[فيتامين سي]

♪♪
صباح الورد يا حلوين
صحيت بدري وحبيت انزل لكم البارت لانه خلص والحين تقريبا سبت. ^_^

طبعاً انا ماني راضيه عن البارت حاسة انه مو في المستوى المطلوب الي كان فبالي يمكن لاني ماقدرت ارتب الاحداث لكن بنزله لكم لاني تعبت فيه وهو الانطلاقه لاحداث الرواية

نبدأ
بِسم الله الرحمن الرحيم

وبهِ نستعين

______________________

-السابع-

رد بنبرة حادة وهو يضغط على ايده من القهر ان كل شي تم وجاء متاخر : انت مالك حق في البنت ولا بالناس الي عايش بينهم .

رفع محمد نظره ببرود بين الطرفين. وهو يزفر ..

ماجد وهو يضبط اعصابه : انت وش قاعد تقول

رفع حاجبه بانتصار لانه حقق وعده : اتوقع انك عارف ايش اقول يا ماجد بن

ماجد بمقاطعه وهو يضغط على يده بقوة وتوتر : ش .. شتبي انت ومن انت اطلع برا لو سمحت هذي مناسبة عائليه

ضحك بسخريه وهو يجلس على كنبة فردية ويحط رجل على رجل : اجل وش مجلسك هنا ..

ابو طلال بتدخل : وش السالفة !

ببرود : السالفة يا عم ان ذا وابوه ضاحكين عليكم من 26 سنه ..

طلال وهو يقوم : وش تقول انت ؟

ابو ماجد وهو يمشي لعنده : لو سمحت اطلع برا ماحنا فاضين للعب بزوره

اما من جهة ثانيه محمد يراقب الشخص الي بدأ يرد

: تبي تعرف وش اقول ياعم وهو يعدل بجلسته ويشبك ايديه في بعض .. ويلتفت لفهد وماجد .. هونو على نفسكم ليه الخوف

فهد الي بدأ العرق يتجمع على جبينه
وقف جنب ماجد الي ما يقل عن حاله : لا مانبي نعرف شي اطلع برا .. وبنبرة اعلى .. بررا

ابو مازن بهدوء : اركد يا فهد نشوف وش بيقول .. وهو يلتفت الا وش اسمك؟

رفع حاجبه بابتسامه : منصور ..

مسك ماجد راسه وهو يطيح على ركبه :اطلع

فهد يجي جنب ماجد ويرفعه ويهمس بإذنه :لا تفضحنا قم

ابو طلال : هووو . وشفيك يا ماجد .. والتفت كمل منصور

منصور ببرود : ماجد وفهد بارك الله فيكم اذا نسيت شي ذكروني فيه وضحك بسخريه

رائد باستغراب : ايه ؟

.
.
.
.
-رغد-
مسكت راسي بتوتر وانا امشي واجي في الغرفه معاذ يقول دخل عليهم رجال واشياء ما ادري ايش هي
فركت ايديني بتوتر في بعض وانا ما ادري ايش سبب هالتوتر اصلاً .. أخذت نفس .. 2 4
وجلست وانا حاضنه رجولي واغمض عيوني
من الازعاج الي برا .. الاغاني اصواتها عالية
حاولوا البنات يخلوني ارقص معهم .. بس معاذ قلبني فوق تحت ياليتني ما سالته
ايش في يا رغد عادي يمكن واحد يبارك شي طبيعي .. لالا مدري ياربي ايش هذا التوتر الي صابني كل الي اعرفه اني ماني مرتاحة

--
خطرت ببالها فكرة ممكن تفيدها
مسكت جوالها وفتحته بخفه وهي تروح لمسجل الصوت بدأت التسجيل وهي تقوم تفتح الباب بهدوء تنادي من الدرج على معاذ . وكل ما مرت حرمة ترجع خوف تشوفها

معاذ وهو يجري لعندها : هله خاله رغت

رغد وهي تمد الجوال وتدخله في جيب معاذ : شوف حبيبي روح واجلس مع الرجال وابدا لا تتحرك الا اذا خلصو كلام وانتبه احد يشوفك بعدها ارجع لي اوكي .. خليك شاطر و بوديك الملاهي

معاذ ببراءة الاطفال : تيب

رجعت خطواتها لورا وهي تقفل الباب عليها بغرفتها لكن استوقفها صوت
..رغد وشفيك ما تنزلي عندنا..
رجعت وهي تاخذ نفس وتبتسم بوجه ام ماجد : مصدعه شوي ومالي خلق للاغاني
ام ماجد : ي حبي لك وياحظ ولدي فيك
ابتسمت بصعوبه على طاريه : الله يسلمك خالتي
رجعت لغرفتها بعد ما قالت ام ماجد لها انها لو تحسنت تنزل عندهم
جلست على السرير وهي تهز رجلها بتوتر لما تذكرت معاذ

..

..

..

محمد : ها قلتلها ؟
معاذ : ايوه ..
وهو يمد ايده له .. خالو ابا اجلس معاكم
محمد بهدوء .. : طيب تعال
معاذ : تيب

مسك ايد محمد وهو يمشي معه للمجلس
شال محمد معاذ وهو يدخل ويجلس ويجّلس معاذ في حضنه

رائد : ياخي ما عليك منهم تكلم تراك داخل علينا غريب وتبي تتكلم
وبهدوء : كانك بتتكلم اتكلم مب متكلم لو سمحت اطلع لانها زي ما قال لك مناسبة عائليه وانت تعطلنا

منصور استرخى عالكنبه الجلديه وعينه على معاذ الي عاقد حواجبه باستغراب ابتسم على براءته وهو يقول : ابشر

..

..

رغد فزت وهي تسمع الباب ينفتح : هلا خلصوا؟
معاذ وهو ينحني لجيبه : ايوه خاله


..

..

ماجد وهو يحس ان الدنيا ضاقت فيه : كذاب اطلع برا

فراس بجمود وهو يقرب من فهد ويمسك ياقه ثوبه : إيا الحقير وضربه كف الين رجع فهد على الجدار

: فراس انا اخوك والله اخوك هذا كذاب تصدق واحد من الشارع

فراس : ولا كلمه ابوي ما يجيب واحد خسيس زيك

انصدم ابو طلال من الي يصير قدامه صدمه ماجد صدمة رغد .. فهد .. كلام فراس .. منصور .. كل هاذي الصدمات اثرت فيه حاسس انه خذل اخوه .. حس بالغباء وكل شي كان يصير قدامه وهو ما ينتبه .. زي م يقولو نايمين والماي بتمشي تحتنا .
انحنى وهو يطيح على ركبه : بسسس



..
..
..

ام مراد واتوقع انك يا ابو رائد قالت لك زوجتك عنها هي تكون ..
ام رغد وفهد وهو يناظر ماجد بنظرات ناريه
وزوجها الي تزوجته
بعد ما تطلقت من ابو مراد هو يصير ابو ماجد .. وطبعا ام مراد ما تحملت ماجد يجلس معاها لانه ولد الي تغار منها وابو ماجد خلى ولده عند اخوه الي هو ابو ماجد قصدي عمه وهو يضحك بسخريه الي جالس قدامكم لان امه سافرت المانيا وتركته ..
وهو يسترخي عالكنبه ويناظر في محمد : والسر الي قاله ابو رائد لولد اخوه محمد ان ابو مراد بعد ما تطلق من ام مراد وبدأ المرض يهلكه خلى رغد عند صاحب عمره ابو رائد لانه ما كان يثق في غيره وكان يبي يبعدها عن ابو ماجد ومر شهرين وتوفى والشي الوحيد الي غفلو عنه انها مب محرمته ومع هذا ابو رائد كان يحاول يصدها حتى وهي بزر بس ماقدر كان شي داخله يتحرك تجاهها حتى خلى زوجته ترضعها وهي حامل بـ معاذ .. ورباها كل هالسنين .. وماجد وفهد وقفو ضد رغد .. فهد زي مايقول يبي ينتقم منها لان بعدها عذب امه وماجد يبي ينتقم لان ابوه رماه وما سال .. وهذي السالفه باختصار وهو يتكتف

طلال وهو ماسك راسه : وانت مين

منصور بابتسامه : اخو ماجد

..
..
طاحت عالارض بصدمه قبل ما يكتمل الحوار والجوال يطيح من ايدها معها
صارخت صرخة هزت اركان البيت
:مسسسسسستتحيييل ... مستتتحححييل بااااابااااا لللللااااااااا قفلت عيونها بقوة وهي تضغط ايدها في الارض

دخلت ريما بفجعه وهي تشوف شكل رغد الي فجعها اكثر : ايييش فييه رغد!!

رغد وهي تفتح الباب والدموع سيحت مكياجها والكحل الي كانت مزينه فيه عيونها قلب سواد محيط بعينها الي عفس شكلها بكبره


: ريما ابوي ابوي ابيه ابوي مستحيل
وهي تدف ريما الي مسكتها

قالت بصراخ : ابعدي عني ابوي تكفوون لااا


اجتمعو الحريم على رغد والجنون الي هي فيه ومنظر ريما وهي توقفها لكن الحمد لله الف مره ان الملكة عائلية ومافيه ناس كثير

اسرار وام رائد الي ماسكينها عشان يهدونها والف علامه استفهام في راسهم

اسرار : يامجنونه ايشششش فيه تكلمي!!!
رغد بصراخ مو طبيعي : ابي ابوي ذا الشي مستحيل ابعدو عني

.. بصرخة اقوى من الي سبقوها الي تلاها بكاء مرير .. : انتو ماتفهمون مستحيل ا .. نا انا .. ودفنت راسها في السرير وهي تشد على قبضه يدها بقوة

ام ماجد وهي ماسكة راسها وتتامل رغد : احد يفهمني وش صاير

ام مازن : محد يعرف مننا محد يعرف
وهي تلتفت على ريما : وش صار يا بنت

ريما بتوتر وهي تبكي : مـ ا اد ري انـ ا شـ فـ تها طـ ا يحه وتـ صارخ وماسكها جوالـ ها بـ .. بس

ام رائد : لا حول ولا قوة الا بالله لا حول ولا قوة الا بالله
فزت ام رائد على رغد الي قامت بسرعه وجنون وهي تسحب طرحتها وعبايتها وتلبسها بشكل محيوس

ام رائد وهي تحول بينها وبين الباب : مجنونة انتي وين رايحه

رغد بجمود بين شهقاتها : يمه ابعدي

ام رائد : لا والله !

رغد بصراخ : ييمه تكككفين
وهي تتعدى امها وتفتح الباب بسرعه

اسرار قامت بسرعه وهي تجري ورا رغد الي تنزل في الدرج : رغد ياهبله يامجنونه اوققي

صرخت بالم وهي تفصخ الكعب الي طيحها وتقوم بصعوبه : ررررررغد كفايه اوقفي

.
.
.
فهد قام بسرعه لابو طلال لكنه انصدم بالدفه القويه من طلال
طلال : مافيك ذرة رجوله

انحنى لابوه الي تجمعوا عليه
طلال: يبه بسم الله عليك تسمعني .. يبه

قام وهو يصب كاسة موية في الكاسة ويشّرب ابوه

ابو طلال بضعف بعد ما عدل جلسته بمساعده طلال : هذي نهايتك يا فهد .. صدمتي مو كافيه فيك وفي ماجد .. هاذي نهايتكم
وهو يكح بقوة .. لف لابو ماجد : وانا الي امنت فيك واعتبرتك اخ وسند لي .. وامنت فيك وفي ولدك زوج لرغد الي بمكان بنتي

ماجد بضياع وهو يقصف منصور بنظراته : عمي لا تفهم كذا

ابو طلال بصرخه : انت اسكت .. ماتستحي على نفسك للحين تنكر فعلتك الخسيسه انت وابوك

طلال وهو حاس بالغبنه وتفكيره مشتت بكل شي صار وكانه للان تحت ايطار الاستيعاب قرب من ماجد وهو يمسك ياقه ثوب ماجد : الله ياخذك الله ياخذك وهو يدفه عالارض بقوة

ماجد بهستيريه وحقد وهو يمسك كتفه : ايوه انا سويت هالشي ولولا هالمنصور كان انتقمت منكم
كلكم السبب ابوي وامي رموني كلكم السبب وهو يقرب من منصور بحقد : وانت السبب الاكبر ورفع ايده نية بالضرب

منصور وهو يبعد ايده ويدفه بقوة : انت ماعندك ولا ذرة من الرجوله والانسانيه اشك انك عاقل .. هم وش ذنبهم وش ذنب بنتهم .. انت اعمتك الغيره والحقد

ماجد : اسكت اسكت لا تتكلم مانت باخوي وهو يبعد .. مانت باخوي

مازن بصراخ بعد سكوت دام طول الجلسه :ولا حرف لـ ..

وقاطعه الباب الي انفتح ودخلت منه رغد بشكلها المجنون

بضياع وهي تقرب من فهد : ليه
صرخت بقوة وهي تقرب منه وتضرب فيه بدون وعي : لييييييه وش سويت لكم ليه ليه

فهد وهو يبعدها عنه : ر رغد

رغد بصراخ : اسكت مابي اسمع صوتك
وهي تطيح عالارض وتلم نفسها وتصرخ بقوة : وش سويت لكم انا ليش .. دفنت راسها بين رجولها وهي تضرب الارض بدون وعي وتحكم

ماجد قرب من رغد : حبيبتي لا تسوي في نفسك كذا

فزت رغد بسرعه : حبك ملك الموت يا خسيس

ماجد وهو يتحسس خده وصدى الكف يتردد باذنه : ادري انك تموتين فيني ومو حاسة بالي تسويه

اما رغد دفته بكل قوتها ورفست فيه بدون وعي : حقيييييير

منصور بسرعه : ابعد احسن لك

اما ماجد رفع حاجبه باستهزاء

تدخل فارس وهو يمسك رغد ويلمها ويطلعها برا لان الوضع زاد وهي مو حاسة انها بين رجال تجاهل ضرباتها على صدره وصراخها

تفاجئ باسرار واقفه عند الباب لف بسرعه حتى انه ماشاف منها شيء ولا قدر يعرفها غمض عيونه وهو يقول : شوفي لي طريق

اسرار بربكه وخوف وعيونها على رغد : ط طيب

جرت بسرعه ولبست جلالها وهي تتاكد ان مافي احد
رجعت لعندهم وهي تغطي وجهها : تفضل مافيه احد ودها غرفه رائد بعيد عن الحريم

هز راسه وهو ينحني ويشيل رغد من تحت ركبتها وهو يشوف انها هديت في حضنه و خفت من الصراخ والضرب .. لكن صدرها مازال ينخفض ويرتفع وشهقاتها تطلع عالخفيف

بعدت اسرار وهي تطلع لفوق تفتح الباب لهم
دخل فراس ومدد رغد على السرير .. طلع وهو يقفل الباب وهو يرجع للرجال بعد ما نادى اسرار تشوف اخته



**
**

**
**

اليوم الثاني
بعد ما تولى رائد تنظيف البيت عالسريع وصرف الرجال بعد نقاش كبير والكل توجه لبيته
اما البنات وام طلال فنامو في بيت ام رائد

ريما بهدوء وهي تبعد اللحاف وتشوف اسرار فارشه سجادتها ..
حست بالخجل لانهم في غرفه فراس : صباح الخير .. نمتي كويس

اسرار بابتسامه : صباح النور . نزلت عيونها وهي تفرك ايدينها ببعض : هو في احد مننا قدر ينام

ريما : الله يعين

اسرار وهي تقوم : المهم انا بكمل صلاتي

هزت ريما راسها

قامت ريما وهي تدخل الحمام تغسل وتتوضئ للصلاة

..

..

فصخت الجلال وهي تحطه عالسرير بعد ما رتبته رفعت عيونها وهي تشوف ريما تطلع من الحمام وهي لابسه جينز فاتح وبلوزه سودا باكمام طويله ساده : من وين جبتي اللبس

ريما وهي تتحسس وجهها وترتب شعرها في المرايه : من عند رغد

نزلت اسرار عيونها وهي تشوف انها باقي في الفستان وما ريحها بالنوم

قامت بتجيب لها غيار تاركة ريما الي بدات في الصلاة

..


..

رفعت راسها بتعب وهي تغمض عيونها وتفتحها .. حست بتعب مستولي على جسمها بعدت اللحاف ببطء وهي تنزل رجولها وتمسك راسها .. تذكرت الاحداث الي صارت امس .. مسحت دمعه نزلت بهدوء على خدها الناعم

استوعبت انها مو بغرفتها

قامت بدون تردد تمنع نفسها من التفكير وهي تدخل الحمام
قفلت الباب عليها وهي تتامل انعكاس صورتها في المراية .. عيونه محمره ومنتفخه .. وذابله ، بقايا المكياج .. حنت راسها ببطء وهي تغسله مره ومرتين وثلاث رفعت راسها وهي تتاكد انها نظفت وجهها . سحبت الشباصه الصغيره من راسها ونزل عليها ،بدات تلمه وتمسكه مره ثانيه بس كانت في خصل تنزل .. بعدتها ورا اذنها بطفش وهي تطلع
سحبت بيجاما مريحة من دولاب رائد .. اصغر وحده ولونها اسود .. ما تبي تطلع وتحتك باي احد


..
..
..
بفرح وهي تترك الملعقة في الصحن وتوقف تحضن بنتها :رغد

ابتسمت رغد بذبول وهي تجلس وتشوف الكل جالس عالطاولة

مدت يدها بتردد من القرار الي اتخذته
فتحت التسجيل بهدوء وحطت الجوال بنصف الطاوله وهي تتامل تعابير وجههم


**
**


قراءة ممتعه

اشوفكم الثلاثاء ان شااءالله