفك يطير عقلوا فيك..... رقصنا وانبسطنا واجا العريس رقص هوي واختي قدام عيوني.. ابتسمت رغم الالم والدموع الحبوسة بقلبي اتحججت وفتت ع الحمام وفتحت الماي وصرت ابكي وابكي واغسل وجهي ياربي صبرني بعد ربع ساعة انهيار غسلت وجهي وزبطت مكياج ورجعت ع الصالة كان العرسان قاعدين وعم يحكوا مع بعض اختي كل ماطلعت في كنت اضحك وابتسملها بس هوي كنت ماخلي عيونا تلتقي كنت حس بسكاكين عم تخز قلبي بنظرات عيونوا هذا كثير قررت اني ارجع عاابيت لحالي حابي
.................................................. .......
#جزءالتاني.......
.............................
اتمشى لخفف النار الي شغالي جواتي بدلت تيابي وطلعت كل مابكيت لازم ينزل مطرليش مابعرف يمكن القدر عم يحس علي وينزل المطر لحتى يخفي دموعي بين الناس ومحد يسأل ليش عم ابكي ضليت ساعة عم امشي تحت المطر لوصلت لباب بيتنا لاتفاجاة فيه واقف ع الباب....

اياد:الحمدالله ع السلامة وين كنت لهلق

فتون:مادخلك روح من هون احسلك

اياد:كيف مادخلني وهلق صرت من هل العيلة يعني سمعتي من سمعتكن فهمتي

فتون:شو قصدك شوقصدك قلي صارت جريمة اذا حبيت
أتمشى اختنقت من جوا الصالة قلت بغير جوا وبعدين نزلت المطر قعدت بمكان لحتى تصحى الدنيا

اياد صار يطلع علي من فوق لتحت

اياد:ظاهر غاسلي حالك من مطر وتيابك عبياني مي...

فتون:شو الك علاقة هاي اجيت ع البيت... سحبت حالي لجوا ع الباب البيت مسكني من ايدي

اياد:اخر مرة بسمحلك تحكي معي هيك لولا مابعتبرك متل اختي وغالي علي ماكنت قلت هيك

هاد الكلام خلاني طالع كل شي بقلبي وانفجر....

فتون:انا ماني اختك ولابعمري رح كون اختك حاج بقا تعملي حالك دور الشخص الخايف علي انا كبيرة بعرف الصح من الغلط انتي شو مالك علاقة في علاقتك باختي وخطيبتك وبس سمعت ...

اياد واقف مصدوم من القنبلة الي انفجرت بوجهوا وانا فتت بسرعة ع البيت لاتفاجاة باهلي واقفين قدامي وابي كان معصب كتير ع التاخير....

بابا:شرفتي ياست الحسن والجمال وين كنتي لهلق...

فتون:حبيت اتمشى اتاخرت بدون قصدي اسفة

اياد فات ع صوت صراخ ابي العالي قرب ابي مني بدوا يضربني كف بس اياد وقف ومنع ابي

اياد: عمي زرعها بدقني هل مرة هاي اخر مرة بتطلع من البيت..

بابا:بس اتاخرت كتيرا لازم حاسبها..

اياد:ماهلق صرت من هل العيلة ولالا مابتعتبرني من العيلة..
بابا:انت صرت محسوب عليهن الاخ الكبير..

اياد:تمام عمي وانا بصفتي اخ الكبير ازرعها بدقني وفتون مابقى تعيدها.... التفت لعندي

اياد:هاي اخر مرة بتطلعي من البيت بس بدك تروحي ع مجل خبريني انا باخدك فهمتي فيكي تروحي ع الغرفة

انا نار اشتغلت في قلبي لانو ابي سمح لشخص غريب يتحكم فينا فتت ع الغرفة وانا روح واجي بهل الغرفة رح انفجر... اخر شي بعتلوا رسالة (انت اعلنت الحرب بينا لشوف شقد بدك تتحمل قبل ماطفشك)...رجع بعتلي(انا جاهز ياقتل يامقتول).. (يامسكين مانك عرفان شو ناطرك)... (لا عرفان رح اكسر راسك استني)... (هههههه ضحكتني ومالي نفس اضحك).... (وهو المطلوب اضحكب هلا بكرة.. رح تبكي )... (اكتشفت شي جديد فيك بتعرف شو هوي)....( خبرينا عم نستنا شو هل الإكتشاف)...... (😝انك واحد غليظ)... ‘سكرت مشان ماشوف الرد....استنى علي.....بلشت خطط شو رح سوي فيه يمكن كرهي قضى ع الحب الي كنت كنلوا اياه...

وبلشت الحرب... اول يوم اجا زيارة كانت دنيا شتا وبرد شلح بوط الرياضة قدام الباب وانا هون اخذتوا من دون ماينتبه وحطيت اول مقلب فيه...واسنيت ليرجع ع بيتوا يمكن وقتها نمت وانا شمتاني شو رح يصير فيه.

.حسيت ع رنة الهاتف (غرا يافتون بتحطي غرا بالبوط بسيطة انا بفرجيكي 😠).

.انا الارض مي سايعتني انو بلشت فيه فصول مقالب وكل يوم مقلب جديد ..اختي مرة عزمتوا ع اكلت حلو هي عاملتها حطيت بدل السكر ملح انكليري ..طبعا محد اكل منو لانو اهلي مابيسترجوا ياكلوا شي عاملتوا مها لحبيب قلبها اياد بس المسكين ماكان عرفان شو ناطروا...وقت الي خلص اياد الكاتو انا فرطت من الضحك بالزور كنت حابستها بس لما شفت منظروا كيف انقلب وصار بدوا يروح ع تواليت فقعت من الضحك.....عرف اياد انو انا السبب بلي صابوا فحب يردلي اياها.. بعد اسبوع وتخطيط حب الاستاذ يعزمنا ع شاورما... انا شكيت ليش لياخدني معهن مع اني رفضت اني روح معهم بس اياد اصر علي شميت ريحة مقلب ..وصلنا ع محل الشاورما اياد طلب 3 بس راح يحكي مع شب وياشر ع شي بعد شوي اجا معو شاورما بس نسا كولا طلعت عليه لقيت في صندويشتين معلمات بدلت بينهن وخليت اياد يوزع عطاني وحدي ماعليها علامة وانا اخدتها وبلشت اكل صار يطلع علي اني ماسويت اي ردت فعل..

فتون:بدك شاورما رح تاكلني اكل بعيونك شو صاير معك يلا كول...

اياد:مانك حاسي بش..

فتون:متل شو...

اياد:ولاشي سلامتك...

اياد اكل اول لقمة وقلب وجهو احمر دم .

.مها :شوبك اياد ليش وجهك قلب لونوا..

. اياد:ولاشي بس الظاهر مكترين شطة...

مها:تفضل مي شراب منها... اياد اخد القنية وصار يشرب متل المحروم من المي وانامسواي حالي مالي خبر..

فتون(بقلبها):علينا ياستاذ اياد لفرجيك الي بدوا ياخد دور الكبير القا اذا بتلاقا..😈)..خلصونا يلا بدي ارجع ع البيت بعد هل الأكلة المدسمة يلا اياد هي شويت شطة صار فيك هيك..
مها:خلص فتون ليش عم تحكي معو..

فتون :ظاهر انك مدلل اهلك اختى ليكي في بوظة بالسيارة طعمي اياه..

خليت اختي لتروح وقربت منو. فتون:مرة جاي بدك تعمل مقالب انتبه غلطة شاطر بعشرة هههههه..

ورحت وقعدت بالسيارة ضحكة الانتصار مرسومي ع وجهي... رجعنا ع البيت وفتنا ع غرفنا وانا بلشت فكر عنجد بحس بشعور حلو معك حتى لوكني مقالب بس فكرت انو بدوا يردلي المقالب بتخليني افرح حسيت ع رنة هاتفي (هاي مازبطت بس مرة الجاي رح تزبط معي) ..

.(اعلى ما بخيلك اركبوا هه)..

.وفعلا نقضيها. مقالب بس ولامرة اياد كانت تظبط المقالب معو كل يوم كنت روح مدرسة ويصير مشكلة مشان روحا ع المدرسة اياد بضل مصر يوصلني مدرسة مابكفي انك معذبي انك خطيب اختي بدك ياني اركب بالسيارة معك ريحة عطرك مابتطلع من انفي لهلق بذكرها وضحكت وعصبيتك.. كنت اتحجج اني بدي امشي مع رفقاتي او اني حابي اتركهن ع رحتهن هوي واختي مابنكر اني بكيت وانقهرت بس لما شوف ضحكة اختي بمسح كل شي ..حتى اجا اليوم الي عملت اكبر غلطة بحياتي.. ابن عمي يتيم مقطوع من شجرة أهلوا عملوا حادث بالسيارة لما كانوا رايحة ع محافظة تاني واختوا الي عمرها سنتين كمان لما توفوا اهلوا كان عمروا18 سنة ابي تكفل فيه وكمل تعليموا صار عمروا 20 وعندوا حلم واحد يصير شيف طبخ مشهور ايه متل ماعم قلكن بسبب عزلتوا وانو عايش لحالوا اكتشف انو بحب يفوت ع مطبخ وبلش شوي يتعلم ويخترع وصفات جديد لحتى صار شاطر بهل شي حتى لما اجا فاتح ابي بهل شي وماوقف ضدوا بالعكس شجعوا ..انا كنت شوف محمد شخصية مي رجولي انو الطبخ للنساء مو للرجال كنت ضل
------------------------------
#الجزءالتالت
-----------------------------------------
قارنوا باياد.. لحتى اجا اليوم والي قررا ابي فيه يخطبني لمحمد انصدمت كتير من هل القرار مااخد راي ابدا حاولت امنع هل شي بس ماقدرت بعد الخطبة اجاني اكتئاب مابعرف شو سميها ضعف ايمان مابعرف مهم بتذكر لميت أدوية الي عنا بالبيت واخدتها كلها بكيت وشتمت بس باخرلحظة صحيت ع حالي شو سويت حاولت استفرغ بس مافي نتيجة لمين بدي قول شو هل مصيبة يارب اخدت الهاتف وأنا عم ارجف من الادوية الي اخذتها واتصلت..

فتون:اياد انا ناطرتك تحت تعال بسرعة وضروري... ماخليتوا يكمل سكرت ولبست ونزلت بصعوبة بسبب الدوخة لما حسيت ع سيارة ركبت وقتلوا ع مشفى بسرعة غبت عن الوعي.. بعدها فتحت عيوني لقيت ابرة سيرون بايدي وانا ع سرير بالمشفى واياد قدامي نايم ع كنباي شقد نمت مابعرف صرت شوف اذا اهلي هون او خبرهن شي حسيت ع صوتوا..

اياد:فقتي آلحمد الله ع سلامة...ماحكيت شي لانو كنت موجوعة من حلقي وبطني كتير..

اياد:ليش هيك عملتي..

فتون:....................

اياد:ليش ماعم تردي ليش هيك عملتي وليش حاولتي تنتحري شو السبب

.... فتون:ماانتحرت بس خربطت بالدوا..

اياد:بدلها هيك ليش اتصلت في وماخبرتي ابوكي.

فتون:ماكان بالبيت والشغلي مابتخوف... كان واقف ع شباك كان في طاولة مقابيل السرير اجا وضرب عليها بكل قوتوا عليها وجفلت..

اياد :عم مين عم تكذبي اه خبرني الدكتور قال انك اخدي اكتر من دوا كل هاد خربطتي فيهن شو شايفتني قدامك ليش هيك عملتي..
ماحسنت جاوب ضلت ساكتي بس دموعي فضحني..

اياد:فتون انتي عملت هيك لانو ابوكي غصبك ع محمد..

فتون:لا..

اياد:لكا ليش خبريني...

فتون:لاني مخنوقة وكرهاني الدنيا ماشي حل عني بدي ارجع ع البيت...

اياد:اسفة لبكرا ليسمحولك تتطلعي..

فتون:واهلي..

.اياد:هلق اتذكرتي اهلك لاتخافي خبرتهن انك رح تنامي عندي اختي مشان الامتحانات...

ضليت عم طلع فيه مابعرف شو بدي احكي معو خجلاني منو كتير ...حس بخجلي وطلع لبرا وانا هون انفجرت من بكا وطلعت كل شي بقلبي شوبدك قلك اني مااتخيل حياتي من دونك اني رح عيش مع شخص غيرك يالله انا اكبر خايني.. خايني لاختي ولخطيبي يارب اشو لعبة الي انا فيها تاني يوم طلعنا من المشفى كنا وقت ليل ركبت وسندت راسي ع ازاز الباب وصرت طلع لبرا وانتبهت ع اياد عم يطلع علي لما وصلنا فتت امي وابي بالصالون سلمت عليهن وقلتلهن اني تعباني بدي نام من دراسة حبت اختي مها تنام عندي قلتلها تعالي قعدنا نحكي كل الليل وبلشت تبعت رسايل لاياد حب وغزال كنت احسدها والله ...حسيت ع اختي لما غفلت رن هاتفها

فتحت كان رسالة اياد... (مها نمتي ردي علي)..... اخدت الهاتف وبلشت اكتب..( لا فايقة معقول نام وعمري وحياتي فايق)...

اياد:بتعرف فكرت نمتي متل كل مرة كنت رح ازعل منك..

لالا كل شي الا زعلك ياقلبي...

اياد:اووف شو صايبك اليوم لاتدلليني ترا بصير بشوف حالي عليكي...

بدي دللك ماانتي بكرا رح تصير جوزي شوفيها ياقلبي وعمري... عم اكتب مشاعري حتى لو مفكرني اختي بس مهم طالع كل شي بقلبي قبل مابلش حياة جديدة بعد ماخلصنا رسائل ساعة 5 الصبح مابنساها مسحت كل شي.

... بعد اسبوع تحدد عرسي وبلشنا نجهز انا لاكنت حزينة ولاكنت فرحاني مع انو محمد كل بنت بتتمناه بس خلص انا لازم كمل معو وانسا وحاولت بفترة الخطبة اتعرف اكتر ع محمد صرت اهتم بحالي وصرت حط مكياج مشان اخفى سواد عيوني من قلت النوم وبيوم حب محمد ياخدني مشوار ع مطعم صغير فاتح ع البحر ابي وافق ورحنا حطيت مكياج بسيط بس الحمرا حطيتها لونها احمر غامق ونزلت نطرت محمد ليجي تحت ع صدفة اجا اياد ليزور اهلي وكنت قاعدي ع كرسي الحديقة ...

اياد:ليش قاعدي لحالك هون لفيت وجهي مشان ما يشوف مكياج...قرب مني وقال.

اياد:فتون طلعي علي لفي وجهك ليش مخبيته... لفيت وجهي صار يصرخ علي...

اياد:في بنت متربية بتنزل بهل منظر وبعدين شو هل لون حاطته ع شفايفك طالع محرمة من جيبوا بدوا يمسح لون الحمرا..

فتون:انتي مالك علاقة في وهلق عن اذنك

..اجا محمد وركبت معو بس نظرات اياد كلها غضب رح تجنني ليش عم يهتم وخايف علي بعد السهرالحلوة اديقت من محمد انو ماعلق ع لبسي او مكياجي حتى بهدلي ماقلي وصلني ع باب البيت وطلعت لقيت اياد بوجهي.سويت حالي مالي شايفتوا مسكني من ايدي..

اياد:هاي اول مرة واخر مرة بتحكي معي هيك وطالع محرمةومسح حمرا..

اياد:هاد اللون اخر مرة بشوفك حاطتيه.وكمل نزلتوا وعم طلع عليه ليش هيك عم تعلقني فيك اكتر حرام عليك وفتحت باب وفتت..

اجا عرسي كيف مر الوقت بسرعة مابعرف كنت مبسوطة بالاسم قربت اختي وقرصتني..

فتون:ليش هيك عملتي ياغليظة مابتعرفي اني عروس... مها:بعرف بعزف بس بقولوا اذا قرصتي العروس بيجي دورك بعدها مشان هيك قرصتك.... اجت الكوافيرا وسوتلي شعري وخبيرة مكياج طلبت منها تحط لون حموا احمر غامق.. بعد ماخلصت قرتلي امي شويت ايات قرآنية مشان الحسد والعين... حطيت الطرحة ع وجهي و طلعت من البيت لاتفاجاة انو اياد رح ياخدني سحبت نفس وركبت مع امي من ورا واختي مع اياد...

اياد:اجا اليوم الي صرتي فيه عروس يافتون.. ماحكيت شي..

امي:عقبيلك ابني انت ومها...

مها:امين امي امين...وصلنا بس حظي موكويس صارت دنيا تمطر .طلعت امي واختي يجيبوا شي مشان يغطوني مشان مايخرب مكياجي بس صمت كسروا اياد...

اياد:شو قلتلك لابقا تحطي هاد اللون مو نبهتك...

فتون:بظن اليوم عرسي في حط شو مابدي على وجهي... اياد:حطي،شو مابدك الا هل اللون.

.. اجيت بدي جابوا امي فتحت باب...

امي:نزلي فتون يلا هاي شمسي يلا حبيتي ناطرين العروس..

.. فتت ع صالة علق طرف فستاني لفيت لقيت تتطليعات اياد لالي غريبة وفيها حزن ولا انا عم اتخيل مابعرف يمكن خيال كملت وفتنا بلشت الزفة ورقصنا واجا محمد مع ابي وبعدها رقضت مع محمد صرت دور ع اياد بعيوني لحتى لقيتوا قاعد مع اختي ضحك وحكي ابتسمت وكملت رقصي مع جوزي فتحت صفحة جديدة مع الحياة ومحمد شخص رح كمل حياة معو قبل مايخلص العرس محمد حملني وهربنا برا صالة سمعت صراخ الصبايا وتصفير الشباب وانا عم اضحك من خجلي من تصرف الي فاجاني فيه محمد لفيت لزت باقة ورد لاختي بتجي عيوني بعيون اياد بس بتصدقوا ماهمني رميت باقة وطلع