[لامارا]

بمكااااااان اول مرا نزوره
عند وحده مو اول مرا نتكلم عنها
توها جايه من دوامها دخلت لشقتها الصغيره الي كانت عباره عن غرفه وصاله وحمام وبس شقه على قدها فصخت عبايتها وعلقتها وحررت شعرها الحريري الاسود المصبــــــوغ وجلست على الارض بالصاله وهي تفتح الكيس الي كان فيه عشاها عباره عن شاورما صغيره وعصير ربيع بريال فتحته وجلست تاكل خلصت الشاورما .. وبعدها طلعت فلوسها عشان تحسبها ذا اول راتب تاخذه من شغلها ذا وبكرا بتقبض راتب الشغل الثاني قسمت فلوسها بحيث تخلي مبلغ لاجار الشقه ومبلغ للرجال الي ساعدها وجابلها ذيه الشقه عزت نفسها ما تقبل انها تاخذ من احد شي لولا الظروف الي خلتها ترضى بذيه الشقه والحين رح ترجعله كل فلس صرفه عشانها هي معتبرته دين عليها مع انه قالها ما يبي شي منها تعتبره فاعل خير وبس
خلصت تقسيم الفلوس واتجهت لسريرها بعد ما بدلت ملابسها وفرشت اسنانها انسدحت وهي تفكر بنفسها وبحياتها كيف كانت ولوين وصلت
......................
باليوم التالي
بالصباح الباكر اتجه ناصر للمستشفى في الوقت الي كانت فيه مها خارجه لدوامها انتبه عليها ناصر وهي خارجه من غرفة راكان
ناصر : مها
مها لفت لمصدر الصوت: هلا عمي
ناصر : كيف راكان امس
مها : كان طبيعي لا لحظه تذكرت بالليل امس صحى من النوم وهو ينادي باسم صقر وبعدها جلس ياشر لباب الغرفه ويقول لصقر تعااال ويقولي لا تخلينه يروح يمكن يحلم مدري
ناصر : يعطيك العافيه ... وين رايحه انتي الحين
مها : بروح اشوف امي وبعدها بروح دوامي
ناصر : ما شاء الله أي صف انتي
ضحكت مها: مو رايحه المدرسه رايحه لدوامي بالشغل
ناصر عقد حواجبه : ليه ابوك وين ؟
مها نزلت راسها بحزن : ابوي توفى ومالي احد غير امي وامي صارلها حادث قبل فتره وصارت مشلوله ما تعرف تتحرك .. وانا اشتغل عشان اصرف على نفسي وادفع حق المستشفى
ناصر بتفكير : كم يعطونك بشغلك
مها : بالمشغل يعطوني 1500 وبمحل الحلويات حدود 700 بس اذا فيه زباين اكثر تزيد وتصير 750
ناصر بصدمه : تشتغلين شغلين
مها طفشت من تحقيقه : ايه الظروف
ناصر : اذا لاقيتلك شغل يكسبك اضعاف الي تاخذينه ورح يتكفل بعلاااج امك كااامل بتوافقين
مها : اكيييييد من ذا الخبل الي رح يضيع فرصه زي كذا ... بس من وين يا حسره رح الاقي وظيفه زي كذا
ابتسم ناصر : اجل روحي اليوم وقدمي استقالتك لاني رح اخليك تشتغلين عندي
مها : هاه
ناصر ابتسم : شفيك شغلك رح يكون بس تعتنين براكان وتشرفين عليه ورح اتكفل بعلاج امك كامل ورح ينزلك شهريا راتب يسد حاجياتك واكثر
مها بثقل : امممم خلني اقلبها بمخي شوي
ناصر : خذي راحـــ
قاطعته مها : خلاص موافقه
زادت ابتسامة ناصر : خلاص من اليوم يبدا شغلك ومن اليوم رح ابدا علاج امك
مها : اتفقنا ... بروح الحين اقدم استقالتي وبرجع لركان
...............................
ومرت الايام يوم ورا يوم وشهر ورا شهر
مرت ثلااااث سنوات على وجود راكان الي وصل عمره لـ 14 سنه بالمستشفى
وكل يوم حالته تتحسن احسن من يوم بفضل الله ثم مها وبندر الي كل يوم يزوره وكبرت مها الي وصل عمرها لـ 19 سنه وتحس بالامتنان والشكر لناصر الي عالج امها الي بدت تستجيب للعلاج وبدت تحرك اصبعها على خفيف وتتكلم شوي مع ان لساته لسانها ثقيل ما ينفهم أي كلمه منه بس تحمد ربها على التغيرات الملحوظه الي صارت لامها ... وكمان لانه خلاها تكمل دراستها وجابلها مدرسين خصوصين عاملها كأنها بنته لولا الله ثم هو ما كان وصلت للي وصلته الحين هي بالسنه التحضيريه بالجامعه وقررت انها تدرس طب وتصير دكتوره
المهم باليوم الي مفروض راكان يخرج من المستشفى بعد ما كمل علاجه النفسي
بندر : اهجد ياخي الحين بيجي الدكتور بيخلص اخر فحص وبنطلع
راكان : انت انطم ما جربت تجلس 3 سنوات بالمستشفى ... ياخي كآبه اقسم بالله ابي اشوف العالم والناس
مها ساكته على غير العاده وهي تناظر فرحة راكان ..الله يوفقه ويسعده يا رب والله اني صرت احسه زي ابني الحمد لله الذي عافاه ... جاء اليوم الي رح يطلع من المستشفى اكيد الحين اذا طلع رح ينساني بالنهايه انا بحياته ولا شي وبكذا انتهت مهمتي اكيد العم ناصر رح يستغنى عني الله يعين بس لازم ادورلي شغل والفلوس الي معي تكفي علاج امي ما شاء الله العم ناصر ما قصر معي
راكان بصراخ : مهااااااااااااااااااا والصمخ ما تسمعين
مها : وجع رويكن خرمت اذني
راكان : تستاهلين لي ساعه اناديك .... المهم شفيك جالسه قومي جهزي اغراضك
مها باستغراب : ليه ؟
راكان : يا ربي من ذيييه الفاهيه .... عشان ي مخ تجين معانا
مها باستخفاف : رويكن شكله صاير بعقلك شي تبين اجي معاكم وين غبي انت وش بيجيبني بيتكم
راكان نط جمبها : ااااه . وحط يده مكان الخياطه االي عورته يوم نط بقوه
مها بخوف وقفته وجلسته على السرير : مجنووون انت عارف ان مالك الا كم شهر من اخر خياطه كله من حركاتك الكثيره ... مو الدكتور حذرك ان اذا انفكت الخياطه مرا ثانيه يمكن الجرح يلتهب ولعد يرجع يلتأم من كثر الخياطات
راكان : ههههههه شوفتي خايفه علي كيف بتخليني اروح لحالي
مها نزلت دمعه على خدها وقفت وعطن راكان ظهرها وبصوت متهدرج : تتوقع سهل علي اخليك عشت معك 3 سنوات صرت اعاملك كأنك اخ لا مو اخ كأنك ابني راكان مقدر على فراقك بس وش تبيني اسوي انت لازم تروح عند اهلك
راكان بملل : مهوي لا تسوين انا العاطفيه ما يليق .. رح تجين معي للبيت لا والله اروح الحين اوقف قدام سياره اخليها تصدمني عشان ارجع هنا عندك
مها بعصبيه ودموعها تنزل : وجع راكاااااان اقل شي تأثر حسافه دموعي الي تنزل عشانك
بندر : ههههههههههههههههههههههههه هههههههههههههههههههههههه والله انك توووحفه اول مرا اشوف احد معصب ويبكي
راكان : مها .. كلمت عمي ناصر وهو ما عارض رح تجلسين عند عمتي سناء وكل ما تبيني رح اجيك وما عليك من احد
مها : بس
راكان : من غير بس مها لا تصيرين حساسه ... بتجلسين هنا وش بتسوين رح تخلين المستشفى بيتك ؟ امك ان شاء الله رح تتحسن مع العلاج وتقدرين كل يوم تزورينها ..
بندر : وترا ابوي كلم امي وجهزتلك غرفه عندنا
مها : ما شاء الله وانتم تخططون وتنفذون من غير شوري
بندر بضحكه اشر لراكان : ذا ولدك
مها برفعة حاجب : روووويكن
رفع راكان يده بحركة استسلام : والله مو بيدي مقدر افارقك انتي صرتي اختي وامي وكل شي
جت مها بترد عليه دخل الدكتور عشان يفحص راكان
بندر : هاه دكتور كيف بشر
الدكتور بابتسامه : الحمد لله احسن ويقدر يخرب مافي أي خطر على نفسيته ... بس لازم يهتم باكله وصحته ويكثر من الخضروات عشان الخياطه الي بكليته ورح اوصفله كم مرهم رح اعطيها ابوك ولاااااازم يسويها بانتظام
مها : لا تخاف يا دكتور من فوق خشمه رح ينتظم ما صدقنا تعافى
ابتسم الدكتور : الحمد لله على سلامته .. وطلع
راحت مها عشان تشوف امها وتجهز نفسها
راكان بتأفف : بندر ... وين ابوك للحين ما جاء تعبت ابي اطلع
بندر : صبرت 3 سنوات وما رح تصبر كم ساعه
اعتدل راكان بجلسته وتكلم بجديه : بندر صدق امك راضيه اني اعيش انا ومها عندكم ؟
بندر ناظرله باستغراب : وش مناسبة ذا السؤال ؟
راكان : بننندر صدق جاوبني
بندر : يمكن تستغرب لو قلتلك ان امي من امس وهي تجهز لرجعتك وما خلت شي الا سوته رتبت غرفتك على ذوقها مع اني قلتلها انه غرفتي كبيره ونقدر نتشارك فيها قالتلي رح اسوي سرير بغرفتك وسرير بغرفة ثانيه والي يريحه يختاره ما ابي اجبره على شي
راكان : تدري يا بندر ... اني ما اتذكر امك زين ... كل الي اتذكرهم عمتي فاطمه وطبعا هيثم الغثيييث واممم واخوك مهند وجدي وجدتي الي يكرهوني والباقين ما اتذكرهم مرررا
بندر : تراك كنت صغير دخلت المستشفى وعمرك 10 تقريبا مرت اربع سنوات كامله مدااك تنسى
راكان تنهد وهو يتذكر عمته فاطمه وكيف تركته وسافرت وهي كانت توعده انها مستحيل تتركهه
صحى من تفكيره من دخل عمه ناصر
ناصر بتردد : راكان كيفك اليوم
استغرب راكان التردد الواضح بصوت عمه : بخير الحمد لله ... الدكتور فحني قبل شوي وقال فيني اخرج ووصفلي كم مرهم وبس
جلس ناصر جمبه على السرير : راكان امك فاطمه على الخط تبي تكلمك .. من زمان كانت تقولي تبي تكلمك بس انا امنعها عشان نفسيتك
راكان ببرود : اها
ناصر مد له الجوال: كلمها هذا هي ع الخط
اخذ الراكان الجوال ورد : الو
فاطمه بالخط الثاني ردت بلهفه: الو راكان ولدي كيفك طمني عنك
راكان ببرود : الحمد لله بخير يا عمتتتي وشدد على كلمة عمتي
رده ألجم فاطمه اول مرا بحياته يناديها بعمه دايم يقولها امي ردت وهي تقاوم دموعها : الحمد لله الله يديم العافيه عليك .... راكان سامحني مو بيدي عمــ..
راكان : عمتي بندر يبي يكلمك ... ومد الجوال لبندر من غير لا يسمع رد عمته
بندر تورط اخذ الجوال وهو يتوعد براكان : الو عمتي كيفك ... الحمد لله كلنا طيبين ... الحمد لله امي بخير ... طيب عمه سلميلي على عمي فهد وعمي عناد
راكان رفع عينه لبندر يوم نطق اسم عناد وبعدها نزل عينه ما كأن الاسم يهمه
بندر : هاه يبه جوالك
ناصر اخذ الجوال : بندر روح استعجل مها
بندر : طيب .. وراح
جلس ناصر جمب راكان : ليه ما كلمت عمتك زين
راكان هز اكتافه : مدري وش اقولها
ناصر لف وجه راكان له : راكان عمتك تحبك وتخاف عليك وهي اكثر وحده توصيني عليك ... لولا ظروف زوجها الي خلتها تسافر ولا ما كانت رح تتركك
راكان : يا عم ادري انه مو بيدها وانا مو زعلان منها ... واصلن حتى لو كانت هنا وما اهتمت فيني .. هي مو مجبوره اصلن انا احس بالامتنان لها لانها ربتني ورضعتني مع عيالها ما رمتني زي الي سواه المجبور فيني والي مفروض يكون اب ويهتم فيني .... حتى انت يا عم مدري كيف ارد جميلك ذا
ناصر : راكان لا تقول كذا .. احنا عمامك وواجبنا انا نهتم فيك وابوك يحبك صدقني بس حاس بضغط من الوضع حوله ومو قادر يستقر على وضع
راكان : وانا الي اتحمل عدم الاستقرار الي عنده ؟!!
جاء ناصر بيتكلم
دخل بندر ووراه مها : يبه جاهزين
وقف ناصر يالله مشينا وطلعوا من المستشفى متجهين لبيت ناااصر
...................................
بألمانيا
عند فاطمه الي كانت جالسه بالصاله ولساته الجوال بيدها ودموعها على خدها وكرمالها دموعها تزيد كل ما تذكرت مكالمتها مع راكان
دخل عناد للصاله مهلوك من الدوام بس يبي ياكل ويناااام عقد حواجبه وهو يشوف وضعية فاطمة ودموعها بمحاجرها : فاطمة شفيك؟!!
رفعت فاطمة عيونها لعناد ومسحت دموعها بعنف وهي توقف متجهه للمطبخ : مافيني شي
عناد مسك بزندها ولفها له برفق : فطوم شفيك
فاطمه بصوت باكي : عناد وخر عني ترا الي فيني كافيني
عناد : ما رح اتركك لان تقوليلي شفيك ؟ زعلك فهد بشيء ؟
فاطمه بصراخ : انت السبب انت السبب
عناد باستغراب : فاطمة شفيك فهميني
فاطمة : ليه ما تروح تشوف ابنك ؟ هاه كم مرا قلتلك روح تفقد احواله
عناد : وش الي ذكرك فيه الحين ؟!
فاطمه : اصلن انا عمري كله ما نسيته عشان اذكره الحين
عناد بتأفف : اوووف فاطمة خلاص قفلي ذيه السيرة
فاطمة : بقلك شيء يا عناد صدقني رح تندم على كل شيء تسويه الحين بابنك ترا الولد ماله ذنب .... شوفت انا الي ربيته وكبرته من بعدي عنه حز بخاطره .. كيف انت الاب الي مفروض تكون الحامي والساند له اكيد رح يكرهك مع الايام ... ولفت طالعه لغرفتها
تركت عناد واقف يفكر بكل كلمه قالتها والاهم من ذا كله ان راكان ما رح يظل طفل رح يكبر .. واذا كبر !!!!
............................
ببيت نااااصر
سناء : كلووووووش نورت بيتك يا راكان وضمتتتتته بقوووووه
راكان بميانه زايده : ااااي يا عمه شوي شوي كسرتي عظامي
مسكت سناء بخدوده بقوووه : احسن .. انا جايه ارحب فيك تجي تقولي كسرت عظامك
وتركته وهو يحك خدوده الي صايره حمرا وقربت من مها الي كانت حاسه بخجل : اهلين حبيبتي نورتي بيتك يا قلبي لا تستحين البيت بيتك .. انا سناء زوجة ناصر
بندر : يمه ترا بتندمييين على كلمة البيت بيتك
ناظرتله مها بتوعد وردت على سناء بخجل ما يليق عليها : مشكوووره خالتي ما تقصرين
ضحكوا راكان وبندر : هههههههه من متى نازل عليك الحياء
مهااااا قلب وجهها احمر وهو تتوعد فيهم داخلها
سناء : راكان مها اطلعوا فوق خذولكم دش دافي يريحكم لان نجهز الغدا .. بندر ورهم وين غرفهم
بندر : حاااااضر
اول ما طلعوا الدرج
مسكت مها باذن راكان وبندر : متى نزل علي الحياء هاه انت وياه صج انكم ما تستحون
راكان متألم من مسكتها : اااي مها ترا والله اصرخ واخلي عمتي سناء تشوفك على حقيقتك
تركت اذانيهم : والله وصرنا نهدد يا اخ راكان .. صبرك علي خلني اتغدا واوريك شغلك ما ابي اتأخر على الغدا
بندر : حمد لله والشكر مفجوعه واشرلها على غرفتها .. وناظر لراكان : اما انت طبعا غرفتك هي غرفتي ومافي أي اعتراض
ضحك راكان : ههههههه المشكله اني وقت النوم تجيني سواليف عجيبه فعشان كذا ما رح اعترض
..............................
باليوم التالي
عزم ناصر اهله كلهم بمناسبة خروج راكان من المستشفى وطبعا الجده ما رضت تجي بس بعد اصرار كبير من ناصر وافقت انها تجي
ومها يوم عرفت بتجمع اهل راكان قررت ما تنزل من غرفتها ما تبي ييكون شكلها غلط بينهم وجاولت سناء تقنعها بس هي راكبه راسها
بالمجلس الكبييييييير ببيت ناصر كان الكل مجتمعين طبعا الكبار بس الجد والجده ورزان وعلاء ومازن وكان موجود عيال ناصر مهند وعبدر الرحمن وفيصل وبندر وطبعا سبب الاجتماااع راكان
رزان : والحين جا معنا عشان ذا واشرت على راكان باستحقار
راكان بابتسامه : يا عمتي ذا يكون ولد اخوك
رزان : تخسى تكون ولد اخوي
ناصر بعصبيه : رزااااااان
تأففت رزان وقامت : ادخل عند سناء ابركلي من ذيه الجلسه
مازن : اخبارك يا راكان الحين
راكان : الحمدلله بخير
الجد يكلم ناصر : اخوك عناد اتصل يقول بكرا جاي
ناصر : ايه كلمني
الجده بفرحه : بكرا وليييدي بيرجع الحمد لله ... وناظرت لناصر : ولد البرطانيه ابعده من هنا اذا جا عناد ما ابيه يروح زي المره الاولى
راكان : يا جده ممكن سؤال ؟
الجده بتأفف :اسأل
راكان : الحين لو مثلا مثلا عمي ناصر زعلك بشيء رح تزعلين من جدي بعد ؟
الجده استغربت سؤاله : اكيد لا وجدك وش دخله
راكان بابتسامه : حلو انتي قلتيها .. اذا امي موك ويسه انا وش دخلني فيها ليه ركضتي العرق الي مو زين ونسيتي ان دم ولدك عناد فيني
الجده تلعثمت ما تدري وش تقول
والجد اعجب بكلامه شكله طالع ذكي بس ما بين وقال باستخفاف وهو يوقف : العرق دساس وش يضملنا انك مو زي امك الي مخلينا نخليك عندنا ببيتنا هو اسمك الي انربط باسم ولدي عناد
راكان : تربية عيالك الدم ما يغير بشيء التربيه الي تكتب مصير كل شخص
الجد بعصبيه من رده الي مالاقاله جواب قرب منه : طاااااااااااخ صفقه كف على خده : تراددني يا قليل الادب
ناصر : يببببه الولد ما قال شيء
بندر بقهر : جدي ترا صدق راكان ما قال شيء خطا
الجد : برافو عليك يا ناصر كذا معلم عيالك يردون على الي اكير منهم
قرب راكان من الجد بابتسامه وباس يده : العذر والسموحه منك يا جدي
سحب الجد يده بقرف وخرج من المجلس وتبعته زوجته
وبعدها العمام واحد ورا الثاني بدوا ينسحبون
...................................
فوق بغرفة مها كان راكان جالس على كرسي التسريحه وحاط الثلج على خده بعد ما راحوا عمامه كلهم
مها : وجع ان شاء الله جعل ليده الكسر شوف كيف خدك قالب احمر
راكاااان بملل : بالله ذيه المره الكم الي تدعين عليه خلاص يختي
مها بقهر : اووووف والله انه غابني كيف يسوي فيك كذا
راكان بنبره غريبه : مها لا تستغربين الي يصير لان كل الي هنا يكرهون امي
مها : ادري قد قلتلي قصة امك بس انت وش دخلك فيها
راكان تنهد : مافي احد يفهمني هنا
مها حطت يدها على يده : لا تخاف انا معك
ابتسم راكان لها
..........................
بألمانيا
: فهد بكرا عناد بيسافر بروح معه بشوف امي وابوي
فهد بتأفف : فاطمه يا فاطمه كم مرا تكلمنا بذا الموضوع
فاطمه : والله رح اهتم بنفسي خلني اروح
فهد بحنيه : فظوم عارفه ان موعد ولادتك قرب والسفر خطر عليك
فاطمه : بس
فهد : اوش حبيبتي ان شاء الله بس تولدين وتتحسن اوضاعي رح نسافر للسعوديه ادري مرت اربع سنوات ما شوفتي اهلك فيها بس مو بيدي
...................
اليوم الثاني
وصل عناد للسعوديه وراح اول شي سلم على ابوه وامه وجلس عندهم وجو كل اخوانه هناك
بالمجلس
عناد : ناصر تعال ابيك بموضوع
طلع ناصر وراه للحديقه وهو مستغرب وش يبي فيه
ناصر : هلا ؟
عناد بتردد : اممممم شسمه ذا
ناصر: شفيك تكلم
عناد وهو منزل عيونه للارض : كيف راكان ؟
ابتسم ناصر بسخريه : أي راكان تقصد
عناد : نااااااصر ! كيف ولدي
صفقله ناصر : وااو توك تستوعب ان عندك ولد بعد 14 سنه
عناد : ادري اني كنت غلطان وكل الي سويته خطا .. توني الحين استوعبت خطأي
ناصر : واو عناد الدلوع توه يستوعب وبصراخ : ليه ما استوعبت يوم ضربته هاه ليه ما سألت عنه كان محتاااجك محتاج اب
عناد بندم : ناصر والله مو بيدي ايلين عمت عيوني ما كنت اشوف غيرها ... ما استوعبت خطأي الا متأخر
ناصر باشفاق على حالة اخوه هو عارف قد ايش عناد حب ايلين : راكان بخييير تحسن كثير عن اول
عناد : اقدر اشوفه ؟؟
تنهد ناصر : ما رح اوعدك ؟ لان ما اظن رح يوافق يشوفك
عناد : انت كلمه حاول فيه ورح ارضى باي شي يقوله
ناصر : تعال
واتجهوا لبييييت ناصر
عند راكان وبندر بغرفتهم
راكان سادح على بطنه ويكلم بندر الي كان متربع بالارض
راكان : ياخي احس مرا صعبه ارجع ادرس بمدرسه عاديه
بندر : بتتعود ... وبعدين المدرسه احسن من دراسه البيت احس البيت كآبه
راكان : يمكن بس طول فترة علاجي ابوك جابلي مدرسين عشان ما اتأخر اكثر عن المدرسه حسيت الطريقه اعجبتني
بندر : يا غبي حلو مع طلاب عشان يصرخ عليك الاستاذ تتعاقب انت واصحابك
راكان : هههههههه وين الدراسه بالموضوع شكلك مرا مشاغب
طق طق
بندر : ادخل
ناصر : لسه ما نمتوا ؟!
اعتدل راكان بجلسته يوم دخل عمه : لا لسه الحين بنام
دخل ناصر وجلس جمب راكان على السرير : راكان
راكان : هلا ؟
ناصر : ابوك تحت ويبي يشوفك
راكان بفهاوه : هاه
ناصر : راكان يبه ادري ان الي صارلك من ابوك مو شوي بس بالنهايه هو ابوك ولازم تتقبل ذا الشي
راكان هز راسه برفض ومسك يد ناصر : الله يخليك يا عم ما ابي اشوفه الله يخليك لا تخليه ياخذني الله يخليك
ناصر : راكان اهدا هو ما رح ياخذك بس رح يشوفك يبي يطمن عليك
راكان هز راسه بعنف وكل شي سواه ابوه رجع يتذكره حس بألم جهة كليته كأن القزازه توها الحين انغرزت : لا لا اللله يخليك يا عمي ابوس يدك ما ابي اشوفه الله يخليك رح اسوي الي تبي بس ما ابيه
ناصر مصدوم من ردة فعله ذيه : راكان اهدا خلاص اوعدك ما رح اخليه يجي بس اهدا انت
راكان دخل تحت البطانيه : مشكوور عمي ... فيني نوم بنام
تنهد ناصر واردف : راكان رح اخليك ذيه المره بس حط ببالك عناد ابوك ورح يجي يوم تقابله ما رح تقدر تتهرب منه للابد
بندر الي كان جالس وراقب كل شي استغرب من ردة فعل راكان وليه ما يبي يشوف ابوه
نزل ناص لعناد
ناصر : اسف بس راكان ما يبي يشوفك
عناد ببرود : طيب
................................
مرت سنتين وبعدها راكان انتقل من بيت عمه ناصر وعاش ببيت ابوه عشان تاخذ مها راحتها لان بيت ناصر كله رجال بحكم عياله وام مها توفت بنص العلاج بعد ما وصتها انها تلقى اهلها وتعيش معاهم والحين راكان جالس يدور على اهلها بطلب من مها .... ومها صارت تتحجب من راكان بعد ما كبر لان بالنهايه راكان مو محرم لها
........................
مرت السنوات ومافي شي فيها جديد غير بعض التصادمات بين الجد وراكان
صار عمر راكان 19 بذيه الفتره توفى فهد زوج فاطمه وقرر عناد ياخذ اخته ويرجع يستقر ببلاااده السعــــــــــــــــــــو ديـــــــــــــة
.....................................
نبدا بتعريف الشخصيات
الجد (ابو ناصر ) جسار الـ..........
من اغنى اغنياء البلد وصيته منتشر بكل مكان مو بالدول العربيه حتى بالدول الغربيه انسان شجع والناس كلهم بنظره مجرد حشراااات ما يحب احد يكون اعلى منه بس الشي الزين فيه انه يحب عيااااله كثييير ولا يرضى عليهم ودلوعه عناد
زوجت جساااار
حصة الـ.........
ربة بيت انسانه انيقه مع كبر سنها تحب الترتيب والتنظيم انسانه طيبه وتحب عيالها حيييييل ويمكن تكره حتى اخوها اذا اذى احد من عيالها
نجي لعيـــــــــــالهم
• اكبر واحد ناصر : انسان طيب وحازم ما يرضى بالخطا ابدا اهتم براكان بعد سفر فاطمه واعده واحد من عياله .... ما يفرق بين اولاده ودايم يحكم بالعدل بينهم دلووعته شهد
زوجته سناء : مو متعلمه وربة بيت ممتازه همها بيتها وعيالها جدا طيبه وحبوبه
_ اكبر اولادهم مهند: عمره 25 سنه اسنان مكافح يحب العلم ناجح بحياته مهندس معروف لصغر سنه وانجازاته بشرته حنطيه وشعره ناعم بس ما يخليه يطول وجسمه رياضي
_ الابن الثاني عبد الرحمن : عمره 23 سنه عايش حياته بالطول وبالعرض ما همه احد اهم شيء عنده الوناسه بس انه مغروووور وشايف ان الدنيا تدور حوله شعره كيرلي من ربه يحب يطوله شوي وبشرته نفس اخوه مهند ترك الدراسه ويشتغل مع ابوه بالشركه
_ الولد الثالث فيصل : عمره 20 انسان دلخ لابعد حدوووود يضحك على أي شي بالحياه للحي بالثانوي من كثر ما يرسب ومتعب ابووه معه يهتم بشكله بجسمه بدرجه فضيييعه لدرجة ان زاد كيلو ممكن انه يحرم نفسه من الاكل شهر لقدام
الابن الرابع بندر : عمره 19 سنه صديق راكان الصدوق وصار نسخه منه بكل صفاته تقريبا سنفور ومرا متأزم من قصره مع انه يمكن ما يسمى قصر طوله 159 بس مقهور لان راكان اطول منه ويطقطق عليه بالرايحه والجايه شعره بني ناااااااااااااعم جدا يوصل لرقبته انسان فرفوش بس وقت الجد جد
الابنه الخامسه شهد: عمرها 17 البنت الوحييييده بالعايله وطبعا دلوعتهم وطلباتها اوامر محد يقولها لا عربجيه وماخذه صفاااات كثييير من راكان السنتين الي عاش ببيتهم كانت 24 ساعه معه لان اخذت من صفاته وتحب راكان وتعتبره اخوها ورفضت انها تتغطى منه وصارت بس تتحجب ودايم تتمشكل مع بندر شعرها قصير لان اكتافها سمرا بس سمارها حلو وعيونها ناعسه وخشمها سلة سيف تدرس بثاني ثانوي
الابن المدري كم ضيعت فهد : عمره اربع سنوات
• الابنه الثانيه فاطمة : انسانه حاازمه جدا وبنفس الوقت طيبه قريبه من عيالللها مرا لدرجة انها صايره زي اختهم ما يخبون عليها شي ارضعت راكان مع عيالها وربته لان صار عمره عشر سنوات بعدها بسبب ظروف شكل زوجها اضطرت انها تسافر معه لألمانيا وجلسوا هناك تسع سنوات ولا قدروا ولا مرا انهم يرجعون السعوديه توفي زوجها وقرروا يرجعون يستقرون ببلادهم
فهد متووووفي
عيـــــــــالها
_ اكبر واحد عادل : عمره 27 سنه دكتور جراحه انشهر كثيييير بألمانيا بسبب عملياته الناجحه انسان مهذب وراقي بتعامله يوم يجلس عند اخوانه يفصل مستحيل تقول ان ذا دكتور شعره قاصه قصه من حيث من فوق شوي كثيف ومن الجوانب مخخف
الابنه الثانيه جنان : عمرها 24 هاااااااديه جدا رفيقها الكتاب حياتها كلها قرايه في قرايه متخرجه مصممه وجالسه بالبيت ما تشتغل شعرها غجري لونه بني لنص ظهرها وبشرتها بيضاء
الابن الثالث ريااان : عمره 19 لساته بالسنه التحضيريه وللحين ما اختار تخصصه قرر اذا رجع السعوديه رح يختار انساااان عصبي يتنرفز بسرعه دايم يتظارب مع اخته رنيم شعره اسود فاحم يحب يعتني بنفسه وبأناقته
الابنه الرابعه رنيم: عمرها 18 تدرس ثالث ثانوي انسانه عربجيه وتحب الضحك والوناسه غرامها شعرها الاسود الطويييييييل الي تجلس عليه من طوله مستحيل تقص شعرها وما تحب احد يلمسه ابدددداااااا
الابنه الخامسه : تالين عمرها خمس سنوااات
• الابنه الثالثه رزان : انسانه متسلطه همها نفسها وطلعاتها وخرجاتها مرا مهمله عيالها وتكره راكان بسبب امه الي كانت اجمل منها زوجها متعب من طبقه نفس طبقتهم وافق على شرط ابوها الي هو يعيش بالفله الي بانيها لبنته انسان عملي وبارد اعصاب دايم مسافر يحب عياله بس شغله ممبعده عنهم
عياااالهم
_ سعاد الكبيره عمرها 24 مغروره وشايفه نفسها ودايم تحط بوجهها ماسكات وجربت كل صبغات العالم ملابسها كلها على الموضه
الابن الثاني عمر عمره 20 انسان لهو عاقل ولا صايع بالنص يحاول يمسك خواته بسبب انشغال اهله عنهم وكم مرا حاول يكلم اخته نوف على الي تسويه وبنفس الوقت يسوي مصايب بس عشان يلفت انتباه ابوه له
_ الابنه الثالثه نوووف عمرها 18 بوووووووويه ماخذه ستايل البوي وتصرفاتهم محد منعها من ذا الشي بسبب انشغال اهلها عنها
• الابن الرابع علاء : انسان ماله دخل بعايلته ولا بمشاكلهم ما يحب يتدخل باشياء ما تخصه موع اجبه تعامل امه وابوه مع راكان بس ساكت تزوج حنان عن قصة حب وبعدها توفت وهي تجيب اول ولد له وحلف انه ما يتزوج بعد حنان
_ ولده الوحيد هلاال : عمره 22 سنه دلووووووع بدرجه ابوه مستحيل يرفضله طلب انسان مغازلجي درجه اووووولى ومستحيل تطلع معه بنقاش لان راسه يابس ومستحيل يغير أي فكره يحطها بباله
• الابن الخامس : مازن اب حنوووون بكل ما تعنيه الكلمه هو الوحيد المستقل بنفسه ويشتغل شغله الخاص بعيد عن شركات ابوه زوجته روان تشتغل مدرسه
عياااالهم
اكبر واحد خالد وهو الابن الوحيد بالعايله عمره 18 انسان بار باهله وحنون على خواته مرا طيب يدرس بثالث ثانوي يوم يجلس مع ركان مرا يفصل
الابنه الثانيه ليان : عمرها 16 مرا طيبه وتحب اخوها ودايم تساعد امها تدرس اولى ثانوي رقييييقه مرا شعرها يوصل لاكتافها بشرتها بيضا
الابنه الثالثه لورا عمرها 12
والابنه الرابعه : لارا عمرها 9 سنوات
• الابن السادس : عنـــــــاد تزوج ايلين بريطانيه عن قصة حب وكان مرا يحبها اكتشف بعد مده انها مروجه بتدبير من ابوها وضربها ضربها لان ولدت من قوة الضرب قبل موعدها انسان مزاجه متقلب من بعد الحادثه الي صارت لزوجته يحب ابنه راكان وبنفس الوقت مو قادر يتقرب منه
• ايلين زوجت عناد : الي انظلمت بسبب فعل ما سوته ولدت ودخلت بغيبوبه بعدها الله يعلم وش صارلها
عيااااالهم
_ جابت ايلين تؤام واحد الله اعلم وين اراضيه هل هو عايش او ميت
_ الثاني اليه هو راكان : عمره 19 سنه يدرس ادارة اعمال عانى كثير من حياتها وبدايتها ضرب ابوه له بسبب لون شعره الي يشبه امه ومن بعد ضرب ابوه وهو من دحديره لدحديره من مشكله لمشكله انسان فرفوش يضحك كثييير ما يحب يبين ضعفه لاحد نحيييف مرا مع انه ياكل كثير بس ما يسمن بشرته بيضاء شعره احمر طويل يوصل لاكتافه تقريبا عيونه رماديه ناعسه فيه غمازه وحده بخده اليسار
• الابن السابع والاخير هيثم عمره 24 اصغر من بعض عيال اخته نسخه مصغره من ابوه انسان جشع وظالم ويكره راكااااااان كثيييير تدرك الدراسه وقاعد يشتغل بشركة ابوه
خلصنا من العايله الي كان بيتهم عباره عن حديقه كبييييييره وكان بيت الجد وبالنص وفلل عياله متوزعه حول بيته


اخيرا مها عمرها 24 سنه تدرس طب تعيش مع راكان ببيته بعد ما انتقل من بيت عمه عشانها جميييييله جدا تتحجب من راكان بس والباقين تتغطى منهم امها الي ربتها توفت ووصتها انها تدور اهلها ... والحين راكان يدور عليه
نهااااااااية البارت
البارت الجاي ان شاء رح رح يبي يفصل بحياتهم وكل شي فيهم وبكذا رح يكون ذا اخر بارت من المقدمه ورح ابدا ببالرواااايه