[لامارا]

بسم الله الرحمن الرحيم

السلام عليكم ورحمة الله وبركاته

البارت التــــــــــــــــــــاس ــع

بسم الله نبدأ
بمطااااااار الملك خـــــــــالـــد الدولــي
اخذت نفس قوي كأنها اول مرا تتنفس بحياتها:الله اخيييييييييييييييرا شوفت موطني القميل
بتعب:رنيموه وخري خلينا نطلع بعدين سوي الوطنيه حقتك
رنيم بقهر: اوووف من ذا الريان ما يخلي احد بحاله
عادل : امشوا انتي وياه ترا واصل حدي مرااا تعبان مو ناقصكم
عناد : دقيت على ناصر ويقول جاي بناخذ شنطنا وبنستناه
فاطمه : وليه ازعجته بذا الوقت . وناظرت الساعه الموجودة في الشاشات الي في المطار الي كانت تشير الى 5:00 صبااااحا
عناد : تعرفين ناصر عاد محلفني اقوله اول ما نوصل الرياض لو الساعة ثنتين بالليل
فاطمه : الله يهديه بس مرا يتعب حاله
راحوا لمكان الشنط واخذوا شنطهم واتجهوا لكراسي الانتظار يستنون نااااصر
.................................
ببيت ناصر
: وين رايح بذا الوقت ؟
ناصر يلبس ثوبه : عناد وفاطمه وصلوا وبروح استقبلهم
سناء: ما شاء الله وصلوا بدري مفروض يوصلون العصر.. الحمدلله ع سلامتهم ي رب
ناصر: الله يسلمك
سناء : اجل بصحي العيال وبجي معك حيل اشتقت لفاطمه وبشوف عيالها ما شاء الله تسع سنين ما شوفناهم اكيد كبروا
ناصر : وين تجين معي يا مره فهد نايم واذا صحى بيخاف لحاله
ضربة سناء راسها بخفه : يالله من الفرحه نسيت
ناصر : زين اجل انا الحين ماشي
سناء وهي تعدل شماغه : الله معك .. انتبه لنفسك .. وانا بروح اصحي فيصل
ناصر : وذا الفيصل للحين ما صحى
سناء : ابنك ذا يبيله بالعقال على ظهره عشان يعقل له خمس سنوات بالثانوي بندر اصغر منه بالجامعه
تنهد ناصر : اذا جيت بشوف حل معه تأخرت على عناد
سناء : الله معك
ناصر خارج وهو نازل الدرج طلع ابنه مهند من غرفته
مهند قرب من الدرج وباس راس ابوه : صباح الخير يبه
ناصر : هلا بولدي صباح النور
مهند باستغراب : وين طالع يبه بذا الوقت مرا بدري على دوام الشركه
ناصر : عمك عناد وعمتك فاطمه وصلوا وبروح باستقبلهم
مهند بسعاده : الحمدلله على سلامتهم .. خلاص يبه بنروح بسيارتي الرانج روفر واسعه وتكفيهم
ناصر : بتجي معي ؟
مهند يحك راسه : اذا ما عندك مانع .. ابي استقبل عمي
ناصر : ودوامك ؟
مهند : اصلن ما عندي شي اليوم بس بروح موقع البرج الي رسمت تخطيطه بتأكد من الاسياسيات وبس
ناصر : خلاص اجل باخذ الرانج روفر وانت خذ سيارتك الثانيه عشان تاخذ الشباب معك وانا باخذ عمك وعمتك والبنات
مهند باحباط : طيب
وراحوا متجهين للمطار
بالطابق العلوي
سناء : شهد حبيبتي قومي يالله ماما
شهد تتمطط بكسل : خلاص يمه قمت
سناء : ليت فيصل زيك بسرعه يصحى يبيله ساعه لان يقوم
شهد حاطه يدها على فمها تتثاوب : يمه لو انا منك ما رح اكلمه ولا شيء اصب عليه مويه بارده عشان يتوب ويصحى بسرعه زي الاوادم
سناء : والله ودي اسويها بس اشوف شكله قلبي يعورني عليه حرام افجعه وهو نايم
شهد تاخذ منشفتها لفت لامها : مشكلتك يمه انك طيبه والله لو اصير ام اقسم بالله لا اصبحهم بطراق وامسيهم بطراق
سناء : ههههههههههه لو انتي ام يمكن تدلعين عيالك اكثر مني .. المهم شهد مين اليوم بيوديك
اتجهت شهد للجدول المعلق في باب دولابها : امممم اليوم دور راكان
سناء : الله يصلحك يا شهد اشغلتي الولد ... خلي اخوك بندر يوديك وخلاص
تخصرت شهد : لا والله تبينه يودي مهوي الدبه وانا بنت عمه ما يوديني
سناء : مها في السنه مرا تروح معه اكثر شيء مع صاحبتها خلود
شهد : مالي دخل لو بالقرن مرا المهم انه مها الدوب ما تجي تقهرني عاد تعرفين راكان سوالفه ما تنمل اقسم بالله اوصل المدرسه وانا مروووقه طول الطريق ضحك
حركت سناء راسها بقلة حيله : الله يصلحك . وخرجت متجه لفيصل عشان تصحيه
وشهد دخلت الحمام عشان تاخذ دش سريع وتجهز للمدرسه
.............................
عند مهند
يسوق وهو مطنقر : يا ليتني ما قلت لابوي بجي وش ذاا يا ربي قال شباب قال انا ما روحت الا عشان سبب محدد وبعدين دقيقه دقيقه انا غبي اسمع كلام راكان اصلن لا الحمد لله روحت لحالي بالسياره عشان افكر بالموضوع زين .. اخاف اقولها وينقلب الوضع علي . يا ربي بس ارجع بشوف راكان هذا واذا كلامه صدق بخليه يساعدني مقدر اقولها من نفسي مستحيييل اخاف توديني ورا الشمس وابوي والله لا يدفني بارضي اذا درا بالموضوع
.....................
رنيم : يمه انخنقت بمووووت اووف
فاطمه بعصبيه : رنيم اقصري الشر احسلك .. قلتلك اللثمه ما رح تنزلينها واحمدي ربك جت باللثمه ما خليتك تغطين وجهك كامل
رنيم بصدمه : يمه مو من جدك!! تبيني اغطي وجهي وما اشوف واطيح واتعور
فاطمه : جعلك تطيحين وما تقومين .. كسرتي راسي بهذرتك الزايده
رنيم بحنق : يمه يعني هناك بألمانيا افتح وجهي وهنا لا ظلم
فاطمه بتعب من ذيه البنت : رنيم هناك الغطا ممنوع ولا كان ظفرك ما خليته يبان ... الحجاب وزين مخلينا نتحجب
رنيم بقهر : يمه طيب انا ما احط شي بوجهي عادي اخليه مفتوح
جنان : يمه اصلن ذيه مفروض ما تردين عليها ترا اذا عطيتيها وجه ما رح تسكت
رنيم : وانتي وش دخلك ياخي
عناد بحزم : رنيييييم خلاص
رنيم بقهر : خالي والله مخنوقه معرف للثمه ذيه ما تعودت
تنهد عناد وبحنيه : رنيم يمه ادري مومتعوده بس هنا لازم تغطين وجهك كلها فتره ووتعودين حبيبتي
رنيم بصوت باكي : بس خااالي
عناد يوم سمع صوتها الباكي حن عليها : خلاص يمه افتحي وجهك .. وبحزم : بس الحين لان تونا واصلين واكيد تعبانه ومكتومه
فاطمه : عنااااااااااااد !!
عناد يستعطف اخته : فطوووم حرام عليك شوفي شكلها كيف شوي وتبكي يمكن صدق مخنوقه
ريان : والله يا خال ترا البنت خربانه خربانه مو ناقصها دلع
رنيم : انت مالك دخل يا الملقوف ..وبنظرات برائه لامها : صح فطوووم بنتك مرا مكتومه .. ورمشت بعيونها كم رمشه بدلع ما يليق عليها
تنهدت فاطمه : براااحتك
رنيم نطت : يسسسسسسسسسس مررررا شكرا خالو ..ونزلت لثمتها : وهه اخييييرا الحريه يا زين الهوا الطبيعي بس .. وهي تحرك حواجبها تغيض ريان
ريان حط السماعات بأذنه سافها
عناد استغرب سكوت عادل : عادل شفيك ساكت ؟ تعبان يبه
عادل كان مسترخي ومغمض عيونه ويفكر : لا ما فيني شيء ... بس احس بارهاق شوي
دق جوال عناد رفعه : ذا ناصر اكيد وصل
هلا ناصر ... عند البوابه الرئسيه .. خلاص احنا جاين .. لا ما يحتاج واحد من العمال الي بالمطار رح يجيبون الشنط ... اوك طيب
قفل عناد من اخوه
ريان : وصل خالي ناصر ؟
عناد : ايه
اخذوا اغراضهم وشال عادل تالين النايمه على اكتافه ومشوا للمواقف
.......................
وصل مهند للمطار بعد ابوه بدقايق لانه تأخر عند الاشاره
مهند : هاه يبه وينهم ؟
ناصر : الحين دقيت على عمك .. واشر : كاهم وصلوا
تنهد مهند وهو يمشي ورا ابوه عشان يسلمووون عليهم
ناصر وهو يضم عناد : هلا هلا نورتوا الرياض اخيرا ما بغيتوا تستقرون هنا
باس عناد راس اخوه الكبير : النور نوركم ... وابتعد عنه عشان يفسح مجال انه يسلم على فاطمه
فاطمه ضمت اخوها وبدمووع : اشتقتلكم يا ناصر
ناصر بحنيه : والله كلنا اشتقنا تسع سنين مو هينه عمر كامل
فاطمه وهي تبكي : اهئ الله يرحم فهد شغله منعنا نجيكم
ناصر وهو لساته ضام اخته : الله يرحمه ي رب
وبالجهه الثانيه مهند يسلم على عمه عناد
مهند : هلا عمي نورتوا .. الحمدلله على السلامه
عناد : الله يسلمك .. ماشاء الله كبرت يا مهند
مهند : ههههههه اكيد يا عم بكبر ما رح اظل على عمري
عناد : ههههه الله يوفقك يا ابني ويرزقك بنت الحلال الي تسعدك
مهند بينه وبين نفسه بنت الحلال موجوده بس بقي انفذ كلام الدلخ رويكن : امين يا عم امين
ناصر ابتعد عن فاطمه : انت اكيد ريان ... ما شاء الله كبرت وصرت رجال مو ذاك البزر الدلوع
ريان حك راسه باحراج : هههههههههه ايه انا ريان ... وقرب وسلم على خاله وبعده عادل جاء يسلم
رنيم بهمس لجنان : شكله ريانوه طفولته سودا ... لازم اكتشفها وامسك شيء عليه
جنان وعينها على مهند : مين ذا ؟
رنيم بخبث : ليكون حاطه عينك عليه
جنان ضربتها بالكتاب الي بيدها : انقلعي محد رايقلك
رنيم تناظر لمهند : والله وطلعوا عيال خوالي مزز
جنان: يا رب يسمعك ريان عشان يفرشك هنا ونرتاح منك
رنيم جت بترد عليها
ناصر : مين جنان ومين رنيم ؟
رنيم : انا رنيم المزه ... وذيه اختي الكبيره جنان
ناصر : هههههههه وسلم عليهم وبعد السلام والسؤال عن الاحوال : يالله مشينا
مهند سلم على عادل وريان وعلى البنات من بعيد وتفرقوا بالسيارات فاطمه وعناد والبنات والشنط مع ناصر وريان وعادل مع مهند
بالطريق في سيارة مهند
كان مهند طبعا الي يسوق وجمبه عادل وورا ريان
مهند: ماشاء الله صرت دكتور
عادل : ايه الحمدلله ... وانت على ما اذكر كان حلمك تصير دكتور كمان ؟
مهند: هههه ذاك اول بس من دخلت الثانوي حسيت الطب مرا ما يناسبني ودخلت هندسه وتخرجت بامتياز
عادل : ما شاء الله
بعد سكوت لدقايق
مهند يكلم نفسه يا ربي منك يا راكان خليت بينا حساسيه حتى مدري وش اقول رفع عيونه للمرايه الاماميه شاف ريان حاط رجل على الثانيه وماسك جواله بضجر: ريان ... انت الحين بالجامعه صح ؟
ريان نزل جواله : ايه لساتني ما دخلت يوم قررنا نستقر هنا قلت اقدم اوراقي مرا وحده
مهند : ايوا ..وأي تخصص قررت تدخل؟
ريان : للحين مافي شيء ببالي
مهند : عاد لا تصير زي اخوك رويكن ادخل شيء كويس
عادل : ليه راكان وش داخل ؟
مهند بقهر مع ان الموضوع ما يخصه : الغبي متخرج بنسبة 97 علمي ونهايتها دخل ادارة اعمال
ريان : ليه تاعب نفسه وداخل علمي وشاد حيله ونهايتها ادارة اعمال !!
مهند : مدري عنه ذا الخبل
عادل : ما شاء الله دافور كان دخل تخصص علمي
مهند بحك راسه : هو مو دافور دافور
ريان :97 ومو دافور !!
مهند : اصلن كان بينه تحدي هو وبندر فجاب النسبه ذيه عشان يفوز بس
عادل : اجل نسبه الاولى كم ؟
مهند : امممم 81 82 كذا يعني ... وينجح دور ثاني لازم يرسب اقل شيء بمادتين
ريان باستهزاء : جاب 97 على شان تحدي ومستقبله اخر همه
مهند : ذا راكااان وبتشوفون العجايب معه
عادل ساكت قاعد يفكر
بالسياره الثانيه
ترتيبهم كان عناد يسوق بعد ما حلف على اخوه انه يخليه يسوق يكفي تعب وجاهم وجمبه ناصر وورا ناصر فاطمه وجمبها جنان بالنص ورنيم عند الشباك تناظر لربوع بلادها على قولتها
عناد : كيف امي وابوي
ناصر :الحمد لله بخير ... انتم الحين اذا وصلنا ريحوا والعصر ان شاء الله روح شوف امي وابوي متلهفين لرجعتكم
عناد : ان شاء الله ... بعد سكوت لدقايق : وراكان كيفه يعني وش قال يو درا برجعتنا ؟
ناصر : وش بيقول يعني انتم بالنهايه اهله .. بس يا عناد لا اوصيك بابنك تراه محتاجك محتاج لحنان الاب انا عمه وربيته عندي بس الاب غير
عناد : ان شاء الله اقدر اعوضه الي راح
رنيم تكلم جنان : يختي ليه الكل يوصي براكان هذا امي من يوم ما قررنا نجي هنا وهي توصينا براكان لحد يكلمه ولحد يأذيه .. الخ وخالي ناصر يوصي عمي عناد شوقوني ابي اشوفه
جنان : يا ذكيه لان خالي عناد الله يهديه من يومه صغير وهو ساحب عليه وعايش بألمانيا وبعدها عاش عندنا لان سافرنا والحين عند خالي ناصر تشتت المسكين
عناد : أي صح هو الحين صاحي ؟
ناظر ناصر لجواله وفتح جدول بنته وناظر الساعه 6:00 : ايه اليوم دوره اكيد صاحي
رنيم فتحت اذانيها دوره بايش
عناد باستغراب : دوره بايش؟
ناصر تنهد : ذيه بنتي شهد كاتبه جدول يومين يوديها راكان ويومين يوديها بندر ويوم مع فيصل
عناد : بنتك الحين مفروض تكون ثاني ثانوي صح ؟
ناصر : ايه
عناد استغرب انه ناصر يخلي بنته تروح مع ولد عمها بس سكت وما علق
رنيم بغيض تكلم جنان : وحضرتها مشغله اخوي سواق عندها
جنان : وانتي وش دخلك فيهم
رنيم : اخوي ولي حق
جنان تتحمد على نعمة العقل
وصلوا السيارتين لمجموعة بيوت جسار الـ...
وقف عناد قدام بيته ووقف وراه مهند
عناد : وصلنا
فاطمه متلهفه تبي تشوف ولدها راكان ونفس الوقت خايفه من ردت فعله : الحمدلله على سلامتنا
نزلوا البنات ودخلوا الصاله والشباب نزلوا الاغراض ودخلوها
مهند : يبه انا ماشي بروح دوامي
ناصر : روح يبه الله يوفقك اخرناك
مهند : لا يبه عادي .. وراح
انسدحت رنيم على الكنبه الي بالصاله : اخخخ اخيرا راحه
ناصر : قومي يبه روحي غرفتك ... ترا قسمت الغرف على كيفي بعدين انتم عدلوا الي تبونه
فاطمه : جزاك خير يا اخوي
رنيم : خالي وين غرفتي بروح اريح
جنان بهمس لاختها : بنت لا تفضحينا خالي هنا اجلسي شوي
رنيم : دايخه بنام خالي اكيد بيقدر
ناصر بابتسامه : غرفتك فوق اول ما تطلعين الدرج بتلاقين غرفتين قبال بعض روحي للغرفه الي باليمين
رنيم : طيب ... وطلعت فوق
ناصر : يالله انا ماشي بخليكم ترتاحون
................................
رجع ناصر لبيته لاقاهم مجتمعين على طاولة الطعام يفطرون
ناصر : السلام عليكم
الكل ما عدا فيصل : وعليكم السلام
ناصر: فيصل رد السلام واجب ترا
فيصل مطنقر : يبه اقسم بالله بنتك ذيه بكسر راسها
ناصر يجلس على الطاوله عشان يفطر : ليه شهوده وش سوتلك
فيصل : كبت مويه بارد ثلج علي وانا نايم بالله في احد يصحي كذا
شهد : تستاهل .. يبه امي لها ساعه تصحيه انبح صوتها وهو مكيف ونايم
فيصل: اسكتي بس كله عشان امي ولا كسرت راسك يا المدلعه
شهد تنزل لسانها تغيضه
فيصل : يبه .. لو كفختها لا تلوموني
ناصر : شهد خلاص .. وانت لمتى وذا حالك هاه سهر لنص الليالي وما تصحى الا بالقوه واخوك اصغر منك بالجامعه وانت جالسلي خمس سنوات بالثانوي .. اقسم بالله يا فيصل اذا رسبت بماده وحده هاه والله لاحرمك من الطلعه وحتى حسابك بقفله
فيصل بلع العافيه وسكت عارف ابوه اذا عصب محد يقدر يكلمه
بندر حاط يده على خده ويناظر لاخوانه: يبه سمعت من امي ان عمي عناد وصل
ناصر : ايه وصل بعدين غريبه صاحي بذا الوقت ؟
بندر :احد عنده شهد وفيصل ويقدر ينام
.........................
عند راكان صحى يحس راسه بينفجر وكليته مرا تعوره شرب من المسكنات الي شراها امس حس كليته خفت بس راسه كرماله ويعوره اكثر مسك شعره شده بقوه : اخخخخ وش ذا الوجع احس راسي بينفجر اوووف يا ربي ناقص صداع انا .. سمع اصوات غريبه من تحت : وذيه الخبله مها وش تسوي تحت خليني اقوم اخذلي دش يريح اعصابي ويمكن يخف الصداع
...............................
وبالغرفة الثانيه
مها جاهزه وخالصه وجالسه على السرير : يا ربي كيف راح عن بالي اهل راكان والله اني غبيه امس كنت ناويه انام عند عمتي سناء بس شهد البقره نستني يا ربي الحين كيف اروح عند راكان اووف وذا الخبل يحس ويجي يتفقدني عارف ان اهله تحت الله يصبرني على ذا الولد

طلعت رنيم الدرج ومشت على حسب تعليمات خالها ووقفت بين الغرفتين : اممم الحين خالي قال غرفتي الي على اليمين ولا اليسار اووف راسي مصدع مافيني اتذكر حتى ..اكيد وحده لي وحده لجنان عادي لو دخلت أي وحده بعد والي تجي عليها العشره بدخلها .. وهي تأشر بيدها على الغرفتين : حقرا بقرا قلي عمي عدي لما العشره 1 2 3 4 5 6 7 8 9 10 ووقفت اصبعها على الغرفه اليسار : خلاص هذه هي حطت يدها على مقبض الباب : لا لا يمكن تكون غرفة راكان .. ابتسمت : وناسه بكون اول وحده تشوف شكله فتحت الباب قابلتها صاله صغيره فيها شاشة كبيره وكنبتين وطاوله : يالله ذا جناح مو غرفه
عند مها سمعت صوت باب غرفتها ينفتح نطت بفرح ولبست حجابها : اكيد ذا راكان طلع عنده عقل .. وخرجت للصاله : راكـ... بترت كلمتها وهي تشهق من البنت الي تصرخ قدامها
رنيم : ااااااااااااااااااااااااا ااه .. مين انتي ؟
مها بخوف ركضت للباب ودفت رنيم وطلعت تركض متجهه لغرفة راكان
رنيم عورها كتفها : أي
عناد وفاطمه وعيالها سمعوا صوت رنيم طلعوا لفوق ركض
عناد وصل اول واحد شاف رنيم واقفه وماسكه كتفها : رنيم شفيك ؟
رنيم : فيه بنت هنا ؟
ريان : بنت ؟
رنيم هزت راسها : ايوا كانت هنا بذيه الغرفه ويوم شافتني طلعت بسرعه وراحت لذيك الغرفه.. وهي تأشر بيدها للغرفه الي بأخر السيب : وقفلت الباب وراها
عناد وبدا الوسواس يدخل براسه : متأكده
فاطمه وفاهمه تفكير عناد وما تبي مشاكل لساتهم واصلين : عناد خلنا نتأكد يمكن رنيم تتوهم جايه وتعبانه
رنيم : يمممممه شوفتها بعيوني
مها دخلت غرفة راكان وقفلت الباب بالمفتاح وحطت يدها على قلبها الي كان يدق بقوه
راكان الي خلص شور وقاعد يضبط شعره قدام المرايه قرب من مها الي وجهها مخطوف : بنت شفيك؟
مها : اهــ .. اهلك وصلوا
راكان راسه مصدع : اوووف ماني ناقصهم اليوم .. وبعدين انتي واذا جو شفيه وجهك كذا
مها : انا كنت بغرفتي واسمع اصواتهم تحت كنت ابيك تجي فشله انزل لحالي ودخلت بنت ويوم شافتني صرخت وانا ركضت لغرفتك
طق طق طق ... سمعت مها الطق القوي على الباب نطت بخرعه ورا راكان : افتحي البااااب
راكان مسك راسه وهو متوتر : مجنووونه انتي وش سويتي طيب خلاص شافتك كان وضحتي لها الموضوع . اووووف ناقص ذا البني ادم انا >> يقصد ابوه *_^
مها بخوف : طيب افتح ليكسرون الباب فوق روسنا
راكان يحوس بالدولاب : ويييينه يا ربي
مها صرخت : رااااكان شوف اهلك بعدين حوس دولابك
راكان سافها وهو يدور بالدولاب : اخيييرا لقيته
مها شافت بخاخ الشعر الاخضر حق اليوم الوطني انفجرت : رااااكان تستعبط حضرتك !!!
راكان بخ شعره باللون الاخضر ما يبي الي راح يتكرر يدري الوضع الي الحين انحط فيه ما رح يخلي ابوه يناظر حتى لشعره بس كل ما تذكر الي صارله يحس جسمه كله يرجف سحب ابوه لشعره الضرب الي جاه القزازه الي دخلت كليته كل شي كل شي تذكره وهو يسمع صوت ابوه المعصب ورا الباب
راكان اخذ نفس واتجه للبيت بيفتحه ومها غطت وجهها بطرف شيلتها ووقفت وراه وهي تبلع ريقها بخوف
بالجهه المقابله للباب
عناد بعصبيه : راكان ادري انه جوا افتح الباب لاكسره فوق راسك انت وياها
عادل : خالي اهدا شوي خلنا نسمع منه طيب .. ويمكن راكان مو جوا اصلن
فاطمه : عناد هدي شوي خلنا نفهم السالفه اول
عناد بعصبيه : وش نفهم بالله ذا الولد عايش هنا لحاله يستغفل ناصر يبيله من يوقفه عند حده
رنيم تناظر خالها بخوف وهي متمسكه باختها جنان : انا وش سويت وش سويت ليتني ما صرخت خالي رح يذبحه ويذبحها
انفتح الباب دخل عناد زي الاعصار ودخلت وراه فاطمه وعيالها
ناظر عناد للي واقف قدامه ولد نحيف ابيض البشره ناظر شعره الاخضر وركز لعيونه الرماديه الي نفس عيون ايلين وشاف وحده وراه بالعبايه متغطيه كلها ما تبان الا اطراف يدينها طلعت شياطينه قرب من راكان ومسكه بزنده وبعصبيه : راكااان من هذه هاه
راكان حس بالم من مسكت ابوه رفع عينه لعيون ابوه الي يتطاير منها الشرار وحاول يهدي نفسه مع انه من جوا حاس بخوف فضيع وببرود: طيب شيل يدك الناس ما يتفاهمون كذا
عناد بقهر من رده رفع يده ونزلها بقوووه على خد راكان : طرااااااااااااخ
فاطمه : عنااااااااااااااااااد
مها شهقت بقوه : هااااااااا وراحت بين راكان وابوه وبدموع : يا عم والله مو الي في بالك انــ..
راكان ببرود وخده احمر : مهااا!! ما يحتاج توضحين له شيء
عناد بعصبيه: اصلن في شي توضحه من الاساس
فاطمه مسكت عناد : الله يخليك خلها تتكلم عناد كافي خلاص
راكان ناظر لعمته فاطمه وابتسم باستهزاء الحين تكلمت له ساعه ينافخ ولا قالت شيء حسبي الله عليه راسي من غير شيء مصدع وزاده بكفه ذا :اصلن مافي شيء تقوله .. يفهم بالطريقه الي يبيها هو ماله حق بعد 19 سنه يجي يحاسبني على اغلاطي
عناد وجه حمر من العصبيه وخر فاطمه منه وهو ناوي يذبح ذا الولد
عادل مسك خاله : خاااالي الله يخليك هدي
عناد : عادل وخر عني ذا يستاهل القتل
ريان مقهور من ذا الراكان : عادل والله خالي معه حق ذا القتل قليل بحقه
رنيم وجنان يناظرون الموقف بخوف ورنيم تعض اصابعها بتوتر بسببها صار ذا كله
راكان بصراخ:تعال اقتلني كمل الي بديته قبل تسع سنوات ..اخذ شنطته حق الجامعه ومسك يد مها ناسي انها مو محرم له ولا يجوز يمسك يدها : امشي يالله
عناد بقهر العالم كله طالع ذا وسافه وجوده وخر عادل عنه بقوه ومسك راكان من فكه وتكلم من بين اسنانه : يوم اكلمك توقف ويوم اسألك تجاوب واصلن ندمان اني ما خلصت عليك بذاك اليوم
راكان ماسك يد ابوه الي ماسكه فكه الي يحسه بينكسر من مسكته
مها تبكي : يا عم والله انت فاهم خطا انا انا مربية راكان وبس اذا مومصدقني اسألي عمي ناصر الله يخليك اترك راكان والله الحين بطلع من البيت ومعد بتشوف وجهي اترك راكان الله يخليك ... جلست على الارض تبكي
فاطمه بدموع مسكت جوالها واتصلت على ناصر
عناد بعصبيه : رجااال طول بعرض يحتاج مربيه
عادل شاف شكل مها طايحه بالارض تبكي قرب من خاله وحط يده على يد خاله الي ماسكه راكان : يا خال خلنا نسأل خالي ناصر لا تظلم الولد
عناد يزيد من مسكته ناسي كل الوعود الي وعدها لنفسه انه يعوض ابنه كل الي فات : تسأل خالك عن ايش عن سواد الوجه الي مسويه
راكان شد على يد ابوه والم فكه يزيد ويزيد تكلم بصعوبه : ليه نظرتك للناس دايم سوداويه ليه تحكم على المظاهر وبس .. تدري صرت اشك بأن زوجتك ايلين كانت مروجه
عناد بس هنا تتوقف حواسه عن العمل بس سمع اسم ايلين تحول لشيطان
...............................
ببيت نـــــــــــــــــاصر
شهد تناظر ساعتها : صارت ست ونص وراكان لسه ما جاء
بندر يشرب حليب الي عوده راكان عليه : تلاقينه راحت عليه نومه
شهد : مها اليوم دوامها بدري وبتجي معنا اكيد بتصحيه
دق جوال ناصر الي كان يفطر:هلا فاطمه ... بسم الله شفيك ؟...... فاطمه هدي عشان افهمك ... أي بنت ؟ .... لحظه لحظه ليكون قصدك مها .... طيب طيب جاي
قفل جواله بعصبيه : ذا العناد متى بيعقل ناوي يذبح ولده
فز بندر الي ما باقي غيره هو وشهد على الطاوله بعد ما راحت امه تشوف ابنها فهد وفيصل راح دوامه : شفيه يبه
ناصر وهو خارج مستعجل وابنه وراه : من غيره عمك ذا نسيت لاقوله عن مها وطبعا فهم خطا وشكله ناوي يذبح راكان
بندر بس سمع اسم راكان مشى مسرع ورا ابوه يكفي راكان من سمع برجوع ابوه وهو يهلوس فيه
وشهد لحقت ابوها واخوها وهي ما تدري وش السالفه
........................
عنااااااد رمى راكان بالارض وهو ناوي يخلص عليه اذا وصل الكلام لايلين ينسى كل شيء حوله
طاح راكان على الارض وعض شفته السفليه بالم كتفه الي ضرب بالجدار بقوه
فاطمه قفلت من ناصر وشهقت وهي تشوف راكان مرمي على الارض وعناد واضح انه مو ناوي على خير ركضت لراكان وانحنت عليه وضمته ودموعها بخدها : عناد طلبتك اترك الولد بحاله ناصر الحين جاي افهم منه وبعده سو الي تبيه
راكان بألم دف عمته على خفيف : مالك دخل خليه يسوي الي يبيه .. انتي تركتيني قبل تسع سنوات لا تسوين مهتمه فيني الحين
فاطمه رجعت تمسكت فيه : لاني تركتك مستحيل افرط فيك بعد ما رجعت
عناد والشرار بعيونه : فااااطمه وخري لاقسم بالله انسى انك اختي واوريك شي عمرك ما شفتيه
رنيم ضمت اختها وهي تبكي اول مرا تشوف خالها بذيه العصبيه وجنان ما تقل رعب عن اختها
ريان ندم على كلمته شكله صدق خاله مو ناوي على خير
دخل ناصر وهو يصفق بعد ما سمع اخر كلام قاله عناد : برافو عليك ماشاء الله رجال لا كمل كمل اضرب اختك بعد
عناد يحاول يهدي نفسه : ناصر خذ اختك واطلعوا منها راكان ابني وكيفي بربيه بطريقتي
بندر ركض لراكان الي بعدت عنه فاطمه يوم دخل ناصر
بندر : راكان انت بخير ؟
رفع راكان عيونه لعمه ناصر وما رد على بندر
دخلت شهد وراهم وشهقت وهي تمرر نظرها لكل الي بالغرفه للبنتين المتحجبات بس ضامين بعضهم وواقفين بطرف الغرفه للحرمه الي جالسه جمب راكان الطايح بالارض وبندر اخوها الي جالس جمب راكان ورجال واضح انه مرا معصب وناوي يذبح احد وابوها الواقف قريب الباب وواضح انه معصب بعد وشابين واقفين بوسط الغرفه وشافت مها جالسه بوسط الغرفه وشهيقها واصل لعندها ركضت لعند مها
شهد : مها حبيبتي شصار
تعلقت فيها مها وهي تشاهق : بيذبحه بسببي بيذبحه بيذبح راكان اهئ اهئ
شهد : اهدي ما رح يصير شيء هذا ابوي جاء
ناصر : لا تعال اضربني احسن
عناد يستغفر بينه وبين نفسه ما يبي يقول شيء يندم عليه
ناصر : وانت .. وناظر راكان : ليه ما فهمت ابوك الموضوع يا راكان انا عارفك وعارف اسلوبك الزفت ترا العناد حقك رح يوديك في ستين داهيه
راكان والصداع ماسك راسه معد صار يحس بأي وجع غير راسه : ما يهم يفهم ولا ما يفهم انا مو مجبور اوضحله أي شيء هو زي الغريب ما بيني وبينه غير السلام واي شيء يخص حياتي ماله دخل فيه
عناد فور من العصبيه : وتلومني اذا عصبت ذا لسانه متبري منه يبي من يربيه
ناصر : عنااااد خلاص .. وقرب من راكان ووقفه : روح اعتذر من ابوك وسلم على راسه وقوله كل شيء عن مها
راكان لف بكامل جسمه على عمه : مستحيييييييييل
عناد : نااصر !! انت عارف كل ذيه المهزله وساكت
ناصر : راكااااان اعتذر من ابوك
راكان بقهر ناظر لابوه : مها من يومني بالمستشفى وهي معي ساعدتني اتخطى الصدمه الي دخلت فيها وهي الحين تعيش معي بنفس البيت ..
ناصر : مها كانت مسؤوله عنه من يوم ما دخل المستشفى لان طلع هي الي اهتمت فيه وساعدته انه يتخطى عدم وجود فاطمه الي تعود عليها بحياته ساعدته يتخطى كل الي صار له وهي عايشه هنا من ذاك اليوم .... راكان اعتذر من ابوك حتى لو ابوك تسرع انت غلطان لانك ما فهمته من البدايه والاسلوب ذا مفروض ما تتكلم فيه مع ابوك
عناد رفع نظره لابنه وهو ندمان على تسرعه مفروض يسمعه بالعقل مافي احد بقواه العقليه رح يجيب بنت لبيته سمع ابنه وهو يقول
راكان : مستحيل يا عم لو اموت ما اعتذر منه
ناصر بحزم : راكاااااان
عناد : يا ناصر خلاص انا الغلطان ومفروض انا الي اعتذر تسرعت
ناصر : راكااان
راكان بقهر ما يبي يعصي كلام عمه الي اهتم فيه وصبر على مصايبه اخذ نفس وقرب من عناد وباس راسه وبهمس : اسف ... واخذ شنطته وطلع
عناد ناظر ظهر ابنه وهو طالع وحاس بندم كبير وخاصه انه حس برجفته وهو يسلم عليه
لحقه بندر ومها وشهد
وفاطمه كتنت بتلحقه وقفها ناصر : فاطمه خليه بندر ومها لحقوه لا تخافين عليه
فاطمه ولساته دموعها على خدها : ناصر ليه ما قلتلنا عن البنت شوف وش صار
ناصر تنهد : راح الموضوع عن بالي مها صارت وحده منا وفينا ونسيت اخبركم عنها
عناد مشى يبي يلحق ابنه ما يبيه يروح بذيه الحاله مسك ناصر بيده : على وين ؟ مو كافي الي سويته !!
عناد : ناصر لا نزيدني ادري اني غلطان ... بس بالعقل لو احد مكان وشاف الي شافه اكيد بيشك بوضعه
ناصر : وليه ما فكرت انها زوجته !!!وش التفكير الي معاك
عناد زفر : ناصر بلحق على راكان بشوفه وبعدها نتفاهم
ناصر عارف ان الوضع ممكن يتأزم بسبب راكان ولسانه بس ترك يد عناد بالنهايه هم اب وابنه لازم يتفاهمون
نزل عناد ورا ابنه وناصر طلع وراه دوام
فاطمه مسكت اذن رنيم وصوت فيه بحة بكى : كله منك يالهبلا ليه ما سألتيها بدل الصراخ شوفي وش سويتي
رنيم بدموع : أي يمه وش عرفني انا
ريان : يمه حرام عليك رنيم وش يعرفها شافت بنت خافت وصرخت .. وبعدين راكان مفروض يوضح بدل طوالت اللسان
فاطمه بعصبيه : انت انطم وهي تقلده : القتل شوي عليه .. اقلع من قدامي .. وتركت اذن رنيم : وانتي حسابك بعدين وطلعت من الغرفه نازله تحت تتفقد بنتها تالين الي نسوها تحت نايمه بالصاله على الكنب
مها تفرك اذنها : اح
عادل : تستاهلين وخرج من الغرفه عشان يريح وتبعه ريان
رنيم : واي جنان يهبلووون كل واحد اجمل من الثاني لو ادري عيال خوالي كذا كان ما طلعت من الرياض اصلن
جنان : يا الخبله توك مسويه مصيبه وتناظرين خلق ربي
رنيم سافهتها : والله وذا الر اكان طلع اجمل واحد فيهم .. الله يهديها امي رضعته معنا ولا كان الحين خرفنته وتزوجته
جنان : الحمدلله والشكر .. وخرجت من الغرفه عشان تريح بعد ذا الارهاق كله
رنيم جلست تحوس بغرفة راكان
....................................
عناد خرج للحديقه يدور راكان واتجه لمواقف السيارات الي عند بيته سمع شيء خلاه يتراجع وجلس ورا جدار الفله يسمع باقي الكلام
راكان : الله ياخذه ويفكني منه جاء وجاب المصايب معه اذا يكره زوجته ويكرهني خلاص لعد يدخل فيني لو ان شاء الله اولع بنفسي
بندر : راااكان هدي شوي خلاص الي راح راح
راكان بصراخ : بندر ترا والله ماني رايقلك راسي مصدع وحالتي حاله جيب مفتاح السياره يالله
مها : بندر لا تعطيه ... ولفت لراكان : انت يوم تعصب تسوق بسرعه بس اهدى شوي وبعدها كيفك
راكان : انتي اوص لا اسمعلك حس كله بسببك اصلن وبسبب غبائك
مها صرخت بقهر : وش تبيني اسوي خوفتني ومعرفت افكر
شهد تناظرهم بخوف اول مرا تشوف راكان كذا معصب
راكان بصراخ : مهااااا انطمي ترا واصله معي ومو قادر افكر حتى بالكلام الي يطلع مني انطمي قبل لا اقول شيء ما يعجبك
مها : قصدك تقولي اطلع من البيت لا قلها عادي ترا اصلن بالنهايه انا ما اعنيلك شيء
راكان بعصبيه ومن غير تفكير : يكون احسن بتسوين خير
شهد شهقت بقوه : هااااااا
مها تمثل القوه : اوك مشكور ... ولفت طالعه
بندر ضرب راكان بوكس في بطنه من قهره : انت مجنون بعقلك شيء ورمى عليه المفتاح : لجهنم الحمرا ولحق مها
شهد تناظر راكان الي منحني على الارض وماسك بطنه وما تحرك
قربت منه بخوف ودمعتها بطرف رمشها : راكـ.. راكان
رفع راكان راسه وخذ المفاتيح وركب سيارته وشخط فيها بسرعه
عند مها وبندر
بندر : مها اصبري شوي انتي عارفه راكان مو قصده
مها وهي تبكي : اهئ اصلن مفروض من زمان اطلع اهئ اهئ اصلن الكلمه الي يقولها المعصب هي الي صدق طالعه من قلبه
مر راكان جمبهم وهو مسرع وخرج بسيارته
ناظرت لسيارة راكان بألم
بندر تنهد : مها استهدي بالله وامشي اوصلك واوصل شهد تأخرتوا على دواماتكم
مها بهدوء عكس قبل شوي وهي ناويه تسوي الي براسها : طيب




انتهى البــــــــــــــــــــار ت
ومعليش انه طويل بس ما امداني اطوله
زي ما انتم عارفين لساتني جايه من السفر
ووعدتكم انزله اليوم ... ان شاء الله البارت الجاي رح يكون دسم فيه اشياء كثيييره
سبحان الله وبحمده ... سبحان الله العظيم
توقعاتـــــــــــــــــــ ـــــــــكم