[ROY..!]

...

..

المقــــدمـه..



صدفه جعلتك قدراً..

الرياض..

الـ3 ظهراً..



تقف في الشارع تحت أشعة الشمس الحارة تنظر الى سيارتهم المتعطله بسبب أرتفاع في درجة الحراره..لسوء الحظ سائقهم قدم حديثاً للسعوديه.. تنتظر سياره الأجره لتقلهم الى المنزل.. أقبلت سياره بيضاء يقودها شاب سعودي...اشارت له ياسمين بيديها..

توقف السائق السعودي..



ياسمين: كريم..؟

عبد الكريم: ايه..

ياسمين ركبت الساره وأشارت لسائقهم ان يركب في المرتبه الاماميه.. : وصلني حي الـ ***

امسكتب بهاتفها وأتصلت على ابيها: هلا يبه.. خلاص ركبت انا وعمران مع تاكسي كريم وهذاني راجعه البيت والسياره بمكانها..

سكتت قليلاً ثم أردفت: ايه الله يطول بعمرك لاتشيل هم.. الله يخليك مع السلامه..

عبد الكريم: اختي في سوء تفاهم انا مو تاكسي كريم لكن راح اوصلك للحي حقكم ولا يهمك..

ياسمين بخوف: شلون..! معليش نزلني ولا راح اتصل على الشرطه..

عبد الكريم: اختي ماراح يجي مني لك ضرر.. انا ولد بلد واخاف ربي.. وهذانا قربنا لمنطقتكم لو راح اسوي لك شي كان ماجبتك لمنطقتكم كان خطفتك برا الرياض..

ياسمين : اجل ليش وقفت لي وقلت انك من تاكسي كريم..!!

عبد الكريم بضحكه: انتي اشرتي لي ووقفت..

ياسمين بنرفزه: وليش قلت انك مع شركة تاكسي كريم..؟

عبد الكريم : انتي سالتيني قلتي كريم ورديت ايه لان اسمي عبد الكريم..

ياسمين : تستهبل على راسي.. وقف وقف نزلني..

عبد الكريم ببراءه : والله اسمي عبد الكريم

بذلك الوقت وصلوا الى الحي الذي تقطن به ياسمين ..

عبد الكريم : وين اروح الحين..؟

ياسمين : امشي لين المسجد الابيض ادخل من بعده يمين ثالث بيت على يدك اليسار..

اكملت : كم حسابك..؟

عبد الكريم : عيب عليك اختي حنا اولاد بلد..

ياسمين : عمران انزل.. شكرا لك اخوي.. حطيت لك كرت العمل حقي على المرتبه .. لو احتجت في يوم نرد المعروف هذا لك ماراح نقصر..

نزلت ودخلت بيتهم..

امسك عبد الكريم جواله بعدما ذهب .. فتح برنامج الواتس اب على محادثه لصديق دربه منصور سجل له مقطع صوتيا.. ( منصور فاتك صار لي موقف مع مزززه ورقمتني بعد.. شكل اخوك جايه له ايام بيضاء هههههههههههههههههه)



دخلت ياسمين.. قابلت اختها لجين ..

ياسمين : لجين بموت اليوم كله نحس من اوله لاخره.. تخيلي طلعت من الشغل خربت السياره بـنص الشارع وعمران زي الجدار واقف يناظر فيني مايعرف يتصرف .. كلمت ابوي طلع واصل للمطار مايمديه يرجع.. قال لي اطلبي تاكسي كريم طلبت وجاني مسج ان التاكسي وصل وان سيارته بيضاء تمام.. وقفت سياره سالت السواق انت كريم قال ايه الحقير.. طلع واحد يطقيق علي يقول انا اسمي عبد الكريم ..

لجين : شوفي الحقاره لوين وصلت..وانتي بعد فاهيه ماقريتي وشو لون السياره ورقم لوحتها...

ياسمين : من الحر ماركزت قريت سياره بيضاء وانخرشت يوم شفت سيارته مقبله علينا..

لجين : طيب وش صار..

ياسمين: ابد والله وصلني لين البيت ولا اخذ فلوس وتركت له بطاقه الشغل حقتي قلت لو تحتاج خدمه..

لجين بعصبيه: تستهبلين..!! تاركه للرجال رقمك بعد.. متخلفه انتي ولا وين عقلك..؟

ياسمين : لاتصرخين تركت رقم الدوام..

لجين : حتى ولو..غلط اللي سويتيه .. لاتقولين لاحد الموقف هذا ابد.. اسكتي واستري على نفسك..

ياسمين : اكيد طبعا..

لجين : وسيارتنا وينها الحين..؟

ياسمين : شركة الصيانه راح ياخذونها للتصليح..




..~
عيناكِ غابتا نخيلٍ ساعةَ السحَرْ.. ، .

https://www.rewity.com/forum/t374283.html#post12195269
..~


..