[اسفة]

ياهلا وغلا بالجنرالوز دوما ردودك مميزة
عارفة كنت يمكن الوحيدة من الأطفال اللى رد فعلى غريب لا عمرى ضحكت ولا فرحت لما كانت فقرتهم بتظهر فى السيرك
ولا كنت بعيط وأخاف زى باقى الأطفال منهم مش بقولكم طول عمرى فى وادى لوحدى دايما بيصعبوا عليا وبقول مش يمكن بيضحكهم وهو مش مبسوط وزاد الموضوع معايا لما كبرت ووعيت حد عمره كانت نظرته لهم من زاوية أن المهرج الذي يعمل من أجل إسعاد الآخرين وغمرهم بالسعادة يعاني من الحزن والوحدة؟ وأنه كان أسير تلك الألوان الاصطناعية التي لم تخرج عن هدفها، وهو إدخال البهجة في قلوب الآخرين، مقابل مبلغ مالي زهيد كان يستطيع به إقامة عيشه، لكنه لم ولن يكون قطعاً كافياً لإنشاء قلعة أحلامه
قد يكون نجح نجاحاً باهراً في ذلك، لكن الآخرين لم يتمكنوا من إسعاده وإزالة حزنه، صحيح الأقنعة مخيفة وارتداء أغلب البشر لها وتلونهم أصبح كارثة لكن ليست كل الأقنعة كاذبة فهناك أقنعة تدارى الحزن خلف الابتسامة زى المهرج كده
يوه هى مالها قلبت غم كده كله بسببك
طب يلى سمعونا

شيكا بيكا وبولتيكا ومقالب أنتيكا

ولا تزعل ولا تحزن اضحك برضه ياويكا

هاهاها ع الشيكا بيكا

***
أنا بضحك من قلبي يا جماعة

مع انى راح مني ولاعة

وبطاقتي في جاكتة سرقوها

وغتاتة كمان لهفوا الشماعة

بقيت أرجف م السقعة
لكن باضحك.. والضحك ده مزيكا
كهربا على ميكانيكا

اضحك ع الشيكا بيكا
هاهاها.. عالشيكا بيكا

***
أنا راح مني كمان حاجة كبيرة

أكبر من اني اجيبلها سيرة

قلبي بيزغزع روحه بروحه

علشان يمسح منه التكشيرة

ادعوله ينسى بقى ويضحك

والضحك ده مزيكا
كهربا على ميكانيكا

اضحك ع الشيكا بيكا
هاهاها.. ع الشيكا بيكا

***

هتقولى الشيكا بيكا ايه هىّ؟

هي الحركات اللي مش هي

الفرقة والحرقة والغرقة

والزمبة فى البمبة الذرية..

بدل ما نطق..ولا لاء نضحك..

والضحك ده مزيكا
كهربا على ميكانيكا

اضحك ع الشيكا بيكا
هاهاها.. ع الشيكا بيكا

ولا تزعل ولا تحزن
اضحك برضه ياويكا

هاهاها.. ع الشيكا بيكا.. ع الشيكا بيكا