[hadeer mansour]

المشاركة الأصلية كتبت بواسطة princess sara

انا جيت
مساء الخيرات ^_^

واضح ان فاروق هيدخل في البلاك ليست .. لا وفي اجماع على كده
لحد الان الغرض من زواجه من نوران " تحديدا " غامض ومالهاش اي اجابه
الا ان الجواب باين من عنوانه .. رغبته في عدم اقامه فرح رغم انه عارف ان نوران مازالت عذراء وده اول فرحتها .. اخفائه اهله وعدم تقديمها ليهم والسبب انهم كبار في السن وان الاستاذ مش صغير وقادر على اتخاذ قراراته بنفسه .. واخيرا غضبه من رؤيته جمالها اللي ظهر وبان بقوه و اللي كان ديما مخفي والحزن مسيطر عليه ده حتى قالها بالحرف
" تبا لم يظهر جمالهما هذا من أول مقابله ... هو لا يريدها جميله
لا يريد شئ .. لا شئ على الاطلاق "
اذن اقدر اقول ان غرضه من الزواج من نوران هو اي شئ غير انه عايز يتزوج ويستقر ويكون ليه اسره وزوجه جميله
انا حاسه جدا انه هيجرحها ويسبب ليها الاذى .. حاسه جدا ان الامر علاقه بزواجه اللي انتهى على حد كلامه .. بس هل فعلا الزواج انتهى بالطلاق ؟! ولا مازالت على ذمته وكل اللي بيعمله ده قرصه ودن او انتقام من زوجته الاولى ؟! لو كان الامر كده او السبب الرئيسي في زواجه من نوران كان استغلال بأي طريقه لانها مجرد يتيمه وحيده محتاجه وجود رجل في حياته .. يبقى هو رجل حقير لا يستحق لقب حج ولا اي نيله على دماغه
بالفعل انا بدأت في الشتائم وطوله اللسان لاني مش مرتاحه ليه ابدا
نوران متعاطفه معاها جدا .. هي مازلت مخرجتش من الحاله النفسيه الصعبه من تربيه والدها ومعامله القاسيه وحرمانه ليها من كل شئ لدرجه انها وصلت للسن ده فاقده كل شئ من ثقه ودراسه ودخل تعيش منه هي ووالدتها .. كانت في حاله احباط ويأس خليتها تقبل عرض الزواج السريع اللي انتهي بموافقتها لانها شعرت تجاهه بمشاعر هتتحول حب اكيد وبمنتهى السرعه كمان .. هي برئيه في كل شئ ولان دي اول مرة تخرج وتتعامل مع الناس خاصه الرجال يبقى هتقع في سحره ومعاملته الرقيقه واهتمامه بيها ... صدمتها هتكون قويه ويارب متكنش قاضيه

رفيف ومروان الوقح
انجذاب مروان ليها طبيعي لانه اولا زير نساء من الدرجه الاولى .. ثانيا لانها غير كل النساء اللي عرفها ودخلت حياته
هي قويه .. شجاعه .. متهوره .. والاهم غير مباليه بيه
وانه لحد الان مقدرش يوصل ليها ولا يضمها للقائمه بتاعته يبقى طبيعي جدا انها تسيطر عليه لدرجه انه يطرد صديقته الاخيره ويمنحها
" كبسه " ويستغني عن وجودها الحميم بجواره .. ودي حاجه حلوة الصراحه اهي بترجعه لطريق الصح .. بس ربنا يستر وميتهورش ويقرر يضمها للقائمه بتاعته رغم عن كل شئ
هو لحد ما بيبحث عنها ويعرف حياتها .. واعتقد خد باله من المعامله الشبه معدومه بينها وبين والدها اللي هو شريكه .. ياترى هيدي الامر اهميه ولا هيعدي الامر عادي ولا كأنه ليه لازمه
بس الجمله الخطيرة اللي قالها “ أريدك يا رمانه .."
يا ترى هو يقصد ايه بيها ؟! اعتقد ان مش في دماغه ابدا امور الخطوبه والزواج والجو ده .. هو مش مأمن بحاجات دي وبيبعدها عنها ويتجنبها كأنها مرض
بس معنى كده انه بيفكر فيها كأنها مجرد متعه ورغبه هتنتهي اول ما يحصل عليها ؟!
رفيف رغم ضعفها امامه وسيطرة مشاعر جديده عليها .. هل هتسمح انها تضعف وتستسلم ليه خاصه انها عارف طبيعه حياته بل وشافتها بعيونها كمان ؟!

عجبتني المواجهه بينها وبين حازم اخوها
حبه ليه واضح وصريح .. يمكن الرجل الوحيد اللي بتتعامل معاه بصدق وحب ..يمكن ده لانها متعرضتش منه لاي اذى او وجع ..عشان كده معاملتها معاه ديما عفويه ومن قلبها
اعترافها ليه انها ذهبت لوالدها حاجه كويسه لحازم عشان يعرف الراجل ده بيفكر ازاي
على الاقل يعمل حسابه ليكون راجع وعايز يدمر بقيه حياتهم مرة اخرى
هل فعلا هو راجع بدافع الحب وعايز يقرب من اولاده وبدأ برفيف عشان يوصل لحازم ووالدته ؟! ولا الامر في انه واستغلال هينتهي على دماغه ان شاء الله

هارون القاسي ^_^
اذن المرأه اللي ماتت نتيجه صراع بينه وبين اعداءه كانت مجرد صديقه غاليه تكاد تكون شقيقه ليه ... اذن الحمدلله قلبه فاضي =d
اذن هل هيتهم ويتبع انجذابه لالماس ولا هيتجنب ظهورها بالكامل ؟!
معقول هيتجاهل المرأه اللي انفجرت فيه وبادلته الكلمه ب 10 ؟!
لا اعتقد ذلك ... الا اني احترمت رجولته وهو بيمنح مياس الخصوصيه والراحه في منزلها وقراره انه يترك منزل العائله ويكون ليه بيت مستقل بيه .. حلاوتك يا قاسي انت =d

هديل الشقيه وحازم
اذن الامر هيمشي على انهم اصدقاء وطظ في المشاعر اللي بتحتلهم اول ما يكون مع بعض
بس الوضع ده هيستمر لامتى ؟! لا اعتقد انهم هيقدروا يرفضوا الافصاح على مشاعرهم والتعامل كأن مفيش اي حاجه بتحصل معاهم
هديل ممكن تتحمل لانها من زمان وهي بتحاول تخفي حبها وتتعامل معاه على انه ابن الخاله القريب منهم جدا .. الا ان حازم هيقدر على الابتعاد بمشاعره وبحبه اللي بيسيطر عليه ؟! ياترى هيهرب من تاني ويخاف انه يعترف بحبه ليها ؟! حبه لمريم زمان هيعتبر انه بيخون ذكراها ويجرح هديل بالابتعاد ويمكن يجرحه بأكتر من كده
لو عمل كده يبقى لا يستحق هديل وحبها ابدا .. لانه ساعتها هيكون جبان

فله البائسه
ياترى هتفضل بائسه كتير ولا حالها هيتصلح اخيرا
هل قصي هيكون ليه علاقه ودخل بالاصلاح ده ولا السبب هيكون خارجي
ياترى هتتعرض للجرح من جديد وقصي ميشفش غير هديل وشقاوتها ويتدبس في حب من طرف تالت ولا ايه النتيجه بالظبط

روفان وعيسي الراوي
اذن روفان رغم الواجهه الصلبه والمعامله القاسيه مع الكل مازالت ضعيفه وحزينه لكل اللي حصل معاها
اكتر شئ كانت بتحبه اتحرمت منه بأقسى الطرق .. الحادثه اللي اتعرضت ليه مازالت سايبه اثر وعلامه جواها .. هل بالفعل هي غير قادره على معاوده رقص الباليه ؟! الحادثه اللي حصلتلها حرمتها من الرجوع ليها مرة تانيه ولا في امل بالعلاج ؟!
ولو قدرت انها تتعالج وترجع مرة اخرى .. هل هترجع شخصيتها الحقيقيه وتطلع الفتاه المرحه الطيبه اللي تجذب الكل ليها ؟!
صعبت عليا جدا وهي بتراقب الاطفال وهما بيرقصوا بكل سهوله وحريه
واستاذ عيسي اللي مراقب ليها من بعيد لبعيد .. ليه حاسه انه اللي بوظ سيارتها مخصوص ؟!
رغم كل شئ الا انه بيشوف شخصيه تانيه بعيده كل البعد عن الفتاه الصعبه البارده القاسيه في كل شئ .. بيشوف فتاه حزينه وحيده محتاجه وجود اي شئ قريب منها
هل هيبحث في حياتها ويعرف حقيقه اللي حصل ولا هيحاول مينجذبش ليها ويستسلم لوقوعه تحت سحرها اكتر واكتر

تميم وسلين واهلا بالحلوين جدا ^_^
كل شئ عاد لمكانه الطبيعي بينهم ويمكن اكتر من الاول
خاصه بتغيير تميم ومصارحته بحبه بالقول وبالفعل لانه عاش تجربه خساره سلين وطفلته الصغيره .. جرب الخوف والخساره الا انه قدر ينجح ويسترد اسرته مرة اخرى .. الغلطه السابقه مكنتش بسبب الخيانه لان تميم مش خاين ولا حقير .. لا اعتقد انه ممكن يجرح ويغلط ويخسر زوجته مرة اخرى .. هو بيحبها وانتصر على عقدته السابقه وفاز بحبها
يبقى الدور على سلين انها تمنحه ثقتها ولا تسمح للغيره والشك في دخول حياتها عشان متدمرش الاسره والكيان اللي حصلت عليه اخيرا

حمزة وليله وحرف الراء اللي جننوني بيه
اقر واعترف ان حمزة الرواي اتغير وبقى يتكلم ويعترف بحبه ويقول كلام يجنن يا ناس
رغم انه كبير عائلته والكل منتظر الولد كحاجه اساسيه بتحصل في بلدته والكل شايفها لازم تحصل لاي رجل الا انه وضح للكل انه فخور ومبسوط وراضي 24 قيراط باولاده البنات ..بل اختار وصرح ان لقب هو " ابا رقيه "
يعني رساله واضحه لاي حد يحاول انه يعكر صفو سعاده اسرته بأي طريقه
ليله طبيعي انها تتأثر وتفكر في الامر ده .. الا انها لازم تعرف ان زوجها مش جاهل ولا غبي عشان يتبع العادات والتقاليد .. حافظ مش فاهم يعني .. لازم تعرف ان ده رزق من ربنا سواء بنت او ولد .. كلهم يبكونوا رزق مهمتهم انهم يحافظوا عليه مش يرفضوا ويطمعوا بالمزيد لعدم الاكتفاء

انا مش قولت ان الحقيره غاده هترجع وتعكر حياه صفوان ؟!
لكن الصوت الأنثوي الذي صدح جعله يتوقف تماما
“ مبارك العرس يا صفوان ..."
اهي رجعت لا ورجعت في يوم هام كان ممكن جدا كل حاجه تتغير فيه للاحسن
الا ان وجودها ورجوعها بل وتصميمها انها تتعرض لصفوان وتعرفه انها موجوده بجواره مرة اخرى هيغير كل شئ
انا مش راضيه عن صفوان اصلا وهو معلق قلبه بيها لحد الان .. لان اللي باع مرة يبيع عشره بسهوله جدا
ياترى وجودها وظهورها هيغير شئ ؟! لا اقصد طبعا انه يتراجع عن الزواج ويلغي كل شئ عشان خاطر طلتها المهببه
لان صفوان مش عيل صغير .. ده كبير عائلته مش اي اي يعني .. ثم مش هو الرجل اللي يتراجع عن كلمته ويتخلى عن المراه اللي وثقت فيه وسلمته نفسها وموافقتها واصبحت زوجته
الا ان الاكيد ان ظهورها هيأثر عليه ويعيد مشاعر قديمه وحب هو فاكر انه حب الا انه مكنش ولا هيكون حب ابداااااا
هيبق حقير لو تخيلها هي زوجته اللي هتكون ليه في خلال ساعات .. هيبقى حقير لو كان اذى وجرح وتين بطريقه او بأخرى والسبب ظهورها ليه من تاني
وتين تابن ضعيفه الا انها قويه ووقت الجد مش بعيد تغلبه وتوقعه على جدور رقبته .. الا اني خايفه عليها من الجرح والوجع خاصه انها متعرفش حاجه عنه وعن اللي حصل معاه زمان
ياترى هتعرف من الحقيره دي ؟! ولا منه هو شخصيا عن طريق الخطأ ؟! اه نسيت اقول انه هيبقى حقير لو غلط في اسم زوجته وناداها بالحقيره غاده >_<

الفصل يجنن يا هدير .. طويل ودسم جدا .. تسلمي حبيبتي ... في انتظار القاد على نااااار

من جمال التعليق مش لاقيه كلام بجد ... تسلمي يا سو على التعليق الاكثر من رائع 😍😍😍😍😍😍😍

المشاركة الأصلية كتبت بواسطة sweethoney

على فكرة فاروق ده مش مريح أبدا
وتهور رفيف حيوديها في داهية
صفوان يا ريت هيبتك ورزانتك ما تخليكش تبين أي تأثر بصاحبة الصوت الحقود
أما ليلة وحمزة..وسلين وتميم..هيييييح رجعتينا لأيام زمان

ظز

المشاركة الأصلية كتبت بواسطة قول يا رب

فصل جميل والاحداث متسارعه ومثيره بس عايزه اكتر زيدينى عايزه الفصل اطول عشان اشبع وارتوى من كلامك وحكيك
البت رهف صعبانه عليه ابوها شكله مرقد على مصيبه يستغلها فيها
وهى كمان دون عن الرجاله وقعت فى حب مروان افندى راجل ثو كييييوت هادى ورزين وكله كلاكيع وعقد استر يا رب

المشاركة الأصلية كتبت بواسطة قول يا رب

وكمان مش مرتاحه للحاج فاروق هو عايز ايه بالضبط الفار بيلعب فى عبى
الموضوع غامض ومش مريح هو عايز جواز جواز ولا له غرض تانى
والبت نور مش مرتاحه لعبطها هى القطه واكله لسانها ولا واكله سد الحنك سايبه نفسها للتيار مش تسأل على الراجل الاول وتدخل راجل فى الموضوع مثلا تطلب من ابو جيهان جارهم يسأل عنه وتاخد رايه

نوران مش عبيطه .. نوران مقيدة بحياه سابقه كان كلها وجع وحياه جديده مجهوله منوره يا قمر

المشاركة الأصلية كتبت بواسطة ام احمدوايادواسر

يسلمو هدوره بارت دسم مليان باحداث وتطوارت واخيرا ظهر حمزه الثوره حبيب الجماهير حبيبي يابا رقيه
الحاج ونواران مش مريحني الراجل ده مريب وشخصيته غامضه وخايفه ع نوران البرئه منه هي است كتير من ابوها مش هاتستحمل صدمات تاني

هديل حبيبتي السكر بنبونايه الروايه وحازم بدا يفقد السيطره ولسانه وعنيه بيخونوه

رفيف ومشهدها مع مروان وحازم روووعه مروان بقي خطر عليها وهي كمان خطر عليه ياتري قصتهم هاتتطور اواي
وكلام حازم عن ابوهم قلقني عليها الراجل للي يعمل كده ف ولاده مش بعيد يعمل ا ي حاجه عشان يستغلهم لمصلحته

صفوان واكيد الصوت الانثوي بنت عمه حبه الاولاني بس ليه اختارت تكلمه ف الوقت ده بالتحديد رعم انها هي اللي اختارت وبعدت من لاول
وتيت مشفقه عليها من الحياه الجديده اللي داخله عليها وهي مش عارفه داخله علي ايه وايه اللي ورار قلب صفوان

منتظرين الجديد بشوق ياقمر
ف رعايه الرحمن

عجبني جزء صفوان وسؤالك جداا ... منورة يا سكر

المشاركة الأصلية كتبت بواسطة miss baio2

حبيبه القلب القديمه جايه النهارده ولا ايه 😱😱وتين ربنا يعينك شكلك ايام الجايه صعبه مش عارفه ليه

منورة حبيبتي