[لامارا]

بسم الله نبدأ

البااااارت الثامن

بمجموعة بيوت جسارالـ.......
ببيــــــــت عنـــــــــــــاد
: هاااااااه خلاص يا نشبه صحيت صحيت
: يالله قداامي على الحمام
بصوت باكي يستعطفها: يا مها حرام عليك شوفي الساعه كم بقي ساعه من محاضرتي
مها : وانت يبيلك ساعه لان تجهز ... وبعدين تستاهل من قلك تسهر لان بعد الفجر ... عشان فيلم ما يسوى
ضحك: ههههههههههههههه اعترفي يا خوافه انك جبااانه
رمته مها بالخداديه : اصلن انت تعرف تجيب افلام زي الاوادم كلها قتل وتشريح
تربع على السرير : اجل وش تبيني اشوف رومنسي احبك وتحبني مرااااا يع
مها تكتفت : ماشاء الله بالسوالف شاطر تصحصح عشانها
رجع انسدح : لا ما صحصحت خليني ربع ساعه بس وبصحى من نفسي
مها مسكت كاسه وعبتها مويه وبصراخ: روييييييييكن بتقوم ولا اكب المويه عليك
راكان رمى البطانيه : اووووف خلاص قمت ... ودخل الحمام وهو يتحلطم
مها جلست على طرف السرير تستناه يطلع
بعد ربع ساعه
خرج راكان من الحمام وبيده فوطه ينشف شعره فيها وهو لابس وجاهز تعود يلبس بالحمام
استغرب ان مها لساتها بغرفته اتجه للتسريحه عشان يمشط شعره
مها : ابوك بكرا بيجي ؟!
تنهد راكان وهو يفكر كيف رح يقدر يقابله بعد ذيه السنين وكيف ابوه بيعامله بس هو اتخذ قراره مستحيل يهرب منه
مها : راكااااان وين روحت
راكان بهدوء : ايه بكرا بيوصل هو وعمتي ... وعمي ناصر يقول ان عمتي فاطمه رح تعيش معنا بالبيت لان اخوها ما يبيها تجلس ببيتها لحالها خاصه بعد ما توفى عمي فهد
مها : طيب وانا ؟
راكان : وانتي شفيك ؟؟
مها : يمكن ابوك ما يرضى اني اعيش معكم
رفع راكان كتوفه بلا مبالاه : عادي رح نطلع انا وانتي وندورلنا مكان نعيش فيه
مها : يا رب الهمني الصبر على البقره الي قدامي
لف راكان لها بعد ما صلح شعره : والله محد بقره غيرك وش الاسئلة الغبيه ذيه .. بالعقل ماما ما يقدر يقول شي ساحب علي 19 سنه وبيجي الحين بيقول ما ابي ذا وما ابي ذاك
مها : اصلن الكلام معك ضايع بروح البس الحين شوي وبتوصل خلود
راكان : رح تبدين من اليوم تطبيق بالمستشفى؟؟
مها بخوف :ايه .... ادعيلي والله اني خايفه
راكان: انتي بالذات ما عليك خوف .... ماشاء الله الاولى على دفعتك
مها : وبعدين انت مو ناوي تقص شعرك تراه صاير اطول من شعري استحي على دمك
راكان مسك خصله من شعره الي واصل لاكتافه : خلاص بقصه اليوم ان شاء الله .. المهم ان فزت بتحدي بندر
مها : انت دلخ بندر يلعب بمخك شايف شكلك كأنك بنت
راكان بابتسامه : يلعب ولا ما يلعب .. المهم يسوي الي وعدني فيه
مها بلقافتها المعتاده : والله نفسي اعرف وش الي وعدك فيه ذا الخبل كنت تكره الي يطولون شعرهم والحين صرت منهم
راكان بنبرة غريبه : الي ابيه منه شيء مهم يمكن يغير حياتي
مها زاد عرق اللقافه عندها : روووويكن الحين صدق ترا بموووت اذا ما قلتلي
راكان طلع لسانه زي الاطفال : والله لو تنتحرين قدامي ما رح اقلك
مها بخبث رفعت جوالها وصورته وركضت خارجه : اوك رح نشوف مين بينتحر اذا شاف عمي ناصر الصورة اصلن هو بدا يشك من كثر ما تلبس كابات وتغطي شعرك منه
راكان ركض وراها بخوف لو يشوفه عمه كذا رح يوديه ورا الشمس :مهاااااااااااا والله لو تسوينها تندمين
مها وهي تركض طالعه برا لان جوالها يدق واكيد ذيه رفيقتها خلود قربت من باب الخروج وغطتت وجهها بشيلتها لان ما يمديها تلبس النقاب رح يمسكها راكان وشهقت بقوه وهي تحط يدها على قلبها لانها كانت رح تصدم بالشخص الي قدامها :هاااااااا
راكان يركض وراها شافها وهي خارجه من الباب : مهااااااااااااا والله لو تورينه اذبحك ... وخرج وراها شافها واقفه وتناظر شخص قدامها ما اهتم لذا الشخص وسحب الجوال من يدها : طيحتي قلبي يالخبله
بصدمه : ميييين انتي ؟!!!!!!!!!
مها هنا خلااااص ما قدرت تتحمل فطست ضحك لدرجة جلست على الارض مو قادره توقف من قوة الضحك : ههههههههههههههههههههههههه ههههههههههههههههههههههههه ههههههههههههههههههههههههه ه يــ.. ههههههههه يا عم ذا ههه ذا ههههههههههههههههههههههه مو بنت ههههههههههههههههه ذا ولد اخوك ههههههههههههههههههههههههه ه آي آي يمه بطني يمه ههههههههههههههههههههههههه هههههههههههههههههههه
ناصر كنت جاي ابي اوصي الخدم على البيت عشان يجهزونه للوصول عناد وانصدمت يوم شفت شيء اسود يركض تجاهي كان شوي وتصدم فيني واكتشفت انها مها كنت بسألها ليه تركض كذا الا اشوف البنت الي شعرها احمر وراها انصدمت مييين ذيه دققت بالملامح طلع راكان حسبي الله على بليسه وانا اقول مطيحلي ذيه اليومين كابات ويقولي موضه صرخت بعصبيه : راكااااااااااااااااااااان !
راكان من الخرعه ماهو عارف وش يسوي يرجع يوقف ويوم سمع صرخت عمه اكتشف اليوم نهاايته رح يندفن بمكانه : صبر صبر يا عم بفهمك .. انت هدي شوي
ناصر قرب منه ومسك بأذنه بقوووه من العصبيه لدرجة انها قلبت حمرا بثواني وجلس يهزه من اذنه : بتفهمني ايش هاااااه .. راكاااان انت بعقلك شايف شكلك كيف
مها تقطعت ضحك : ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه هههههههههههه
راكان يناظرها بتوعد : والله ذا ابنك بندر هو الي تحداني
ناصر بعصبيه اكبر : وانت مجنووووووون لو احد تحداك تطب بالنار رح تطب !!!
راكان : لا ويييين مو لذيه الدرجه
ناصر فركله اذنه بقوه اكبر : تستعبط حضرتك
راكان : أي أي أي والله رح اقصه عمي اذني ابيها
ناصر زاد مسكته : الحين تمشي معي للحلاق
راكان يتوجع : اح اح عمي اح الحين عندي محاظرة بس اخلص جامعه بحلق
ناااصر بعصبيه : واانت بعقلك ناوي تداوم كذا .. قدامي على الحلاق مدام النفس عليك طيبه قبل لا يجيك شيء ما يرضيك
راكان بقلبه ذا كله والنفس طيبه : طيب يا عم الي تبيه بس اذني ابيها
ناصر ترك اذنه وبعصبيه : قدااامي يالله على السيارة
راكان فرك اذنه وهو خلاص معد صار يحس فيها وباستسلام : طيب
مها : ههههههههههههههههههههههههه ههههههه يا عم احلقله صفر
ناصر : وهذا الي بيصير اصلن
راكان بخوف : لا يا عمي ما تسويها
ناصر بصراخ : اذلف من قدامي للسياره والله صفر قليل بحقك
مد راكان الجوال للمها وهو يتحلطم وراح باتجاه السياره قبل لا ينفجر عمه فيه
مها اخذت الجوال وهي تضحك بهستيريه واتجهت للخارج وهي تسمع بوري سيارة صاحبتها ركبت السياره وهي لسااااتها تضحك : ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههه
خلود بفشله من ذا البنت : وجع مهوي وش ذا الضحك
زاد ضحك مها كأن احد قايلها نكته : ههههههههههههههههههههههههه مقد ههههههههههههههههههههههههه مقدر ههههههههههههههههههههههه يمه بطني هههههههههههههه اه ههههههههههههههههههههههههه ههههههههههههههه
خلود تناظر اخوها الي ملامحه جامده مو قادره تفسرها هي عصبيه ولا ايش : مهااااااااااا وجع
مها مستمره بالضحك ومو منتبه انه خلود راكبه قدام ع بالها السايق زي العاده : خلود ههههههههههههههه فاتك شكله ههههههههه والله راكان هههههه ذا الولد تحفه هههههههههه وحطت يدها على بطنها : ااااه احس بطني تقطع من الضحك ... وباستغراب : خلود يالوصخه وش مركبك قدام عند السايق
خلود بقهر من ذيه الخبله وهي لها ساعه تمدح فيها عند اخوها تبيه يخطبها : بدري يا الثوره كان كملتي ضحك .. ذا مو السواق اخوي ماهر
مها وجهها قلب الوووووووووووووان مستحيييييل سمع كل ضحكها هي خاااقه عليه من زمااان يا ربي الحين وش بيقول عني لازم اصلح صورتي عنده بس وش اقوول اخاف اجيب العيد حسبي الله عليك يا خلود ليه ما قلتيلي من اول قالت بهمس تبي ترقع : السلام عليكم معليش طولت عليكم
خلود بهمس : جابت العيد خلاص
ماهر : زين تعرفين تسلمين بدل الضحك الماصخ الي قبل شوي
مها : استغفر الله بس لا يغرك الضحك بس حبيت اوضح بعض العينات الي تضحك زي كذا قدام احد غريب الله لا يبلانا
خلود تناظر للشباك وتضحك على الصامت ما تشوف غير اكتافها الي تهتز
ماهر ما يعرف وش يرد على ذيه الانسانه وقاعد يقول بقلبه شكلها خلود كذابه مستحيل ذيه الدلخه تكون الاولى على دفعتها اصلن ذيه كيف دخلوها طب

نتعرف علييــــــــهم
خلود ماجد الـ............... عمرها 24 سنه انسانه مرحه محبه للحياة ونفس الوقت حسااسه دخلت طب على رغبت اخوها ابوها متوفي من عمرها 10 سنوات واخوها عوضها حنان الاب تعتبره قدوتها بالحياه صديقة مها الروح بالروح ونفسها اخوها ماهر يتزوج مها بشرتها بيضاء شعرها صابغته رمادي قصير لاكتافها تحب تغني مع ان صوتها نشااااااز
ماهر ماجد الـ.......... عمره 27 سنه قايم باهله من بعد وفاة ابوه يحب اخته الوحيده عصبي شوي لكنه حنووووون كان حلمه يصير دكتور بس ما قدر بسبب ظروف موت ابوه الي توفي بسبب جلطه بعد ما خسر كل املاكه تولى امور شغل ابوه وهو صغير قدر يوقفها على رجولها لسه ما وصلت زي اول ويعتبرون حاليا من الطبقه المتوسطه بس انه قاعد يبذل كل جهده فيه مرا انيق ومرت ومرا مهوووووس بالنظاافه يمتنى زوجته تكون انسانه ذكيه ومتعلمه
...............................
عند الحلااااق
ناصر يكلم الحلاق : احلقله صفر ما ابي اشوف ولا شعره براسه
راكان الي كان جالس على كرسي الحلاقه وقف بخرعه : لا وووووين يا عمي ما اتفقنا كذا
ناصر بصراخ : اووص ولا كلمه اجلس خله يشوف شغله
راكان مستغرب من عصبية عمه المبالغ فيها يدري انه الي سواه خطا بس ما يستاهل كل ذا الصراخ : يا عم شفيك ؟
ناصر اخذ نفس يهدي نفسه : اجلس خله يخلص
راكان : بس مو صفر يا عم تبيني اصير نكتت الموسم
ناصر بعصبيه : والله مافي نكته غير شعرك ذا الي كأنه بنت ... وغير صوته يقلده: بندر تحداني ... ورجع لصوته الطبيعي : اصلن محد مجنني غيركم انت وياه
راكان : ادري اني غلطان وبحلق خلاص بس مو صفر
ناصر : راكان اجلس دام النفس عليك طيبه
راكان يحاول يستعطفه : اصلن لاني ولد اخوك تعاملني كذا لو ولدك كان ما حلقتلي صفر وخليت الاوادم تشمت فيني
ناصر بصراخ : احمد ربك انك ولد اخوك ولا كان الحين مسحت الارض فيك مو حلقت شعرك وبس
راكان بلع ريقه جاء يبي يكحلها عماها : والله يا عم اسف وما رح اكررها طول حياتي بس الله يخليك الا الصلعه ما ابيها تبان عاد انا احب الزيت يرضيك صلعتي تلمع في الشمس والناس ينعمووون بسببي اعرفك حنون ما يرضيك الناس تنعمي
تنهد ناصر : خلاص سوي الي تبيه بس يطول اطول من اذنك سانتي متر واحد صدقني رح اشيل راسك كله مو شعرك بس
زفر راكان بارتياح اخيرا قدر يقنعه : اوعدك وعد مستحيل اطوله مرا ثانيه
ناصر : خلص وتعال بستناك بالسياره
راكان خلص حلاقه الي كانت نفس طول شعر جاستن بيبر الي فوق وجلس يناظر لشكله بالمرايه : يالبيييييه والله اني مزه صدق ... حط يده على قلبه الحمد لله عمي اقتنع ولا كان جمالي كله طار ... هههههههه والله مقدر اتخيل شكلي اصلع
اعطى الحلاق حسابه واتجه للسيارة عمه دخل السياره واستغرب سرحان عمه الي ما حس على دخوله حتى اصلن كان متوقع ان عمه في شي عصبيته مو طبيعيه : شرايك عمي كذا زين
انتبه ناصر لدخول راكان ناظر لشعره : ايه زين .... ناظر لساعة السياره تشير للساعه 9:00 صباحا : يمديك تروح الدوام تبيني اوديك ؟!
راكان : لا خلاص ماني رايح اصلن عندي محاظرتين الاولى خلصت والثانيه مو مهمه .. وبقلبه حتى لو مهمه ما رح اداوم عشان محاظره
ناصر بسرحان : زين
بعد صمت لدقايق
راكان : عمي شفيك ؟
ناصر : مافيني شي .. ليه ؟
راكان بجديه : يا عم عصبيتك كان مبالغ فيها ادري شكلي كان مرا غلط بس مو من عادتك انك تعصب كذا
تنهد ناصر : لا بس عندي ضغوط بالشركه وشكلي طلعت حرتي فيك
راكان ناظر لعيون عمه : يا عم ترا ادري انه مو من الشركه ... اصلن اكيد شي يخص اخوك
ناصر : اخوي هو ابوك
راكان بطريقه مباشره : ليه عصبت يوم شوفت شعري ؟؟ وليه مصر انه احلقه صفر ؟ واضح يا عم من عيونك انه مو راضي بشعري الحين بس ساكت ؟
ناصر : راكان انت قاعد تتوهم
راكان ناظر لاصابعه : اخوك يوم ضربني وانا صغير عشان لون شعري صح ؟
نااااصر داس فرااااامل بقوه : راكان انت مين يدخل ذيه الافكار براسك
راكان بهدوء : يمكن كنت صغير بس للحين اذكر الي صار مستحيل انسى كل الي مريت فيه ... تدري انه اول ما شافني دخل اصابعه بشعري حسيت بحنااان غريب اول مرا احسه وفجاءه سحب شعري وبعدها معد صرت احس بولا شي جسمي كله قام يعورني وبس ذا الي اعرفه لان صحيت ولاقيت نفسي بالمستشفى ... رفع عيونه لعمه : يا عم نفسي اعرف ليه ضربني ذا كله لان امي مروجه ؟ طيب ليه ما يعاقب نفسه مو هو الي جابها ؟ مو هو الي تزوجها ؟ مو هو الي دخلها بالعايله ؟ ليه انا الوحيد الي قاعد اتحاسب على اغلاط مو اغلاطي ؟!
سكت ناصر مو عارف وش يقوله او بايش يرد عليه كلامه صح كل كلامه صح هو قاعد يتعاقب على شي ماله ذنب فيه
بعد دقيقه تنهد راكان : طلبتك يا عم بس ابي اعرف ليه ضربني ؟!
زفر ناصر بضيق خلاص راكان صار كبير وواعي : ابوك كان يحب امك لدرجة الجنووووون ايلين بالنسبه له مو زوجه وبس كانت روحه كانت الاكسجين الي يتنفسه ... بذاك اليوم الي شافك فيه كان بحالة لا وعي يوم شاف شعرك الاحمر وعيونك الرماديه الي تشبه لامك تخيلك ايلين ويمكن اللمسه الي حسيت بالحنان فيه كان فيها شوق لايلين بعدها تذكر الي سوته وما قدر يمسك نفسه وضربك وهو يحسب نفسه قاعد يضرب ايلين كان مقهووور منها كيف باعت حبه ولا اهتمت فيه وصارت مروجه مع انها مو محتاجه فلوس ... يا راكان انا مو قاعد ادافع عن عناد بس صدقني هو يحبك لو تشوف كيف نظراته تلمع بشوق يوم نذكر اسمك .. بس هو خايف عليك من نفسه .. بس ان شاء الله جيته ذيه رح تقربكم من بعض
راكاان ساااكت وقاعد يفكر بكل كلمه قالها عمه مسك شعره وهو يفكر اذا غيرت لون شعري ممكن الوضع يتغير ما انكر اني كل ما افكر فيه اخاف اتذكر كل شيء صارلي اووف وذا وهو لسه ما وصل اجل لو وقف قدامي وش بسوي بيغمى علي من الخوف شكله ناظر يده الي ترجف على خفيف هذه حالته من يوم ما عرف برجعت ابووه
ناصر احترم سكوت راكان وكمل طريقه متجه للبيت
................................
بالمستشفى
: حسبي الله عليك يا خلود ليييه ما قلتيلي انه اخوك يالثوره ضيعتي مستقبلي الحين وش بيقول عني
خلود : ههههههههههههههههههههههه والله ما عمري شوفت وحده نفسك خلاص تفشلتي وخلصتي انحرجي وابلعي لسانك قالك ايش وهي تقلد صوتها : اقلد العينات هذه الله لا يبلانا ..ههههههههههه والله انك فاصله
مها انصبغ وجهها بالاحمر : انقلعي يالوصخه لا تذكريييني .... وبحزن: خلاااص انا هدمت مستقبلي الحين من وين اجبلي انسان وسيم زي اخوك
خلود وهي تأشر للدكتور الي يبعد عنهم كم سمنتيمتر : مهاااااا شوفي الجمال الي قدامي ما اصدق انا بحلم او علم ... واي واي اول مرا اشوف احد بجمااااله
مها فهت فيه : خلاص اشبعي باخوك ابي ذا
خلود نست الي موجود قدامها : نعم نعم والله حبيبتي اخوك هو الي ما يبيك مالت عليك بس
مها بفشله لان الوسيم لف عليهم : وجع وطي صوتك فضحتينا .. امشي قدامي بس نروح نشوف الدكتورر المسؤل عنا .. وراحوا مكتن تجمع المتدربين
عند الدكتور الوسيم تنهد من قلب لانه هو رح يكون المسؤول عن المتدربين ومن شاف ذولي الثنتين غسل يده من الباقين
الدكتور بسام بضحكه : ههههههههه الله يعينك على دفعتك يا بدر
بدر بنرفزه : لا تتشم لا ربي يبليك باسواء من ذولي
الدكتوور بسام : اوب اوب متنرفز كذا ليه
مشى الدكتور بدر سافهه رايح للمتدربين وهو يدعي يمر يومه على خير
...............................
رجع راكان للبيت واتجه لغرفته وانسدح وهو حاس بخوف شديد من الي رح يصير بكرا: يا ربي شفيني كذا اليوم اول مرا احس بذا الشعور اووووف يا ربي العالم تفرح بالاباءها وانا اخاف راكان اهدي شوي يعني وش بيصير مثلا .. حرك راسه بعشوائيه : اووووف لازم اشغل نفسي عشان ما افكر كثير .. تذكرت لسه ما فطرت ولا طب شي ببطني خلني اروح افطر وافرفر بذيه الشوااارع بعيد عن الناس احسني ابي اختلي بنفسي شوي .. خلني ارسل لذيه الدلخه عشان لا تخاف
ومسك جواله وارسل رساله لمها
.........................................
عند مها رجعت من المستشفى وهي مهلوكه طلع المسؤل عنهم الدكتور بدر ذاك المزه : اخخخخ يا ظهري شكله سمعنا مرا واضح انه مستقصدنا ... الحمدلله جانا ما جاء سواق خلود لا جاء اخوها اقسم بالله فشله ..اووووف والحين وش اسوي هنا لوحدي ذا الخبل طالع مدري وين ويقول بيتأخر ههههههههه شكله عمي ناصر حلقله صفر ومستحي بصلعته .. رفعت يدها وناظرت للساعه في معصمها الحين الساعه 2 :اكيد شهد رجعت من المدرسه اروح عندها اصرفلي والله انها تونس ذيه البنت ماخذه طبايع راكان كلها
رجعت لبست نقابها واتجهت لبيت ناصر وهي بالطريق قاعده تفكر بصلعة راكان المهم دقت الباب وفتحتلها ماري
مها : ماري وين شهد ؟
ماري: ماما شهد في الغرفه حق هيا
مها ااتجهت لغرفة شهد وهي بالطريق شافت بندر تذكرت راكان وصلعته انفجرت ضحك بصووت عالي : ههههههههههههههههههههههههه ههههههههههههههههههههههههه ههههههههههههههههههههههههه هههههههههههه
بندر : الحمدلله والشكر شفيك
مها : ابوك هههههههههههه ابوك ههههه
بندر باستغراب : شفيه ابوي ؟؟
مها مو قادره تتكلم : ههههههههههههههههههههههههه ههههههههههههههههههههههههه ههههههههههههههههههههههههه ههههههه ابوك ههههههه
بندر بملل : شكل ما عندك سالفه
مها وهي تاخذ نفس تهدي نفسها : ليه وش قالولك بندر الخبل الا عندي سالفه وبطلت اقولها
بندر وهو ماشي : احسن مو لازم اسمعها
مها مستحيل تخلي شيء بخاطرها وما تقوله : خلاص سامحتك بقلك الموضوع
بندر يسايرها : ايواا وش موضوعك
مها بابتسامه عريضه من تحت النقاب : ابوك صاد راكان
بندر عقد حواجبه : ما فهمت
مها : ابوك شاف شعر راكان الطويل
شهق بندر : احلفـــــــــــــــــــي
مها وهي شاقه الحلق الابتسامه من الاذن ذيه للثانيه : ايه والله فاتك اقسم بالله هزأه تهزئ مو صاحي
بندر : ذابحني اليوم راكان ذابحنبني
مها تحرك حواجبها : لا تخاف جايك الموت يا تارك الصلاه راكان قال لابوك انك متحديه
بندر بخوف : مو من جدك صح ؟ اقسم بالله ذا الراكان فضيحه ماني ناقص هواااش اليوم وبعدين راكان الحين وين جواله مقفل
مها تذكرت الصلعه : ههههههههههههههههههههههه مدري عنه صراحه راح مع ابوك عند الحلاق وبعدها ارسلي انه ممكن يتأخر شكله عمي حلقله صفر ومتفشل من صلعته خخخخخ
بندر تخيل شكل راكان اصلع : هههههههههههههههه لا مستحيل راكان يموت ولا يحلق شعره
مها تذكرت : الا صدق بندر انت واعده بايش عشان يسوي ذا كله
بندر : سرررر يالملقوفه
مها : من زين اسراركم الحين انت وياه .. بندروووه بتقول ولا كييف
بندر : مستحييييييييل اقلك انتي بالذات عشان تبطلين لقافه شوي
مها فصخت جزمتها (وانتو بكرامه ): بندر بتقول ولا ذيه على وجهك الحين
بندر تراجع لورا عارف انها مجنونه تسويها : مهوي استهدي بالله ماني ناقص اصابات وبكرا عمتي تجي ابيها تشوفني مزه يمكن وحده من بنتها تبطل تتغطى مني
مها : ههههههههه غيران من راكان لذيه الدرجه
بندر : لا تذكريني بالمواجع .. وبعدين انتي الدين على كيف هو تغطين منا كلنا الا راكان وش ذا الحظ الي معه
مها باحراج : بندروووه بتنطم ولا كيف
بندر : والله اني صادق
مها : وبعدين لا تسوي طالع منها ترا اختك شهد بعد تغطي من الكل الا راكان
بندر : اخخخخخ لو بيدي كان خليتها حتى ما تكلمه بس وش اسوي ابوي معطيها وجه ... مسخره صراحه انا المزه والكل يتغطى مني وذاك الخبل الكل معطيه وجه
مها : وبعدين معك شكلك من زمان ما تصفقت
انفتح باب غرفة شهد : وجع انتي وياه ما تخلون احد يرقد اووف بس وانتي يا قرقر ما تعرفين تسكتين
مها : شوفي جايه وانا جوعانه ونفسي من طبخ يدينك فبلع العافيه لان اكل بعدين برد عليك
شهد : الحمد لله والشكر ادخلي بس ... وانت وش موقفك هنا
بندر : رايح رايح لا تفصلين علي الحين
تعشت مها عند شهد ورجعت البيت على الساعه تسع بالليل ونوووووم من شدة التعب حطت راسها وراحت بسابع نوومه
..................................
عند راكان
كان جالس بكوفي يستنى صديق له من الجامعه اسمه عبد الرحمن
راكان ناظر ساعة جوالها الساعه 9:15 : اوووف شفيه ذا تأخر
حس راكان بضربه على ظهره
عبد الرحمن : معليش طولت عليك
راكان يحك مكان الضربه : ياخي ترا يدك ثقيله وبعدين غريبه داق ذا الوقت تبيني
عبد الرحمن : بروح اطلبلنا موكا واجيك
راكان استغرب مو من عادة عبد الرحمن انه يعزم احد : طيب براحتك
راح عبد الرحمن وطلب اثنين موكا بارده وبعد عشر دقايق رجع وبيده الموكا
اخذ راكان كوبه : يعطيك العافيه
عبد الرحمن : الله يعافيك
بعد سكووووت لدقايق
راكان شرب تقريبا نص الموكا : ايوا شعندك ؟ شكل وراك موضوع
عبد الرحمن : ولا شيء بس حاس بكتمه من البيت تعبت من كل شي حولي .. زي ما انت عارف امي متوفيه .. وابوي سكير عجزت الاقي حل معه .... تعبت كل شي علي كل شي انا اسويه
راكان حاط يده على يد عبد الرحمن : هونها وتهون ان شاء الله لا تفكر كثير وان شاء الله امووورك تتعدل
تنهد عبد الرحمن : ان شاء الله
راكان عض على شفايفه بقوووه وحط يده جهت كليته بقوه حاسها تتقطع من جوا وانحنى شوي بسبب الالم
نط عبد الرحمن لعنده : راكان شفيك ؟
راكان يحاول يقاوم الالم : مافيني شي بس مغص شوي
عبد الرحمن : قوم اوديك المستشفى
راكان : لا ماله داعي الحين بتطيب ... خلاص يالله اشوفك بكرا ان شاء الله بالجامعه بروح البيت احسني هلكااان
عبد الرحمن : تبيني اوصلك ؟
وقف راكان وهو يحس الام يزيد بس يحاول ما يبين : مافيني شيء بروح بسيارتي
مشى راكان متجه لسيارته
همس عبد الرحمن : سامحني يا راكان
عند راكان دخل السياره ورا نفسه على مقعد السايق بقوه وهو يتنفس بصعوبه حاس بألم فضيع اول مرا يجيه والمشكله انه جهة كليته الموجوده السليمه مو من جهة الخياطه قرر يروح الصيدليه يجيبله مسكن وبكرا يشوفلها حل ... مشى وهو بالعافيه مركز على سواقته اشتراله مسكنات من الصيدليه وبلعهن مرا وحده حس الام صار اخف من اول اتجه للبيت وراح لغرفته وحط راسه ونام .................................
بألمااانـــــــــــــــيا وتحدييدا بالمطـــــــــار

بنرفزه : اوووووف تعبت وش ذا داقين علينا من صباح ربي الرحله تقدمت ولنا ساعه بالانتظار
: قسم بالله كلمه ثااانيه واصفقك ناقصينك احنا
: رييان رنيم خلااص
رنيم : يمه هو البادي انا اشكي الحال الا يدخل عمره بالسالفه
ريان : رنيموووه بتسكتين ولا كيف راسي مصدع
: لنيمووه بتسكتين ولا ثيف
رنيم مسكت بخدود اختها تالين الي النطق عندها ثقيل مع انها بعمر الخمس سنوات : يع يع لا تقلدين ذا المتخلف
تالين بدموع خدودها عورتها : وخلي يودع (يوجع)
رنيم : احسن مرا ثانيه لا تقلدينه
ريان : غيرانه لانها تقلد الناس العاقله .. مو المتخلفين زيك
رفعت عيونها من الكتاب : اهجدوا شوي خلوني اركز
رنيم : يا صبر ايوب خلصنا من الخبل ريانوه جت جنان صديقة الكتب خليك بكتبك احسن
جنان رفعت نظارات القراءه بطرف اصبعها بنعومه : وانتي اصلن خليتيني اركز يالمتخلفه
فاطمه بعصبيه : بعدين انتي وياها وهو يالله صباح خير
رجعت جنان لكتابها .. وريان يلاعب تالين .. ورنيم جالسه مع نفسها تتحلطم
بعد صمت دقايق تكلمت فاطمه : ريان انت ورنيم ما ابيكم تزعجون راكان بشيء هو تعود يعيش لحاله ما ابيكم تضايقونه بحرف
ريان : يا ذا الراكان يمه ترا احنا ما رح ناكله والله
رنيم : صدق يمه من امس وانتي توصينا فيه ... ريلاكس مام ليه كذا متوتره
فاطمه تنهدت : ذا اخوكم ولازم اوصيكم فيه وبالذات انت يا ريان
ريان : يممه .. تراني كبرت مو زي اول بزر
جنان : ههههه اذكر اول مسكين اذيت الولد بحليب امي على الطالعه والنازله رجع حليب امي سارق حليب امي
ريان باحراج من طفولته حك راسه : كنت بزر ... بس تدرين اتذكر كل شيء تقريبا واحنا صغار الا راكان ذا ناسي اشياء واجد عنه
رنيم باحباط : غش اقل شيء تذكره شوي انا اصلن ما اتذكر شكله
فجاءة نطت بفرح : اخيييييييرا جاء الفرج يمه شوفي عمي عناد وعادل اكيد خلصوا الاجراءات
عادل جاي وهو يطمطط وحاط يده على فمه لانه يتثاوب : اخيرا خلوا صيانه للطياره ودخلوا كل اغراضنا الحين بنمشي
رنيم : اخييييييييييرا بشوف ارض الوطن
عادل : الا صدق رنيم ما تذكرين السعوديه
رنيم : لا مو كثير لان كان عمري تسع مدري عشر
عادل : طيب تسع كبيره مفروض تكونين عارفتها ؟
رنيم بملل : ليه شايفني زيك يالدكتور ماشاء الله ذاكره فولاذيه
ريان : وانتي محد يسلم من لسانك ذا الطويل
عناد جالس يناظر عيال اخته وعقله بعييييد حطت فاطمه يدها على كتفه : عناد شفيك بايش سرحان ؟
تنهد عناد : مدري كيف بقابله
فاطمة : لا تشيل هم ... بس هو محتاج شويت حنان واهتمام منك ورح يصير قريب منك
عناد بقلبه بلاك ما تعرفين انه انا السبب بدخلته المستشفى الي اخفى ناصر موضوعها عن الكل : ان شاء الله
سمعوا ندا طيارتهم واتجهوا للطيااره
.....................................

انتهى البـارت
توقعاااتكم ...
سبحان الله وبحمده ... سبحان الله العظيم