صباح الورد رانو
كل عام وانتى بخير
اولا فى بداية التعليق على الفصل .. احب اهنيكى على مقدمة كل فصل رانو .. بيكون جزء ليس حدث ولكنه من صميم الاحداث بطريقة فلسفية مقنعة توضح حقائق فى النفس البشرية بالفعل ... وده شفته معاكى فى جراح لن تندمل ولافا وبجد انتى مميزة دائما بالجزء ده وبقيت فى بداية كل فصل انتظر قراءته
وصفك كان دقيق جدا رانو للمكان المستودع المهجور .. والحوار اللى وضعتى فيه الاحتمالات ونفيها .. قد يكون لص او تاجر رقيق وانتى وضحت ان الاجابة لا .. لذلك الان نتسائل ما الشئ المهم الذى مع ليسى لتختطف ؟!
وبعدين عرفنا طريقة سلفانو الخبيثة ليجعل لافا وكيارا يتنازلوا
دريجو بقا وغضب دريجو كان مفاجأتى النهارده ... ايه الرجولة دى يا بنى ... وانا افتكرت ملكش غير فى الهزار وتعويض التماسيح 😂😂😂
بجد وصفك لحالة دريجو خلانى اشوف المشهد .. حتى الحوار كان رائع رانو
وصفك للاحداث كان دقيق جدا وممتع وكأنى شايفة المشهد ادامى ... وطريقة الانقاذ باستخدام تطبيق الموبايل كانت طريقة تحفة مقرتهاش قبل كده .. ليكى السبق رانو
عجبتنى اوى جملة تتحكم فينا قوانين الفيزياء ... يااااه ايام ثانوى دى 😂
يا ترى ايه الحل اللى وجدوا ادامو فى الورق
لااااا ... صفحتين كمان زيادة بقا ... لسه حستنى على القفلة دى .. طب سربيلى حته .. وجد ايه ها 😂😂😂
لا بس ايه مورانو طلع بطل المواقف الصعبة .. الواد دخل بقلب جامد وضرب التانى على راسه وانقذ البت .. ااااه يانى 😂😂
فصل ممتع كعادتك .. والرواية دى بالذات فيها اثارة مختلفة بحبها اوى
بس بردو وحشنى خالد وريفى وتاااااااج وشقاوة تاج ومصايب تاج 😍😍😍
مستنياهم على نااار
كل سنة وانتى طيبة رانو
وربنا يوفقك اولادك يا رب فى امتحاناتهم .. ان شاء الله الفصل الجاى تفرحينا معاه بالنتيجة الجميلة 💗💗 |