[فيتامين سي]

♪♪
بِسم الله الرحمن الرحيم

وبهِ نستعين

~ْحــكـايـــة وردْ~
aln3imia
جود joj

كميه حب لكم ولدعمكم المتواصل لي
اشكركم من قلب وشكراً عظيمه لكل متابعين روايتي الجميلين
لا خلا ولا عدم وان شاء اكون في حسن ظنكم


______________
-الثامن-

مدت ايدها بتردد من القرار الي اتخذته , فتحت التسجيل بهدوء وحطت الجوال بنصف الطاوله وهي تتامل تعابير
وجههم ..


مدت ليان ايدها وحطتها على فمها وهي تقاوم الدموع .. للحين تحت ايطار الصدمه

رغد مو اختها مو بنت امها ولا ابوها , هي بنت شخص غريب عنها
شخص دخل عليهم بيوم وامها قالت انها مجرد وحده مضيعه "ام مراد" نزلت راسها دموعها نزلت معه

من جهة ثانيه .. فهد وماجد الي الكل وثق فيهم بالنهايه كانو مجرد كذابين .. ينتقمو من سراب
وفي الحالتين رغد يتيمه اب ابوها مات و خلاها عند رفيق عمره .. غمضت عيونها وهي تستوعب ان ماجد من عيله ثانيه
,, شهقت وهي تقوم عقلها عجز يرتب الاحداث ..


***

**

*

2:44 PM


بعصبيه : بتطلقها ورجلك فوق رقبتك

ماجد ببرود وهو يتكتف : حلالي ومالي احلموا عاد .

فراس وعيونه حمرت من العصبيه : لا نجرجك بالمحاكم يا ماجد

ماجد وهو يسحب نفس من السيجاره الي فيده : سوي مثل ما تبي , طلاق ماني مطلق
وهو يعدل جلسته ويطفي السيجاره في الطاوله بلا مباالاه : هاه تبون شي ثاني ؟

ابو طلال : ما نتشرف بواحد مثلك "وهو يرمقه بنظرات قرف من فوق تحت " والبنت ما تبيك
طلعت بلا كرامه بعد ؟ وضحك بسخريه

وكمل وهو يحد نظرته : بلاها الجرجره في المحاكم يا ماجد

رائد وقف بسرعه وهو يدفه بقوه : والله ثم والله وتالله لا تطلق يا حقير

ماجد بلا اهتمام وهو ينفض ثوبه : اما


ابو مازن وهو يقوم بغضب : عاجبتك فعايل ولدك يابو ماجد ! احنا رجال وبيننا كلام وش سواد الوجه هذا يا مشاري ؟

ابو ماجد وهو يبلع ريقه من نظرات ابنه : وهو الصادق حلاله وما بيطلقها وش تبون انتم

فهد بهدوء الي انتبه على ماجد: ماجد طلقها وريحنا

ماجد باستهزاء : لا يا شريف مكه , ناسي فعايلك وخططك معي الحين تجحدني ولا مسوي الي عقلت الحين
وختم كلامه بضحكه وهو يطلع سيجاره من البكت الي في ايده

رائد باستصغار : لا تحسبني ناسي فعلتك يا فهد ولا انت ياماجد وانا عارف كيف بتصرف معاكم
بس الحين تطلقها والا بتشوف شي ما يعجبك

ماجد : اقول انقلع بس مسوي تهدد
وهو يرص على اسنانه : ا ح ل م اني اطلق رغوده قال كلمته الاخيره
وهو متعمد ينرفزه فيها

فراس قام بسرعه وبدون تردد
وضربه كف علم اصابعه في خده
بدأ يضرب فيه بلا وعي والعصبيه واصله فيه لحدها .. للحين مو مستوعب رغد الي كانت اخته طول هالسنين مب اخته
حس بالغبنه وكان يضرب فيه متاجهل تدخلهم ضرب وضرب وفرغ حرته فيه

: قسم بالله لا تطلق يا خسيس

ماجد وهو يمسح الدم من شفايفه : قدها

فراس : ونص بعد وبتطلق كمان

ماجد وهو يقوم بعصوبه ويمشي بالعرج : نشوف
وطلع مع الباب الي لحقه ابوه بسرعه

ابو طلال وهو يضرب ايده على الطاوله بقهر : عاجبكم الي صاير
وش صاير فينا احنا وش صاير

ورفع عيونه على دخول طلال
: السلام عليكم

فارس والعصبيه تتطاير منه وحاط ايدينه بخصره : وعليكم السلام

وطلع من الغرفه بس وقف قبل لا يطلع : ماجد بيطلق يعني بيطلق حطو هالكلام في راسكم
وكمل مشيه وطلع لفوق

طلال : ايش فيه

ابو مازن وهو يمسك راسه بتنهيده : اتصل على المحامي يا طلال وعطني اياه



**
**
**

مشيت بغنج لحد ما وصلت لعنده ,,حركت ايدها على ازارير ثوبه بدلع : وش فيك حبيبي

ابو خالد وهو يبعدها : مافي شي

ام مراد بقهر : اكيد فكرك عند ست الحسن والدلال الي بالمانيا تسرح وتمرح و رمتك انت وولدك
ولا سالت عنكم

ابو خالد الي هو ابو ماجد الي متزوج ام رغد
قال بنرفزه : وش جاب هالطاااااري يامره!

ام مراد وهي تجلس : اجل وش فيه غيرها هالعقربه الله ياخذها

ابو خالد : اسكتي تراك صدعتيني كل قيل وقال العقربه والعقربه وهي ولا قربت مننا

ام مراد : هي السبب وهي الي تخرب بيننا

ابو خالد : لا ياشيخه ! مو انا الي رميت ولدي عشانك وطلقتها عشانك وهذا كلامك في النهايه

ام مراد تجاهلت السيناريو المعتاد حقه : ابي بنتي

ابو خالد وهو يحضن ولده خالد الي عمره ما تجاوز السنتين واللي كل ما شافه تذكر ماجد
يشبهه كثير ,, غمض عيونه وهو يبوسه ويشيله وهو يقوم : مو انتي رميتيها

ام مراد بقهر وهي تعلي صوتها عشان يسمعها : الحاااال من بعضضضه ,
وخفضت صوتها : بعدين انا ما رميتها ابوها هو الي اخذها مني ووداها خويه

ابو خالد قال كلمته الاخيره وهو يسكر الباب طالع : والله ؟ وانتي خليتيه وما سالتي عنها طول هالسنين

رمت الخداديه بقهر في الارض وهي تعض شفتها
ما تنكر انها تحن لبنتها من وقت لوقت .. هذا شعور الامومه وما تقدر تهرب منه
لكنها تبي بنتها لسبب واحد تبي تخليها السبب الي تقهر فيه عائله ابو رائد
تقهر زوجها كل احد ,, طليقه زوجها مها
كانت تكرهها والحقد عامي على عيونها ولا تعرف رغد وش دخلها في الموضوع عشان تقهرهم
الحقد اعمى تماما حتى انها تنتقم من سراب
صحيح ان ابو خالد سوا اشياء كثير لها , بس يقولك العين الي ما يملاها غير التراب

رفعت نظرها بقهر لولدها مراد الي كان مختلف
عن الكل وحابس نفسه في غرفته مع اشعاره والكاريزما الخاصه فيه
ولا يختلط باحد من اهله ..

زفرت بتعالي وهي تقوم للحديقه

**

قامت ببطء وهي تتغنج في مشيتها .. رغم انها ام لاربع اولاد وعمرها في ال 42
الا انها محافظة على شكلها وطريقة لبسها وحتى كلامها وحركاتها يدل على بنت مراهقه

قامت تفتح الباب الي يدق .. تاملت نفسها بالمراية لابسه بجاما روب عوديه وفاتحه شعرها اخذت الطرحه من التعليقه لفتها باهمال وهي تحط ايدها على مقبض الباب

: مين ؟

: افتحي

استغربت من الصوت وفتحت الباب باهتمام
وايدها تنفلت من مقبض الباب

هذا فلذه كبدها الي مستحيل تقاوم الشعور الي داهمها لما شافته
نفس الملامح وهو صغير نفس لون الشعر

البني . ملامحه البارده ..

قرب وهو يدخل مع الباب : مافي تفضل ؟

ام مراد وهي تلف ظهرها : ايش جابك ؟

فهد سكر الباب وسرع في خطواته حتى صار قدامها
كحركه تلقائيه منها حضنته بقوه

**


"وين الفراق إلي لو امشيه مالقاك

تعبت ادور درب ماينتهي لك

محبتك انغام .. "

سكر جواله بقهر وهو يشوف الرساله الي وصلت له من بنت خالته
ما يطيقها بحركاتها وما يعتبرها اكثر من اخت تربى معها , للاسف ماقدر يبادلها مشاعرها الي دايماً تنشب له فيها

رفع الجوال مره ثانيه وهو يشوف الرساله الي وصلت


"your mother ask About you, where are you Mansour"
(( مامتك تسال عنك .. وينك يامنصور؟))

طقطق فالكيبورد بطفش منها ومن رسائلها الي ماتخلص
سكر جواله وحطه في جيبه بعد ما كتبلها الرد

I am coming angham.. wait me
(( جاي يا انغام ,,انتظروني ))

حط ايديه في جيبه وهو يشد على نفسه ويزم شفايفه من البرد والتعب مبين في عيونه
طريقين سفر بدون راحه غير افكاره الي هدت حيله اكثر .. ماكان يبي يكذب على امه بس للاسف
مايقدر يخبرها انه كان في السعوديه


..
..

يمشي ببطء وهو يحرك مفتاح سيارته الي حاطه بتعليقه طويله .. يحركه يمين ويسار خلال مشيه بالممر الطويل الي
فيه كثير من الناس

نزل الثلاث درجات بهدوء .. حتى انفتح له مظهر المطار الكبير والجميل واصوات الرحلات تتعالى واصوات ازدحام الناس
وصوت عجلات حقائب السفر

وهو يفرك شفايفه باصابعه بتفكير ومصغر عيونه : شوف لي فينه بسرعه

: ابشر طال عمرك .. اسم الوالده عشان ابحث؟

تفل بالارض وكانه يقصده وبنبره حاده : مالك شغل في امي
انكته لي من تحت الارض ولا تكثر كلام
وقال وهو يلف ظهره

منصور ال ..

هز راسه بسرعه ما يبي يجادله في شي

..


..


..

عفست الورقه بايديها بقهر ورمتها في السله
ثالث رساله منه ,, تحس بالقرف وتبي ترمي كل شي يخصه عندها
بل وتبغى تاخذه قلبها وترميه وتدعس عليه عشان ما يحب مره ثانيه
ما ينخذل .. ويتعبها

فتحت الورقه الاخيره منه وهي مشمئزه من كذبه



" احبك يا روح الروح "

ضغطت عليها بقوه وعفستها وهي تقطعها وترميها بالارض
عضت شفاتها السفليه بقهر وهي تتضم رجولها لها

ما تنسى رده فعل اهلها لما عرفو ولا تنسى الصراخ الي قام فالبيت
بس رجعت لعادتها الجبانه هربت من بينهم .. ما تبي توضح ما تبي تتعب

اخذت نفس بسرعه وكانها تغيير ملامحها لما سمعت صوت الباب ينفتح

طلت براسها مع الباب وبابتسامه : صاحيه

رغد بهدوء : ايوه

قربت منها وهي تجلس جنبها : رغد انتي اختنا وحبيبتنا ومننا وفينا مهما كان الموضوع
لا يزعلك هالشي علاقتنا فيك اقوى من مجرد انها رضاعه
انتي اختنا وبتضلي كذا طول العمر .. ولا شي تغيير

ابتسمت رغد على براءه ليان وحضنتها : عارفه يا عمري لا تشيلي همي فديتك يا اجمل
اخت

ليان وهي تشد عليها وتغمض عيونها : فداك الكون
قالت بتردد : بخصوص ماجد جربي تفتحي معه صفحه جديده يا رغد
يمكن ربي ييسر بينكم

بعدت رغد بنرفزه : لا يا ليان وارجوك لا تطرينه
ماحنا بروايات ولا افلام ننغصب على بعض ونحب بعض بالنهايه
ارجوك لا تضيقينها علي اكثر كل الي ابيه اني اتطلق منه وافتك

ليان بندم : اسفه واوعدك ما عاد اطريه ولا اطري سالفه تضايقك ..

رغد : عادي ياقلبي .. حصل خير
يلا قومي بسوي لك شعرك

ابتسمت ليان وتذكرت ان اليوم جمعتها مع صحباتها
كانت بتكنسلها بس ماحبت عشان تبغي تبين الوضع عادي واكثر من عادي


.
.
.
.
.


فتح عيونه بانزعاج من النور الي دخل بعيونه
حرك رقبته ببطء ومد يده بس تفاجئ بعدم حراكها
نزل عيونه وهو يشوف نفسه مربط على الكرسي
رفع عيونه ثاني وهو يشوف المكان الي فيه
ضغط على ايديه بقوه وهو يتحرك
يحرك ايديه بقوه يبي يفلتها بس للاسف الي ربط الحبل كان مربطهم بقوه

: ساااعدووووني في احد يسمعني

غمض بقهر وهو يبي يتذكر اي شي وصله لهالمكان بس مافي شي ابدا
كل الي يتذكره انه كان يمشي وصحي هنا

رفع راسه بسرعه وهو يسمع اصوات سلاسل الباب تتحرك وانفتح الباب

: صح النوم يا حلو



منصور ببرود : ترا اقدر اجرجرك بالمحاكم على الي تسويه
خاطف شرطي مهم ويقدر يوديك في داهيه

قرب منه وهو يمسك فكه ويضغط عليه بقوه
ويرفع راسه حتى ثبت عيونه فيه : الحال من بعضه واعلى ما في خيلك اركبه

.. قد الحركه الي سويتها

منصور : قدها وانت تستاهل هالشي وزياده

ماجد بحمق : بدفعك الثمن .. خسرتني فرحتي ولذه انتقامي .. وخسرتني رغد

منصور بصراخ : اي انتقام يا ابله .. انت بكامل قواك العقليه !! اي انتقام

ماجد : انت اناني مثلهم ولا راح تحس فيني

منصور : اصحى يا ماجد من الي انتا فيه والله ما بيفيدك

ماجد وهو يسيب فكه بقوه : ماكنت حابب كـ مستقبليا يكون اخوي عدوي

منصور باستنكار من عقليته : عدوي !

ماجد : ايوه عدوي .. وبنشوف رغد لمين

منصور ضحك بقوه على تفكيره .. يحسبه يبي رغد .. قال بثقه وبرود : نشوف واكيد انت الي بتخسر وبتطلقها كمان

ماجد : الايام بيننا يا اخوي وكمل باستهزاء : نشوف مين راح يربح هالمعركه
ولا تفرح كثير لاني قادر على الي ماتقدر عليه واتوقع اني اثبتت لك الشي ذا

منصور : على فكره رغد ما همتني بس انا قد المعركه الي تقولها .. ولاني رجال
وناظره من فوق لتحت

ماجد وهو يطلع سيجارته : الي بيننا اكبر من رغد .. اكبر بكثير
وكمل وهو مقرب الولاعه على مستوى فمه ويشغل السيجاره : يا منصوري


نادى للحرس بحركه من ايده : فكوه وخلوه ينقلع برا وصلت له كلامي

..

بعــــــــــــــــد اسبوعيـــــــــــــــــــ ـــــن

مرت الاحداث هاديه وانشغلوا في الدوامات .. مازال طلال يلفلف من محامي لمحامي
والكل يسلمه رده بالرفض في هاذي القضيه .. ومشكله كل يومين بين الرجال
وسببها رفض ماجد بالطلاق
رغد .. على حالها شعور الضيقه يداهمها والتفكير الي يذبحها كل يوم
ام رائد .. ما بينت لرغد اي شي ورائد منع السيره تفنتح قدامها وبالبيت بشكل عام
منصور وماجد .. ما حصل احتكاك بعد اخر لقاء

..

..

رفعت المعسل بهدوء وهي تاخذ نفس عبئت فيه رئتها .. فتحت فمها وفرغت الكميه الي اخذتها
: ايوه اش الجديد

فهد وهو منسدح على الكنبه : ابد

ام مراد بعصبيه : وش ابده ! هذا جزائي سكنتك عندي في البيت ولميتك من مكان منبوذ فيه
عشان تساعدني وناخذ حقنا لازم تغير اجابتك والا بتتغير الحسبه

فهد : اوعدك بحاول بحاول والله

ام مراد وهي تزفر بطفش وترجع تاخذ نفس من الارجيله : ي ليت


**


**



**


- رغد -

حبيت امشي مع طيف وبشرى بدل ما ارجع مع فارس .. أستأذنت منه ومن امي وما رفضو بحكم انهم يعرفو صحباتي ..
اساساً المدرسه مو بعيده ومنها اغير جو
بالمشي مع البنات
رفعت راسي على حس بشرى

--

بشرى : اويلي بنات شوفو المز

رغد بطفش : ماتطفشي بالقز بالعالم ومن حركاتك

بشرى : امتع عيوني بالزين حاسده ليش .. وقالت بهيام وهي تحط ايدها تحت خدها
تخيلي يخطبني

انفجرت طيف من الضحك : يخطبك .. ااه
وانحنت تاخذ نفس وبضحكه : احلامك ورديه وش جاب الزين للشين


رغد : ترانا في الشاارع انتي وهيا خفضوا اصواتكم وعدلو مشيكم لحد
مانوصل كملوا قرقره في بيتكم عمى

بشرى : جتك المعقده

طيف : وهي الصادقه

بشرى باستنكار : لا ياشييييييييييخه !

رغد بانزعاج : بس بس اسكتوا

ناظرت طيف في بشرى وهي تلعب بعيونها بشكل يضحك

انفجرت بشرى بالضحك وما قدرت تتحمل : ااه رغد شوفي عيونها
وضحكت بقوه

هزت رغد راسها وهي كاتمه الضحكه


**

**


**

نزل من الباص الفضي بسرعه وهو يسحبها
ويدخلها لجوات السياره وياشر للسواق يحرك


..


..


ضغط على الشاشه وهو يكتب رسالته تاره
وياخذ نفس من سيجارته تاره


" ورقتي الاولى ورميتها .. وريني ايش عندك "

بعد الجوال عنه شوي وهو يشوف الاتصال الي يضوي الشاشه
فتح الخط : الو

الو .. حبيت اخبرك اتصل مره ثانيه يقنعني اني اتراجع عن رفضي

قال بعدم اهتمام : بلغه رفضك
قطع الخط بدون مايسمع رده


ونزل الجوال على الطاوله وهو يرسم على شفايفه ابتسامه تحدي وعيونه ضايعه في الفراغ

..

..


#انتهى

اشوفكم السبت بإذن الله