جلست معها لساعه 10:30 ودقت على سواقهم وداها بيتهم وصلت وعلى طول نامت وطنشت عبدالرحمن اللي جالس يناظر الجوال ينتظرها تتصل حتى مل ودق عليها:ألو للحين ماشبعتي
البندري وصوتها كله نوم: أشبع نوم ماعتقد
عبدالرحمن: أيش هالحين بجيك
البندري: وين تبي أمي تعمل فضيحه
عبدالرحمن: أمك أنتي في البيت
البندري: أيوه أجل وين بكون
عبدالرحمن بعصبيه: وتاركتني أنتظرك متى تتصلين عشان أرجعك بيتكم
البندري: ماصار شي
عبدالرحمن يعلي صوته: أنتي بتذبحيني أووووه الحكي معك ضايع ويقفل في وجهها
البندري: قفل في وجهي أشوف لسانك يادحومي صاير طويل وأنا اللي بقصه لك أنا تقفل في وجهي طيب يصير خير
كملت نومها لأنها تعرف زين موقف عبدالرحمن من عقابها
%%%%%
رجعت من السوق وبأيدها أكياس كثير هلكت حالها وهلكت معها رغد من العصر وهي تدور بالأسواق إلى العشاء: آآآف تعبت
رغد: تعبتي ها أنا آخر مره أطلع معك لسوق أجل لو الزواج بتخلينا ننام هناك
ملاك: موب لهالدرجه بس عشان نخلص بدري ماعندنا إلا هالأسبوع أشغال كثيره
أسيل: أسكتي أنتي معها ووريني إيش شريتي
ملاك: لو موب مريضه كان وريتك شغلك
أسيل: أوف أوف ليه شايله علي هالكثر في قلبك
ملاك: أجل أنا أختك حبيبتك ماتجهزين معي لملكتي
أسيل: ياعمري أنتي والله لوحامل ماقصرت
رغد: والله حلفي أنتي معها وأنا موب ماليه عينكم
ملاك: شدعوه ماليتها ونص
رغد: أيوه تعدلي معي ولا تتمادين
ملاك: أعصابك ياعسل
أسيل: أحم أحم أشوفك تتعلمين تدلعين عشان فوفو
ملاك: مين فوفو
أسيل: حبيب القلب نواف
ملاك صار وجهها أحمر: يابايخه
رغد:اسيل أختك تستحي
أسيل: هههههه أشوف ملاك شفيه وجهك صاير طماطم
ملاك طنشتهم وطلعت عنهم
رغد واسيل: ههههههههههههه
%%%%%
صار له فوق ال20 مره وهو يحاول يتصل عليها وهي مطنشته: حرام عليك ردي عليه كسر خاطري
الجازي: حتى أنا راحمته
مرام: ردي عشاني
البندري: مابي عشان يعرف كيف يقفل في وجهي
الجازي: بالصراحه أنتي الغلطانه
البندري: لاحبيبتي هو الغلطان يرفع صوته علي عشان يعقوبو
مرام: في هذي معها حق
ألا ويرن الجوال نغمة رسايل
مرام: هذا أكيد هو
# لو نكتب الشوق ما تكفـي دفاترنـا
يفنى الورق والقلم يكتب لنا اوصاته
لو نكتم الشوق يطلع فـي مدامعنـا
الشوق واضح على المشتاق نضراته
دقات قلبـي تقـول الشـوق تعبنـا
ياليت تسمع حبيبي صـوت دقاتـه
ابيك تعرف غيابـك كيـف خسرنـا
من شان تعطي حبيبك كل مـا فاتـه
تعال بـدري تـرى بعـدك يولعنـا
عجل حبيبي وهات الحـب واهآتـه
سمع حبيبك جديد الشعـر واطربنـا
ياتاج شعري وملح الشعـر وابياتـه#
:ههههههههههههههههه
الجازي: مشتااااق
ويرن مره ثانيه..
مرام: شوفي شراسل هالمره
# وين رايح .. بهالسهوله هانت العشره عليك
وين رايح انجرح صوتي و انا انادي عليك ..
يعني مرتاح بغيابي ...
و الا ما همك عذابي..
كل شئ و الله يسألني عليك ...
أنا ما احبك انا اتنفس هواك .. كل ما فيني يصوت لك ابيك
راحت سنيني و تاليها معاك ... رد روحي لا تضيعها بيديك
وين رايح !! #
مرام: خلاص عاد ردي عليه
يتصل مره ثانيه..
الجازي: هذا هو يتصل ردي
البندري: طيب رديت هلا...
%%%%%
بعد أسبوع يوم الملكه..
: آآآه يمه الليله بيملك بموت قهر
أم شيماء: قلت لك بادخل أنتي اللي رفضتي
شيماء: شسوي شوفيلي حل
أم شيماء: هالحين والملكه مابقى عليها الا كم ساعه
أنا من رايي تكملي خطتك اللي بدأتي فيها لأن ماتقدرين تتراجعين في هالوقت
شيماء تحاول توقف بكي: باحاول
أم شيماء: قومي جهزي حالك
%%%%%
: كيف النفسيه
نواف: مرتااااااح
نوريه: أوه أوه حركات
البندري: حلوه.؟
نواف: ملااااك
البندري: عارفه أنها ملاك أنا أسأل عن شكلها
نواف: وأنا شقلتلك ملاك يعني قمر عوذتها بالله لا هي أحلى من القمر
البندري: أحم احم صدتك وين شفتها
نواف: شفتها وبس الا حفظت شكلها كله على بعضه
البندري: وين شفتها
نوريه: صدق من بيروح من خواتك
نواف: محد فيهم
البندري: ليه
نواف: عشان أخوهم في المستشفى
البندري: ولا يهمك أنا أروح معك أمي موقفها حساس عشان شيماء أختها
نواف: وأنتي موب خالتك
البندري: إلا بس أنا مايهمني حد هي غلطت تتحمل عواقب غلطتها
نوريه: قومي جهزي حالك
البندري: بقوم عشان بس ملاك
نواف: من هالحين صارت تمون
نوريه: ههههههههههه بعد البندري ماتعرفها
راحت البندري تتجهز..
إلا والموبايل يرن..
: هذي أختك تتصل
نوريه: لايكون بتروح معكم
نواف: هلا
شيماء: أهلين
نواف: تبين شي
شيماء: سلامتك بس أخبرك أني جاهزه
نواف: جاهزه.؟ وين بتطلعين
شيماء: أيوه جاهزه بسرعه تعال لانتأخر على الجماعه
نواف: لا مايحتاج تروحين
شيماء بخيبة أمل للي خططت له: ليه
نواف: ماله داعي مره ثانيه تتعرفون على بعض
شيماء تحاول: طيب أنا تجهزت
نواف: وين المشكله قلتلك ماله داعي خلصنا الموضوع
شيماء بعصبيه: باي
نواف: هههه عصبت
نوريه: تمثيل صدقني
نواف: لا يمكن تغيرت
نوريه: أسكت واللي يرحم والديك قال تغيرت قال
نواف يغير الموضوع أخذ الريموت وحط قناه وقام يشاهد على ماتنتهي البندري وتجهز...
أماشيماء قفلت من عنده وهي معصبه منه: أكيد وراه نوريو آآآآف معترضه طريقي في كل وقت
%%%%%
: مرحبا
أم فيصل: هلا بنيتي تفضلي
دخلت البندري وسلمت على الموجودين حنان أم رغد وشهد وليالي وأم طارق
ورغد وأسيل مع ملاك في الغرفه..
حنان: أنتي أخت نواف
البندري: لا بنت عمته
حنان: وخواته ماجو معكم
البندري: لا عشان أخوهم مريض في المستشفى
حنان: الله يشافيه
ليالي: ونواف موب أخوهم
البندري جت بترد عليها إلا حنان تداركت الموقف: متزوجه يالبندري
البندري: مخطوبه
أم طارق: ومن ماخذه
البندري: ولد خالي أخو نواف
وتدخل ملاك وهي مرتبكه من الحيا ومعاها رغد وأسيل اللي لساتها الولاده متعبتها وسلمو على البندري اللي اندمجت بالحكي معاهم وأرتاحت لهم بعكس شهد وليالي
: وينك ياخالتي تشوفين ملاك شبيصير فيك
حتى نادى أبو فيصل على ملاك..
الشيخ: ملاك حمد ال....
ملاك مرتبكه: نعم
الشيخ: هل تقبلين بالزواج من نواف عبدالله ال....
ملاك بحيا واضح من صوتها اللي بالموت قدر يسمعه الشيخ: أيوه
الشيخ: أرفعي صوتك يابنتي
ملاك: أيوه
الشيخ: تفضل يابوفيصل خلي البنت توقع
جات بتوقع من الربكه موب عارفه تمسك القلم
أسيل: يالله ملاك وقعي شفيك
ملاك: طيب موب عارفه أوقع
أسيل: مو مشكله أي شي أهم شي توقيع
:الف الصلاة والسلام عليك يارسول الله محمد كولولولووووش
أبو فيصل: مبروك ياولدي
سلم نواف على أبوفيصل وباس راسه: الله يبارك فيك ياعمي
: مبروك يانواف منك المال ومنها العيال
أبو فيصل: ها ماوصيك على بنتي
نواف: شدعوه ياعمي في عيوني
ومن جهه ثانيه: ألف مبروك ياملاك الله يسعدك
ملاك ولساتها على أرتباكها: الله يبارك فيك
البندري: ألف ألف مبروك
جلسو شوي وبعدها نادى أبوفيصل على ملاك عشان تدخل في المجلس لنواف
دخلت ملاك وهي منزله راسها نواف على طول وقف وهو يناظرها من فوق لتحت ويحس أنه بيطير من الوناسه..
#..هلا باللي سبا قلبي وأخذني حسنه بقوه..#
#..سلب روحي وأخذ صبري وأنفاسي من إيديا..#
تقرب منها وهي واقفه مكانها منزله راسها ترتجف مسك إيدها وباسها وباس راسها وملاك رفعت راسها وتلاقت عينها بعينه حست أن قلبها بيطلع منها بسبب جرأته وأنها تذوب من بوسته *_^
جلس معها ساعه ولوما الأحراج كان نام عندها..
يناظرها بشوق: يالله حبيبتي أستأذن
ملاك وجهها أحمررر من الحيا كانت تقول في داخلها: تو الناس << عضت شفايفها قهر لأنها أنتبهت أنها فكرت بصوت وسمعها
نواف بخبث وكأنه ماصدق على الله: ودي ياقلبي لكن أحس أني طولت وفيها أحراج <<قرب وجهه من وجهها حتى حست بانفاسه وحرارتها أرتفعت :بس لاتتوقعي أتركك بحالك بكره الوعد وباسها بطريقه مفاجأه خلتها تنصدم وتتفاجأ وقفت عند الباب تناظره بدون ماتتحرك كأن روحها أخذه معه وبعد ماطلع بخمس دقايق أنتبهت على صوت رغد: ملاك ملوكه يؤ شفيها ملاااااك
ملاك طبلة أذنها ماتت من الخرعه: شفيك
رغد: أنتي اللي شفيك
ملاك تذكرت الموقف وأبتسمت وراحت غرفتها بدون ماترد على رغد
رغد باستغراب:ساعه خربها علينا ولد عبدالله ال.....
أما نواف طلع من عندها ووصل البندري البيت
: جهزيلي غرفه بنام عندكم الليله
نوريه: ليه صار شي أنت وشيمو
نواف: لااااا بس مالي خلق لها
نوريه: أهاااا قلتلي يعني موب عشان ملاك
نواف يبتسم: شرايك أنتي تبيني أروح لنكد وأنا الليله عريس
نوريه: هههههههه ساعه وحده جلست معها وصرت كذا الله يهنيك
أما شيماء جالسه تنتظره وهي تعتصر من القهر تحس نار جواها تحرقها لكن ماجا أوان تعض أصابع الندم لأن القلب اللي ينبض فيها بدون ضمير...
ملااااك: إيش اللي يخليها تنام بعد هالأحداث اللي صار لها تحس أنها في حلم ماتبي تصحى منه تعيد شريط اللي صار مع نواف حكيه حركاته وهمساته ولمساته ملكت الكون كله...
نواف: محتار يتصل عليها أو لا وده يسمع صوتها لكنه تذكر شغله كبيره بنظره ضرب جبينه: أووووه نسيت لاحول شالحل هالحين
جلس يفكر ويفكر <<يقال أنه بيخترع الذره
: أيوه صح أدق عليها ماعندي حل الا هي
أتصل بصوت كله نوم ردت عليه: ألووووو
نواف: البندري أصحي وركزي معي
البندري: خير في شي..؟
نواف: أكيد أخذتي اليوم رقم ملاك عطيني إياه
البندري: تدري نواف أنك أنسان فاضي وأنا أبي أنام تصبح على خير
نواف بخيبة أمل ماعلق على حكيها لأنه عارف البندري إذا نايمه لحد يحاكيها..
%%%%%
طلعت من الصبح إلى بيت عمتها بدون أبوها لايدري لأنه أن عرف باللي بينها وبين سلطان ممكن يقتلها ...
:كيفك عمتي
أم سلطان بحب: هلا ببنتي هلا بالجوهره وينك صارلك مده ماتبينين
الجوهره: شسوي حالي وتعرفيه لسه مانفك عني الحصار
ام سلطان: ههههه الله يهدي أبوك لوعارفه أنك بتزورينا ماواعدت الحريم
الجوهره: خذي راحتك عمتي
أم سلطان: أجل أستأذن وسلطان في غرفته أجلسي معه
الجوهره: إنشالله
وطلعت أم سلطان
الجوهره: ياسلام ياعمتي على الديمقراطيه
مشت متوجهه لغرفة سلطان دخلت الغرفه ظلام تقربت منه كان رايح في سابع نومه :بدل ماأجلسه من النوم أنام أنا بعد دام عمتي موفره لي الجو
قفلت الباب ودخلت معه تحت اللحاف ونامت..
%%%%%
بعد أسبوع...
ملاك تعودت على نواف وجرأته ساعدتها كثير وكأنهم يعرفون بعض من زمان وتعرفت على أهله وفضولها ماخلاها تقتنع آلا لما عرفت بحقيقة شيماء تحولت نظرتها لها إلى حقد كثر حبها لنواف
نواف طاير من الفرحه طاير وكأنه توه يتزوج أول مره وملاك فرحانه ومرتاحه مثله عشر مرات
وطبعآ نقلها لنفس المدرسه اللي فيها البندري وصارت فرد في شلتهم..
كان يكلمها بالموبايل: حبيبتي شرايك اليوم أعرفك بشيماء
ملاك أرتبكت وحست بخوف: أأأيش
نواف حس لها: إذا ماتبي أأجلها
ملاك <<لاتزعليه زياره ماتضر لجل عين تكرم مدينه>>: لاعمري نصف ساعه أكون جاهزه
نواف : أوكي هالحين أجيك
قفلت منه وهي حامله هم هاللقاء خصوصآ أنها ماتعرف تجامل وتخفي مشاعرها..
: شفيك واقفه حبيبتي أدخلي <<مسك إيدها ودخلها.. تعالي أجلسي هنا بروح أشوفها
ملاك لهالحين مانطقت بحرف واحد من دخلت البيت..
راح ينادي عليها وجا معها أول ماشافت ملاك حطت إيدها بايده وأبتسمت وملاك مافاتها هالشي اللي خلى نار الغيره عندها يبدأ يشتعل..
: هلا وغلا ياحيا الله من جانا كيفك
ملاك بابتسامه باهته طلعت بالغصب: أهلين كويسه
شيماء: تفضلي
دخل نواف بعرضهم اللي يتمنى يكون حريمه مثل الخوات وأكثر <<مستحيل
: شفيكم ساكتين ملاك أحكي
ملاك: أحكو بموضوع وبشاركم الحكي
نواف: بتحكي والا أزعل وأطنشكم ثنتينكم
ملاك عقدت حواجبها <<شفيه حكيه تغير وصغرت عينها وهي تناظره<< الله يستر كانك ظهرت على حقيقتك من أسبوع بس وتطنيش ياسبحان الله
نواف: ملاك ملاك ملاااك
ملاك أنتبهت لسرحانها: نعم
نواف بزعل: صارلي ساعه أناديك
ملاك: معاك تبي شي
جت شيماء وجلست عند نواف وحطت أيدها على كتفه ملاك خلاص أرتفع ضغطها من حركاتها السخيفه
شيماء: ولايهمك حبيبي أنا بحكي عشانك بس ياعمري
ملاك بركان راح يتفجر داخلها تشوف وحده تغازل زوجها وهي جالسه حتى وأن كانت زوجته جلست تهز رجلها من العصبيه وساكته لأنها لوحكت بتصير علوم <<الغيره عذاب..
جلست إلى النصف ساعه تقريبآ وهي على أعصابها وتشوف شيماء كيف تتعامل مع نواف وبشكل واضح معروف أن اللي تسويه عشان ملاك تستعمل معها الموت البطيئ هذي شيماء ممكن نقول أنها داهيه مايعلم بعمايلها إلا رب العالمين وهذا اللي سوته أمتحان بسيط عشان تشوف ردة فعل ملاك وشافت اللي يرضيها وتمنته لما ظهرت تعابير الغيره الشديده على وجه ملاك عرفت وين مسيرها بيبدأ..
ملاك تحكي من بين أسنانها والعصبيه واضحه في ملامح وجهها: نواف يالله نمشي
نواف: ليه مستعجله
ملاك: أيوه عندي أمتحان بكره أبي أذاكر
نواف: أوكي يالله قومي
ملاك: بدون ماتمد إيدها لها: مع السلامه
شيماء: الله يسلمك وناظرت نواف لاتتأخر حبيبي الليله أنتظرك
نواف: طيب باي
طلعوا.. شيماء تضحك بشماته: مابعد شفتي شي ياملاك
#..صدمتني بكلامك الجارح
ماراعيت قلبي السارح..#
ركبو السياره وملاك ساكته لأنها باي لحظه قابله للأنفجار
نواف: شفيك
ملاك: ولا شي
نواف: تبين الصراحه
ملاك: عن إيش
نواف: اليوم أنتي ماعجبتيني بتصرفاتك نهائيآ
ملاك أنفجرت: ماعجبتك تصرفاتي أها..؟ وليه وشو اللي سويته وماعجبك حبيبي
نواف: ساكته وإذا حكيتي تحكي بالقطاره
ملاك: أنا كذا ماحب أحكي مع أحد موب متعوده عليهم
نواف: بس شيماء زوجتي موب حد
لامس الوتر الحساس عند ملاك: وأنا إيش
نواف: وأنتي زوجتي مثلك مثلها
ملاك: لو سمحت ماحب تقارني بحد
نواف عصب: هذي أم عيالي غصب عنك موب أنا اللي تتحكمين فيه على كيفك أنا رجال موب طفل صغير عندك أنتبهي لهالنقطه أحسن لك
ملاك: باين أنها موب بس أم عيالك وزوجتك من الحركات السخيفه اللي سوتها
نواف باستنكار: أي حركات
ملاك بانفعال: ماسكه أيدك وكتفك وحبيبي ومدري إيش شوي وتجلس على حضنك وتبوسك
نواف: هذي زوجتي موب حد من الشارع
ملاك: شفتني لمست إيدك حتى أو سويت حركه أغيضها بها
نواف: هي كذا هذي حركات عفويه <<من متى يانواف
ملاك: أنا حرمه وأعرف زين كيد الحريم
نواف: أووووه راسي بينفجر بهالهدره الفاضيه أنتي الحكي معك ضايع إذا عرفتي غلطتك تعالي أحكي من وصلتي البيت وأنتي رافعه أنفك وياليت عندك شي ترفعين انفك عشانه
ملاك في حاله صدمه <<تعايرني بفقري يانواف الله يسامحك خنقتها العبره والدموع متحجره بعينها موب ****ه تنزل جرح الحبيب موب سهل سكتت وماحكت بشي
وصلت البيت نزلت من السياره بهدؤ بدون ماتحكي شي على طول دخلت الغرفه وراحت تبكي وتبكي دام هذي أولها كيف تاليها..؟؟
%%%%%
جات كالعاده تطل عليه وتجلس تحكي معه جالس على الكرسي المتحرك اللي تعود عليه من سبع سنوات: يبه يبه جبتلك العصير زاد أستغرابها لأنه مارد عليها يبه يبه حاكيني فيك شي خافت أكثر وأرتفع صوتها يبه يبه
حست أن في حركه تصدر من فمه كأنه يآخذ نفس ناظرته ومادرت أنها روحه اللي طلعت يبه يبه تسمعني يبه حاكيني أنا حنان يبه حاكيني وأرتفع صوتها لدرجه كل الموجودين سمعها وهي تبكي بألم يبه حاكيني وهي تهزه وتحركه يبه لاتتركني تكفى محد لي في الدنيا غيرك يبه أرجوك أحكي قول أنك تسمعني يبه
وهي تبكي أول من وصل رغد وقفت مصدومه عند الباب تناظر أمها وهي تحرك جدها ماقدرت رجلها تشيلها تحجرت دموعها كأنها في غيبوبه تناظر جدها وبس ماتدري باللي حولها وفجأه صرخت بأعلى صوتها: لاااااااااااااااااااااااا اا وراحت تركض لهم :يبه أنا رغد أنتو تمزحو تعملو فيني مقلب يبه أنت وعدتني تزوجني لاتروح أوفي بوعدك يبه يبه
وكان كلهم حوالينه لين جا محمد معه الدكتور..
طلعوهم من الغرفه وفحص الدكتور عليه
وطلع: عظم الله أجركم
#..مات ابوي وانطفت ذيك الشموع
وابتدى حزني بايامي وشاع..#
: يبه ليه تروح وتتركني يبه من بيحميني غيرك يبه تكفى أرجع لي كلنا محتاجينك يبه بأنظلم بعدك محد بيكون معاي آآآآآه يايبه آآآآه راح عمود البيت راح شمعة البيت يبه الدنيا بعدك ظلام تكفى أرجعلي تكفى
رغد: يمه لا لا أبوي نايم أيوه نايم البارح بس وعدني يكون معي أبوي مايخلف بوعده قالي محد بيسلمني لزوجي غيره هومامات يبي يختبر غلاته وقامت تبكي بهستيريا أبوي مامات ماماااااااااااات
جات دلال وعيالها
ملاك راحت على طول ترمي نفسها على جدها: يبه يبه لاتروح قوم يبه أنا جايه أشكيلك نواف عشان ترجع حقي منه يبه ياسندنا ليه بتخلينا يبه أرجع يبه
أنت ماترضى علي حد يزعلني يبه تكفى لاتروح
ليالي : يا ابوى ياحبيبى تركتنى لمين بعدك للناس ولا للدنيا تعلمنى كيف اعيش بدونك آآآآآه
#..أبسألك يا أرض وين الحبايب..
وين الذي في صمت تحتك حويتيه..#
#..ما قدروا عبرات عيني صبايب..
تعاونوا في شق قبرن يواريه..#
#..في ليلة ظلمى هواها هبايب..
قالوا تعجل بالدفن لاتوانيه..#
#..وهالوا على لحده رمال وترايب..
واخفوه عن عين تحبه وترجيه..#
#..وقت الوداع ادركت انه سبايب..
وانك لقربه يالمنيه هويتيه..#
#..ربي تسخر فوق قبره سحايب..
وديما ترشرش فوق قبره وترويه..#
#..رجعت أنا للدار آيب وتايب..
كلي أمل بالدار حزني تنسيه..#
#..الدار صارت من بعد موته خرايب..
كل الزوايا تذكره ،، ثم تبكيه..#
#..يادار لاتبكين يكفي نحايب..
أول كبير الهم واليوم زدتيه..#
#..ترى البكا يادار ماهوب جايب..
ذاك الحبيب ولاهو من الموت محييه..#
#..ماهو خليلي لكن أهواه شايب..
ولو هي مسابق بالغلا ماحدن يباريه..#
#..أغليه واغلاه كل القرايب..
يدعون له بالخير لا حل طاريه..#
مرت ثلاث أيام العزى والنفسيه تعبانه من صغير العايله لكبيرهم خصوصآ أن المرحوم كان قريب أكثر شي إلى أحفاده رغد ملاك أسيل لأنه يحب يجلس يحكي معهم وينصحهم وتعلقو فيه كثير أما شهد وليالي بنته دايمآ بعيدين عن كل شي حتى شهد أمها ماتشوفها كثر ليالي
%%%%%
فيصل أخذها فرصه يتأسف لأبوه عاللي سواه وقلب الأب مايقسى على عياله مهما صار من أول ماجا فيصل وباس إيده ورأسه على طول حن قلبه له ونسى اللي صار
وراح لأخته غرفتها:
ملاك: تفضل
فيصل أول مادخل ملاك خافت وصارت ترتجف
جا فيصل يمثل الندم منزل راسه بحزن وحضن أخته وباسها على راسها: سامحيني ياختي حقك علي أنا غلطت بحقك
ملاك ماصدقت خبر حضنت أخوها اللي أفتقدته من أول زواجه حست أن فيصل الحنون رجع :مسموح ياخوي أهم شي ترجع لنا
فيصل: صدقيني أني ندمان كانت لحظة غضب وأنا جاي أتأسف لك تسامحيني
ملاك تبتسم له: ومين قال أني زعلانه أزعل من الدنيا ومازعل منك
#..أحبك لو تجافيني ..
على كل الخطا مسامح..#
#..أحبك يا نظر عيني ورضاك ألزم..#
#.. ولكني فقير الحظ ..#
نواف من عرف بوفاة جد ملاك أتصل عليها وحاكاها ولازال يصر على أن ملاك الغلطانه أما ملاك ماناقشته لأن نفسيتها تعبانه من وفاة جدها ورضخت للأمر الواقع لأن عرفت أنه مستحيل يعترف بخطأه وكلت أمرها لله وحاولت تنسى الموضوع عشان حبها الكبير له
%%%%%
|