[فيتامين سي]

♪♪
بِسم الله الرحمن الرحيم
وبهِ نستعين

________________________
-الخامس-

بدأت تصرخ بدون وعي وهي تقفل اذونها بقوة
وكل صرخه اقوى من الي قبلها

اسرار بفجع وهي توخر الفراش وتروح لها : ميس .. ميس حبيبتي بسم الله حلم اهدي ..

مسكت ايدينها وبعدتهم عن اذونها وهي تلمها لحضنها وتقرا عليها : تعوذي من الشيطان تعوذي من الشيطان كابوس بس ياعمري كابوس

ميس وهي تتمتم وسط بكائها : يبعد عني يبعد .. يبعد

غمضت عيونها اسرار وهي تشد عليها ومستمره بالقراية

انفتح الباب بسرعه ودخل معه طلال الي انفجع من الصراخ وكان محيووس شكله شعره مبعثر وعيونه الناعسه محمره من السهر وكانت بجامته السوداء محيوسه على جسمه
جرى لميس وهو يقول بخوف : بسم الله حبيبتي شفيك تعوذي من الشيطان
سحبها من حضن اسرار وهو يشد عليها .. : ميس عيوني .. شفيك تعوذي من الشيطان .. ميس انتي بخير .. تكلمي

ورفع نظره الاسرار بنظره متسأله اذا كان الشي الي في باله صح ولا لا
هزت اسرار راسها دليل على الموافقه
ورفعت كتوفها بقله حيله

اما طلال ظل شاد عليها

ميس وهي تبعد خصلات شعرها المبعثره على وجهها وتنسحب من حضن طلال بهدوء : ا ... انا كويسة .. خ خلاص

اسرار وهي تمد يدها للمناديل وتمدها لها : اكيد؟
ميس بهدوء وهي تاخذ المناديل : ايه
طلال بارتياح وهو يمسك ايدها : الحمدلله ... قومي غسلي وجهك ياقلبي
ميس وهي تقوم : ان شاءالله . خلاص ارجعو ناموا انا كويسة بغسل وبكون احسن .. وبنام

هز طلال راسه وهو طالع ما يبي يضغط عليها اهم شي انها هديت الحين

.
.
.
.
- ميس -
فتحت الموية بهدوء وانا اتامل نزولها مع الكباس .. هالشي يطاردني من اكثر من خمسه شهور حاولت انسى هاليوم بكل مافيني لكن للاسف ما قدرت .. يلاحقني ويكتمني وكان قدري كتب اني اعيش بخوف يطاردني .. يااارب صبرك
--
فكت الشباصه الي في شعرها ونزل وانسدل على كتوفها كان طويل ويجذب الكل مع سواده ..مدت ايديها بخفه تلمه من جديد وهي تتامل انعكاس صورتها على المراية .. رفعته فوق ومسكته بالشباصه .. مدت ايديها للموية وهي تغسل وجهها اكثر من مره

.
.
.
.

رفعت الجوال بقهر وهي تشوف الاسم الكريه بالنسبة لها يضوي الشاشه يالله صباح الخير الساعه 6 وهي ما نامت من قهرها ويتصل عليها الصباح بعد
ردت بهدوء : نعم
ماجد وهو يأشر للي قدامه يطلع : نعامة ترفسك
ردي باسلوب محترم على زوجك
رغد بقلة صبر وهي تمسك راسها : ايش تبي ؟
ماجد: اسمعي وياويلك تعصين الي اقوله .. اليوم بالليل .. بجي انا وهلي واظن تعرفين ليش
وكمل وهو يرجع على الكرسي ويسترخي عليه : عشان نملك وو ازيدك من الشعر بيتاً ي زوجتي العزيزه نملك اليوم وزواجنا بكرا وضحك بسخريه .. طبعاً ما يحتاج اقول لك ابد وش ممكن اسوي اذا رفضتي .. ياويلك رغد والله ياويلك
رجع يده ورا راسه وهو يقول .. اممم ويلا ابي اشوفك حلوة اليوم بااي قلبو
وسكر الخط بدون ما يعطيها فرصه تتكلم وهو يبتسم ابتسامه خبيثه

رفع يده للدرج وطلع مفاتيحه اخذها وهو يطلع متوجه لبيته ..

.
.
.
.

مسكت راسها بقهر وهي تحارب نزول دموعها .. ما بيدها تسوي اي شي .. مستحيل تخلي رائد ينكسر ظهره بسبب رفضها مستعدة تعيش بذل .. جدا مستعده ولا ان رائد يخسر

شغله الي معروف فيه او ينقال عنه كلام .. او يخيب ظن وفخر الناس فيه بسبب كلام كذب .. تذكرت تهديده الثاني وحست بقلبها ينقبض

امها !! اغلى من عيونها الاثنين .. مستحيل تسوي شي يشككها فيها مستحيل تخسر ثقه امها مستحيل تنزل راس امها .. مستحيل بمجرد ماتفكر انها ممكن تخسرها او ممكن تنأذي تتعوذ من الشيطان الف مره .. رغد كذا اهلها فالمرتبة الاولى خصوصاً امها
غمضت عيونها وهي تشوف ان ما قدامها حل غير الموافقة مع ان داخلها الف صراع عكس برودها الخارجي .. تحارب دموعها وهي من داخل تغلي

الشي الي مصعب عليها الموضوع اكثر واكثر ان هالطعنه من الانسان الي عشقته ..

تمددت عالسرير وهي تغمض عيونها ((بوافق ومستحيل أأذي اهلي .. مستعده اواجه كل شي الا هالشي .. مستحيل ))

.
.
.
.
.
.

بصدمه : رغد!! بنت عمي ماغيرها يبه
ابو مازن وهو يحط فنجال القهوه على الطاوله : اي والله
ام مازن بهدوء : هو يمه وشفيك مستغرب هم مملكين قبل .. بس صارت مشاكل .. ورفعت حاجبها بس سبحان الله النصيب نصيب
مازن بفهاوه : بس مو كانه كل شي صار بسرعه

ابو مازن بتفكير : عادي ابوي .. وهو يلتفت لزوجته .. المهم يا مرة اجهزو اليوم وما اوصيك لا تقصرين معهم

ام مازن وهي تقوم : افا عليك ما يصير الا الي يسرك

عبدالعزيز وهو يلف لريما : الحين القردة دي ببتزوج
ريما بغيض : قردة بعينك .. وهي تشرب العصير .. عادي وشفيها مب بزر

عبدالعزيز بتطنيش وهو يقوم : ننن قومي بس انا بروح مع خويي

هزت ريما راسها وهي تقلب بالمجله الي في حضنها

.
.
.
ابتسمت : افا عليك ما بنحتاج كوافيره انا الي بسويلك مكياجك
رغد وهي تحاول تبين طبيعيه وهي تتذكر كيف ميس شاطرة بالمكياج : تسلمين ي قلبي
ميس بابتسامه : الا وكبرتي يا رغدوه وبتتزوجين
رغد بضحكه يادوب تطلع : عقبالكم .. وهي تتذكر : الا وين اسرار
ميس وهي تتامل ايدها وتحركها : قدام التلفزيون تحت
المهم حبيبتي انا ما اطول عليك انتي عروسه وم عندك وقت وضحكت
رغد : اقول ترا الوقت ضيق بنمشي للسوق العصر ونرجع طيب
ميس : طيب .. يلا حبيبتي الوعد العصر
رغد : طيب ياقلبي .. وقفلت السماعه
قامت وهي تدخل الحمام بتاخذ شور
اليوم بتحاول تكون طبيعيه لاقصى درجه تقدر عليها .. بتنسى عالاقل قدام الناس واهلها ما تبي تشككهم بشي
دخلت داخل البانيو وهي تزبط درجه المويه وتفتحها وغمضت عيونها

تذكرت الحوار والنقاش الي صار قبل ساعه في البيت

.
.
ام رائد : وشلون يمه
فهد : يمه الولد شاري البنت وندمان
رائد برفض : وصل له رفضنا وقول لــ

رفع نظره لرغد الي قاطعته وهي تنزل مع الدرج : وليش الرفض ياخوي

رائد بتعجب : نسيتي الي سواه

رغد وههي ترفع نظرها لفهد وتنزل نظرها وضحكت ضحكه سخريه بداخلها فهد هو الي مفبرك كل شي بس اخفو هالشي عن رائد عشان رائد متهور ويمكن تصير مشاكل بينهم : الي فات مات يا اخوي وانا استخرت وارتحت .. ليش نوقف بوجه النصيب .. الولد ندمان وانا دام امي واخوي فهد موافقين انا موافقه ..

رائد : بس يا

رغد بمقاطعه وهي تاخذ نفس ولاول مره تكون بهالجرأة مع اخوانها : كانك مب موافق ياخوي يحرم علي .. بس انا اعرف سبب رفضك لكن ارتاح من ناحيتي

ليان وهي تتامل رغد وبداخلها الف علامه استفهام كيف تغير حال رغد وهي كانت كارهة ماجد اشد الكره

ام رائد : خلاص ابوي رائد .. كلنا موافقين وانت ادري انك موافق .. صح الولد غلط بس ندمان وكلنا نغلط نحن بشر ومو معصومين عن الخطأ
وان شاءالله هالزواج فاتحة خير ولفت نظرها لفارس الي كان مؤييد لرائد

هز رائد راسه وهو مرتاح شوي من كلام امه الي اقنعه : والله ان عادت حركته او كان يسوي شي مع رغد انه لا يندم

فهد بسرعه : يخسي اكيد كلنا ما رح نرضى .. وقال بصوت عالي .. ابلغه الموافقه ؟

هز الكل راسه حتى فراس صح انه رافض وفي شي مو مريحه داخلياً بس ما يقدر يوقف بطريق اخته استأذن وطلع لغرفته

رائد : بس وشلون اليوم مستحيل مانقدر لا والزواج بكرا !!

فهد بنفس سرعته السابقة : احنا بزبط كل شي ورغد تطلع مع بنات اعمامها وعماتها وامها وتحضر اليوم طويل والملكة فالليل ,,والزواج بيكون عائلي اساساً لان ماجد بيسافر وبياخذ معه رغد ك شهر عسل

كشرت رغد بضيق بداخلها بس ما بيدها تسوي اي شي

رائد بهدوء وهو يشوف الاصرار بعيونهم : طيب اتكلنا على الله وهو يقوم

قام فهد معه وهو راسم على شفايفه ابتسامه نصر وهو فرحان وييطير من الفرحة ،، اخيرا قدر انه يقنع كل اهله حتى رغد الي اقتنعت من حالها بس من فرحته طنش هالشي لان ما همه الا ان يتم كل شي على خير

.
.
.
رجعت لواقعها واستسلمت للدموع
حاولت تحاربها قدر ما تقدر لكن للاسف كل شي موقف في وجهها ..اخذت الليفه وبدات تنظف نفسها متجاهله دموعها ...بدات تحط من الماسكات والمقشرات وانواع العناية الي جابتها امها وليان

.
.
ريما بقهر : وينهم رغد وليان لنا ساعه نستناهم
عبدالعزيز وهو يقلدها من بعيد وهو واقف مع اولاد عمامه

ريما بعصبيية ونرفزه : اسسكت وهي تلتفت طفشتني تراك

عبدالعزيز بصوت يضحك : اثكت تفشتني تراك انننن اننن

ريما وهي وصلت معها : وقسم بالله ان ماسكتت لا ارميك بذا الصندل

ضحكو البنات والعيال عليهم
اما ريما نزلت راسها من الفشيله نست انهم بالمواقف وان عيال عمامها معها

رفعت راسها وهي تشوف رغد وليان وصلو مع فراس

تقدم محمد برزانه وهو يمد يده لفراس ويسلم عليه سلام الرجال المعتاد : اخبارك طيب مبسوط

فراس بعد م سلم على محمد السلام الاخير : الله يسلمك حبيبي اخبارك انت شمسوي

محمد بابتسامه : بخير الله يسلمك

اما رغد وليان راحو للبنات وفراس كمل يسلم على باقي العيال

وتوجهو داخلين للمول على امل يخلصو قبل المغرب

.
.
.
بتحدي : ما عليك امورك طيبه

بشك : اكيد؟ انا ابي حقي وبس

بابتسامه : افا عليك

.
.







_________
قراءة ممتعه

اشوفكم بكرا ان شاءالله